GSRRINGO's Profile

同事提議嚟食，打電話預約巳經預上麻煩，電話打極都唔通！過咗幾日，我一打就通，順利訂到位。準時出席，場內得14個坐位，只做晚市，呢份堅持值得關注。服務員好好咁解説個菜牌。既然第一次，食十本啦。呢度用備長炭去燒，抽風開始時客人少，都足以應付，但係客人多嘅時候，見到啲煙抽得好辛苦！濃雞湯免治雞，湯頭香甜，免治雞肉我就覺得淡口咗。雞柳就梗梗熟，同事就話好似有少少生添，但就真係嫩滑。每一串都細細件，分開晒，係可以食到原味啦，加七味粉啦，同埋山椒粉配搭嚟食。雞胸皮薄脆而且嫩。帆立貝就外溫內涼，唔知係唔係有意咁燒出嚟比客人:)。味噌大根好入味，清甜爽脆。雞心唔係成日有得燒嚟食，要係對食物有選擇性，就唔好喺職人面前失禮，一係就唔好點嚟食。生麩我都唔知是什麼。沖繩海蘊入口就好似海葡萄嘅質地，爽脆:)。雞尾係我至愛，甘香油滑。燒冬菇好多汁，又夠香。和牛西冷喺呢餐就變得平淡咗啲喇，或者可以改燒第二樣蔬菜減去之前啲油膩仲好:)。免治雞肉捧加上生雞蛋，成家一齊一口食落去，聽到都知道係好正啦。雞白湯拉麵，雞湯同第一份濃湯唔同，呢個清香好多，拉麵就比較硬:)。雲呢拿雪糕配上脆餅作最後終結。咁多樣嘢對我已經好飽，友人亦都係一樣，大滿足。場內一個服務員好勤力咁，每有一道菜上客人面前，佢都立即去解說，而且不停喺客人廚房來來回回…Read More

餐廳訂枱要信用卡留位費，每位一百，缺席先過數。第二次嚟，食物質素都保持良好。唔想慢慢點菜，叫個 Special Lunch 搞掂，加錢要埋個海參。先嚟個蜜瓜湯，雖然同爵士湯唔一樣，但都好香嘅杏汁、靜岡蜜瓜仲好甜。然後就嚟件以金錢雞作參考嘅食物，上面好薄片薑，中間北海道帶子，最下係菇，一啖入口幾種食材味道恰到好處。另一件係牛肉碎，特別嘅係匙羹用雲吞皮造成，可以食埋去。昆布小籠包真普通，冇驚喜。蝦餃啲蝦偏淡。鮑魚燒賣嘅燒賣，係糯米包嚟架。脆皮海參真係好好食，因為上次食過，加錢都要再食。食唔到用咩包住件海參去炸。蝦球有兩大隻，爽甜彈嚟形容呢件蝦就最好不過。下面仲有炸過嘅腸粉，加埋啲蝦膏蝦汁，食到有啲漏。件魚又係用海苔加啲粉漿包住去炸，外表脆香，香魚魚油好多，而且肉質鮮嫩。月光寶盒有機會去食，就自己體會一下呢個味道嘅驚喜啦。燕窩豆腐都係比較清淡嘅糖水。今日唔知點解上菜速度慢咗好多，我哋差唔多食咗兩個鐘先離開！…Read More

好同事生日，我都會同佢一齊嚟食餐飯，情意結。坐定定就叫壺普洱茶品吓先。今日我發板，先食件龍蝦餃，龍蝦鮮甜彈加上粉葛嘅爽，再配上芹菜嘅香，咁複雜嘅味道夾得天衣無縫。每一次都叫鮑魚雞粒酥，每一次質素都保持得咁好。黑椒牛柳腐皮卷，牛柳有咬口牛味濃。片皮乳豬皮脆，肉分開兩層，一層肥加一層厚，細細一件食咗都冇罪惡感。蜜汁叉燒半肥瘦加少少🤏燶邊。蟹蓋係用唔記得咩蟹😅，新鮮拆肉，再加埋奶入去炸，鮮甜香脆，配菜上面仲有少少🤏金箔，要食埋去呀。銀杏扒鮮枝竹，睇落好似係甜品咁😅，食落鮮枝竹好滑又香。金銀蛋莧菜，每一條都係一樣長短，唔會有渣。鮑汁花膠鮑魚絲撈麵，每一次都會食，麵爽彈有咬口，仲好好掛滿啲鮑汁，生日當然要食麵啦。食午餐用咗三個鐘，最後食唔到甜品，服務員都知道我哋好飽，送上一點心意，咁就完美一餐。…Read More

