60kg火星人's Profile

今次試咗幾款唔同嘅肉同海鮮，整體都OK，冇伏，食得幾滿足。最後仲有雪糕食，算係一個唔錯嘅收尾。 美國橫膈膜肉橫膈膜肉幾好咬，唔會太韌，燒到少少焦好香口。點埋佢哋個醬汁仲好味，值得試吓。 美國牛肩肉牛肩肉肉味幾濃，肥膏唔算多，但燒完都唔會鞋。簡單落啲鹽已經好好食，鍾意原汁原味嘅人應該會鍾意。 美國牛板腱牛板腱中間有條筋，食落幾有咬口，但唔會太硬。燒得好嘅話仲有肉汁，點啲辣椒醬仲開胃。 美國牛仔骨牛仔骨甜甜哋幾好味，肉質都算淋。雖然要啃骨有啲麻煩，但味道真係唔錯。 牛仔柳扒呢塊肉比較瘦，但燒到五成熟都幾嫩。冇乜筋，食落好方便，啱晒怕肥嘅人。 豬頸肉豬頸肉肥瘦適中，燒到脆皮最正。點辣醬或者包生菜食都得，風味十足。 帶子帶子幾新鮮，煎到外脆內軟。味道清甜，加少少檸檬汁仲正，海鮮控必試。 帆立貝帆立貝幾大粒，燒完之後彈牙得嚟唔會老。蒜蓉牛油好夾，完全冇腥味。 炸雞炸雞皮脆肉嫩，調味剛剛好，唔會太鹹。記住要趁熱食，凍咗就冇咁好食。 炸豆腐豆腐外脆內軟，豆味好香。點豉油或者甜辣醬都得，可以平衡返其他肉類嘅油膩感。 甜品：維記雪糕（雲呢拿味、芋頭味）雲呢拿味就係經典嘅雲呢拿雪糕，奶味幾香。芋頭味有淡淡芋香，兩款都唔會太甜，食完燒肉食啱晒。 …Read More

粉嶺站嘅「西樹泡芙」又有新嘢😍朱古力格拉斯慕思泡芙d cream口感幾濃厚，但係又做到甜而不膩，面頭嘅朱古力淋漿幾靚🤭打卡幾好睇😁芒果乳酪泡芙食落感覺比較清新，芒果果香突出，乳酪滑溜細膩，酸甜平衡，特別適合夏天食😁令人忍唔住一啖接一啖。日式綠茶牛奶布甸泡芙口感柔和細緻，綠茶味香濃得嚟帶點回甘，夾住奶香布甸，口感層次豐富，有啲日式甜品嘅精緻感。每次幫襯西樹泡芙佢都keep到高水準，價錢又大眾化 ，同埋好多火車站都有分店，好方便就買到👍🏻就算而家夏天好熱，買泡芙店員都會俾個小小嘅冰包，keep返住甜品嘅溫度，拎到返屋企都唔會變壞👍🏻…Read More

佐敦呢間龍亭鐵板燒Omakase，大大塊嘅招牌掛係門口，吸引咗我地嘅眼球，膽粗粗入去試下。估唔到咁早，已經有幾枱客人喇～餐廳主要有兩個套餐：入門廚師發板套餐（五道菜）$588；拳節廚師發板套餐（七道菜）$788。睇豐富程度，我哋揀咗$788 呢個餐。Daily Salad （招牌沙律 ）：三文魚包住沙律菜，下面仲有啲黑醋，令到個胃都醒一醒～仲有一粒超甜嘅車厘茄，旁邊仲有一粒龍珠果。Appetizer（前菜）：魚子醬溫泉蛋新鮮嘅雞蛋，配合白松露同魚子醬，將佢哋混和喺一齊，估唔到出奇嘅配合。Teppanyaki Seafood (2 Types) （鐵板海鮮兩品）：大扇貝加鮑魚：大大隻既扇貝加埋蝶豆花汁，令鮮味提升，鮑魚上邊有啲蒜蓉粒，令口感更上一層樓。東星斑加帶子：侍應同我哋講條魚係野生東星斑，估唔到肉質真係較為肥美鮮嫩，而帶子有黑松露Australian Beef Terderloin Steek Cube （澳洲牛柳粒）：牛柳粒肉質軟腍；蒜片香脆，配角都變成主角！Tofu Noodle Soup（昆布豆腐白麵豉湯）：海帶加豆腐，豆腐切到好幼細，同埋啲豆腐好滑。Black Truffle Fried Rice With Seafood（黑松露海鮮炒飯）：好香嘅黑松露嘅香味，仲有幾粒魚籽。炒飯好乾身，粒粒分明。Dessert （時日甜品）：柚子雪糕，紫薯雪糕：柚子雪糕有驚喜，柚子香味好重，推介！麒麟一番生啤$88（買二送一）：而家做緊優惠買二送一，可惜因為要揸車，朋友唔飲得，叫唔到咁多杯飲…Read More

