AYAMI's Profile

5月份天氣已經變得炎熱，小編坐底急不及待先點一杯香港唔多餐廳會有嘅冰凍飲品解解渴。原隻椰青沙冰🥥 HK48店家將原個椰青刮肉即叫即打，所以千祈唔好躁底， 耐心等一段時間，因為等一陣係值得 出黎喇~出黎喇~~ 賣相滿滿嘅沙冰，豐厚綿密，就算到飯局尾聲仍然椰味濃郁。真心推~~~~至於食物質素，師傅亦都準備十足用心烹調。泰式生蝦 HK$148刺身最緊要新鮮。。真的新鮮美味、大大隻。青醬汁亦都剛剛帶出刺身鮮味泰式拼盤 (炸蝦餅、炸魚餅、春卷及串燒雞) HK$158摩天輪造形吸引眼球。食物足料，蝦/魚餅咬落彈牙爽口，春卷脆香不油膩，串燒雞正常。泰皇咖哩炒肉蟹 HK$368大大碟泰式咖哩肉蟹，鮮味十足，蛋咖哩醬汁又係白飯殺手可撈上幾碗白飯。冬陰公湯底明爐鱸魚 HK$238用上明火gas爐火力夠，滾起湯底變為冬陰公魚湯，又係一絕。雖明火但魚肉仍無比鮮嫩芒果椰汁糯米飯 HK$58 + 椰汁西米糕 HK$42不得了。。塊芒果肉好好食，好似泰國街邊食個種 西米糕溝左好多芋頭粒、栗米粒，口感豐富，味道適中唔太甜總括黎講，食物質素高，價錢公道抵食。至於室內環景舒適光亮尚算闊落，起碼唔會迫迫摃。下次光顧再試下其他款式😆…Read More

午餐時段已幫趁過好幾次，每次質數算是平均，食品沒有太大落差。環景、座位空間各樣都頗好。午餐此價位驟眼睇真係覺得偏貴，但試過就180度改觀，因為份量都大份，值得推~~蛋咖喱炒皇帝虎蝦 (Lunch Set HK$168) 作為午餐呢款蛋咖喱大虎蝦都有4大隻之多(蔗渣價錢燒鵝味道) ，真抵食真心推👍 雖然午餐價錢，但絕無hea做，超大碟。蛋咖喱醬澎湃洶湧令人驚訝。虎蝦入口肉質爽口彈牙，而蛋咖喱醬汁好香，蛋又嫩，好味到呢。。齋食咖喱已經可以撈幾碗白飯。I luv curry w/egg🥰牛油雞翼 (跟餐前菜)有誰唔喜愛，仲要即叫即整熱辣辣，外皮酥脆，雞肉入晒味，肉質嫩囗juicy。香茅雞肉撈檬 (Lunch Set HK$108)同其他餐館不同之處是用碟上，觀感上又不一樣，好處是淋上醬汁後，不用長期處於碗底，雞肉粒超酥香，撈埋醬汁飛天炒通菜 (跟餐前菜)食咁多肉點都要跟碟菜，好惹味，又唔辣，菜都嫩身無渣總括黎講，午餐三人行叫兩個餐絕對足夠，食物質數平均，服務尚可，環景空間感十足，有時間必會回頭。…Read More

一間無得訂位嘅餐廳，又要排隊又要齊人先可以入坐嘅餐廳，唔好諗住兩人會有優待，唔好意思絕對絕對唔會發生 😱OMG 想食請全村人一齊黎排隊喇~~~幾次經過門口外都堆滿人群，今次為了它早少少Lunch，到埗未full即入座😍 不過餘下高枱位置。Tagliolini Truffle (+25) 誓要食黑松露手工意粉。手工意果然有料到，即刨黑松露好香滿佈整個意粉，意粉質感好有咬口又煙韌，亦是我喜愛的。黑松露控不能錯過。Vitello Tonnato唔好睇佢好似平平無奇樣衰衰，茶實禾稈冚珍珠，小牛肉肉質嫩囗，配埋個吞拿魚醬真係唔錯，有驚喜Tiramisu至於Tiramisu一朱古力粉香濃，芝士打得香滑濃郁，咖啡味亦恰到好處😋 抵食之餘又超滿足。總括黎講，平民價錢算得上高cp，裝潢都幾外國feel，但環景其實唔太接受既，位滿晒人有少許迫及嘈，桌面空間又極度不足，其實高枱位置用黎飲下野放下小食係可以，用作用餐本人覺得根本接受唔到。懇請貴店跟進一下。…Read More

