ccmegan's Profile

見到呢間野都幾多人買就試下～好多唔同款既甜品，好吸引～樣樣野都想試～(我地去左公園食, 太黑冇影到)最後我地叫左泰式鳳爪，南洋客家狗仔粉，竹蓆茅根水同埋我最最最想食既三款糕點！第一樣要食既係南洋客家狗仔粉，入面有冬菇，豬肉碎，炸豬皮。味道好香濃，有種真係唔似香港食到既狗仔粉感覺，真係好似去左外地食咁，佢湯底做得好好，而佢用銀針粉去做，岩晒外賣，賣到上去仲好彈牙唔會淋晒。泰式鳳爪，又係岩晒外賣，佢做得好夠濃味，又酸又辣，好開胃。竹蓆茅根水，好surprise 地佢一d都唔甜，好似屋企煲個d，好足料！正！最後就係三款糕點，我最中意佢芝麻糕，好香，我男朋友就中意佢班蘭糕，下次要再黎～…Read More

最近生酮飲食, 最常可以食既就係燒肉!今日放工同朋友黎左旺角試下呢間叫running 燒, 裝潢整到好似韓國正宗燒肉店咁! 等我睇下味道係咪都似韓國咁正先!佢種類有好多, 牛 , 豬 , 雞 , 海鮮, 我地乜都叫d.先講下佢既肉類, 呢個真係要讚既地方係佢唔會好似其他韓燒店咁醃到得個死咸, 或者跟本食唔出係咩肉, 我想講好多旺角燒肉店都係咁.但呢度好好, 黎到既野食你一定分得出佢係邊款肉, 牛肋條, 牛柳粒, 牛仔肉, 而且全部都好味！豬我就推介五花腩同豬頸肉，用生菜包住黎食真係超正！！！最重要呢度係海鮮同啤酒唔洗另加錢，仲要有蝦，蠔同帶子！蝦仲要爽口！$278真係好抵食! 淨係食海鮮飲啤酒都回本~…Read More

最近生酮飲食, 出街好多野都唔食得, 最常可以食既就係雞煲同邊爐(當然嚴酮不能)創興呢個地方好多邊爐，今日就同朋友上左黎呢間叫18樓～我地揀左set A, $208就食到～佢係手機自己落單，落完d野食勁快就到～先講佢既雞煲，非常惹味，因為朋友唔食得辣我地叫左小辣，對我黎講當然係唔辣，但都好好味，下次想試下中辣～佢份量唔太多，岩岩好令到我地兩個都開左胃，可以食火鍋！我地乜都有叫ｄ，牛，豬，海鮮，出面仲有大量唔同既菜可以拎～岩晒我生酮～要讚既係佢呢度仲有雪糕/yogurt 任食! Topping任加! 我都忍唔住食左一啖yogurt… 好好味呀!!!…Read More

放工想同同事食埋飯先返屋企, 見到公司附近呢間泰國野新開, 價錢都好平, 試下先~泰式椰子雞湯 $48勁大碗, 入面超足料, 椰香味濃, very good!豬肉碎生菜包 $68唔好睇佢個樣冇乜辣椒, 原來都有d辣, 我覺得好岩我口味! 同埋佢一d都唔孤寒, 比好大碟肉同好多生菜!炸春卷 (6件) $48入面全部係素菜, 係正宗泰國風味, 點返個甜辣醬岩晒!青咖哩豬肉 $58青咖哩好香, 我反而係中意食佢入面既茄子,好入味, 配埋蒜蓉包好match!串燒  $14本身d雞&豬肉都夠味, 花生敏感既人就算唔點個沙嗲汁都好食!泰式海南雞 半隻 $78佢比一般既海南雞淡味, 反而樣樣泰國野都重味而呢個淡味d就岩晒我, 想濃味d既可以自己點多d汁, 佢個汁都調教得好食~總括所有野, 呢度簡直係物超所值既地方!香港食泰國野好多地方又貴又細碟, 呢度係平民之選! 有時想食泰國野又唔想食咁貴可以放工黎呢度!…Read More

