Ivy包包's Profile

上個月 9 號，親戚話俾我屋企人聽依度新開左間酒樓。所以趁我放假決定一家人去試下。點知一去無回頭。首先.....傳菜員一推架車埋黎，寫住枱號果張單痴住左係其中一舊「紅米腸」上面，果個傳菜員喺咁大力咁扯張單，我地見到即時叫佢停手。跟住我屋企人用對筷子將張單連紅米腸一齊夾開。而個傳菜員連講唔好意思都冇就走左。成碟完全冇味道，中間放咗啲春卷捲喺中間。但係連咸味都冇。呢個簡直係我咁耐以黎食過嘅最難食燒賣。燒賣入邊一食蝦都冇，竟然全部都係蝦膠。完全係👎👎。雲吞有 6 隻，味道好淡。不過就有好多西生菜。呢個簡直係史上最恐怖。一開出來都同普通無分別。但當你一食落口就知中伏。入邊 D 材料同埋汁食落非常「痴牙」。成碟野完全冇鑊氣，無味道，咸味都冇…Read More

中秋節正日，約咗親戚共 12 人，喺黃大仙現崇山商場「客滿庭」預先訂咗「貴賓廳全包宴 ~ 月下花前宴 $6988」。仲包左一支紅酒，啤酒、汽水各 6 罐。有間獨立嘅貴賓廳，可以提早來打麻雀，仲有得唱卡拉 OK乳豬皮非常脆，味道非常香。芝士味夠濃郁，澳洲龍蝦非常新鮮，份量非常充足。珊瑚蚌同墨魚片都非常爽口，西蘭花好新鮮。鳳尾蝦非常新鮮，而且炸得非常香脆。份量十足，而且淡淡都有花膠同埋蟹肉，Very Good！條魚非常新鮮，完全無腥味。獻汁調教得好適中，鮑魚同玉掌口感雞皮香脆，雞味濃。成碟飯冇咩味道，連咸味都冇份量不算太多，而且 D 麵好碎紅豆沙煲到起晒沙湯圓好滑，入面係芝麻餡。壽包入邊係蓮蓉餡，味道好香…Read More

上個月 17 號，見到屋企附近商場「元點」，新開左間酒樓，於是一家人去試下。當日我要返工，所以屋企人就我飲早茶。早茶時段......有張特價點心紙由點餐到上菜，足足等左30分鐘以上。【唔係淨係我一枱，係每一枱都係咁】蝦肉新鮮，不過入邊有大量肥豬肉。完全係凍嘅，食落去完全冇任何味道。材料得野菜、火腿、紅蘿蔔，但係都係無味嘅，連咸味都冇。蠔豉切到極細粒，而且一 D 蠔豉味都冇。完全唔熱。得少少咸味。個皮太，用筷子一夾就爛，入面豬肉還可以。D 飯太「林」，冇咩味道。鳳爪同排骨都係雪藏嘅。一啲薑汁味都冇，成個包完全無任何味道。完全凍冰冰嘅，成碟嘢完全冇味。腸粉上面有甜醬同麻醬，但係加埋一齊食都係極差。…Read More

全間食肆內完全冇冷氣。成間舖都好熱，好焗，非常趕客。佪個客人簡直就一邊食，一邊出曬汗。不論你係任何時間去光顧，情況都係一樣。而且店內員工不論水吧、樓面服務態度都非常差，而且樓面負責收拾客人托盤嘅員工，個個都速度緩慢。…Read More

上個月 27 號同屋企人一齊去西鐵元朗站彩晶軒飲茶，見佢早排啱啱新裝修完，所以去試下.......裝修完之後同之前無太大分別，只係覺得個洗手間乾淨咗。四張點心紙同之前差唔多蝦餃皮太薄，一夾就爛，蝦肉還算新鮮。味道不錯，雞肉新鮮，芋頭都夠「粉」。味道👌，不過油份比較多，食完之後，碟低全部都係油。好有懷舊風味宜家好多間酒樓都做唔到依個味道。合桃味濃郁，非常杏仁味都好濃，.s 員工服務態度極差，不論對客人定係員工之間交談，都好大聲，非常嘈炒，而且經常在員工交談中講粗口。…Read More

