lovelomong的個人專頁

喺重慶大廈旁嘅慶坊裝修咗之後好多嘢食呀！行吓行吓就見一直好想食嘅樹屋Treehouse，佢身處美食廣場裡面，座位充足，慢慢嘆個晚餐都唔怕Musella $88樹屋精選沙律碗：配料有五香豆腐、豆角、香烤蘑菇、味噌醬，推薦嗌Half & half 50/50，沙律+4重混合穀物（糙米、紅米、三色藜麥、小米）沙律都有羽衣甘藍加羅馬生菜，一啲都唔Hea，係又健康又飽肚之選！Margherita Pizza $118Pizza配料有意大利番茄醬、純素芝士、羅勒葉、風乾辣椒碎、香草、純素芝士粉有淡淡嘅芝士香，加上番茄醬嘅酸度，認真過癮而加上羅勒葉又添上香草嘅清香，食多兩塊都唔會heavySourdough flatbread chips  $60呢款係小食——酸種薄餅脆片，配烤香蒜鷹嘴豆蓉份量真係超多，酸種薄餅又無咁有負擔，脆卜卜好惹味，加埋鷹嘴豆蓉又更有飽肚感加埋都係200幾，已經食到超飽！…查看更多

深水埗基隆街一向係Cafe熱點，今日Me Time嚟呢度做吓偽文青～鐘意佢嘅日式木系裝潢，木質元素配柔和燈光，感覺溫暖舒服。環境簡約寧靜，適合一個人睇書發呆，氣氛放鬆自在😌*松葉蟹肉意粉 $138*  上枱即聞清新香氣！蟹肉同蟹籽份量多，每啖都豐富彈牙。調味主力為蒜蓉白酒，冇重口奶油😇保持食材本味。汁掛得啱，唔油膩，食落舒服開胃，清盤滿足👍*Pour Over Coffee $75*  Costa Rica | Washed | GeishaTasting note | Jasmine, White peach, White tea見今日有呢隻藝妓豆，用Cold fermentation水洗處理，即刻嚟試吓🤪聞落有花香，first sip果味重帶酸，body薄身似茶；Rest後茶感明顯，淡淡花茶香🥰總結Kokoni裝潢溫馨，提供簡約主食咖啡，環境舒適，過個Chill Chill Me Time Perfect~…查看更多

旅行結束返香港，把握放假嘅尾巴，黎北角三分熟鐵板燒。炭火料理，嘆番個味覺嚮宴先同老公午市黎到，一人嗌左個[媄]一人前，$5981️⃣先付一田園野菜沙律三色車厘茄柚子胡麻醬提升酸度，個醬汁真係勁香！2️⃣熱一水野茶碗蒸蟹肉魚翅茶碗蒸啖啖蟹肉鮮味，簡單海苔粉調出味道蛋味香濃，質感幼滑3️⃣荀一北海道帆立貝伴毛豆あん賣相吸引，香氣十足煎香外層，入面保留半生熟口感，火候恰到好處，入口即溶，好味👍🏻順帶要讚搭配的忌廉汁因為加左日本冬瓜莎莎，令帆立貝入口感覺更清爽4️⃣炭 一稻草鰹魚伴黑蒜油醋豆乳醬芝麻、香蔥、紫菜，黑醋味道滲入魚身，令魚味變得更突出油脂感重，留有餘香另外配搭豆乳醬，個人覺得食原味更好5️⃣辰一赤の匠板燒海虎蝦師傳將蝦切成三段，蝦身都幾厚身，好有口感，啖啖肉食得好滋味師傅好細心咁切開蝦頭，蝦頭膏混入蝦肉零舍濃郁💯虎蝦非常新鮮彈牙，地中海海鮮醬，好有層次既帶有濃烈香料味，又有檸檬嘅酸香，微微的辣，十分出色最後食埋海帶去油膩感6️⃣味一創味煎鮟鱇魚肝配焦糖蘋果鮟鱇魚肝煎到兩邊焦脆，食落味道似魚春或吞拿魚扒，肉質粉嫩，完全唔腥焦糖蘋果同埋山椒醬汁甜感皆重而且食完之後，口腔仲感覺到魚肝的漿口餘韻😆幾特別7️⃣主一蒜香薄燒和牛 & 京一野菜三品主食除咗牛肉之外仲可以選豚肉或地雞薄燒和牛我哋叫咗五成熟，剛剛好！配嘅黑松露黑醋醬真係超香口，蘸牛肉同蔬菜都好好食另外又有藤椒醬，增添中式嘅麻辣口感，鍾意食辣嘅朋友可以試吓燒野菜有日本南瓜、啡菇同翠玉瓜配埋茄子Mousse醬口感舒服8️⃣样一菊志炒飯鐵板燒炒飯炒到粒粒金香，伴有櫻花蝦嘅鹹香味，飽肚又好食附有紅酒蕎頭可以撈嚟食9️⃣吸物一高野吸物係暖肚又足料嘅味噌湯！🔟甘味一洋果子豆腐雪糕上仲有芋頭脆片口感多層次之餘為呢餐劃上完美句號…查看更多

