燒味滷師 (大廈街)

Open Now

Now Closed

今日去親戚屋企食飯，去咗佢屋企樓下買斬料加餸。可能係收工時間，呢間燒味舖好多人排隊，之前都試過去其他分店啲燒味，都好出色，所以排埋一份，買返少少燒味一齊去佢屋企度食。至尊燒鵝（上庄）一打開個盒，啲鵝嘅香味已經傳出黎，鵝嘅肉質嫩滑，再點埋佢嗰啲酸梅醬，咁嘅食法配搭真係天衣無縫。燒味佬叉燒叉燒半肥瘦，有好嘢唔怕一講再講，佢呢間啲叉燒汁係另外放開，食之前再倒落去，唔會搞到啲叉燒太鹹。客家鹽焗雞啲鹽焗雞好入味，肉質好嫩滑，完全唔鞋口。泰式鳳爪拼海蜇泰式鳳爪好入味，而且係無骨，小朋友最愛，最遺憾嘅係海蜇有啲少買咗咁多嘢都係大約二百零蚊，都夠八個人食，絕對抵食！