NutyWong's Profile

見電視介紹呢間cafe, 特登買完麻薯去試下。入到去好奇怪，同員工講2位但冇人知我地講野，原來佢間鋪前半截係做蛋糕面包，後半截有幾張台但放晒d貨，之後員工執返好d野俾我地坐，餐牌都唔知幾世無拎過出黎，差d搵唔到。因為員工都集中做整面包，無人招呼的叫野食要行返出去，老細bon坐係隔離都無理我地。野食方面中規中矩，一共好似$100定$89。叫左2粒麻薯加雪糕和一杯咖啡。主角麻薯一般般，熱辣辣的但好實同硬，旁邊的水果就幾好食😂…Read More

見到新開的紅豆餅，好似幾靚，都有幾個人排隊，所以都等左15分鐘左右先有，買左3個味，一共五十幾蚊，都幾貴下...一路等一路睇住佢整，都幾得意，整緊哥陣仲好香蛋香味，等到流晒口水Oreo 奶油奶油好好味，加埋塊士多啤梨oreo，一軟一脆，口感有趣抹茶紅豆外皮有淡淡抹茶香，入面的紅豆不太甜牛奶紅豆麻糬呢個紅豆加左牛奶，所以多左陣牛奶香味，仲無咁乾，中間麻糬軟軟QQ，正3個口味都唔會太甜，重口味的人可能會覺得無咩味，但我覺得剛剛好，個人最愛oreo奶油，價錢就貴左d，試一次就好了…Read More

夜晚想去hea下，呢間hea都ok好坐，野食方面中規中矩，但侍應就好趕客，係咁收走d野，同埋成堆係到傾計叫都唔理。細細杯的熱情果梳打酸酸甜甜，都幾多氣下軟殻蟹沙律，手工啤酒蟹炸得好d燶，沙律醬幾特別，唔怕好滯卡邦尼意粉呢個面就麻麻，好硬同味道一d都唔似卡邦尼烤牛助骨蜜糖醬肉質ok但無咩牛味，配埋蜜糖醬有小小唔夾，墊底的薯角好韌芝士煙肉餅十分推介呢個，芝士味勁濃，批又脆卜卜鹽酥雞味道都好唔錯，食唔停口，有爆多九層塔但九層塔味唔濃，奇怪總括炸物同批都唔錯，其他就麻麻，飲下野/啤酒都可以黎試下…Read More

平安夜黎呢到慶祝，氣氛不錯，先會有一籃面包，好正，兩個人差不多食晒成盤前菜是一個肉卷同煙肉酥餅薄切馬介休配鷹嘴豆、鮮茄沙律清清地的蛋粒加鷹嘴豆，加上少少辣的洋蔥味，下面有4塊馬介休片，很特別薯蓉青菜湯很正宗的湯，上面有3片葡腸，配埋淡淡的青菜薯蓉味，正烤乳豬配脆薯片呢個少少似扎肉的感覺，外皮脆卜卜，下面是濃濃黑椒味的豬肉，一絲一絲一d都唔乾硬，加埋新鮮烤薯片，細細塊，食唔停口焗鴨飯上面有層芝士火腿葡腸，飯質感因為焗左有少少脆脆的感覺，入面有一絲絲的鴨，味道很好聖誕限定 蘋果肉桂大米布丁肉桂味十分香，面頭有d焦糖脆脆，下面是大米布丁，一粒粒糖糖的吉士加大米，口感有趣…Read More

上網睇先知原來漫花燈火同油麻地的慢理牆城閃同一老細，難怪設計上都係隱世但吸晴度爆燈！一入去就好似萬花筒咁，再行入d有好多花花係天花板，真係未食都影爆左部電話～野食方邊行高檔路線，價錢是高價位，野食都不錯，但相比下是食環境多過食物1個前菜，1杯野飲，1個主菜，1個甜品，要大約$750左右羽衣甘藍紅腰豆木瓜沙律羽衣甘藍爽口，紅腰豆木瓜同蕃茄都新鮮，上面有一塊用焦糖燒過的波羅，酸酸甜甜，十分開胃。最特別是用一個「層層疊」的玻璃盒，將配料放在不同層，可以按個人口味加入不同配料。富士山的雲端呢個係雲呢拿牛奶味，要自己將佢混合，倒晒成杯藍色就會見到一個富士山樣，最後加埋幾粒彩色糖就完成啦～白色部分超勁去到勁高都唔跌，但打卡就要快，耐左就會流晒落黎慢煮糓飼180日安格斯牛肩胛呢個大約三百幾蚊，賣相無特別但肉質著實不錯，嫩滑而且有肉味，慢煮的牛肩胛肉生熟度亦啱啱好。潘多拉的盒子呢個是係野莓蛋白撻，但在撻上放上糖膠做的蓋，侍應介紹話要用錘仔打爛糖膠，再與蛋白撻一起食。打爛哥下好好玩好爽，但個撻中間的野莓餡太硬，糖膠其實就無味又硬，所以呢個玩同打卡多過好食。…Read More