好多年前，行完山，游完水，都總會去深井陳記食燒鵝，啤啤去🍻。今日經過有時間，仲有啲牙齒，就入去食啦😅，估唔到仲係咁好味。就快四點，啲鵝仲暖，好多其他有名無名嘅餐廳都凍冰冰，同深井一樣幾時食都有溫度👏。鵝脆皮肉嫩，加埋啲鵝油真係想加多啲飯食啊。可惜就係冇例湯飲，有得好似深井咁食飽抽吓煙飲啤酒🍻就爽啦。下午茶咁嘅價錢，中環都好難搵到咁嘅質素👏。…Read More

同事介紹我嚟呢度試，我聽佢講好耐，終於都約到友人一齊嚟呀預先訂好位先，因為午市時間好難訂由其是呢個疫情時期樓上舖，得一部𨋢，行吓樓梯啦餐廳環境好闊落，枱與枱之間好多位，燒完都唔會有好大陣味黐上身同頭髮。唔理咁多，時間有限，因為係限時，就298 set啦，再加一份海膽牛肉卷。先嚟飲品，食得燒肉，點會冇啤酒。一盤前菜、沙律菜、白飯、牛舌、湯先嚟，然之後到份298 set。前菜、沙律都係一般，牛舌三片仔又好嫩喎，白飯唔係珍珠米。298 set有5款牛嘅唔同部位，我冇問到咁詳細，食咗先講，牛肉都有醃過吓，我都係燒到面轉咗色就食，入口有牛味，有啲油脂，有啲醃味，腍嘅燒燒吓份海膽牛肉卷嚟到，即刻夾嚟食，入口係幸福嘅味道，牛肉嘅鮮味同嫩，海膽嘅鮮同滑，一啖一件喺個口度唔係好想咬。食飽之後對友人有啲失落，就係冇甜品食喇。…Read More

一入到門口，裝修真係靚到，燈光加上鏡面，還有多個開放式包箱，空間感好強。茶壺用一個比較大嘅金屬茶壺，係有啲意思，但茶會凍得好快，水滾茶靚就冇喇！唐人館叉燒，蜜汁香而唔黐口，叉燒半肥瘦分明，有咬口而咁靭。海鮮腸粉，腸粉皮薄好滑，入面包住啲蝦同章魚等等打成膠，再用一層脆醬炸，食落就好似炸両多咗啲海鮮咁:)。酒糟鮮鮑魚就睇得出師傅刀工，咁齊整嘅𠝹花，鮑魚腍又彈牙。XO 醬雪花牛肉粒炒糙米飯就有啲麻麻，首先雪花牛肉粒巳經睇唔到有冇雪花先，而且牛肉粒好細粒！師傅刀工太強！再嚟就係個炒飯上到枱係煙都冇！食嘅時候係和暖！最後我叫咗個官燕楊枝甘露，燕窩我就冇乜所謂:)，楊枝甘露反而清甜爽口，再加上芒果同士多啤梨，畫上句號。餐廳服務員都好貼心，清枱沖茶都跟得足。…Read More

今晚嚟到呢度，為嘅就係日本嘅味道，餐廳都好和風格局。侍應安排我哋坐入房仔，不過間房就要同另一枱嘅人一齊，有啲怪咁:(。叫咗樽北海道梅酒飲吓先，味道唔錯喎，夠香梅味，又唔太甜。吞拿魚蓉卷，魚蓉好甜，不過飯就唔夠實，比較鬆。鯖魚棒冇得頂，原條鯖魚半生熟，實在少有，魚腹肉嫩魚油香，醋飯係比普通嘅多一點點醋味。魚背係最好食，比魚腹係彈牙更有口感。辣味八爪魚普通啦。蟹膏甲羅燒，蟹膏濃縮到不得了，香噴噴熱辣辣，一啖之後滿口都蟹膏。牛油炒鮑魚，鮑魚新鮮彈牙，比牛油包住一啖入口，兩種味道好夾而又唔會搶走啲味。燒雞軟骨同雞翼都係普通，雞翼仲燒得比較差。麵豉茄子，茄子肥美多汁，配上少少麵豉佐酒小食。秋刀魚，魚皮都算有少少脆，魚肉嫩香帶少少魚油。燒牛舌要燒得好食，唔係個個得，呢度真係掂，嫩到又咬得開，唔韌，仲要見到粉紅色，就算放咗一陣，粉紅色都冇啦，入口都唔韌嘅，冇得頂。最後食埋個蟹炊，蟹肉唔算多，湯水有啲清酒味，蟹味就唔算凸出，比較清。喺房仔每次要搵服務員都要起身行出去，呢點有啲改善空間:)，侍應服務都好好。…Read More