今期以白桃為主題，成個tea set 咸/甜點都絕不馬虎，每款都有它的特色。我倆早到30mins之多(下午茶要2點半才開始) ，但店員態度好好亦安排座位比我地，仲可以坐窗口位添~ 超開心還貼心同我地講可以先點飲品，但tea set 就要2點半才可以上枱。環景真係舒適，枱與枱之間距離感超強，可能早到既關係，用餐時間亦好充裕。普通凍咖啡都好有水準 吹左陣水，三層架終於上場 超吸睛~~~➊首先不得不提及佢地既Signature Scones不愧為香港頭三甲，真的名不虛傳😍堅好食，烤至金黃色脹卜卜的賣相已經相當吸引眼球🤤 口感外脆內軟不糊口， 配埋今期既白桃果醬真係無得彈，每人仲有2件添👍 冒住肥幾磅既危機都要食多件😅➋雪蟹、蛋沙律配法式曲奇咬落已經感覺到微微的海水味及蛋沙律混合蟹肉絲的清新口感😋❸白桃忌廉配杏仁餅乾半透粉紅色半圓的外型，已經令不少的少女心有 ((( 動L ))) 既感覺，內裡仲有白桃醬加埋杏仁餅乾，又幾清新討好🥰❹開心果法式蛋糕伴白桃&紅桑子一口蛋糕帶微微的開心果果仁味加埋白桃既甜味仲有紅桑子酸甜味，好有層次好好味🤣🤣總括黎講：環景又舒適，服務又到位，食品又高質。由於每款都試每款都頗合胃口，所以都超飽肚，唔會好似有d食完都唔知食左d乜，真係抵佢貴一貴都有不少KOL 前來打卡。CP值高，回頭率也高。…Read More

突然間擁上一股食日本生蠔的念頭，始終係生食所以要小心選擇。小商場內有一間簡潔日系風裝潢，簡簡單單又坐得舒適。一坐下先望望今期有無生蠔返？日本邊度黎？哈哈哈。。。其實一心想黎食蠔係唔會理邊度返貨🤣 牡蠣<北海道產 仙鳳趾> (hk$48.-/pc) 今期日本生蠔係北海道仙鳳趾，eee...真係未食過喎~~ 當然要試試，賣相飽滿肥美，口感非常滑潤，好creamy， 味道濃郁，果然係來自大海的牛奶。伊佐木刺身 (hk$228.-)坐bar枱既好住係。。。一路睇住師傅係咁片、片、片，心又不斷為師傅加油，片多d片多d 呢條伊佐木屬於白身魚，肉質比較軟身，無咁多油脂，但都好鮮甜，再配埋佢調好既醬汁食，三扒兩撥掃清光特上壽司盛盒<10貫> (hk$368.-)原本覺得呢個盛盒既5款刺身性價比係最高既，不過因原用既加拿大海膽無貨，店家將其改為中拖羅，不過見已有大拖羅在其中，亦都好想食海膽，所以店家見意可加多60蚊轉用上北海道海膽。整年事當堂升晒lv 好彩每款都好新鮮、鮮味總括黎講，環景簡約日系風，感覺舒適唔侷促，食材新鮮不在話下，店員服務頗貼心，回頭率高。我會再到訪的…Read More

令人悶悶的下雨天，闖進了素來少有到訪的領域，某個角落見到一間低調又神秘的角落小店。雨開始越落越大就入去坐一坐。內裡空間感足夠，枱與枱之間有一定距離。橫行霸道配薯條 (hk$98.-) 嘩~嘩~嘩~ 呢隻蟹漢堡齋睇個造型已經不得了太吸睛喇~~ 原隻軟殼蟹都頗厚身，好香脆juicy，用上竹炭包再配埋被譽為超級食物的牛油果及蕃茄生菜，感覺好健康🤣 口感層次亦都好豐富。另外不得不提及配菜 “粗薯條” 應該係即炸，熱辣辣外脆內軟，份量仲唔少添~p. s. 如覺得薯條太膩可轉沙律菜架。泰式烤雞槌 (hk$58.-)此做法均方便食客享用，烤得香脆可口，肉質嫩滑 果真有泰國風味，感覺雞皮沾上少許青檸汁的味道，再配上新鮮沙律菜，令人食唔停口。Expresso Tonic (hk$38-)杯上加上一束rosemary，觀感上係靚既，但香草搶走晒咖啡既味道，不太合我胃口。總括黎講，環景寬闊舒適，店員服務態度nice，食物質數算高質。回頭率高。…Read More

