Sushi_Sushi 's Profile

朋友約係堅尼地城食飯介紹咗依間fusion泰式料理餐廳，餐廳裝修帶點古典味好有氣氛。晚餐可以隨自己喜歡選擇2/3/4 個course嘅set dinner，非常有彈性。法式龍蝦湯流心牛角包牛角包外面酥脆香口，一切開龍蝦湯隨隨流出，龍蝦湯鮮味香濃。冬蔭龍蝦湯流心牛角包冬蔭湯較稠身，牛角包吸收曬所有湯汁。龍蝦鳳梨沙律沙律菜及菠蘿新鮮，龍蝦肉爽口，蟹籽粒粒口感特別，整體酸酸甜甜非常醒胃。真空慢煮挪威三文魚配冬蔭燴飯慢煮三文魚出色，三文魚外面微微煎香，內裡肉質嫩滑，冬蔭燴飯冬蔭味會香濃，燴飯煙韌。龍蝦汁龍蝦蟹肉伊麵蟹肉及蟹籽份量足，龍蝦汁掛滿條條伊麵。真空慢煮法式焦糖燉蛋甜度適中，蛋味香濃，口感綿滑。…Read More

平時散步經過依間餐廳己經好想試，因為覺得餐廳室內好有情調而室外就好寫意。今日約咗個係觀塘碼頭附近返工嘅朋友食晚飯，一於試下依間餐廳。餐廳室內及室外嘅座位都好有空間感，而室內樓底高所以就算full house都唔會覺得嘈，非常適合飲嘢傾計。三黃雞份量多，半隻三黃雞非常肥美，外皮煎得香脆，雞肉嫩滑，印度米煙韌除了油香味十足，蒜、香草及野菌味十足，整體非常惹味。西班牙黑豬梅頭肉質鬆軟內裡juice，配上酸酸甜甜蘋果蓉，非常醒胃。新鮮薄荷滿滿一杯，薄荷味十足加上青檸，非常清新。新鮮熱情果加上新鮮青檸，酸甜度適中。…Read More

每次經過碼頭見到依間餐廳都好想試下，因為正正係碼頭旁邊，望住海景感覺非常寫意。餐廳有露天及室內座位，餐廳雖然不大但座位舒適闊落，枱與枱之間有空間感。午市套餐經濟實惠，套餐包括主菜、白飯或寛粉及餐飲只售$62。酸菜魚份量多，魚肉嫩滑無骨，味道微辣，配菜有大量酸菜及芽菜非常開胃。水煮牛同樣份量多，花椒味香，帶少許麻辣，牛肉肉質嫩滑，除咗主角牛肉，配菜都非常豐富有娃娃菜、芽菜及雲耳。鮮淮山炒三素材料新鮮配搭清新有淮山、雲耳、鮮冬菇、荷蘭豆，味道清甜。黃金磚豆腐外脆內軟，豆味重，非常香口。啫啫豬潤雞厚切豬潤火喉控制得剛剛好，內裡粉紅非常嫰滑味道惹味，雞肉炒得夠乾身。…Read More

朋友介紹嚟銅鑼灣食泰國菜，餐廰座位闊落，裝修有種置身泰國夜市嘅感覺。平日仲有live band 表演，可惜疫情下停了表演。極上牛小排醃沙律大大碟份量十足，牛小排份量多，牛小排燒得剛剛好唔會過熟，牛味濃郁肉汁豐富。沙律菜新鮮，沙律味道屬於中辣，非常醒胃。青咖喱牛腩微辣椰汁味濃，牛腩份量多肉質嫩腍，配埋烤薄餅一齊食非常夾。泰式原味烤薄餅非常鬆脆，牛油味濃，外面酥軟內裡煙韌。菠蘿雞肉炒飯，菠蘿及雞肉份量多，雞肉嫩滑，撈埋肉鬆花生粒一齊食口感豐富。…Read More

天后食肆林立花多眼亂，朋友想食日本嘢，見餐牌食物選擇種類多，一於去試一試。吉列魷魚圈鬆脆香口，魷魚鮮甜。京蔥雞肉串，京蔥清甜，雞肉嫩滑，味道非常夾。雞翼肉質juice ，兩款串燒火喉都控制得剛好唔會乾身。每款定食均配茶碗蒸、味噌湯及甜品。海魚一夜干，魚味重有鮮味，肉質嫩滑。和風燒牛肉配厚鵝肝，鵝肝煎得香脆，油香十足。牛肉份量多，和風燒汁惹味。北海道士多啤梨牛乳乳酪，士多啤梨味豐富，乳酪味酸酸甜甜，味道不錯。蜜桃烏龍熊茶賣相非常吸引，熊仔為烏龍茶冰，越飲茶味越濃，非常有心思。綠茶麻糬甜度適中，煙煙韌韌。…Read More