嚟到半山區呢個咁靚咁Chill嘅地方，當然要搵啲特色嘢食吓啦行吓行吓就搵到呢間小小的印度餐廳，氣氛都幾唔錯好適合閒日下午嚟呢度慢食慢活，而且下午嘅嘢食都幾抵食啊！1️⃣Chicken Lunch Set (Butter Chicken) ($119)雞肉可選牛油或馬沙文咖喱，我哋選咗牛油雞，套餐先有一個前菜，係好原汁原味嘅洋蔥雜菜沙律，都幾新鮮另外又有一客炸雞小食，炸皮好香口，配上薄河酸辣醬就更加惹味！而牛油雞嘅醬汁濃稠得嚟又香口，食得出係用咗好多香料熬製，汁底唔辣，反而有陣甜甜嘅甘香，配上大大塊嘅雞件，真係幾滋味，隨餐可配飯或印度薄餅 (Naan)，我哋就叫咗蒜香薄餅，呢個真係要熱辣辣食，煎得好香，加上淡淡蒜香，配上咖喱認真無得輸跟餐送汔水，我哋就加配咗Masala Tea (+$20)，印度奶茶會多咗一股濃郁嘅香料味，我哋無落糖，就更飲到茶本身嘅濃香2️⃣Lamb Seekh Kebab ($158)另外，我哋又叫咗一客烤羊肉串，佢呢款羊肉串係將羊肉打碎製成，每啖都有好濃嘅羊肉味道，外皮亦烤到好香，配上炸雞嘅薄荷醬亦好好食伴碟嘅洋蔥加上檸檬汁，非常開胃3️⃣Peas Kebab ($98)我哋又叫咗一款炸物：係以扁豆為主嘅炸餅外皮炸得好脆，扁豆蓉加上類似薯仔嘅澱粉味道，令人十分滿足4️⃣Mango Daiquiri ($98)而餐廳最近做緊不同芒果美食，我哋就叫咗呢款芒果Cocktail呢款係用Mango puree, rum, lime, simple syrup, crushed Ice調製嘅，消暑一流Rum做基底，唔算太甜，而且有Mango & Lime混和嘅熱帶果汁香，都幾唔錯…查看更多

