fahrenheit319's Profile

雖然午餐已經食得勁飽，但路過依然比呢間舖頭吸引，忍唔住要幫襯。座落喺小商場出入口，一幅吸晴嘅花花牆打卡一流。貼地嘅價錢，可以夠食飽兩個人嘅份量，媲美高級甜品店嘅美道👍🏻👍🏻👍🏻一份臻子waffle，皮脆內軟，好香蛋味奶味，臻子醬多到爆出嚟，質感又滑，唔會杰撻撻，又唔會太甜，非常滿意！套餐加嘢飲可以平啲，不過真係太飽！…Read More

好耐無去銅鑼灣，都唔知有咩好嘢食，唯有去時代廣場睇下水牌，一下就spot 到呢間韓國餐廳，相入面嘅蛋包飯好吸引！入面裝修好靚好乾淨，一坐低就有泡菜食，醃蘿蔔青瓜。雖然係比蛋包飯嘅相吸引入嚟，但我地無叫蛋包飯食，反而食咗部隊鍋賣相同餐牌上嘅相有啲出入，但味道唔錯，麵質煙韌質牙，湯底唔辣但好好味，有香腸，午餐肉，五花腩，芽菜，洋蔥，翠肉瓜，芝士，都算幾豐富。呢個慢煮牛肋條雖然唔平，但絕對物超所值，雖然話慢煮但唔洗等好耐，啲牛肉上碟嗰陣好貼心已經切好一片片，中間見到好靚嘅五成熟粉紅色。肉質好腍，連住少少脂肪有啲甘香，外面煎得夠香口，配埋佢嘅韓燒汁一流。配菜仲有薯條同沙律都唔錯，不過個焗蒜未夠火喉，仲有半舊係爽口的，一定要粉哂先好食架嘛不過總括嚟講都好滿意，讚好…Read More

想買串燒送啤酒，見到呢間外賣自取牛肉同雞肉都買一送一，買幾串試下雞肉串燒正👍🏻買一送一$9一串非常抵食好大串下架，調味又好味，肉汁夠落單10分鐘就有得食，快靚正…Read More

咁早去到都係要等位，但只要掃一掃QR code拎飛，就可以去附近行街，有位就有人打比你，都等咗唔係好耐就入得，但用餐時間只有75分鐘，燒肉嚟講係比較趕，好在我同老公都係食嘢食得好快😝環境唔錯啊，闊落坐得舒服叫咗一人一個燒烤餐，套餐有泡菜，飯同湯。泡菜有幾款，味道都ok 嘅，個芽菜幾好食，其他我覺得有小小菜青味。餐湯都幾足料，有肉有瓜有兩隻蜆仔，味精略鹹，碗飯好大碗，令你一定夠飽🙃仲有上菜機械人幫手戲肉就係呢碟牛饌，靚肉嚟👍🏻牛舌味道香，牛柳好juicy，牛味重佢有一碟鹽同一碗淡淡地嘅洋蔥汁比你點肉食，唔會蓋過牛肉味👍🏻仲帶到個味道出嚟兩個人食5百幾食到好飽，個人認為抵食，值得推介😊…Read More

行嚟行去唔知食咩最後決定食拉麵，好彩好快搵到位坐拉麵最重要係湯底，不過呢個一般，但係呢！個安格斯牛肉攞返分，厚切，有成4-5塊，比起？蘭算係咁，肉味夠濃肉質又腍👍🏻加咗糖心蛋，正！流心程度剛剛好，調味好好，真係甜甜地，名符其實「糖心」老公食辣味，佢話好辣食到標汗，喺𥚃面撈到幾條辣椒。唔好以為日本拉麵辣極有個譜，呢個好似食緊四川菜咁🤣煎餃好脆，個涵有啲creamy好似食緊西餐意大利餃咁，好味👍🏻…Read More

路過見到松露飲品好吸引，食完lunch 決定嚟試下店入面有bar 枱企位打卡，裝修幾有格調，好似一間松露博物館咁，仲好貼心有紙巾提供。最正就係可以隔住玻璃睇住店員將松露一片片刨落杯嘢飲度，成件事好high end🤣好多選擇都好吸引，但我唔飲咖啡，叫咗一杯西班牙皇室朱古力，店員介紹要先聞下，的確松露香氣真係令人心礦神怡😛再成片用匙羹食，食落就有淡淡松露味，口感好似食緊擦膠碎咁粉粉地，同朱古力味好夾。略嫌太多冰，$65一杯個人覺得抵飲😉 …Read More