自從和富中心裝修後食市比以往吸引好多，難得有間坐得舒適嘅泰國菜開係北角，一於同朋友去試下。餐廳內座位安排闊落有空間感。餐廳有每日優惠$1菜式非常抵食，而每款菜式都大大碟，絕不馬虎。椰青焗海鮮飯以原個椰青焗，賣相吸引。海鮮份量多包括蝦，青口、魷魚非常足料，棷香味十足。飛天通菜雖然係$1但大大碟份量十足，通菜新鮮，少少辣非常惹味。焗大蝦粉絲煲有大蝦兩隻，大蝦新鮮之餘肉質鮮甜彈牙，粉絲吸收曬大蝦精華，非常惹味。飲品大大杯，椰味十足，十分足料。…Read More

官塘工廈一向都卧虎蔵龍，今次朋友介紹一間走工業風嘅日本餐廰試下創意卷物。豆腐豆味香濃，沙律菜新鮮，配上蕃茄及麻醬甜甜酸酸非常醒胃。薄餅餅底為炸飯團，外脆內煙韌，口感非常特別，薄餅面為碎三文魚他他。四款卷物齊齊上碟十分有睇頭。(上方)彩虹卷有三文魚、吞拿魚、劍魚及牛油果，兩款魚都新鮮肥美，配上牛油果入口更添油香。(中間)超級龍卷風有炸蝦及鰻魚，天婦羅蝦鬆脆肉質爽口，配上鰻魚味道非常豐富。(左及右)煙花為辣味三文魚及辣味吞拿魚碎，微辣醒胃。(下方)火山為蟹柳碎加上鮮甜帶子粒及千島醬，口感特別。帆立貝鮮甜，牛油及蒜味平均。三文魚頭份量十足，內有大量豆腐及蔬菜，湯底帶有胡椒香味及少許辣味。…Read More

餐廳乾淨舒適。同朋友各點了一人套餐，各有主菜配小食，各配白飯/菜飯/湯麵酸辣湯十分足料，酸辣味均勻。菜膽獅子頭肉質軟腍鮮甜。上海麵煙韌，湯底清甜。上海春卷口感香脆，餡料新鮮。鱔糊爽滑，配上芽菜及韮黃口感豐富，醬油惹味。擔擔麵麻醬濃郁加上辣油，風味十足。餛飩足料，餛飩皮薄滑，蝦仁爽口元貝鮮甜。薺菜及豬肉比例各一半，薺菜清新，內裡肉汁鮮甜唔油膩。 十全養生湯大大碗，響螺味鮮甜加上濃濃雞味，飲完唔會口渴，足料無味精。…Read More

朋友知我想食燒肉好耐，難得外出用膳，一於揀間坐得舒服又無用餐時間嘅燒肉店好好食餐燒肉。餐廳座位闊落，抽氣非常好。除咗午市二人燒肉套餐外還有其他午市套餐可選擇。午市二人套餐A午市二人套餐B每人一份古法漬泡菜及前菜、白飯及麵豉湯。雜菜沙律胡麻醬酸甜醒胃。豚肉五花腩燒到脆邊好香口。黑椒鹽花牛肋肉，黑椒味剛好，和牛牛五花牛味濃，肉質鬆軟。美國Prime牛肋骨大大件非常入味，肉質嫩滑，牛味香濃。另外鳥脾肉肉質嫩滑，雞味香濃。…Read More

疫情期間有好多嘢想食，心癢癢想食新加坡嘢，知道公司樓下開咗間海南雞飯專門店，見近近地一於買外賣返屋企慢慢食。特色椰香海南雞飯+時令菜芯苗+金羅漢果養生茶首先椰香飯出色，椰香味十足，椰香飯粒粒分明煙韌唔油膩。海南雞肉質嫩滑，配上特製海南雞醬汁味道更佳。金羅漢果茶非常足料，羅漢果味濃清甜解渴，菜芯苗不過不失。香辣口水雞飯+食療拿杯湯+滷水雞腎同樣地飯粒粒分明煙韌，口水雞辣勁十足，香辣惹味。粉葛赤小豆茨實煲豬展湯火喉十足非常足料，飲得出真材實料無添味精。滷水雞腎滷水味濃口感爽口。…Read More