朋友仔好想食泰菜，見已經開業左大半年，個個又讚口不絕， 即管嚟試試。上到黎烏燈黑火，原來仲未開舖做生意，但夠鐘開檔都唔係光好多，搞到大家睇menu以為自己對眼有事，環景太有情調吧~~ (其實可以考慮燈光調光一點) 酸辣慢煮魷魚 (hk$168.-) Anyway講返餐飯。。慢煮魷魚真係第一次食，口感軟嫩唔柴皮，肉質爽脆兼有咬口，醬汁酸多少辣，頗清新好鬼有泰國風味， 唯獨醃魷魚個basic偏鹹了少許。係咪泰北人比較重口味？風味小食拼盤 (hk$138.-) 不過不錯既拼盤，香脆可口，價位尚算合理。泰式串燒拼盤 (hk$128.-)即叫即燒，三款肉都燒得岩岩好，肉質嫩滑，唔會太乾變肉乾，但沙爹醬味道爭少少，有待改進。泰式無骨鳳爪沙律 (hk$88.-)偏辣，不過泰式醬汁調得唔錯，好食黃咖喱炒大肉蟹 (hk$418.-)碟蟹其實有個小插曲，話說我地一到埗就order，居然店員話無肉蟹，我地仲研究食咩，店員同我地講可以即刻叫同事去海鮮檔買，咁我地滿心歡喜回應 好丫~~~新鮮大肉蟹超正，不過咖喱汁唔係好夠咖喱香味，又唔夠醬汁。殘念~~招牌泰式青芒魚 (hk$228.-)全條魚起肉，一件件咁落鑊炸到香脆可口，清新自然既泰式青芒醬汁唔會令到魚塊太膩玫瑰芒果糯米飯 (hk$88.-) 最後仲有個花花芒果糯米飯，雖然等左好耐，但好有心機砌好靚，未食已經知甜 (心甜) 。不過唔洗3分鐘比我地K.O晒~~總括黎講，店員服務態度頗貼心，食材新鮮，環景就昏暗左少少可以考慮調光些。…Read More

此店是今年年頭才座落屯門的fusion菜。通常有新店開張總是人龍不斷，不知是疫情關係或是其他原因，人氣好似不似預期。門面空間感超強，視野一覽無遺，採用深色裝潢偏走高檔路線，唔好理入去開佢底牌先內裡坐位寬闊舒適，枱與枱之間距離感超強，齋坐都覺得好好feel 。千層豬扒擔擔麵 (hk88.-) 又係一間採用QR Code自行落order嘅新派店，拿拿聲落左個頗特別嘅千層豬扒擔擔麵。千層豬扒？！係~ 原來此店將幾片五花腩肉片捲起上粉炸成日式吉列豬扒般，咬落去外層酥脆接著就係一層層好鬆軟腩肉片，口感豐富話明腩片有少少肥係好正常嘅 (走肥者慎叫) 。至於湯底偏川辣、花生味偏淡，麵底是幼身麵條尚算彈牙口感唔錯。菜肉雲吞蔥油撈麵 (餐hk68.-)唔講得笑4粒大大粒嘅菜肉雲吞，皮唔太厚，入面算少肉多菜唔會太膩，除左蔥還加入少許豆腐乾及鮑魚菇絲(我估) ，至於蔥油撈麵唔洗講無得輸凍白咖啡 (跟餐+hk5,-)驚喜 果然係日式餐廳影子，咖啡味濃，跟咖啡店出品品質無異總括黎講，環景寬敞舒適，雖自助落單形式，不過人流偏少暫足夠人手服務，食品數質亦不錯。由於有超強空間感襯宜家仲人少少可以再回頭…Read More