今日去北角搵食！🥰🥰今日天氣真係太熱太熱🤒所以一入店舖就二話不說嗌幾個涼拌小菜～叫咗招牌嘅三皇盤，估唔到炯記雖然賣燒味為主，但原來小食都好高質。三皇盤即係雞腎+雲耳+鳳爪，酸辣又開胃～第二個小食係麻辣手撕雞，手撕雞係佢哋招牌菜，份量都幾多，食落口好食得嚟又啖啖肉。每一條雞肉絲都充滿著麻辣醬汁嘅精華，惹味得嚟又唔會食到個人熱辣辣😝搞到我地都可以愈食愈多嘢～跟住上枱嘅係燒鵝撈麵，鵝油撈麵色澤勻稱，入口具鹹香口味，配上具有少許脆皮而肉質嫩滑的燒鵝簡直是絕配。最後我地決定叫多一個小食作結。就係海蜇醺蹄，海蜇爽口得嚟，索滿酸甜涼拌汁。而醺蹄食落口好食得嚟又啖啖肉。眼看而家市面上海蜇醺蹄買少見少，有時一碟仲貴過燒味，而炯記呢度$40就食到咁有水準嘅海蜇醺蹄小食，真係超抵食，極度推介！…Read More

入門八道菜廚師發辦套餐$688沙律煙三文魚沙律：將醋打成泡沫，浸釀著煙三文魚，酸酸的口感，特別醒胃，也開始著這場廚師發辦的序幕。前菜梅酒冰鎮鮑魚：鮑魚上貼上金光閃閃的金箔，加添貴仍；上台前鮑魚已經切粒，不會黏住鮑魚殼，減少開切的麻煩；因為鮑魚用梅酒浸醃，每咬一口鮑魚，梅酒味由鮑魚內心滲出，鮑魚下亦有昆布，昆布沾上梅酒，帶出一絲絲的梅酒香。鐵板海鮮兩品黑松露扇貝、南非孔雀鮑魚：鐵板海鮮由廚師即場炮製，可以見到廚師的功架。黑松露扇貝：黑松露香濃，扇貝非常新鮮，兩者配合得天衣無縫；南非孔雀鮑魚：大量蒜蓉鋪滿鮑魚，鮑魚爽口彈牙。鐵板肉類一品牛柳：主廚會詢問生熟程度，今次要求五成熟，上枱時廚師已經把牛柳切開，大小剛剛好一口就可吃，牛柳肉質嫩滑。炒飯每一粒飯都好分明，唔會太淋亦唔會太乾，軟硬程度剛剛好，而且仲用珍珠米。…Read More