職員態度惡劣，速度緩慢，門口知客經常沒有佩戴口罩，喺出面等位，見到入邊有大量吉枱，只是入邊職員全部拖慢黎做，變相好多張枱經常客人埋單走咗之後，好耐都未有人收拾。…Read More

上個月 25 號，一家人去咗元朗形點「王子私房菜」飲茶。門口唔算太多人等位，但係企係門口個肥經理好似好緊張咁，經常大聲責罵員工，大聲呼喝員工。連對客人都極大聲，極冇禮貌。D 蝦🦐「死死實實」，完全冇蝦味，好明顯係「雪藏蝦」。成碟野味道好淡，冇咩味道。份量極少，收人咁嘅價錢，完全係搵笨。味道係咁多樣稍為最好嘅，啲蝦食得出係「新鮮蝦」，而腸粉皮都還可以。個皮太薄冇乜口感，其餘菜同蝦都還可以。叫得陳皮牛肉球，就應該要有「陳皮」香味，但係佢係完全冇嘅。P.S. 【溫馨提示】一入到去，職員會比碟小食客人，係一碟番石榴，如果唔想要嘅話，記得同職員講，並且叫佢拎走。如果唔係就會收小食費 $18/碟。同埋埋單果時記得 Check 多次職員有冇減番。（因為本人之前試過職員想照收）…Read More

大年初三（12號），要同親戚朋友中午去咗荃灣 8 咪半「海港」飲茶，順便新年約出來聚一聚。新年酒樓亦都有賀年點心，而我地亦都有叫黎試呀！味道一般，不過不失。蝦餃皮還可以，蝦肉尚算新鮮。包皮味道麻麻。甜味，軟度適中。薄到好似張紙咁，D 櫻花蝦唔知去晒邊，而且完全咩嘢味道都冇。係果日嘅點心稍為好少少嘅，味道還可以。外觀已經唔掂，另外完全沒有任何味道，包括咸味。👆🏿呢兩碟傳菜員放低嘅時候，因為我哋叫咗三碟，所以就問下佢，點知個傳菜員即刻好大反應，好大聲咁講（同時手指指住果兩碟芋絲餅）：「依度咪 3 碟囉！」【態度極為惡劣】食咗啲野之後，我屋企想叫碟菜食下，但係見點心紙上面冇「灼菜」，於是問侍應，點知佢好大力咁指住張點心紙寫住「濃湯浸菜心」嘅位置，呢度咪係囉！其實酒樓員工究竟知唔知咩叫「灼菜」呢？另外.....因為有個親戚要食齋，所以叫左個「羅漢齋炒麵」。味道一般，汁好多。湯過多，伊麵太少，水汪汪咁，冇咩味道。…Read More

上個月 22 號，一家人去左海之戀「彩薈軒」飲茶，見開左咁耐都未試過。點知一試就中伏。話明係「干炒海鮮烏冬」，但係佢一啲都唔係乾炒囉！師傅完全唔識炒，完全唔知咩叫「干炒」，成碟烏冬都好濕，好多汁。點心黎嘅時候，其中兩粒原隻鮑魚已經跌左落黎，外觀已經大打折扣。最離譜嘅就係燒賣入面的全部都係「蝦膠」，完全一啲豬肉都冇。味道一般，蝦餃皮太簿，冇口感。煎到一 D 香味都冇，包入面 D 豬肉好多肥肉。依個非常之離譜，話明係「濃湯鮮蝦雲吞」，但係竟然雲吞入邊同燒賣一樣全部都係「蝦膠」。P.S: 之前飲過咁多間其他嘅酒樓都未試過入面嘅材料咁離譜。…Read More

14 號同媽咪去旺角 MOKO 百樂潮州飲茶，見佢之前裝修完，所以入去試下。點知裝修完所有嘢食、茶錢價錢全部加晒價。但係完全唔值依個價格。味道一般，同普通鮮竹卷沒有太大分別，只是加左羊肚菌，所以就提高價錢。蝦餃皮太薄，沒有口感。只係上面放上西蘭花，蝦餃內加咗露筍，就加價。完全唔值味道一般，同之前分別不大。味道完全唔香，極少肉碎，份量唔算太多。p.s 最離譜係茶位費，收 $22/位，另收加一服務費。簡直離哂大譜。…Read More

