movelung's Profile

牛扒叫了3成熟，是升級了的澳洲牛扒，沒有太多根，有肉味，火侯很好，真的是juice的3成。。。咖啡較普通。。。位幾好坐。。。侍應很有禮貌。。。好適合傾計最好，性價比高…Read More

同朋友食晏，見到鋪頭前面好多人排隊，就走入去試吓多人到要攞籌等位等安排入座。叫了招牌的皮蛋瘦肉粥，鹹肉糭，炒麵，蝦米腸粉皮蛋瘦肉粥：皮蛋瘦肉的量尚算正常，瘦肉軟滑有彈性，吃得出醃過的；但皮蛋「na」喉，足底夠杰，但沒有米香，似是加了粉開出來的感覺；剛吃下去沒有太大的味精感覺，但吃完後立刻封喉鹹肉糭：非常行貨，豆多，咸蛋得半隻炒麵：芽菜和面的比例接近一比一，麵炒得不夠香，不夠乾身，吃下去沒有紮實的感覺蝦米腸粉：即叫即拉，腸粉幾香，蝦米夠大隻夠香有咬口，可惜米漿太厚，略嫌不夠滑看見收錢的阿姐和不同食客有傾有講，很明顯阿姐和食客都很相熟，可見這是一間專做街坊生意的鋪頭，人情味有餘，但功夫略嫌不足…Read More

一支公搵食，見＄15碗面，門口又聞到幾香，驟眼望入店內尚算明亮整潔，就入去lu叫咗兩碗麵，一碗雲吞麵，一碗魚皮餃麵。辣椒油，普通香，頗辣，不建議多落湯頭，行貨味精湯，顏色混濁，嚴格來說只有鹹味麵，粗身，尚算爽口，但不煙韌不彈牙，鹼水味頗重雲吞，蝦和肥豬肉，蝦算是量多爽口但不鮮甜，整隻雲吞有鹼水味魚皮餃，非常失望，外皮散而粉，餡料只算是一個名為「肉」的充滿豬油味的物體，感覺很油膩整間店舖，最大特色就是便宜，也只是便宜，勉強可作頂癮之用…Read More

做嘢前講得切去食個下午茶，佢哋只開到夜晚七點，而下午茶就做到夜晚七點，價錢經濟實惠，食物夠大件，重標榜冇添加味精湯底濃郁很鮮味，有茶餐廳很罕見的米通粉，雪菜肉絲應該是自家製的，味道調校得不錯，但肉絲略嫌太老，份量很多；多士烘得很脆與牛油很夾；奄列蛋皮略嫌過熟，但內裏的火腿餡料加蛋汁很好吃；茶走很濃郁，不錯是次食常餐， 30幾蚊埋單；若是平日，只叫一個雙餸麵， 20幾蚊就埋單了，九龍灣的外出晚餐來說實在很便宜喔…Read More

好想食海南雞飯，見大約＄50 ,就同阿妹入去，我地都叫咗無骨海南雞飯，一個要湯，一個要奶茶飯，不油，但不夠香，行貨味精飯；雞，每碟都有兩舊雞脾肉搭雞胸，但略嫌太鹹，肉質太硬；湯，紅蘿蔔佛手瓜，內有雞腳和豬肉，但淡而無味；汁，偏鹹，基本上無用武之地，因雞已很鹹了 ；菜，很正常，爽脆，無甚特別；反而杯奶茶，水準中上總括而言，用嚟頂癮還可以，但雞略嫌過鹹是死罪，回家飲左幾杯水呢…Read More

見到店面貼左好多明星合照，諗住走入去試吓。都係填紙仔選餸、麵，見到有幼麵，想問下係生麵定全蛋麵，員工答係生麵。。點知黎到一睇，好明顯就係一個全蛋麵，等我仲空歡喜一場。餸菜唔算平，最平＄8 ,最貴＄10個餸。店裏面影果啲食物相，好豐富，睇落好好味；點知黎到非常失望，生腸有七至八粒碎上，牛筋三條，八爪魚四條碎上，同圖片非常唔一樣。生腸好硬，八爪魚軟身味道ok，牛筋醃料幾香，幾焾，味道校得唔錯。。。。。但可惜， 三餸一面，食了＄38 ,只有七成飽，吃得不夠痛快…Read More

見佢新出咗個金秋栗子蛋糕，趁阿爸生日，滿足私心咁買咗個嚟賀壽。總體來說，味道挺好，最底層的朱古力脆脆很香很好吃，但面頭的栗子蓉稍嫌太甜。。。旁邊的最大賣點——栗子慕絲，無甚特別，不夠香。整個蛋糕有點膩，四個人吃了大半個已經飽得很了…Read More

好想狂食生野，但銀彈唔太充足，見呢間舖頭開咗好耐，平日都幾多人入去食嘅，就入去試吓。先此聲明，如果要求環境優美嘅話，一定不能選擇這間，但刺身質素就非常好，對得起佢個價錢有餘。叫咗個壽司餐，定食，白玉豚刺身，劍魚腩刺身。一叫完菜，侍應就攞咗啲即棄嘅餐具過來，初時有啲愕然，再見到佢連定食飯都用一個黑色嘅外賣兜上，面豉湯用紙杯上，已經見怪不怪。刺身好新鮮，白玉豚嘅口感軟綿，好香魚油味；劍魚腩肉質較實，但同樣屬重魚鮨香嘅魚。佢嘅刺身有少量根，但還可接受。醋飯香，偏甜，軟硬適中。＄300兩個人食魚生食到攬住個肚，抵！…Read More

同細妹去食飯，想慢慢坐，見呢間鋪頭裏面冇太多人，又有所謂嘅自家製手打麵，就入去試吓。侍應全部好有禮貌，好親切，都坐得好舒服。食物方面，我非常推介涼拌皮蛋木耳，糖心皮蛋配上個麻醬，有醋香同辣香味，但係一啲都唔會感覺酸或者好辣，啲流心皮蛋亦都唔會“那”喉，同個醬超夾。佢個手打麵，煙韌得黎軟綿綿、有𡁻頭。聽講他們平日的下午茶時間，d麵會仲更加平啲添。總括來講，呢個係一間有心思的小店，值得一試。…Read More