喺OpenRice 見到呢間餐廳喺荃灣區有好多好評 ，環境同食物個方面都好適合兩個人嚟撐枱腳，所以今晚就選擇嚟呢度食飯🫶🏻煙三文魚凱撒沙律$138煙三文魚入口新鮮😋smoke個味都好突出☺️配搭清新嘅凱撒沙律夠晒開胃😝重量級芝士薄餅$158呢個pizza 未入口都已經聞到好重芝士味😙重度芝士控必試🫶🏻夠晒重口味🤭 軟滑芝士加上薄脆pizza 底 每一啖都有雙重口感😙蘋果木燒牛肋骨 $328呢個main course 除左打卡一流之外🫶🏻味道都非常唔錯☺️食之前個侍應，係我地面前淋左啲酒（事後問返個侍應，啲酒原來係榛子冧酒），仲用啲火彈一彈😂成舊肉慢慢再燒起上來）廚師仲話呢個牛肋骨用左18小時慢煮，所以啲肉好嫩滑，仲係好粉紅色，入到口果然好軟腍，d肉仲好容易就起到出嚟👻😆廚師果然無推介錯👍🏻蘋果金寶配雲呢拿雪糕$78雲呢拿雪糕非常香滑，奶味夠重😋蘋果金寶甜而不膩☺️再加上少少士多啤梨同藍莓做點綴🍓成件事好睇又好食🥰…Read More

炯記二人餐就食得多，今次的起心肝試埋最出名的煙燻燒鵝，指定要多肉啲嘅下莊（指定上/下莊要加10蚊），我地三個人食，叫個例牌都食得非常滿足！148蚊皮光肉滑，真係好耐無食燒味食得咁滿足！皮脆不在話下，肉都相當厚實有鵝味，肥瘦適足，三個人食真係啱啱好，兩個人可能都要打包返屋企。主食方面要咗冬菇豬手撈麵（54）同胡椒豬肚雞米線（68）。炯記除咗燒味之外，豬手都燜得好淋又厚肉充滿骨膠原，所以味道黎講我地都鍾意豬手多過其他肉，畢竟咁好食嘅豬手唔係周圍有。胡椒豬肚雞米線好似係新野，我覺得胡椒味都重嘅，不過酸菜味更加重，其實呢個應該係酸菜胡椒豬肚雞米線先真，鍾意酸菜又想食野暖身嘅可以一試。…Read More

嚟到大角咀嘅港灣豪庭搵食，商場唔算大。喺街鋪搵到間叫海灣茶居嘅點心店，下午茶時段啲點心平均都係十幾二十蚊 ，決定試吓有冇伏。◻️港灣柴魚魚肚粥口感綿滑，一路食會食到柴魚同魚肚，但魚肚唔算好多，但呢個價錢嚟講食完有飽肚嘅感覺，唔錯。◻️黑松露北菇燒賣皇(2粒)月滿晶瑩蝦餃皇(2粒)因為我平時都唔食茶樓嘅蝦餃燒賣，但朋友好想食，所以每樣點左兩粒，睇得出呢度嘅選擇好彈性，蝦餃皮薄餡靚，燒賣加埋黑松露都幾特別。◻️櫻花蝦蘿蔔絲酥全餐飯最滿意嘅點心，嚟到嘅時候溫度微暖，蘿蔔絲刨得好幼，好鬆脆😋◻️香煎蘿蔔糕蘿蔔糕煎得幾香脆，口感唔鬆散，$18/3件性價比極高！◻️車仔腸粉大大碟腸粉都係$15，四種醬汁任君選擇，配埋柴魚粥食其實幾抵同清淡。◻️大良薑汁雙皮奶10幾蚊碗性價比好高，但面頭冇預期中嗰層奶皮，味道唔錯，呢個價錢嚟講收貨！整體嚟講呢間點心店都真係好抵食，環境比較幽靜，適合同朋友飲茶慢慢吹水。…Read More

今日收工經過熊貓酒店🏨呀媽話親戚黎屋企食飯叫我斬料🧐 好彩比我見到對面街有呢間炯記！小店裝修雖然簡陋，但食物質素唔錯喎！😙仲做緊外賣大優惠😌 加餸斬料一流呀！我買左半斤叉燒😉 半斤燒肉蜜汁叉燒果然食到小朋友係咁添飯！🤪 叉燒半肥瘦，小小燶邊，大人都食到舐舐脷😝叉燒汁用黎撈埋飯，真係多多飯都唔夠食ha ha!! 燒肉最基本皮脆就唔洗講啦😉 肉質唔實，小小脂肪分布比例岩岩好！😎 加上員工工作效率快，落單一陣已經拎得！👏🏻…Read More