原來唔難book，好開心可以嚟食到。套餐抵好多，有湯有嘢飲有甜品，不過唔小心main cause 太多starch ，再加埋薯條真係好飽兩個前菜，雞翼同薯條都好好味，尤其係黑松露薯條松露味真係好香，唔係就埋隔尼比個醬hea 你嗰隻。大蝦炒粉皮好香口惹味，有啲辣，個粉皮口感好好，好想食多啲不過好頂肚個牛肋肉話係protein 但幾大份腸粉墊底，係好味嘅但好飽啊😂😂啲肉好腍，腸粉煎香咗👍🏻全部都好滿意😁…Read More

老遠過海去西環打下卡，喺云云cafe入面揀咗呢間，覺得食物同環境都有特色去到一個人都無，任坐，揀咗個high chair位打卡，點知成枱都勁多塵🙈啲staff返嚟開舖無客都唔抹下枱，大扣分啊喂點咗最多人推介嘅dirty coffee , spam box marshmallow 同一個cheese pork chop 食物賣相真係唔錯，好有特色。芝士豬排好味有驚喜，spam box 偏鹹，棉花糖好甜，黏埋一大舊好難拉，夠fd 先可以share 嚟食🙈不過拼埋個餅乾好夾👍🏻…Read More

喺黑布街行過好多次，今日終於一試。喺門口等咗一陣，上樓梯入面其實唔大，燈光暗暗地幾有feel。我地坐二人卡位，都幾闊落好坐。地方細細不過坐滿哂人都唔會話太逼太嘈 ，好適合三五知己傾計。唔知係咪太耐無食日本嘢，覺得menu上好多嘢都好吸引，睇咗好多，點咗豚肉捲，牛舌芯，海膽炒飯。炒飯質感幾好，粒粒分明有咬口，味道唔錯，略嫌海膽少咗啲。牛舌芯肉質好腍好香口，牛嘅油脂味好甘香，加少少鹽同葱花👍🏻👍🏻👍🏻等個豚肉卷等咗成個鐘，中間追加一個申孑卷，賣相幾好，不過無咩特別等到花兒也謝了先等到豚肉卷，好彩無令人失望，不愧係open rice最多人推介菜式，豚肉調味好好，嗰陣鹹甘香味食第一淡就充滿全個口，吉列皮好脆好味👍🏻👍🏻…Read More

之前開幕大排長龍，而家少啲人去行下。其實地方唔係好大，都幾逼，有凍肉，泡菜，凍八爪魚，醬油蟹等等好多韓式小食。但今日target係嚟買外賣，選擇都唔多，有啲韓式便當，煎餅，湯，炒粉絲咁，有特價嗰啲都幾抵。買咗牛肋骨便當，好豐富，份量夠兩個人食。有幾款泡菜，全部都好好味，又唔太辣，好開胃好鐘意。牛肋骨其實無骨，好厚切，夠惹味，仲有舊蛋捲同甜酸雞，七十幾蚊一個飯，但有咁多餸都值嘅。不過唯一唔好就唔係好夠熱，冬天都係想食熱辣辣。薯仔煎餅，海鮮煎餅，粉太多好硬，海鮮餅味道唔錯，但無一般喺街食點嗰隻醬好似爭啲嘢咁，可惜都係凍啲。啲店員好似係韓國人都幾好人，下次去食醬油蟹先…Read More

沙田行街lunch hour 全部好多人，試一試天天海南雞張枱唔平衡郁嚟郁去，個櫃桶仲成日彈出嚟😅問題不大嘅，但有啲奇怪點了兩個set lunch 點可以唔試下海南雞飯？er...無乜特別，大把普通茶記都好食過佢，淋咗啲雞汁喺面，個汁都ok，但啲雞肉無咩味，難怪要淋雞汁🙈『雞好食，飯更加好食』佢門口係咁寫。。。但雞就講唔上點好食，飯就更加唔好食，我都食得好淡，但食落都無咩雞油飯嘅香味。啲醬汁杰撻撻，亦都無咩好味，雞湯主要係當水飲😑講真佢收茶位錢但水都無杯飲下，想焗我幫襯嘢飲前菜已經食咗一隻糖心蛋，個麵再有半隻，食蛋都食飽嘅節奏。麵係好似粉絲咁，但幾有咬口，問題係啲海鮮，蝦，魷魚，蜆肉，全部都係無味，食緊擦膠咁，浸喺碗辣湯𥚃面都有呢個效果真係唔簡單。有一半蜆肉仲未開殼，打開其中一隻有一大堆沙，我就真係唔敢食食餐咁嘅嘢要差唔多3舊水，實在有啲嬲，慘得過大把人等位，啲waiter仲好勤力嚟收碟🤷🏻‍♀️…Read More

帶個女去商場玩，玩到攰想搵個地方比佢瞓晏覺，就同一層有呢間cafe，又竟然有位。任何消費加28蚊就可以有一杯冬甩飲品。叫咗兩隻唔同味嘅冬甩。。。講真食唔出有咩分別。不過味道ok 嘅，又唔算好甜。杯嘢飲反而幾好飲，好rich，賣相都好得意好靚丫，打卡唔錯，小朋友一定好鐘意。而且又真係唔貴喎，喺musea食嘢嚟講可以話好平添。時間尚早未有咩人，所以我地可以坐耐啲，都幾好坐幾闊，我仲可以泊到bb車，不過隔尼舖頭整毛公仔部機就嘈啲。下次再嚟幫襯先…Read More