嚟到西灣河碼頭，梗係要搵間chill vibes嘅餐廳食飯就赫然見到呢間Salted Pig，覺得幾有氣氛，就一於試吓一坐低呢度啲Staff就好熱情咁招呼我哋，值得一讚1️⃣ BBQ Ribs ($288)到今日最期待嘅煮食豬肋骨，一上碟就覺得非常驚喜，因為豬肋骨嘅份量真係好多，粗略估計都足足有十支骨，而且真係好厚肉，呢款豬肋骨嘅肉唔係入口即溶嗰款，有啲咬口，加上好濃郁嘅美式BBQ醬風味，又飽肚又香口半碟嘅薯菜都份量十足，除咗有滿滿墊底嘅薯條之外，仲有好好食嘅沙律椰菜絲，我哋兩個人食到捧住個肚走！超級滿足！2️⃣ Prawn Salad ($168)呢款大蝦沙律有芒果、牛油果等配菜，加埋酸辣汁，味道十分過癮，沙律菜一啲都唔馬虎，有唔同種類嘅蔬菜，食落輕盈又健康，大蝦作為主角當然都好好食，蝦身十分滑溜，啖啖肉，非常滿足3️⃣ Salted Pig Tea ($88)•Sour Apple呢款飲品雖然叫做Tea，但其實係混合咗幾種唔同酒嘅Cocktail酒香濃郁，加上我哋叫咗酸蘋果口味，又再增添咗一啲清新嘅果香，用嚟伴菜真係一流！…查看更多

工作咁辛苦，梗係要食返餐Fine dining開心吓就決定去尖沙咀The One 19樓Halan’s Bar and Restaurant我地叫咗佢嘅Tasting Menu，任選三道菜都係$788 /人，唔算貴而呢度環境當然就一流啦，對正維港靚景， 180度海景，仲有落地大玻璃，無論係室內定室外都可以欣賞到香港嘅一流夜景而室內就更加比人一種高貴同安靜嘅感覺，彷彿進入咗另一空間，非常舒服講返食物，前菜：1️⃣北海道帶子他他配火龍果脆片、紅石榴蓉呢款北海道帶子他他入口滑溜舒服，都算新鮮加上酸酸甜甜嘅火龍果脆片，泰國紅石榴醬調味食落就覺得更多層次，Fresh感倍增2️⃣日本帝王蟹蛋泡沫配24個月法國康帝芝士脆片及海膽呢款一聽個名就知係正嘢啦！佢係大廚嘅得獎作品，⁠食材靚料，用帝王蟹肉打做泡沫口感食落似金華火腿，鹹鮮十足海膽用咗北海道海膽，仲有魚子醬同24個月芝士脆片將脆片駁落去混合泡沫一齊食，好有層次，Creamy得嚟亦好有儀式感3️⃣煙燻海蜇蝦石榴巴馬火腿清湯蜆汁凍湯質地睇落薄身，但入口有好濃郁嘅煙燻金華火腿味，又估佢唔到喎！海蜇蝦彈牙，蜆有刻意炙燒過，處理食材上都見得出好有心機而⁠配埋九層塔同脆米令味道變得更豐富主菜：4️⃣西班牙八爪魚配意式薯仔麵團西班牙八爪魚燒得幾香，食落好有膠質，好軟熟，外皮仍然好焦脆，係好特別嘅texture加上自家醃醍魚脆，酸甜又開胃主食有意大利Gnocchi配上辣肉腸甜椒汁，甜甜辣辣咁，又飽肚又好食5️⃣黑松露北非小米配和牛牛舌及牛小排首先呢款嘅汁料都好抌本，係用咗鵝肝龍蝦汁同雞皮脆片嚟調味而和牛牛舌烤肉，慢煮炮製，煮得非常軟熟，而且好入味牛小排質比較有咬口，同樣好食到牛肉嘅濃香黑松露北非小米索晒啲牛汁，好juicy甜品：6️⃣香檸檬芝士蛋糕配酸柑、楓糖漿，糖漬檸檬皮，碧根果曲奇呢款芝士蛋糕就超級refreshing檸檬同酸柑嘅配搭好突出到嗰種酸香同時用咗貴價嘅碧根果，更能帶出烘焙嘅香氣，整體配搭好好，仲配咗個小小嘅雪葩令人十分滿足…查看更多