蒜香辣椒蕃茄大蝦配蒜蓉多士 $58非常香濃嘅蒜蓉味搽滿咗多士上面，旁邊有啲酸酸甜甜嘅蕃茄醬，加埋啲蒜蓉多士喺上面，都好惹味。啲大蝦都真係幾大隻，而且都好入味，呢碟嘢好似有六隻大蝦，都算抵食。紫薯鮮奶 $32熱飲的話份量有分大同細，我地要左一細杯來試試。一杯小小既熱飲，好適合咁凍嘅天時暖一暖個身。而紫薯鮮奶，紫薯味充足，而且好適合打卡，紫紫的～青瓜抹茶沙冰 $48同個朋友講笑話要呢杯飲品，去完廁所返嚟估唔到佢真係幫我點咗呢杯飲品……但估唔到出奇嘅好飲，口感清新，同綠茶好夾，唔會太甜，非常驚喜！宇治金時心太軟配豆腐雪糕 $64將個心太軟切開，啲綠茶朱古力醬已經急不及待咁湧出嚟，啲朱古力甜而不膩，而且唔會有綠茶嘅苦澀味。將啲豆腐雪糕加埋心太軟度食，一冷一熱，非常配合。宇治抹茶黑芝麻梳乎厘班戟 $104賣相非常之吸引，送到上枱嘅時候兩層疏乎厘郁吓郁吓，動L動L，疏乎厘入口即溶，充滿蛋香味，非常之好味！…Read More

一人餐嘅燒肉店坊間都有好多大型連鎖嘅韓式燒肉店，往往要付出較高嘅價錢，先可以自助不斷食燒肉嘅放題，但呢間燒肉店，破舊立新，設一人餐嘅燒肉，按份量而收費，口痕痕都可以過嚟試吓，唔使俾咁多錢去大型連鎖店。醬汁都唔失禮，都有五款醬汁比客人選擇。而且仲有黑椒同鹽，而且設計都好窩心，唔使客人扭嚟扭去，喺黑椒同鹽個樽頂度按一按，黑椒同鹽就會跌出黎，非常方便。個人比較喜歡用嗰樽蒜蓉醬，所有嘅牛肉都岩用。牛小排套餐（牛小排200g）$118份量好足夠，唔會偷工減料，而且油花分布均勻。麵豉湯(碗）一番玉子飯（碗）+$15想特別一提呢個一番玉子飯，呢個玉子飯，除咗雞蛋之外，仲有紫菜同埋木魚，而且份量都唔少，將佢哋撈埋一齊食，都已經好香口。牛肉三食套餐（牛肉三食300g）$168（牛舌、牛小排、牛頸肉）麵豉湯（碗）紫菜飯（碗）$8我改佢個名叫做：鎮店三食套餐，呢個餐可以五款肉類揀三款（牛五花、牛舌、牛小排、牛頸肉、牛板腱），每樣各有100g，都其實幾抵食。追加+一口牛小排150g $88一口牛小排，肉質嫩滑，真心值得推介，不過燒起上嚟就費時少少，因為佢有六面，真係要慢慢燒，吉列蠔(二本） $18吉列蠔都十分推介，相信每次都係即叫即炸，所以送上枱都好熱，我仲好唔小心，打開嘅時候盪親條脷仔。蟹籽沙律（一客） $25正正常常，不過不失，但係份量可以再大碗啲😂…Read More