同男朋友行街見到呢間 Fifth Element Shokudo，見到佢menu好似係食日式x美式食野，都幾吸引，同埋我見到有我岩食既野！（最近生酮唔可以食碳水化合物），呢度有我想要既肉同菜～岩晒我！呢度QR code下單, 幾方便～大大支水比大家飲～我叫左美國黑毛和牛沙津，男朋友叫左蟹肉手打意粉。先黎既係我個美國黑毛和牛沙津，好香，上面有幾粒蒜片點綴，賣相好好～黑毛和牛肥瘦適中，肉味濃，而沙津佢用左火箭菜，好有fusion 感覺，應該係沖繩菜的特色吧～我大力推薦比生酮人仕！我地生酮成日出街都唔知食咩，好多又貴又唔岩食。呢個美國黑毛和牛沙津我覺得好好！如果真係嚴酮可以走汁，但我呢ｄ唔係嚴酮覺得又美味又抵食，同行人士又可以食佢地想食既碳水化合物～蟹肉手打意粉黎到好香，熱辣辣，男朋友話食得出佢手打意粉做得幾好，亦炒得岩岩好，唔會太硬或太淋，可惜我就只可以望住佢食了。下次要試下甜品～…Read More

陪朋友去追星都係一種浪漫，朋友話要上黎呢間CAFÉ 食野，我都冇上網SEARCH過就話好，點知上到黎先知成間粉紅色，係少女黎既地方，周圍貼住MIRROR既POSTER，朋友好開心咁周圍影，我就專心睇MENU食咩～Menu 都好多選擇，同埋都算平～ Passion fruit oolong我好中意呢個，好清新，唔太甜又岩晒夏天飲～-意式肉丸意粉我本身食意粉都偏好落芝士粉，佢落左比我，又好配個蕃茄肉丸味道～-香辣蒜片大蝦意大利麵蒜片味濃，少少辣，岩晒我呢d唔食得辣既人～-呢度咁少女既café點可以冇甜品，我地order左宇治抹茶十勝紅豆梳乎厘，綠茶味好濃好濃，梳乎厘pancake好鬆軟，入口即化～-另外仲有朱古力香蕉牛角包waffle，非常鬆脆，牛油味勁香，我想叫埋其仔味試添！…Read More

呢間我食過好幾次，由於我覺得佢ｄ燒鵝真係幾好食，覺得我要幫佢平反一下！通常我都係晚飯黎，放完狗狗就會黎食，佢呢度有半露天位置，坐得幾舒服。紅磡都幾多燒味店，佢冇小菜食的確係冇咁多選擇，但其實我每次黎都係叫同一樣野，就係燒鵝飯。燒鵝飯份量相當大，一黎到已經香噴噴，係煙燻既味道！坦白講，冇乜邊間燒味店係有咁香既煙燻味，至少紅磡呢度冇，食落好香，肉都好嫩，我知點解人地話佢似鴨，因為唔肥，佢唔係用老鵝，我覺得呢點先值得欣賞！要肥大既老鵝周圍都有，後生嫩滑既先少有！就算係胸肉都唔會鞋，very good！佢配湯或者野飲，我就幾中意佢個湯，今日係苦瓜湯，好足料，見到有雞腳，苦瓜係入面。仲有服務，呢度D人好NICE，好少燒味店咁有禮貌添！如果呢間店係旺區，佢一定日日排大隊！…Read More

今日有野要黎荃灣做，梗係幫襯ｄ未食過未買過既小店啦，行過見到呢間叫Lucy’s 既飲品店，係賣我喜歡既芝士水果茶，我就叫左杯黎試下～我呢杯係草莓星球，入面有爆珠同啫喱，比起平時ｄ芝士水果茶仲加多左驚喜，正！…Read More

好多年前食過一次，當時已經覺得好好食，但由於佢成日都開下又唔開下，都冇再試過。今次睇完youtube朋友話好想試，同佢再黎食！我地睇左佢社交平台話5點先開門，於是我地4點半就去排。果然，我地5點幾就入到去，仲好快有得食！難得黎到，就當然食盡佢！我地叫左秘製豬腩肉，炸雞球，魚肉響鈴，野菌腐皮卷，一個係蟲草花薑酒湯，一個係麻酸辣米線。麻酸辣米線果然冇令人失望，又夠香又夠酸又夠麻，呢個質素香港都冇乜邊間，而佢所有餸都同出面既米線店好唔同，呢個先令人最想黎食既原因。秘製豬腩肉，炆得好，味道又好。炸雞球juicy，野菌腐皮卷係我最最最愛既一樣！入面爆滿料仲要炸得香脆，出面冇一間米線做到。而蟲草花薑酒湯好多人都讚，冇錯佢真係好好食，但由於食過出面好幾間呢類米線，朋友話如果要排咁耐隊黎呢度食，有d唔值得，所以呢度雖然係我最喜愛既米線店，但都只可以一年食一次了。…Read More