今日入完坪洲玩，出返嚟中環嚟到呢間素食界天花板TreeHouse，食個豐富健康晚餐TreeHouse提倡純素飲食，同埋低碳可持續飲食文化，非常值得支持。雖然係素食店，但餐牌同食物種類嘅款式、質素同味道都出名有保證，難怪佢咁多捧場客餐單有成36款配料、9個自選醬汁😱問一問AI，總共有58,905個組合～云云選擇當中，我哋嗌咗：Willow柳樹沙律碗 $88超級特別，滿滿嘅中東風情，亦唔係一般素食店做到😍包含炸鷹嘴豆波波、烤香蒜鷹嘴豆蓉、香烤甜椒、酸瓜同埋中東芝麻醬。每款食材獨立黎講都好好食，配埋一齊簡直係一流的風味🤩佢仲可以揀half-half，即係一半沙律菜，一半係四重混合穀物碗，即係糙米+紅米+三色藜麥+小米。沙律菜超新鮮，有大量羽衣甘藍。糙米組合嘅米香係歐陸expectation嘅好味，唔應該錯過😂揀一半一半真係剛剛好👍🏻另一個就嗌咗素漢堡，店員推介最受歡迎嘅係呢款：Forest森林漢堡 $118除左配搭漢堡必食組合生菜、蕃茄片、紫洋蔥，仲有香烤甜椒同埋茄子沾醬。素漢堡扒超級特別，係烤蘑菇紅菜頭，Juicy、新鮮得黎，視覺上都好似食緊牛肉咁。而最令人驚艷嘅，係佢個茄子沾醬，讓漢堡帶有更濃郁嘅煙燻香氣，而且令醬料質感更加濃郁😍終於明點解係熱門之選！我哋仲升級咗2個套餐（加$50），一個揀咗炸番薯條&雜菜沙律 + 飲品炸番薯條超大兜，好似啪左成個紫薯入口咁。純素香蒜奶油醬同佢真係絕配😋值得嗌嚟試吓另一個係是日例湯加飲品（+$50) 今日例湯係椰菜花湯，都好大兜， Creamy，椰菜花味都好突出，上面仲有兩塊酸種薄餅脆片，少少辣粉調味，同個湯好夾兩款Combo份量咁多只係加$50 ，如果有人一齊share食，都係必叫之選飲品：香茅薄荷檸檬汁檸檬味好出，蔗糖甜味天然，酸酸甜甜好開胃最後所有嘢飲嘢食到太高質，飽都想食晒佢。素食都可以做到咁多花款、咁特別、咁高質，而且所有食材都係自家製，用心製作💯I can do it all day🫶🏻…查看更多

今日嚟到紅磡區內名氣小店：日嚐慢煮生活，食個精緻的日式家常便飯餐。知道呢間都係人氣小店，店內設最低消費每位一個套餐。所有主菜同小碟都可以隨意配搭同價錢選購，啱晒我呢啲有選擇困難症嘅人。慢煮美國封門柳（限量發售）配柚子赤味噌  $118一直好鍾意食封門柳，牛肉味好濃郁，呢個價錢有咁多塊牛肉，實在值回票價用慢煮手法去烹調，牛肉軟腍適中，十分推介加上赤味噌嘅鹹味，更能吊出食材嘅鮮香稻庭烏冬（藥膳濃湯）烏冬份量都足夠，我哋非常鍾意佢嘅藥膳湯底感覺健康之餘，又有風味青蘋果紫薯球 大大個紫薯球睇落都好吸引紫薯好幼滑，加上一塊塊嘅青蘋果口感更有層次日式大根大根好入味，配烏冬一流慢煮黑毛豬配肉桂蘋果蓉 $98呢款黑毛豬份量都真係幾多慢煮豬扒粉嫩保有唔少肉汁食得出係幾靚嘅豬扒我覺得配埋蘋果蓉嘅香甜會更好食越光米飯醬油蛋 $8本身越光米已經係粒粒分明，格外香口加上醬油蛋就更加之不得了醬油嘅鹹香加上無盡嘅蛋汁真係超正酸忌廉煙肉薯仔沙律（內含蔥＆生洋蔥） $8呢款沙律都好有心思，勁足料又有酸忌廉，又有洋蔥等等開胃之餘，口感亦好豐富話梅漬番茄 $3蕃茄好香甜，加埋話梅漬更能帶出酸甜香味醒胃好食，加幾蚊有得食實在太抵零系可樂 $6食咗咁多嘢，梗係要飲罐可樂gur gur 佢黃金菠菜 $8食啲菜落肚更滿足呢款撈埋蛋一齊食都幾特別…查看更多