上一次來這間餐廳，已經相隔大約九個月，今晚再次品嚐餐廳的晚餐。今晚點了一個set dinner。TOGETHER SPECIAL SET DINNER FOR 2精選二人晚餐：精選餐湯及餐包：餐湯是蘑菇忌廉湯，將大量蘑菇整成蓉，啖啖都有蘑菇肉，成個湯充滿口感，亦打開今餐晚餐的序幕。小食拼盤：（炸魷魚圈、炸洋蔥圈、炸水牛芝士、牛肉串）小食拼盤，滿足每個人都想每樣食少少的心態，每樣東西食少少，又不會太膩，是一個不錯的選擇。這裡想讚讚炸魷魚圈，剛剛好，不會太韌，肉質彈牙，可惜只有兩件…另外牛肉串也很出色，肉質鮮嫩。香炸單骨雞翼：窩心地將雞翼切開一半，不會令女生食起來盡失儀態，配合餐廳特製辣醬，食起來好惹味。蟹肉蟹膏意大利飯：今餐的主角，每粒意大利飯都被蟹肉蟹膏包裹著，將它們與蟹籽粒拌勻，令每一啖都充滿蟹肉蟹膏的香味和蟹籽粒在口中爆炸，非常味美。香煎海鱸配意大利香草醬：鱸魚肉質爽口彈牙，一點也不腥，另外伴碟的小蕃茄，也好甜。是日甜品：甜品又是另一高潮。濃郁的橙香已經將我的味蕾打敗，本來已經很飽，但都要將整份切餅放入口中，這個甜品，實在太霸道了。…Read More

蝦膏蟹肉車厘茄扁意粉（$168）啲意粉拎出嚟已經聞到一帶陣蝦膏嘅味道，同埋啲蟹肉已經滅碎咗，唔使辛苦我哋拆開佢啲肉嚟食，而且好大陣蒜香味，唔好睇佢細細碟咁，都足夠兩個人食。M5 和牛肉眼扒(12oz)（$368）12安士大大塊嘅牛扒，加埋西蘭花同埋薯角。一個人食真係略嫌大塊😂M5和牛肉，今次試咗五成熟，肉質鮮嫩，唔會好韌，好Juice😍炸魚薯條（$98）魚塊雖然炸過，但係肉質仲係好鮮嫩，應該唔係雪藏魚柳😂而且好彈牙薯條唔會太乾，即叫即炸，拎出嚟仲係好脆口。…Read More

近年古祖蛋糕喺香港都好流行，開到成行成市，今日喺上水廣場經過呢間古祖蛋糕店，聞到一帶陣蛋糕嘅香味，令我停一停腳步，最後又洗咗錢買咗兩個蛋糕食😂香濃拉絲芝士（$88）打開個包裝，啲芝士嘅香味已經漂出嚟，蛋糕入面嘅芝士喺蛋糕邊度唧晒出嚟😂切蛋糕嗰陣時，完全感覺到個蛋糕好鬆軟，切開之後見到啲芝士粒喺蛋糕入邊。雖然有好多嘅芝士，但係食落都唔會覺得好流。淡香紫芋（$88）雖然佢寫住淡香，但係拎出嚟切嘅時候，一陣陣嘅紫薯香味都已經傳出嚟，食落口又唔會好甜，如果有埋啲紫薯粒粒應該會仲好味😋…Read More

今日去親戚屋企食飯，去咗佢屋企樓下買斬料加餸。可能係收工時間，呢間燒味舖好多人排隊，之前都試過去其他分店啲燒味，都好出色，所以排埋一份，買返少少燒味一齊去佢屋企度食。至尊燒鵝（上庄）一打開個盒，啲鵝嘅香味已經傳出黎，鵝嘅肉質嫩滑，再點埋佢嗰啲酸梅醬，咁嘅食法配搭真係天衣無縫。燒味佬叉燒叉燒半肥瘦，有好嘢唔怕一講再講，佢呢間啲叉燒汁係另外放開，食之前再倒落去，唔會搞到啲叉燒太鹹。客家鹽焗雞啲鹽焗雞好入味，肉質好嫩滑，完全唔鞋口。泰式鳳爪拼海蜇泰式鳳爪好入味，而且係無骨，小朋友最愛，最遺憾嘅係海蜇有啲少買咗咁多嘢都係大約二百零蚊，都夠八個人食，絕對抵食！…Read More