好難打得通電話，盡量去試:)，總會成功。一間小店，開業4年多，餐牌冇加過價。。。前菜係慕茸加菠菜，加上醬油，清新非常。到茶碗蒸，都係慕茸蒸蛋，蒸蛋真係非常合格，好滑又彈。今日好彩，有北海道生蠔，生蠔肥大肉厚，海水味唔重，但非常鮮嫩肥美多汁又甜。到劇肉，一塊近江A4牛，夾開慢慢食，先咩都唔好攪，就咁放入口，係開心到唔想出聲同講嘢，油脂分泌喺口入面捲起風浪。再夾件去沾蛋液，蛋液令到牛肉更加滑。最後夾埋白飯一齊食，飯粒沾上牛油，令原本巳經好香嘅米，加上色彩。食吓肉，食吓菜，菜都用燒過嘅牛留低嘅油煮，令到蔬菜重生一樣，肩肉就有啲咬口，都帶少少筋，牛味濃過西冷。如是者一牛一菜，都巳經飽飽哋，再嚟個滑蛋牛炒飯，我要少飯丫唔該。放近江牛肉粒落去，炒兩吓落蛋，炒兩吓落埋飯，非常專業，飯粒沾滿蛋、牛油，一匙羹仔放入口，好食到唔想咁快吞落肚呀。麵豉湯就帶點酸酸哋嘅味道，我冇留意聽侍應講係咩。最後我食柚子雪糕，飲熱檸水。坐Bar枱，廚師好專業、細心講解。侍應清枱倒啤酒跟得足。最重要係擺位，日本人攞位筷子係打橫放架。去日本超級市場，買碗近江牛肉飯都要二百幾，小店有咁高質素，唔怪得咁難訂位。…Read More

一早打電話訂位，順便訂定個蟹煲先，再加上龍蝦🦞，係爭條魚，因為有人唔食。坐低再叫多半隻海南麻雞，加碟菜添，想話再叫埋串燒，但第一次嚟，未知份量有幾多，所以都係唔叫住喇，加埋4杯凍飲。先嚟海南麻雞，肉質鮮嫩，好有雞味，係雞皮下面少咗啲啫喱咁。之後到龍蝦海鮮喇沙，同睇相有啲分別，龍蝦份量唔多，海鮮都係普通嘢咁，喇沙就帶微辣，我怕辣所以食少少。再嚟通菜，一嚟就聞到濃濃嘅蝦膏味，好有鑊氣添。重頭戲嚟喇，個蟹煲一打開，就聞到香噴噴嘅蟹味，食咗啲米粉先，吸晒蟹嘅精華，啖湯飲到有微微嘅胡椒味，但又唔會太搶，蟹肉都仲好甜，一梳梳咁，每人食兩碗仔米粉，真係個個都話好飽喇，就連甜品都唔食。舊時呢個位，都係食呢啲，但依家新嘅，好過舊，因為唔洗食 Set Lunch…Read More

路過試吓佢嘅下午茶時段，見到都有人幫襯，應該都信得過👌。餐廳地方乾淨，冷氣夠，就試酸菜魚啦💪。到上枱時，個菜飯係凍嘅🤦🏼‍♂️❗️有冇攪錯呀😤❗️酸菜魚片預咗唔會多，得五片，食唔出有魚味，而且又係唔熱唔凍🤦🏼‍♂️😤❗️呢餐真係冷飯菜汁🤦🏼‍♂️❗️…Read More

嚟呢度好多次，第一☝️次食商務午餐，飽到不得了。先嚟一杯有氣茶，有3種茶溝埋，幾夾唔錯丫👌。之後嚟兩件餃子，餃子皮好黏口，肉餃香，素餃清新。再嚟一碟茄子，有兩粒喺下面，而一片茄子用粉漿炸到成個飛碟咁，仲要脆卜卜，同天婦羅一樣呀。今日老火湯係合桃眉豆花生雞腳湯，飲完唔會口渴，真材實料冇得頂。菠蘿叉燒包食過好多次，水準依然勁燒味拼盤、雞有酒、油、雞味，雞皮仲要有啲啫喱。叉燒好香蜜糖味，豬味又夠香，係差少少🤏有燶邊就正。海蜇頭夠爽彈。呢個牛面肉，一碟3大件，友人話飽比多兩件我🤦🏼‍♂️。牛煮到好腍，牛味又夠重，真係冇牙都品嘗得到。個炒飯一嚟到，香氣撲鼻，飯炒得夠乾身，欖菜、瑤柱、帶子都係切粒，飯同材料比例啱晒，一羹一啖唔會食完飯啲料都未吞到。羅漢果茶，味道好回甘，清一清口腔等食甜品。鮮淮山紫米露一放低打開，又係香到幾飽都要食埋，再加埋迷你莎翁同桂花糕，飲多兩啖靚普洱就埋單。每一次嚟到，服務員都好專業，照顧周到，係訂位比較難，同埋要食腸粉，就星期六、日、假期先好嚟，平日冇得食架👌。…Read More