走進Bristo Bon Bon，就像進入另一個寧靜優雅的異空間。店內以法日風格的裝潢結合柔和慢歌，營造出一個放工後高貴又安靜的用餐氛圍。雖然鋪面細小，但空間感十足，座位安排講究私隱度，令整體環境既舒適又不失質感餐廳主打法式套餐，同時亦提供單點選擇。我們今次揀左4-Course Dinner Set。值得一提：店員殷勤友善，主動介紹菜式，令整體用餐體驗更貼心愉快😀1. 前菜✨布拉塔芝士配小茄漬 (+$38)  濃郁乳香的Burrata Cheese配搭帶芝麻香氣的火箭菜，再以黑醋和柚子調製的醬汁達致完美平衡，搭配醋漬蕃茄，口感清新又爽口，令人開胃✨松葉蟹肉春卷  春卷炸至薄身酥脆，保持熱辣出爐，裡面鮮甜松葉蟹肉與紫蘇葉清新層次完美融合。特別的豆豉鯪魚忌廉醬帶來東西合璧的惹味感，絕對是必試招牌👍🏻推介2. MID是日餐湯：薯仔洋蔥湯  湯底順滑濃郁，薯仔香味突出，蝦油的鮮味和羽衣甘藍的清新點綴，使整體味道層次豐富且舒心3. MAIN✨澳洲羊頸柳配腐乳羊肉汁 (+$98)  羊頸柳質地嫩滑，脂肪適中帶出淡淡羊香，腐乳羊肉汁特別。炸羽衣甘藍爽脆清新，與主菜配合得天衣無縫✨澳洲草飼M4牛側腹肉  牛肉緊實而多汁，帶有煙韌嚼感，搭配微辣沙嗲醬更添風味，份量充足，性價比極高，食肉控必嗌4. 是日甜品：✨Expresso Mousse Cake自家製朱古力慕絲濃郁細膩，配上濃重榛子餅底，蛋糕表面石理設計有質感，味覺與視覺兼備5. 餐飲：✨黑咖啡  利用Lamarzotco咖啡機沖煮，果香濃郁，香氣迷人✨朱古力風味紅茶  帶有濃厚朱古力香氣，入口溫和順滑，令人感覺舒適放鬆個人認為餐廳價錢合理，配合高質用餐環境、服務同食材，實屬區內難得的有心小店，值得支持…查看更多