突然想帶阿女去打卡，五點鐘打去，晚市得返五點半有位，馬上出發。去到未執好個場，等咗陣，門口係有啲窄，多人等位會行都無位行，但喺門口等都有打卡位，影住相等都好快。入座嗰陣好好，見我地有bb比我地揀坐闊落啲，仲有bb櫈坐。點餐之後趁人少少影下相，打卡位好多，的確係好靚，全個場都好一致森林style，好多綠葉加上木系傢俬，仲有好多精緻小擺設同埋森林動物。影到好多靚相。我地兩個人點咗兩個主菜，食到捧住個肚走。慢落豬。。。串燒慢煮西班牙黑毛豬配蘇梅醬，真係整得好好味。咁大舊豬肉，一啲都唔韌，但又唔會話太林，滑得嚟有返少少咬口。配酸酸地嘅蘇梅醬好味道，蕃薯角都好食，我仲撕咗外層比咗啲個女食。兩個人食有啲大份，食到滯滯地整返啖沙律好balance。仲有個大蝦意粉，味道同麵質都幾好，隻蝦就好大隻，不過啲肉有啲散，味道還可以，用咗好多蒜茸，食唔到咩鮮味。用餐時間只有個半鐘，又要打卡又要食飯好忙，無時間食甜品。所以專登嚟影相嘅真係要把握時間…Read More

食完飯想搵個地方比bb靜靜瞓個晏覺，我見間嘢裝修都幾靚，又有好多位好闊落，咪諗住去坐下傾下計囉。門口個人同我講完佢舖頭啲規舉，咁我就知點解佢咁多位咁少客啦。擺明搏執笠啦。大大個牌攔住門口叫人等帶位，明明就得幾條友我懷疑佢地落咗場 佢話喎，每人最低銷費80蚊，如果食甜品上菜時間係一個鐘，唔收現金只收信用卡。咁我地都食咗飯，唯有嗌杯嘢飲嗌甜品，而且佢個menu根本都無咩好揀。好，都係貪你有位坐，等一個鐘囉，一個梳乎厘班戟百幾蚊，有咩咁巴閉呢？食咗識飛？成舊幾水，明明都無客真係諗唔明仲要等成80分鐘佢先肯登場，我食下係唔係咁好食啊，喂好普通咋喎，賣相味道質感通通都唔覺得你有咩咁把炮囉。連啲配料都衰到得兩pat cream兩粒合桃咁，咩料啊。個焦糖醬都係幾好味嘅。。。相對起舊pancake 係啊香港商場其實都好需要呢種餐廳架，喺門口趕走啲客，坐就焗你坐最少一個鐘。加油啊，唔好咁快執笠 …Read More

呢間開咗冇幾耐，今日終於有機會去試吓啦。應該係即叫即整，因為我企喺度都等咗幾耐下。由於佢淨係做外賣，拎到返屋企再等咗一陣先至開始食，點都會差少少，尤其是炸嘅嘢，會淋咗啲。鵝肝漢堡不嬲都係我摰愛，見到餐牌上面有，就即刻狗衝去試，結果鵝肝就不過不失，陣油脂甘香味係有嘅，不過就唔係咁濃，有啲乾，無嗰種鵝油喺口𥚃面大爆發嘅感覺。反而塊手打牛肉漢堡呢，就真係好驚喜，一食就食得出貨真價實絕對係自己手打嘅，因為食出嚟真係好唔同。塊扒好厚好多肉汁，食到好有質感，有一粒粒肉粒，有少少煙煙銀銀嘅口感，肉味好重，仲食到有少少黑椒調味，實在係我食過咁多次漢堡包，包括係啲好靚嘅餐廳食過嘅之中最好味嘅漢堡扒。軟殼蟹又係另一樣我好鍾意食嘅嘢，呢個炸軟殼蟹意粉，唔知係咪擺得來得滯啦，脆就唔好脆啦，𥚃面好多水份，咬落去啲汁會滴出嚟，啲調味淡咗啲。不過隻蟹仲見到個蟹形就幾有誠意。但個意粉呢就好好味，味道同埋面嘅質感都係非常好嘅，見佢落咗洋蔥青椒紅椒所以好香，大大碟我成碟食哂。加13蚊跟餐有薯條或者蕃薯條，跟埋嘢飲。有少少淋咗，又無調味，就咁比包茄汁，蕃薯甜甜地都幾好味，薯條就麻麻。幾好啊呢間，應該會令我經常返去幫襯…Read More