深井陳記燒鵝 (富興大廈)

好多年前，行完山，游完水，都總會去深井陳記食燒鵝，啤啤去🍻。
今日經過有時間，仲有啲牙齒，就入去食啦😅，估唔到仲係咁好味。
就快四點，啲鵝仲暖，好多其他有名無名嘅餐廳都凍冰冰，同深井一樣幾時食都有溫度👏。
鵝脆皮肉嫩，加埋啲鵝油真係想加多啲飯食啊。
可惜就係冇例湯飲，有得好似深井咁食飽抽吓煙飲啤酒🍻就爽啦。
下午茶咁嘅價錢，中環都好難搵到咁嘅質素👏。