難得今日放半晝，想過一個悠閒下午。特登過海嚟大坑做吓文青~行到蓮花宮見到呢間Ask for Alonzo 意大利餐廳😀Tasting Menu $288一位，有齊Starter，Main，Desert同餐飲，都幾抵玩附送餐包：就算餐包都幾有心機，有堅果同果乾兩款口味。餐包軟嫩微溫，可以醮自家製黑松露醬前菜一：白酒炒蜆 （+$48）炒蜆配咗白酒高湯，同埋意大利香草包。個湯加咗檸檬同辣椒，好香，蒜味重，好開胃😊香草包都好香脆，索埋嗰個汁一流前菜二：羅馬肉丸（ + $38 ）總共有三粒，面頭淋上蕃茄醬同巴馬臣芝士，幾有風味主食一：意式烤乳豬 （ + $58 ）上碟好靚仔，烤得好香脆；豬肉嘅底味調得好好，而且肥瘦均勻，充滿豬油香。值得一讚蘑菇醬好濃郁，酒味出眾。連墊底嘅薯蓉都加左香蔥，增加層次😍成碟餸做得好有心機，推薦！主食二：大蝦蘆荀意大利燉飯（ + $28 ）呢個主菜又係幾有驚喜😳！以為只係簡單醬料調味，點知個龍蝦忌廉醬Creamy得黎，入面仲加咗辣汁，提鮮之餘超級惹味！意大利飯煮法好正宗，放心仲有少少硬淨，好有口感。辣汁提鮮之後，隻蝦食落都份外香口彈牙。配料蕃茄、蘆筍進一步提升每啖的質感，有啲料到💯😂甜品一：招牌提拉米蘇Tiramisu芝士味香濃，濕潤，充滿走向，手指餅索滿咖啡汁液🥰啖啖食唔停甜品二：芝士蛋糕質感較鬆軟，芝士味唔算太濃，作為餐後甜品幾合適，配士多啤梨醬，感覺輕盈又滋味實在太開心😆另外加咗兩杯餐飲！Campari Spritz ($88) Spritz帶有清香嘅橘味，用利口酒做基底，唔會太甜☺感覺番返去當年威尼斯度蜜月海邊談心嘅時候🍹Latte ($38)咖啡都唔錯，估唔到佢仲有個小拉花。下午茶嘆返杯啡都幾Chill！整理成餐飯都好有驚喜，係幾正宗的意大利餐廳👍🏻我同老公都覺得好滿意，推介俾大家…查看更多

中秋節決定食餐好嘅，就嚟到天后呢間餐廳食Omakase首先叫咗一壺天賦‧純米吟釀（$180）開場，甜甜哋又夠晒濃郁嘅口感，即刻幫成餐飯定咗個完美基調。🍶之後叫咗一客「螢狩」Omakase（$1480），共有二十品精緻日式料理，超級豐富！🍢 靚前菜同埋刺身京都湯葉（新鮮腐皮）豆味好濃，撈埋粒粒晶瑩嘅三文魚籽，呢個開胃菜又溫柔又鮮甜。🤤骨膠原鯛魚切得夠薄，捲起嚟一啖吞！骨膠原啫喱有柚子醋嘅酸香同少少辣，一灑落啲香蔥，即刻將個鮮味推高晒！✨活赤貝超新鮮！已經點好咗醬油，赤貝有淡淡清香，唧少少青檸汁上去，貝肉好爽口，入口滑捋捋。🍋兵庫縣生蠔配埋酸汁啫喱，勁爽口！濃烈嘅海水鹹鮮味，蠔身脹卜卜夠厚肉，食完個餘韻好長。🌊🦪八角魚首先食到白身魚嗰種清雅，配埋柚子皮，慢慢咬吓咬吓，啲油脂香氣就滲晒出嚟，口感仲好有𡁻頭。🍊日本象拔蚌刺身又厚又爽口，鮮甜度爆晒燈！點少少醬油同wasabi，係最簡單又最純粹嘅美味。🐚🍣 鮮味爆發！海膽同埋蝦蝦蝦甜蝦刺身配璣璇昆布蝦肉夠晒稠實濃郁，配埋昆布芯嗰陣鹹香，令到鮮味更加上一層樓。🍤斑馬瀨尿蝦刺身七八成熟個火候啱啱好！啲蝦膏多到爆晒出嚟，喺個口度爆發！跟住嚟就係鹹鮮蝦味湧出，勁有層次感！蝦肉又滑又大舊，超高質！💯秋刀魚刺身今季當造，好肥美，點酸汁食好開胃！大大塊，一啲都唔腥，佢獨有嘅魚香，食落少少有膠質感，油脂感極重，試一次包你記住。🐟🥩 肉類嘅華麗樂章池魚tataki撈埋薑蔥，個薑蔥汁好鮮甜，作為海鮮同肉類之間嘅中場，夠晒清爽又啱Timing。鹿兒島A5和牛配海膽和牛夠嫩，牛味好出，表面有少少焦香加埋海膽嗰種澎湃嘅鮮甜，口感creamy，冇得彈！🔥🥩汁煮澳洲牛面肉慢煮咗幾個鐘頭，天然嘅骨膠原食落黏黏哋，煮到超軟爛夠晒入味！配埋蘿蔔同青椒，味道更加豐富有層次。🥕🐟 吞拿魚五部曲：由濃味到稀有部位赤身（呑拿魚背脊）吞拿魚香好濃郁，魚身勁厚，油脂感非常突出，個魚香喺個口度浪來浪去。🍣大拖羅肥到極致！一入口啲油脂即刻溶晒，釋放大量魚油，個尾味清甜又唔膩，香味直衝上鼻！👃腦天（呑拿魚頭肉）稀有部位！油脂感重但肉質又厚又軟熟，魚味醇厚火炙過又會多咗陣焦烤香氣！🤯蔥呑拿魚配赤馬糞海膽主打清甜，呑拿魚茸好鮮嫩，海膽creamy嘅口感完美配合，一啖鯨吞落肚，正到不得了！💚燒呑拿魚下巴配埋柚子汁，啖啖肉！外皮脆卜卜，魚肉熱辣辣，有𡁻口之餘仲keep住啲肉汁！🍚 完美收尾麵豉湯稻庭麵嚟返碗暖笠笠嘅湯！湯底夠濃，份量適中，食落非常舒服又夠飽。🍜刀根杮同玉子布甸當造嘅刀根杮鮮甜帶清香，配埋玉子布甸淡淡嘅蛋香，為呢餐勁嘢畫上個甜蜜句號。🍮🍂…查看更多

