laizero的個人專頁

兩個人六點去食，早到又閒日所以冇乜人，嘢食整體嚟講幾好食，大份，抵食，價錢合理，二人餐幾抵食，沙冰好大杯，高度有啲就快滿瀉。玉子蛋最正！推介。有一張獨立Menu係定食套餐，可以優惠價加嘢飲，如果普通轉Menu都可以on top special price加嘢飲更好。…查看更多

剛剛晚市可以去到10:00，可以出嚟食飯食耐少少，今日就去咗一間旺角嘅樓上Cafe，環境舒適，仲有好多老闆娘自己畫嘅油畫，仲有個櫃裝住好多唔同嘅棋類board games,一路播住緬懷青春嘅歌曲，心裏10萬個想去唱K！食物方面，性價比好高，今日叫咗個二人套餐，嘢飲任飲仲有八款飲品任揀，跟餐有三款小食(日式餃子、芝士焗薯條、蜜糖雞翼），份量吾少嫁。主食就係兩人份量（勁多料嘅白汁煙肉蘑菇意粉），大份又好食，老闆娘仲有溫馨提示，提醒芝士焗薯條要趁熱食。跟餐仲有甜品嘛阿！大滿足！！！必定再嚟！…查看更多

晚市六點開始，五點九黎到，離遠已經見到一條人龍，蕃茄味好香，湯好濃，環境衛生，點餐後亦好快送上湯麵🍜豬頸肉不錯👍🏻，彈牙又好食，值得一試！下次都會早啲黎再食。…查看更多

食完魚蛋，🍡🍢，由個邊條巷仔行入去，行吓行吓，俾佢門口吸引左，呢間飲品舖有別於一般飲品店，裝修好有創意，佈置裝飾用心特別，環境舒適，好特別，俾佢吸引左入嚟飲咗一杯芒芒梳打，🥭🥭🥭同埋桃桃梳打，🍑🍑🍑味道清新，唔會太甜，幾好飲。成間鋪最鍾意嘅位😻，就係佢門口嗰一幅藍色長洲牆，👍🏻👍🏻👍🏻完全係打卡一流，好多人排隊去影相。佢飲品上面張貼紙：甜度上面顯示係「和你一樣甜」，睇到都覺得甜絲絲，好得意😎。…查看更多

平時行去觀塘海濱，都會經過這間泰cool，但就冇特別望係食乜嘢，今日心血來潮想去試吓，一試難忘，有驚喜嘅一間餐廳。首先，環境裝修不錯，座位闊落，坐得舒適，又不會趕人，隨便坐，好啱一家大細食，非常好。食物價錢不算太貴，但勝在性價比高，大大份，每一樣嘢食落枱的時候熱辣辣，賣相不錯，味道也幾好。必食推介：1.鐵板豪仔蛋，廚師特登用牛油數過鐵板面，落枱嘅時候熱辣辣，渣渣聲，仲一陣陣嘅牛油香，好好食，非常大份。2.原隻椰青海鮮忌廉焗飯真係完個椰青，幫你起埋椰青啲肉，連啲椰青汁都唔會浪費，用個杯同你裝住，俾你飲返，賺咗杯嘢飲，成個飯超香椰香味，值得一試。…查看更多

放工經過，買了飯前甜品芒果布甸，非常推介，食過咁多次芒果布甸，呢間鋪既，質感一流，真心好食！1.豆腐花大大碗配傳統黃糖，好味！2.芝麻糊芝麻味濃，質感夠杰，正！3.各式各樣糕點買三送一， $24有4件，款式選擇多，有芝麻糕，彩虹椰汁糕，蘆薈椰汁糕，桂花糕，紅豆糕，芝麻糕，馬豆糕，好多好多糕糕。4.仲有極力推介嘅芒果布甸！我想買以為平平無奇，一食難忘，食過咁多次芒果布甸，呢個質感一流，好味！下次一定會再試🥰🥰🥰🥰見佢仲有好多唔同嘅粢飯，豆漿，其他嘢食。…查看更多

經過見到好多人排隊，餐牌價錢唔貴，決定試吓，鋪位細細，四個人幫手整嘢食，雖然多人等，但值得。芝士黑松露炸蝦卷黑松露味道濃，配搭芝士大蝦，一流！極力推介佢嘅黑松露卷物，非常好味。火炙芝士三文魚卷不錯，火炙壽司值得試！火炙芝士鰻魚卷熱辣辣，趁熱食口感好好。芝麻醬日式三文魚冷麵配搭芝麻醬，好味😋見到好多人食佢嘅套餐，包埋嘢飲，仲有啲套餐會包兩件壽司，性價比幾高，特別係個鰻魚定食，下次再黎可以去試一試。…查看更多