好耐冇食過正宗嘅潮州菜，今次冇選擇錯👍。首先食個潮州紅燒翅先😍，潮州嘢係比較胡口😋，翅都好夠份量，差唔多有二両😍，正👍。再嚟係傳統嘅潮州紅桃粿😍，呢樣係過年實有得食嘅😋。外面係粉皮，包住由蝦米、冬菇同糯米飯，再煎到外表金黃色，咬落去皮脆內嫩😋👍。到滷水鵝片，滷水味香而唔咸👍，鵝皮帶住少少🤏啫喱，片片厚薄均勻💪，真係應該要叫碗 ( 妹 ) 來食🤣。黑毛豬蘿蔔絲酥餅，豬肉香而不膩，蘿蔔絲甜，酥皮又鬆脆，口感一流😋👍。最後食埋清心丸綠豆爽，又係胡口嘅糖水😄，唔算太甜，我都可以接受👌。清心丸夠Q彈，綠豆爆開晒，飲落肚好舒服，如果有凍食就仲好添😁。今日都算多人，服務態度好👍，仲有好多潮州菜食，可以再去過😋👍。…Read More

好少見到一早7:00am多，店主巳經在店內忙於切魚👍，8:30am就巳經食到新鮮熱辣嘅白飯，加上魚生，好似去咗日本🇯🇵咁呀🤣。餐牌就大大個喺收銀機隔離，全部都係丼飯，另外仲有啲時令食物放喺廚房嗰邊，今朝見到有蠔同大海老。我食個飯，份量我都覺得少😅，正常男人應該唔會飽🤣。魚嘅份量好多😍，魚蓉撈飯一流😋，赤身好滑👍，中落都可以👌。日後希望會定期轉換一啲新菜單，咁早餐就更多選擇啦😁。…Read More

都巳經嚟過好多年，每一次都想投訴，但唔知去邊度投訴啫:(！今日嚟到睇到有新menu，試得幾多就幾多啦。馬糞海膽好甜，加埋甲墨魚一齊食又唔同晒。拖羅嘅層次多咗，而且賣相好過之前啲。北寄貝夠爽甜，仲有兩食添。石班魚魚肉彈牙。松葉蟹腳夠香甜。廣島蠔好香濃嘅蠔味同海水味。七款新嘅寿司，有紫菜包住嘅都係唔得，最大原因係紫紫唔脆！其他分店我都有時會去，但都冇遇到咁嘅情況，希望佢哋睇到，可以檢討一下啦，而且呢間冇 set 食，理應更加要檢查得好啲架。…Read More

呢個冇漢肺炎🤢，好少人聚會同食飯😷，就連出街都驚🤦🏼‍♂️，今日 Lunch 嚟呢度，入座都有7成，算好喇😃。企咗門口好耐，冇人嘅😳，行出行入幾次，都唔見有人🙄，最後終於見到喇😃。坐低先發現，原來成個場，得佢一個女仔招呼咁多人😱💪🏼。所以我都唔好麻煩佢咁多😜。大阪燒我就唔識整，唔好嘥嘢😂，都係叫啲牛啦🐮。上級牛肋肉，有啲醬汁一齊燒🔥，幾秒就食得，都有啲牛味嘅😅，但係份量太少喇，食完呢個 set ，女生都唔會飽啦😂。叫多個牛舌👅，有啲就好似香口膠咁🤦🏼‍♂️，有啲又好腍喎😂。同埋冇醬油加埋一齊燒🔥，係冇味架🤦🏼‍♂️。枝豆冇落鹹，冇咩味🤦🏼‍♂️。Lunch 一個套餐，咁少嘢食要 $88，而且唔會飽，又唔係話太好味，大家一齊嚟，自己玩大阪燒，就可以接受嘅😃。…Read More