elmmm's Profile

-••••••••••••••••••••••••••••••🍔Burgeroom(尖沙咀)📍尖沙咀彌敦道132號美麗華廣場一期2樓207號舖☎️電話:37020361⏰營業時間:11:00-00:00🧀🍔黑松露芝士大烤菇煙肉牛肉漢堡個人認為黑松露味道唔算話十分出，可能因為有芝士，同埋啡菇本身都濃味。但黑松露加芝士令到入口既時候十分濃厚，重口味既人都應該都十分滿足，但如果真係中意好重黑松露味既人就未必夠啦🙈漢堡size十分大，真係大個我塊面，牛肉好厚身，唔會好硬，好Juicy👍🏾🍯🍔蜜糖芥末大烤菇煙肉牛肉漢堡 蜜糖芥末味就温和得多啦，酸酸甜甜，唔係太辣，其他配料就都大致同黑松露果款相同，但個醬汁唔同都差好遠，食落較清新😆🥑🍟牛油果醬芝士薯條牛油果醬同芝士既份量好足，唔會話食到下面無醬點，牛油果醬加左檸檬汁，酸酸地較開胃，唔會話食落好油膩好滯，薯條都好脆，但唔知點解食落條薯條唔熱既🙈🍔🍟🍔🍟🍔🍟🍔🍟🍔🍟🍔🍟🍔🍟🍔🍟🍔🍟🍔🍟餐廳食物質素都算中上，價錢就唔好期望係麥當當價錢啦，佢個漢堡仲大過我塊面，配料都一啲都唔慳，收呢個價都好合理，如果兩個女仔食，食量唔算大既話，叫一個Burger加一個小食乜都夠。環境正常啦，坐得唔係話特別舒服，要等位，等左半個鐘多啲，未食過既可以接受嘅🙈••••••••••••••••••••••••••••••…Read More

-••••••••••••••••••••••••••••••🍣鮨一日本料理 (尖沙咀)📍尖沙咀厚福街12號藍馬商業大廈18樓☎️電話:37059227⏰營業時間:12:00-14:30，18:00-23:00🦀甲羅燒💰HKD$98呢個甲羅燒唔係用鵪鶉蛋，而係用雞黃，同埋唔係好食到蟹肉，但蟹膏都幾鮮甜🤤有淡淡清酒味，加左清酒既蟹膏無咁重味，比就咁食蟹膏更易入口👍🏾配埋脆多士一齊食，有啲食鵝肝配多士既Feel🤣🤣🤣🐮👅鹽燒牛舌💰HKD$38一串我每次食日本必叫既嘢食😋最中意牛舌又彈牙又爽口，今次呢個牛舌燒得岩岩好，唔會太韌，加埋檸檬汁🍋食，整體會再清新啲，因為本來牛舌既味道都係較重，有啲人可能會覺得有牛騷味，檸檬汁係一個好好既調和👍🏾🐟鹽燒三文魚腩 💰HKD$68鮨一既燒物真係燒得不錯，三文魚腩外脆內軟，魚腩脂比例較高，入口好快融化，肉既比例較少，怕食脂肪既朋友可以選擇其他魚同其他部位😁🍵燒明太子茶漬飯 💰HKD$45正正常常，不過不失👌🏾🍱牛油果軟殼蟹反卷 💰HKD$78牛油果軟殼蟹反卷最易出事係炸軟殼蟹上，一係炸得太勁，硬到完全食唔到軟殼蟹，一係炸完擺得太耐，放到腍哂，啲油滲哂出黎🤢但呢個又炸得岩岩好，皮夠脆又食到蟹肉，仲要無食到成口油，通常食炸軟殼蟹都係粉多過蟹，軟殼蟹同炸粉比例幾好不錯不錯😆壽司🍣(日本鮮帶子💰HKD$35@1、芥末八爪魚💰HKD$18@1、油甘魚💰HKD$32@1、火炙三文魚腩💰HKD$24@1)鮨一既壽司飯係赤醋飯，比一般白米醋飯酸度較温和，之間赤醋飯係香港比較少見，可能要係比較高級既日本餐廳先食到，不過而家越嚟越多地方都有得食👍🏾鮮帶子十分鮮甜，上面有少少柚子皮，食落有淡淡既柚子香味。芥末八爪魚不會太嗆鼻，八爪魚亦唔會好似橡筋咁咬唔爛。油甘魚就反而普通左啲，同出面食差不多。火炙三文魚腩入口即融，夠肥美，油脂十分香。🍱🍣🍱🍣🍱🍣🍱🍣🍱🍣🍱🍣🍱🍣🍱餐廳食物質素不錯，價錢都算合理，環境方面就正常，但有三層都係佢哋餐廳，所以坐位唔會好密集，呢度加左好多分，服務態度都ok，但就落錯左幾次order，落少左同埋落錯隔離枱🙈但整體都不錯既，推薦大家去試下☺️••••••••••••••••••••••••••••••…Read More