嚟到中環，想品嚐吓異國風情，就上樓嚟咗呢間黎巴嫩餐廳一試餐牌好多選擇，最近仲做緊個餐廳節優惠，都幾抵食1️⃣Hummus with Lamb食中東菜一定要食鷹嘴豆泥，調味偏重，加埋包去食就啱啱好豆泥撈咗橄欖油同香料，其上嘅羊肉煎得好香，配上鷹嘴豆同松子仁，非常惹味！豆泥份量都好充足，認真抵食2️⃣Falafel法拉費呢款特色小食即係油炸鷹嘴豆餅豆餅上面鋪滿芝麻煎得外脆內軟，餡料方面仲加咗好多香料同雜菜，非常香口而配備嘅芝麻醬味道唔會太重，更能吊出芝麻嘅香氣3️⃣Halloumi and Figs哈羅米芝士一直係我哋嘅最愛本身芝士有淡淡嘅鹹香，加上脆皮酒更增添口感而無花果醬嘅酸甜就更加同芝士嘅鹹香配搭得天衣無縫，調味好好4️⃣Mix Grill Meat (Small)呢款綜合烤肉一上盤已十分驚艷，真係去咗中東食緊嘅皇室饗宴咁烤肉共有兩支羊架、兩條羊肉棒、四塊牛肉同四塊雞肉我哋好鍾意中東菜嘅烤羊肉，無論羊架定羊肉棒都好好食羊架嘅肉烤得剛好，粉嫩嘅肉身加上濃重嘅香料調味，十分出色5️⃣Smoothie (Mix berries)Smoothie本身有乳酪、牛奶同蜜糖，甜感充足，加上雜莓嘅鮮香，飲落好refreshing！…查看更多