因為疫情關係，已經好耐好耐無多人聚餐，今次呢間韓烤店都甚有名氣。因為想食韓國鰻魚，及見有promo就相約齊齊黎呢度開飯。醬油蟹 (推廣價hk250/隻) 誤打誤撞下又見到另一promo 250蚊一隻醬油蟹。喂呀。。。救命呀~~~ 仲抵過上網買返屋企食，即刻order 一隻開黎見我，賣相絕對無揸流灘，好新鮮爆晒膏，入口即溶超滑溜，仲有一大碗牛油飯跟上。絕對超值烤鰻魚 <韓國統營•海鰻> (推廣價hk198)專程為海鰻而來，雖唔係好似其他韓烤店嘅厚肉鰻魚，由於比較薄身烤起上來快熟，食落油脂無咁多，外皮烤得焦焦脆脆，亦都唔錯烤牛肋骨 (hk250) 食得韓烤無可能唔order牛肋骨，識食一定點未醃嘅，原味肉質先夠新鮮juicy，成卷牛肋骨好厚身，抵過出面韓國超市買 烤一條掂會夠喉 encore pls~~~ 蜂窩五花腩 (hk150)韓烤又係不得不叫嘅五花腩，睇下舊肉幾靚，用烤將所有油脂迫晒出黎，就算食多2舊都完全無罪惡感。香炸雞粒 (hk190)本來無打算叫炸雞食，見隔離枱岩岩送到黎香噴噴，唔通真係隔離飯香啲好好味播 熱辣辣香酥肉嫩，勁juicy炒牛肉粉絲 (hk100)其實本人覺得偏貴既，不過見佢都炒得幾好幾乾身，粉絲軟硬適中，味道剛剛好，最重要唔會太油膩。。。好食總括黎講，店員服務頗周到，環景舒適尚算寬敞，食材新鮮，油煙抽氣極佳，本人會再光顧。…Read More

話說ifc某店已撤資走人，心思思希望可以再品嚐，皇天不負有心人，在開飯網終於搵到一間只容納十數人的小店。雖然此店門外其貌不甚起眼，又是夾雜在眾多咖啡店之中，現在一條街裡擁數間咖啡店是常識吧！但要在眾多咖啡店裡能脫穎而出，除了依靠咖啡、蛋糕、 pasta......呢類既定食物外，都要使出一啲必殺技鴨腿窩夫 (hk128.-) 言歸正傳，呢間咖啡店與別不同的地方是大膽地將鴨腿窩夫放入menu內，並且是此店的招牌菜(我亦專承為它而來)。期待已久的賣相頗吸引眼球，16小時精心慢煮的咸香鴨腿配上楓樹糖漿，肉質嫩滑保留足夠肉汁，咸咸甜甜味道亦都好平衡，不過本人覺得外皮可以再酥脆啲就更加完美。西柚檸檬梳打 (hk42.-) 至於飲品方面都唔係hea做，杯西柚檸檬梳打，杯仔細細真係掛左一舊西柚，味濃香郁。消除今餐油膩感(其實隻鴨腿不油膩) ,令整體感覺良好加分。Espresso Tonic (hk45-)可以用液體三文治形容，層次分明，美極。搞動它仲有啲化學作用，啡泡大爆發。美味~~總括黎講，正當平日lunch後進場有機會可以小包場，3點後都開始多人。環景舒適，店員極nice，食物質數好，鴨腿窩夫呢個價位真心推 回頭率高(本人會) …Read More

本人好耐無寫食評，點解今次會寫？因為呢間食店味道係唔差，環景亦都唔錯。比d 意見佢希望會改進一吓講返正題先。。。本人Lunch Time到埗，門口已經都有不少人等候中，心諗開張左半年都咁樣應該唔會差得去邊~~ 終於輪到我地入席，係等位既時間已經諗好食乜有我至愛鮮茄焗豬飯就呢個就呢個~~不過等左好耐好耐如趕時間or好鬼肚餓者，真係唔好叫焗飯，你會發忟憎。好！講返個焗飯，期待已久終於上枱。咦~ size細到以為自己叫左tea set (有圖有真相) , 細食既食友係岩岩好既，不過我見到有唔少附近地盤既工友會到來食午餐，咁既份量一個大男人應該唔足夠。不過味道係唔差，豬扒都好入味，汁醬亦都好平衡，仲係炒飯底。只是午餐既話真係太少。餐牌話跟例湯，其實係唔會有咩期望， 見佢寫到水蛇春咁長既湯名，以為好勁好正。仲要唔追係唔會拎黎。點知黎到係凍加無味，即係只能說它是有色既水。仲有個炒銀針粉，味道真係唔錯，碟粉size就正常返少少，值得一試。總括黎講，環景唔錯，味道唔差，員工質數爭少少，份量爭少少，有改進空間， 亦都希望真係有所改善，唔好浪費廚師既心血。…Read More