-••••••••••••••••••••••••••••••🍟Mini Friday (旺角)📍旺角西洋菜南街2號銀城廣場9樓☎️電話:37059125/68507056(Whatsapp)⏰營業時間:12:00-16:00，18:00-23:30🥩皇牌威靈頓牛柳 性價比高既威靈頓牛柳👍🏾出面層酥皮幾脆，焗得岩岩好，如果牛油香味重啲就更正，切開入面有蘑菇夾住牛柳，蘑菇味不太重，牛柳5成熟岩岩好👍🏾肉質都幾腍，牛味不錯🐮伴碟有黑松露薯蓉同蕃茄、翠玉瓜，薯蓉好香滑，十分不錯。呢個威靈頓牛柳應該係簡化版本，我食唔出有巴馬火腿同芥末，雖然味道上層次無咁豐富，但呢個價錢佢既質素都真係不錯😆記得趁熱食啊，酥皮腍左就唔好食啊啦❤️🐃🐓水牛城雞翼 水牛城雞翼個汁調較得唔錯，唔係Tabasco雞翼🙈如果雞翼再炸得脆啲就更好了😜🍟炸薯條配黑松露醬 呢個薯條就真係差啲啦，炸果方面其實真係炸得幾脆，但薯條陣油膉味真係幾勁，點左醬都食到😖🥩🍟🥩🍟🥩🍟🥩🍟🥩🍟🥩🍟🥩🍟🥩我個人認為呢間餐廳既食物質素都ok既，而且價錢都幾公道，環境我覺得正常啦，但服務就不要期望太高，可能人手不太多，同埋Openrice訂位話有88折，但end up係無折到既，不過我地都唔記得左，之後先諗返起，所以如果係Openrice訂位既埋單時記得留意有無折到啊😆••••••••••••••••••••••••••••••…Read More

-••••••••••••••••••••••••••••••🇰🇷星星 Pho Cha (佐敦)📍地址:佐敦文英街18號文英樓地下☎️電話:26872128⏰營業時間:11:00-01:00🙈首先佢個前菜認真麻麻，豆芽同菠菜都叫做正常，但泡菜太酸、唔爽，最難食係個唔知蘿蔔定乜黎，勁腍，口感十分古怪，同埋個茄子都無乜特別🤭海鮮大醬湯🍛大醬湯既料都算係多，無乜特別材料，都係平時啲大葱、辣椒、金菇、豆腐，仲有跟飯，豆腐量都幾多，通常食大醬湯豆腐都係得兩、三舊，同埋佢係用硬身少少既豆腐，平時食既大醬湯好似都係用嫩豆腐，跟住海鮮就係啲好細既八爪魚仔同蝦肉，有幾隻蜆，質素普通，反而個湯係幾好飲既，大醬味都幾濃同香。五花肉紫菜包飯🍚紫菜包飯都幾大份，有9件大大件，餡料十分足，甘荀、青瓜、腌蘿蔔、蛋、蟹柳、腸仔、生菜、辣椒仲有燒五花肉。份量大，但賣相麻麻，呢張相已經係佢地員工拎入去執過再出，一開頭上果陣係散哂😅味道中等，五花肉比例少，食落得少少五花肉香味，所以我覺得下次可以試下佢地其他口味既紫菜包飯。韓式米腸🇰🇷呢樣韓國特色食物真係未必個個岩食，唔鍾意既人可能會覺得腥同核突，鍾意既人(例如我🤣)就會覺得好香。呢間既米腸有啲過腍，可能蒸既時間耐，而且味道較平時既米腸淡，不過佢都有跟辣椒粉同鹽，點完會比較好食。其實韓式米腸係主要原料係豬血同冬粉塞入豬小腸，食法好多樣，有就咁蒸、有加埋炒年糕食、有啲會加其他食材一齊炒、有啲會用黎煮泡飯食。如果未食過又想試既朋友，第一次食唔建議揀清蒸，未必個個都接受到果隻味道😝🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷🇰🇷呢間韓國餐廳我個人覺得味道中等啦，而坐位距離就比較窄，但勝在價錢比好多韓國餐廳算實惠，份量又都幾足，而且菜式都幾多樣，我見佢仲有啲set，乜都有啲，價錢都幾公道，下次大家經過不妨去試下，但如果星期六、日記得早啲去等位啊，因為都幾多人，同埋佢地好似有得book位的👍🏾••••••••••••••••••••••••••••••…Read More