都市人生活忙碌，如果可以忙裏偷閑都幾好適逢假日經過紅磡，就試吓呢一間茶閒裡嘆吓茶呢度係用中式木系裝修，一入到舖頭已經覺得舒服，好適合嗌一壺茶慢慢品嚐我哋就嗌咗兩客午餐試吓新品：拌麵 - 碧絲朱櫻拌烏冬套餐 $85呢款烏冬食材豐富，大大碗一上枱就令人覺得食指大動烏冬有咬口，又有唔少蝦肉提升鮮味而家上青瓜絲、蘿蔔等等，又令整個菜式更加輕盈清新，十分適合追求飲食健康嘅朋友烏冬本身配上甜甜酸酸嘅蛋黃沙律醬，令整個烏冬更加之開胃好食呢款烏冬配上汁燒雞腿肉，雞腿肉易入口加埋醬汁就定味道又豐富又更有層次［跟餐］顏如玉- 養顏茶（熱）+$20養顏茶有好香嘅玫瑰茶葉味飲落十分滋補鰻魚菜飯套餐 $95呢款鰻魚菜飯幾有驚喜，本身菜飯已經比較健康，冇咁Heavy加上有原條鰻魚，醬汁充足，非常好食鰻魚肉質較為厚實，啖啖肉，非常正！隨餐配沙律，有菜有果肉， 十分開胃健康［跟餐］絕色（冰） $25糯香普洱鮮奶茶普洱味道唔算太濃，奶香沁人脾胃加上淡淡糯米香，滿滿芳甜甘香…查看更多

呢間泰國餐廳喺鬧市中心，位置方便裝修好企理，而且冷氣好足夠，最啱天時暑熱嘅時候過嚟泰式炸蝦餅 $68我哋先叫咗一客蝦餅，炸得金黃鬆脆而且蝦肉部份都好飽滿每食一舊都覺得好滿足通菜炒泰式脆腩肉$98鍾意呢款脆腩肉係炒菜，感覺會冇咁膩而脆腩肉炸得好香口，切得細細舊，食落非常過癮，辣辣地嘅泰式香料亦都好惹味香葉肉碎煎蛋飯（牛）小辣$88叫咗小辣，已經足夠惹味牛肉碎用咗唔同嘅香葉去炒，好有泰式風味！而流心煎蛋鋪喺飯上面，賣相已經100分，蛋汁撈埋落啲飯度更加美味Happy Thai 排骨船麵 配金邊粉 $88呢個賣相真係好浮誇！第一次見要用個架嚟撐住嘅船麵船麵湯底極濃郁，有啲似肉骨茶嘅湯汁排骨份量都多，亦都炆得好腍，金邊粉吸收晒啲肉汁精華，格外好食而麵上亦有好多配料，味道層次更加豐富泰式奶茶 少冰、少甜 $28嚟泰式餐廳當然要飲一杯泰式奶茶叫咗少甜少冰，甜度適中，解暑一流椰青 $38另外又點少得椰青呢？大大個椰青鮮甜多汁，即刻好似去咗泰國咁…查看更多

今晚同朋友嚟呢間 fusion 西班牙酒館。環境輕鬆，裝修幾有風格，適合小聚 🪑✨。菜式混埋西班牙傳統同香港元素，份量適中，兩人食得飽飽 😋。Starter: Tomato Tartare $88 🍅  番茄他他配 Gin 湯力啫喱。  咸鮮特別，Gin 啫喱加咗有趣嘅氣泡感，幾開胃 🥂。係個幾新穎的組合Tapas: Gambas al Ajillo $158 🍤  有四隻西班牙蒜油大蝦。  蒜油香氣撲鼻，蝦肉彈牙惹味，蒜蓉汁一流，值得一試 👍Spanish Ham Croquette $68 (2件) 🥖🧀  西班牙火腿炸奶球。  內裡濕潤奶味濃郁，滑溜順口；火腿加咗咸鮮層次，咬落脆軟分明，好過癮 🤤主菜: Iberico Char Siu Paella $388 🐷🍚  黑毛豬叉燒西班牙燴飯  幾有驚喜！黑毛豬叉燒肉汁天然，蜜汁焦香有肉味，配濕潤 paella 飯粒，融合中西超正。飯底微焦，啖啖食唔停 😍飲品:  Red Sangria $68 🍷：果香濃郁，微甜解膩，好配西班牙菜 🍇Virgin Mojito $58 🥤：清新 Lime + Soda 水，爽口無酒精，完美 ending 🌿兩人 $910.8 ，午餐仲有自選 Paella 兩餸飯，晚餐推 fusion 菜，推薦畀愛西班牙食嘅朋友 😋…查看更多