4點多去到餐廳，無咩人，有沙發位坐，但坐唔到兔仔櫈😂😂叫左大馬士革玫瑰花茶很濃的玫紅茶，糖同奶可選揀加唔加，我試左加埋舊棉花糖好搞笑，一d都唔夾，飲完可以refill~蜜桃柚子冰茶桃味重，加埋小小柚子的甜，仲有好多粒粒果肉，行完街解渴一流～草莓窩夫一流水準的窩夫，本身以為冬天士多啤梨當造會甜d，但都係酸左d，好彩有大大啖cream同好滑的雪糕，加埋外脆內軟窩夫，味道剛剛好！加十幾蚊仲可加麻糬，下次再試！…Read More

南灣湖有好幾間餐廳，但價錢都係中上價位，想平平地食個下午茶，我會揀去新綠茵，因為有咸也有甜，任君選擇～但甜品好食過飯面。新綠茵出面好多幾張台，涼涼地坐係出面就啱晒，仲可以帶狗狗一齊去食！今次叫左凍的桃花仙子拎返屋企慢慢歎～桃花仙子係我最推介的甜品，滿滿成個椰子都係椰子布甸，桃膠，椰果同椰奶，超邪惡。同埋記得要叫熱嘅，椰子味會香好多！底層係滑嘟嘟的布甸，通常我會整晒出黎撈勻先食，口感更好～QQ的椰果養生桃膠，份量都幾多…Read More

呢間人氣梳乎厘高峰時期無論平日假日午餐下午茶晚餐都要排隊，今次平日晚飯時間7點去，只有一台客人，正呀！提子蘆薈乳酪梳乎厘要等35分鐘先有，不同季節時間會有限定款，今次呢個好特別，提子勁甜，加上一粒粒蘆薈好清新，重點係平時梳乎厘上面會有堆好甜的cream，但佢呢個係乳酪味，酸酸甜甜，成件事好夾，惟一個梳乎厘外層老左小小，同空氣感重的內層不太夾蒜香辣蜆意粉呢個都幾辣下，應該有差不多大半隻小辣椒，蜆有6-7隻左右，無沙吸晒蒜辣味，天使面唔怕太腍卡邦尼意粉好黃的卡邦尼醬，芝士味濃，加上小小黑椒，增加層次感，但略嫌煙肉少左d價錢中等但份量好足，無加一收費，兩個人食到飽飽，滿足～…Read More

位於連勝馬路鄒北記附近的素·茶舍原來並非新開的素食café，早在幾年前在塔石附近開店，一直都無發現真係失策。紫薯latte奶味濃，配上淡淡的紫薯味，仲有好靚嘅紫色～吸晴！提子果醋梳打果醋味不會太濃太酸，好似飲緊提子梳打咁好易入口，飲完喉嚨會feel到有果醋味黑松露芝士野菌薄餅大力推介呢個pizza!第一啖咬落去wow左一聲，勁～濃黑松露味，配埋濃厚芝士，雜菌同香脆批底，食到中間仲有一堆黑松露醬，成口都香氣四溢～～～批底都做得好好，又薄又脆紅菜頭汁意粉本身以為得d汁係紅菜頭, 但原來連條意粉都係由紅菜頭整的， 味道係忌廉芝士味為主，配上紅菜頭感覺好健康同唔會太膩素米紙卷配花生醬呢個就有啲失望啦，米紙好硬，接位一舊舊好硬嘅米紙，要點多啲花生醬就易咬d呢餐$305，價錢算合理，下次想試埋個漢堡同甜品！…Read More

PABLO 迷你芝士撻一共有 3 款口味選擇，包括有抺茶、朱古力和經典原味，可以自由搭配 PABLO 迷你芝士撻的口味，想每樣都試下咁每款口味都各買了兩個。 3款入面特別鐘意經典原味，因為芝士味最濃，每咬一口都是軟綿綿的芝士，再配上脆餅底，感覺幸福。味道是好食但未至於超級好食，因為未係日本食過比較唔到，但相比起香港的半熟工房，呢個就差左小小啦，芝士味唔夠香濃，呢個本身已經唔太流心，一擺耐左個餡會變到好乾。另外仲試左芝士軟雪糕，質地唔係滑個種雪糕，似沙冰哥種，但味道我覺得比芝士撻出色。有時澳門通俾錢有優惠，咁平平地又無咩人排隊就可以一試～…Read More

係海洋公園玩完驚嚇血獄鬼屋都成9點了，是但搵左間餐廳食野，呢間餐廳主打「血獄癲牢」哈囉喂全園祭套餐 ，有老鼠，曱甴，腦漿等暗黑食物，但玩完鬼屋已經嚇死，就頹頹地叫左普通餐，呢個嘅餐包一杯野飲同Haagen dazs雪糕，價錢就200蚊樓下，因為太晏去，好多款餐都賣晒....叫左馬來咖哩雞飯，咕嚕蝦飯，豉油皇四季豆肉崧炒飯。份量都好大碟，味道就普普通通，但最好食係咕嚕蝦球，蝦球勁大粒又彈牙，外面又炸到脆卜卜，加上酸甜汁，開胃醒神！餐飲加$16可以轉特飲雪糕有朱古力/雲里拿揀…Read More