-••••••••••••••••••••••••••••••🇲🇾麥金.麥金馬拉特式茶啡室 (大角咀)📍大角咀大全街6-20號大富樓地下A2B號舖⏰營業時間:11:30-22:00🍛娘惹咖喱雞配椰漿飯呢個椰漿飯入面有娘惹咖喱雞、薯仔、花生、雞蛋半隻、參巴辣醬、青瓜、同炸魚乾。椰漿飯認真麻麻，香味真係唔係好夠，同普通白飯分別不大🤭撈埋辣醬、魚乾同咖喱汁都ok既🙈花生唔夠香脆。咖喱雞入味，但真係有啲柴，反而個薯仔不錯，好入味同埋夠腍，但不會太爛。🦴皇帝骨肉骨茶皇帝骨口感正常應該較腍，但今次食有啲硬同韌，個茶又無乜藥材味，上次食藥材味較重同豬肉都比較腍👉🏾👈🏾🍞咖央多士咖央醬都幾香滑以及份量對個人而言都適中，多士一上就食十分脆，員工都有提醒最好食左先，十分細心，因為凍左食真係差好遠咖😆🥤美祿恐龍呢杯應該都無乜機會失手🤣鍾意美祿既朋友一定要飲🤤好香好甜🥰🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾🇲🇾其實呢間之前已經食過1次，上次覺得啲嘢食不錯，同裝修都幾有特色，所以咁啱係大角咀就決定去食多次🤤但今次有係有啲失望既，除左椰漿飯係第一次食之外，其他嘢上次都有叫，肉骨茶既水準真係差過上次，不過好彩咖央多士同美祿恐龍都ok。雖然我無記低食物價錢，但都唔算貴，我記得埋單150左右，但我下次就未必會專登去食了🙈••••••••••••••••••••••••••••••…Read More

-••••••••••••••••••••••••••••••🥑Avobar (尖沙咀)📍尖沙咀梳士巴利道18號Victoria Dockside K11 Musea B2樓B201-4號舖⏰營業時間:11:00-21:00今次真係遲哂大到既打卡🙈之前佢岩岩開果陣疫情又未有咁嚴重，我怕勁多人排隊所以遲遲未食，而家終於食到了🤤🥑🍔Avo Bun Beef 💰HKD$158首先要講下呢個最特別既牛油果扮包🤣我相信好多人未去食已經會打算試，我都係其中一個。佢成份嘢由牛油果、撕開一條條既牛肋肉、蕃茄莎莎醬同埋芹菜沙律組合而成，牛肋肉果part不錯，幾腍同牛味都幾濃，而且佢撕開一條條令到口感上豐富左，但其實我覺得莎莎醬係成道菜最重要既角色，因為其實牛油果本身係一個口感比較滑，而且味道比較清淡既食材，所以佢呢個”BUN”如果淨係得牛味，味道上可能會比較簡單，而加入莎莎醬為呢個”BUN”係味道以及口感都提高左層次感。其實芹菜沙律都都幾有口感既，但味道上就無乜特別🙈🥑🍞🥚Eggs Royale Toast 💰HKD$128呢個Toast我個人認為幾好食既，佢由牛油果、水波蛋、煙三文魚、牛油果荷蘭醬同酸種飽組成。個人認為Avobar既醬汁造得不錯，佢個荷蘭醬有牛油果，所以比平時既荷蘭醬更加香同濃厚幼滑，而且可能因為有塊多士，相比Avo Beef Bun更飽肚，相對性價比更高，唯一美中不足既係佢個水波蛋完全熟哂，一啲流心都無☹️🥑🍍🥥Coco Avo Blue 💰HKD$80呢杯Smoothie有牛油果、菠蘿汁、燕麥、藍莓同椰奶組成，無乜特別，就係一杯健康水果smoothie既味道，唔甜，而且無乜平時Smoothie 有冰粒既口感。🥑🍌🧂Vanilla Avo Shake 💰HKD$80杯Shake入面有牛油果、杏仁奶、杏仁醬、香蕉、椰棗、Himalayan Salt，口味比Coco Avo Blue更淡，個口感同佢哋既Smoothie無乜分別，我個人更鍾意Coco Avo Blue。🥑🥑🥑🥑🥑🥑🥑🥑🥑🥑🥑🥑🥑🥑🥑我見好多人話佢價錢偏貴同性價比較低，我諗可以係因為其實牛油果本身都唔係特別平既食材，同埋K11 Musea入面既餐廳既價格都唔係親民路線🙈 唔係話好熱愛牛油果既人未必會覺得Avobar好好食，佢嘅菜式份量都不多，但無可否認佢地既牛油果量十分足，應該一道菜都有一個，而且佢哋主打牛油果，所以每一啖牛油果既質素都好高。🤔如果要去食既朋友，個人認為佢哋既飲品可以選擇性叫唔叫，因為Avobar有牛油果既飲品起碼80蚊一杯，但味道真係無乜特別，呢個本人認為性價比真係有點低，或者可以2個人Share一杯試下😝⚠️仲有，我今次食既時候坐果個位唔知點解中間有條鐵，坐既時候要跨過去，同埋坐低左無得合埋雙腳，著短裙既女士要注意🥰如果係好鍾意食牛油果🥑既朋友就唔好諗啦，快啲去食啦😋••••••••••••••••••••••••••••••…Read More