難得放自己半天假當然要對自己好d，朋友介紹銅鑼灣有間價錢親民嘅壽司店，一於去試試！餐廳不大，裝修源用日本傳統壽司店設計，有一列壽司吧枱，可以一路食一路睇住廚師專業地為大家準備每件壽司，令人有種置身日本嘅感覺。$380的「翔」廚師發辦，共有10件壽司、一件手卷及麵豉湯。每件壽司都相當精緻，件件新鮮，雖然係最平價嘅一款廚師發辦但種類並不遜色。牡丹蝦鮮甜彈牙、中吞拿魚腩肥美甘香、海膽新鮮份量多，味道甘甜，質感細膩，入口即溶、火炙金線鯛魚油甘香、魴鮄肉質紮實，味道清甜、 油甘魚魚油味豐富、真鯛肉質軟綿，魚味十足、深海池魚肉質爽滑鮮甜肥美。吞拿魚腩碎幼細香滑，口感軟綿綿，蔥花及芝麻非常香口。…Read More

餐廳中式裝潢，座位闊落有空間感，客人可用電話落單，可以慢慢睇啱先自己落單。午市套餐選擇多，價錢由$48-68非常親民，而套餐包括前菜、白飯及酸梅湯。雲耳爽口帶酸好醒胃，酸梅湯酸酸甜甜可解辣。水煮牛肉落單時可按自己喜歡選擇辣度，選擇咗小辣花椒味香，帶少許麻辣。雖然係午市套餐但份量及味道都一點也不馬虎。牛肉份量多，肉質嫩滑，除咗主角牛肉，配菜都非常豐富有油麥菜、青瓜及大量芹菜。川香回鍋肉薄切，肥瘦均勻，炒得夠乾身夠香口，配菜有芹菜及蓮藕片。麵質煙韌，醬汁香濃，不油膩。皮蛋蛋黃較實，燒椒頗辣，味道一般。…Read More

疫情下同屋企人食個豪華日式午餐為自己加點正能量，餐廳雖然不大但枱與枱之間有空間感，而餐廳亦非常細心安排每枱食客之間隔一張枱坐，令食客食得安心又放心！套餐有八款刺身、煮物及一碗白飯。刺身既特別又新鮮，刺身種類天天不同，㕑師發辦以當日最新鮮來定。每款刺身都非常鮮甜，特別一提嘅係拖羅非常甘香。另有豚肉角煮佐飯一流，豚肉入口即溶，油香味十足。茶碗蒸蛋味香濃，熱辣辣入口又滑又鮮甜。刺身款式非常豐富多達十款，海膽味道甘甜，質感細膩，入口即溶。秋刀魚肉質軟綿，魚味甘香。其他貝類刺身非常爽甜，鮮味十足。另外日本米煙韌之外還加上紫菜及漬物，味道特別！最後仲有綠茶雪糕及咖啡為午餐畫上完美句號！值得一提餐廳有午市及晚市優惠，如此質素再加上優惠，真係非常值得一試再試！…Read More

係咁緊張嘅事候出外用餐真係要小心選擇，同事介紹依間樓上店話食物好味外，重點係座位闊落唔會好迫人。餐廳雖然不大但勝在座夠闊落，另外還有室外座位提供，環境舒適。是日餐湯為蕃茄湯，入口軟綿，蕃茄味濃帶微酸，非常醒胃。漢堡飽份量十足，外層焗得香脆，中間為美國安格斯牛肉漢堡，厚厚牛肉煎至七成熟，外面香脆內裡肉汁豐富，肉質軟腍無筋。配上松露蛋黃醬味道非常出色。粗薯條份量多，外脆內軟薯味濃。咖啡香濃，入口順滑，夏威夷果仁味適中，甜味適中不苦不酸。…Read More

今日辦完年貨想飲杯熱嘢，經過見到依間舖係英記茶莊旗下嘅新創茶飲店，見咁特別就一於試下用中式茶做茶底嘅飲品味道係如何。純茶方便除咗鐵觀音、烏龍及香片等比較普遍嘅茶外，仲有一般茶飲店無嘅六安，壽眉及龍井。普洱味好濃好香，奶味不重所以飲到普洱嘅香味。另外珍珠有黑糖味，口感煙韌。整體甜味適中，入口順滑，味道不錯。生薑味特濃但不會太辣，同樣地普洱味濃，入口有淡淡玫瑰香味及甜味。入口三種味都出到嚟，特別個生薑飲完成個人暖曬。整體味道有驚喜。…Read More