萬聖節的海洋公園有好多限定美食，中午睇完驚嚇血獄節目，當然要食返一萌爆的Line Frends主題美食中和一下嚇破膽的弱小心靈，呢個便當好啱小朋友食，已經色彩繽紛，有營養又健康。大人食都夠晒飽～BROWN & FRIENDS 開心哈囉喂便當 $228呢個價錢係主題樂園食限定套餐我覺唔算太貴。整個便當最特別的是盛滿蔬菜的小南瓜，配上酸酸甜甜的菠蘿咕嚕海鮮，及可愛度爆燈的 SALLY 造型芒果慕絲！而我覺得最有驚喜係個咕嚕海鮮，個咕嚕汁酸味剛剛好，海鮮又有蝦，帶子，青口，每樣兩大粒，加返個炒飯，唔洗15分鐘食清光～但杯野飲就麻麻地，佢話係芒果汁加橙啫哩，但飲落勁淡，又唔似芒果味，啫哩係大菜糕質地，加埋一齊感覺不良好...…Read More

Shroom burger 大大舊炸菇菇加埋芝士夾心，炸到脆卜卜，外脆內軟，芝士一咬爆晒出黎。個包我覺得其實好似港式餐包，軟軟的好香牛油未Shake burger 呢個係經典漢堡包，牛肉唔乾好濃牛味，加左菜同蕃茄，味道剛剛好芝士薯條芝士味巧濃，每一條都有好多芝士，但一定要快d食，因為凍左就稠晒一patpatMike tea shake呢個好正，曬住陽光再飲呢杯野就最啱，但因為叫左太多芝士搞到好滯，所以細食的朋友最好叫個mike tea shake或者芝士薯條叫幾中一樣就好了50/50呢個真係有驚喜，第一啖飲落去是檸檬茶味，心諗原來咁普通，但飲到一半先發現，原來未攪勻，因為無飲管我又唔知佢無要自己攪，所以上半是茶下半是lemonade，但食左咁油膩的野食就最啱…Read More

事隔一年仙氣草地野餐下午茶終於回歸，上次無試到，今次當然要跑去打卡啦！呢個$258蚊嘅afternoon tea set，會放晒係草地上面，有8款食物加一杯好kawaii的latte，重點打卡位係上完tea set後店員會倒出仙氣令到自己同鹹甜點處身於夢幻仙境當中，但仙氣只有黃金30秒，係打卡嘅最佳時機。但甜品我覺得就甜左d，食到一半有d頂唔順- 黑松露磨菇多士：推介推介，好香黑松露味，多士又脆卜卜，正～- 牛肉漢堡- 煙三文魚多士- 百利酒朱古力蛋糕- 朱古力撻：又濃又滑嘅朱古力撻，一咬成口都係朱古力，久而不散- 法式cream brulee- 花盆tiramisu：上面係oreo脆脆，入面就有一層咖啡味的夾心- 檸檬雪糕：口感似雪葩，食完咁sweet的甜品食返呢個酸酸地又凍凍地的雪糕就最啱- 宇治綠茶latte：勁濃抹茶味，上面仲好隻可愛動物～唔知係貓定熊，但溶左後會令到杯latte甜過龍芝士煙肉焗薯 $42熱情果特飲 $42焗薯上面有一大塊芝士，但煙肉得少少，但好重黑椒味，口感都幾滑特飲好有幾多熱情果粒粒，但細杯左d…Read More

係網上見到有人share貓貓麵包覺得好可愛，於是走黎試下～點知一入到黎發覺原來係茶餐廳餐牌，仔細再睇原來佢仲有另一張餐牌有貓貓貝果同貓貓厚多士～三色貓多士勁靚，真心覺得好可愛～～面包感覺是自己整的，唔會好似出面哥種一禁就扁晒得d空氣，仲要烘到脆卜卜，貓貓塊面搽滿晒煉奶，耳仔係榛子細同花生醬，一次滿足3個願望！菠蘿沙嗲牛肉麵平時多數係沙嗲牛肉公仔面，但呢個搞搞新意，加左菠蘿酸酸地，沙嗲味唔會太濃，搶晒d味，底下係脆面，但韌韌地柚子雞翼柚子味好濃呀，但雞翼炸得硬左d樽仔奶茶成間餐廳好多貓貓，碗碗碟碟都係貓，牆上都有好多貓畫。成個感覺好得意，茶餐廳入面又有d新派食物，但有幾個侍應招呼麻麻，但都會想下次試埋貓貓貝果～…Read More