今個月 4 號，知道形點開左間新嘅食肆「鵝鹵宮」，諗住係美心集團，唔會太差。所以諗住同媽咪去試下。入到去見裝修都唔錯，但係佢係屬於新派嘅食肆，所以枱面係冇枱布嘅。入到去，由於我哋係只得兩個人，所以門口知客只係安排我地坐 2 人對碰枱，我問佢有冇第二張，例如正方枱，職員話唔可以，因為你只係得兩個人。跟住我心諗：「都算喇！」後來再睇一睇餐牌，原來茶位費收每位 $18，然後要你坐係張好窄嘅二人枱，嘢食都擺唔到，仲一入到去就同你講話只可以坐個半鐘。我地叫咗一碟炒飯，兩籠點心。成碟飯好多油，好細碟。海參尚算可以，但係上面塊豬肉好多肥豬肉。水晶包係成餐飯算稍為好食 D，黃色嘅係蓮餡，紅色係紅豆餡，唔算太甜。p.s：試過一次必定唔會再去…Read More

今個月 6 號…… 同屋企人喺荃灣行街，去咗荃灣愉景新城一粥麵食下午茶。叫咗個「 瑞士雞翼撈公仔麵、熱奶茶」同埋一碟「蔥花炸兩腸」。等咗成 20 分鐘先有嘢食，而且嚟嘅時候，啲嘢食全部都唔熱嘅，連炸兩都係凍冰冰。另外，店內嘅員工態度極為惡劣，個個都好似唔願做咁。瑞士雞翼撈公仔麵：味道極甜，份量極少。蔥花炸兩腸：腸粉同炸兩都係凍冰冰嘅，炸兩極為煙韌，只係得隻白色碟係微暖。結論應該係分店廚師懶，所以已經預先整定好食物，然後放入保溫蒸爐內。…Read More

上個月 17 號…… 因為返工需要，要去太古城做嘢，返工前去咗 Apita 地庫美食廣場 食 lunch。最後揀咗「丸龜製麵」食……買到去職員只顧聊天，叫咗成十次先有人幫你落單，職員仲要完全冇回答，都唔知聽唔聽到。跟住我係咁問佢，佢先好唔鍾意咁樣正你一句:「聽到啦！」嘢食尚算可以，但係唔會再幫襯。今時今日咁嘅服務態度搵鬼食咩。只會一去無回頭。…Read More

上個禮拜六（25 號）…… 同屋企人去咗附近商場形點一間翠園飲茶。入到去，坐咗一陣都冇人埋黎開茶，舉手叫啲綠色衫嘅侍應，就叫極都話：「等陣……轉頭嚟」，不過就轉極都未黎。最後……都係由啲黑色衫嘅經理埋嚟開茶、開位。開咗位之後，我哋見到酒樓新出咗呢個新嘅推廣：加拿大龍蝦 🦞🦞🦞（ 可選擇上湯焗或蒜蓉蒸）而且可以另加 $28 配伊麵或米粉我哋選擇咗「上湯焗加拿大龍蝦」，而且另加配咗伊麵。蘿蔔糕煎得好香，兩邊都有少少燶燶哋，食落去味道好好。糯米好香，入面有 D 肉，配搭得非常好。用咗欖菜同豆豉嚟蒸排骨，味道配搭得好好。p.s：整體嚟講食物係非常好嘅，畀我之前來光顧時更加好。不過……員工服務就有待改善，特別係酒樓樓面淺綠色制服嘅侍應，同埋廚房入面嘅傳菜員，以上兩類員工…… 大部分工作速度極慢，只係帶個驅殼返工。…Read More

元朗形點店門口的女知客態度極為惡劣，明明係自己錯誤，仲要狡辯，同客人爭拗。客人 有三個人，已經拎咗張飛，當號碼叫到那位客人嘅時候，佢竟然同客人講嗰張係二人枱，叫客人等多一張，佢叫下一張飛先。但喺佢叫咗下張飛，帶咗之後個客人嗰陣，帶咗佢去一張細嘅圓枱，而且可以坐四個人嘅。簡直離曬大譜，個知客之前口口聲聲話嗰張係 二人枱， 但係最終其實係一張四人嘅細圓枱，佢身為一個知客，竟然咩叫二人枱都唔知，都唔識得分辨 …Read More