以前食潮州菜即係去打冷，但通常環境都麻麻哋。Openrice發現呢間潮式私房菜好多人推，所以今次就黎試下菜室內環境簡單整潔，三五知己吹下水一流滷水鵝片 (Hk$168) 呢個價位黎講係細碟左少少，好彩質素唔差，鵝片d 滷水好入味，肉質剛好唔會鞋十十。普寧豆腐 (Hk$88)內裡豆腐嫩滑，外皮炸得酥脆，唔點潮式鹽水醬汁都好好食咸菜胡椒豬肚湯 (Hk$148) 豬肚湯超重胡椒味夠辣又夠驅寒暖胃，豬肚洗得乾淨，湯水清澈無雜質潮州蠔仔烙 (Hk$118)份量足料，蠔仔隻隻都好大粒，唔會溝好多粉醬一齊煎，口感十足沙爹牛肉河粉 (Hk$128) 潮式既沙爹牛肉醬汁真係好濃厚，再加上鮮嫩牛肉撈河粉一流清心丸綠豆爽 (Hk$38/位)宜家好難食到潮式綠豆爽，見餐牌有show即時心動order左，結果出來原來係另類做法，並唔係以往食開個種，但都好好食雙色水晶飽 (Hk$38/6粒)飽皮一d都唔厚，口感煙煙韌韌， 餡料唔會太甜總括黎講，環境簡單整潔，員工服務到位，食物質素都好好，價位上大致尚算抵食，希望可以保持水準。…Read More

原來好耐無寫食評。OK!! 今年第一POST今年一月份起武肺疫症漫延，農曆新年過後，疫情更加嚴峻，令工作上個個都HOME WORKING，已經好少揾 friend gathering， 見近期好似好返d忍唔住揾d唔識死既朋友出黎吹下水。OKOK！我地言歸正傳，講返餐飯先餐廳環境好闊落，唔洗同人迫迫貢。 其實平時返工Lunch Hour超級多人，由於好多都在家工作關係變得相對少左食客到來。和三寶Set / Treasure 3 Set(Hk$220)個餐一黎到齋睇都覺得超值，每款肉有3片之多，仲有其他前菜跟飯。由於是和牛放上烤爐上每邊烤2分鐘便可進食。肉質非常嫩淋又juicy，飯都食多兩口。返照肉質紋路都好靚 好juicy 烤起上黎肉香油脂香味令人好滿足總括黎講，餐廳環境清優闊落，員工質素有禮。按此午餐價位食材用料算超值，可以帶d牛魔王朋友來。…Read More

呢個新樓盤終於都有第一家檔口開幕，又近屋企:) 點都支持一下喇~~唔好睇呢間舖頭細細，宜家潮流興立食麻 但店舖內都有一d高櫈比食客坐，不過天氣太熱，門口太寬既關係留唔到食客堂食 (可能都係一個策略) 。我都唔例外原本想係度食，但等等下唔對路，急轉外賣講返d野食先，今日order左。。。 牛肉炒讚岐烏冬 (HK$48) 足料 好夠味，好好食，d牛肉唔會鞋十十，烏冬亦都彈牙，不過就油左d 。 火灸厚切鰻魚丼+玉子燒 (HK$78) 『抵』 賣相+真係厚切，仲要呢個價位~ 未食都覺得好過大型連鎖快餐店個d 鰻魚飯， 得果兩片仔，就收客人幾十蚊個飯，簡直係垃圾 講返盒飯先，真係好得 鰻魚好香，魚身雖算不上超厚，但都肥美有口感，仲有少少焦香，鰻魚汁配飯真係無得頂 Cappuccino (HK$38)落order時見到有部咖啡機，所以才order一杯試試，果然不錯，值得值得總括黎講，始終整幢大廈新落成，環景當然乾淨企理。如食材及品質都能keep到呢個水準或更好，不愁無生意。p. s. 位置位於馬路旁，仲可以偷雞停車攞外賣添！夠晒方便 …Read More

好耐無出葵芳行街，所以今日出黎巡視業務一番餓喇~餓喇~ 要揾間野坐下食下hea下。。 牛油果醬漢堡配薯條 (HK$85) 賣相就真係唔錯唔錯，塊漢堡有少少厚度，口落去好juicy，都好有牛肉味，配埋個醬一齊食好fresh 薯條都係一個驚喜位，熱辣辣好好食 如果多返少少薯條就good喇~~跟餐有一杯果茶，但可以加錢轉其他飲品。 我就加HK$15 轉杯cappuccino總括黎講，餐廳空間感足夠，想獨自hea下都不失為一個好地方。而食材方面話晒都算係一間連鎖食店，唔會差得去邊。…Read More