食過幾次，都覺得不錯，決定寫食評，每次放工返屋企，夜左少少，肚餓嘅時候見到佢仲開，都會買返個格仔餅或者雞蛋仔嚟食。推介：橙味朱古力雞蛋仔味道新穎，配搭不錯，仲有一粒粒原粒朱古力，記住一攞到嘅時候，千祈唔好焗係個膠袋度，要即刻食，焗住嘅話會林晒，果皮就唔脆卜卜。雙重朱古力格仔餅朱古力一粒粒配搭埋花生醬嘅格仔餅，如果你好肚餓，你食一件就已經好飽肚，配搭得幾好味，值得一試。有時可以配多杯嘢飲添，肚餓時候食係其中一個好選擇。…查看更多

晚上，一同二人，環境裝修不錯，吃了個船皇撈麵，炸蝦卷不錯，只是份量不夠，吃了豬頸肉串燒及牛舌串燒，就是值得推介，大件又好吃！一次叫三串比較抵！裝飲品的器皿特別。…查看更多

其實食左兩次，都吾錯先寫食評，今晚一同二人再黎食，食左鹽酥雞扒滷肉飯，三寶加沙茶醬烏冬拌麵，麻醬讚山崎烏冬。味道都吾錯，每次都會最後加紅豆仙草芋圓，十五蚊，大大碗，真心抵到爆。多人食，員工吾多，但仍然保持好好禮貌，值得讚許，如果有細心一點，員工身上黑色衫上面有一個燈泡嘅圖案，寓意生命要作鹽作光，發光發亮，照亮人生，好有意義，餐廳不時會播放Hillsong 。餐廳內仲有唔同嘅board game ，wii等可以一路食一路玩，一間良心又有meaning既小店，好值得支持！！…查看更多

雖然要等位，但係好值得嘅一同九人，老闆好好，不是定期update我哋唔係嘅狀況，知道我哋九個人比較迫，仲特登留多一張枱幫我地拍埋，非常體貼。嘢食好用心，又精緻，未食已經望到好開心。呢度好出名係食牛油果，配搭得好好味，配料又好合宜。佢個漢堡令人喜出望外，漢堡扒超厚又多汁，仲好好咁整咗五六成熟，好好味。老闆仲好好，可以指定每杯咖啡都用唔同拉花，就算係拉唔到花嘅鮮奶，都幫我地拉個清清地嘅花。Keep住一路都有人排隊，老闆一個人真係一腳踢，但係都好用心好有禮貌，俾十個讚佢！好值得再嚟嘅一間餐廳。…查看更多

來這裏吃第二次了，第一次是跟學校內吃中午的自助餐，價錢非常平， $100多就可以，餐廳經理服務非常好，吸引我這一次再來。這次是星期日平日的晚上，同行一家六人，雖然食物款式不多，普通三文魚魚生、蝦、青口、小長腳蟹、數十款的熟食、雪糕是dryers雪糕及維記雪糕，還有自己整的乳酪雪糕、數款甜品，但以200多元的晚飯自助餐來說，有六人同行一人免費的優惠，還特意送了小蛋糕，性價比十分之高，加上餐廳經理及員工服務非常好，還請飲紅白酒，值得一試的一所西餐廳。…查看更多

第一，一入到去落單叫杯凍奶茶少冰已經俾個阿伯話: 「少冰叫乜凍飲」，毫無禮貌！第二，落單要兩個跟餐白湯，上枱上錯咗紅湯，叫佢換，竟然大聲夾惡話：「點解唔飲」，人地已經講咗想飲白湯，唔食菜唔飲羅宋湯個啲，竟然俾佢話返轉頭：「呢啲係意大利菜湯，唔係羅宋湯，話我地五識野，話而家d後生仔完全唔聽人教導」，講左一堆偉論，話到時出到去：「唔好話阿伯無教曉你」，但而家我地黎食野有選擇權，只係五想飲，都要俾人訓示一大輪，仲要個阿伯好有道理咁話:「你地唔飲我都可以換俾你」，明明就係阿伯落錯單！第三，埋單叫人無人理，行出去嗌人，俾阿伯啤一下講:「坐係到！」完全無禮貌可言，態度差到無人有！大佬，我叫埋單咋啵。第四，埋單兩份set lunch加一服務，$171.6，我地比172仲禮貌講句:「唔該哂，唔洗找。」跟住阿伯大聲話：「找乜野！」，雖然個4毫我都唔自在，但問題係呢啲算什麼態度！坦白講我地由頭到尾都有禮貌！有講唔該！完全不是麻煩客人！但呢間餐廳既阿伯服務真心，一字記之「劣！」就算阿伯係老闆都咁話！仲要加一服務，加一俾佢其他員工，同情佢地要對住呢個阿伯工作！大家將心彼己，我地兩女子，無論做咩事都對人有禮，而家我都係食一餐姐，點解要受你氣，俾你話，仲話埋啲年青人！雖然阿伯態度差到形容唔到，但我地都不忘講唔該，因為我地雖然年輕，但係有質素既，青年人，共勉之！！…查看更多