之前一路都知公司附近有呢間重光～一直都想幫襯，但我返工成日都帶飯，冇咩機會試～今日終於黎試下！入到商場，個商場好冇人...好似返左90年代咁。上一樓轉個彎就到。我大約一點黎到，一個人都冇！！！好擔心，唔知佢仲做唔做得住...我叫左個豚肉生薑燒便當＄６３佢個便當有沙律，豚肉生薑燒，日式星星魚蛋，蘿蔔，最緊要配北海道米！我第一啖食沙律先，佢用柚子醋ｍｉｘ過，中意食酸野既朋友應該幾岩！之後食星星魚蛋同蘿蔔，其實好開心一個便當有幾款小食，平時去ｍｉｋｉｋｉ外賣個豚肉飯都係得個飯，好頹。呢個便當係會令人心情好一點～同埋佢豚肉份量都幾多，味道好日式家常感覺，唔覺有味精，平時我食完ｍｉｋｉｋｉ個個會立即訓著（應該係太重味精）北海道米上面加左飯素，ｖｅｒｙ　ｇｏｏｄ！同埋我去到個商場先知，原來有得堂食！下次同同事去堂食先！！…Read More

約左朋友傾野，我地兩個都唔肚餓，叫左呢度寫住最出名既蜜汁燒豬頸肉，同兩個糖水，點知。。。。蜜汁燒豬頸肉＄５８同我係ｏｐｅｎｒｉｃｅ睇到既相都差好遠下，第一，凍既，已經扣好多分，第二，佢上面個汁同平時出面Ｄ叉燒蜜汁好唔同，佢應該打芡太重手，令到個汁一ｐａｔ咁痴住豬頸肉但又唔好味:(我地諗住ｄ咸野伏伏地，不如叫兩個糖水，一個紅豆沙，一個豆腐花。紅豆沙＄１４陳皮味勁重！！！所以真係好個人口味，我就唔岩豆腐花＄１４點解豆腐花ｄ豆腐仲硬過蒸豆腐。。。呢度ｄ野唯一好處就係平，你出去食餐廳一定唔可以呢ｄ價錢，但如果平就係呢個質數，我諗我唔會黎。…Read More

假期一家三口黎左呢個三坡坊既大排檔，呢度全條街都full晒咁滯，咁岩呢間有位比我地，咁我地就唔諗咁多啦，點知中伏！！！我地叫左個鹵水鵝，味道係幾好既，不過豆腐就好硬，好似豆乾咁，我就比較中意食滑豆腐多d啦，出面好多鹵水店都做到。蠔餅：大伏！！！我都唔expect佢會好好心機咁煎比我，都知係炸，但多粉到咁都係第一次見，入面數埋都唔知有冇10隻蠔仔，全部係豆豉咁細粒既蠔！我地食左一半都冇食，係比d粉漿suck飽左，超級大伏！！！我地仲叫左個酥炸魷魚(唔記得影)，又一大伏！凍既！！！炸野最基本就係要熱，咁都做唔到？D 魷魚唔知係因為凍左而硬晒定因為佢炸得差，硬到咁我都係第一次食，唉。仲有個呀姐，我地叫啤酒，飲完第一支再叫第二支，飲完第二支再叫第三支，有咩問題？佢話我地點解一早叫定，咁多人要招呼。。。第一叫定會熱晒，第二想再飲先叫，我點會預知自己想飲幾多支？野食唔好食仲要受氣，呢間BLACKLIST得。…Read More

由佢開業以來，我都食過好幾次，我覺得味道係好食，又夠ｊｕｉｃｙ～但佢有個問題，而我都相信佢應該唔會改，就係佢成個包用錫紙包住，搞到個包淋晒:(其實ｂｕｒｇｅｒ個包淋晒真係好失敗，你幾好食都好，都會扣好多分，我只可以講整體佢味道係６／１０，唔會成日想食佢，諗唔到食咩又唔想食貴野先會食佢（當然其實佢都唔平）…Read More

好多人都覺得拉麵JO 好好食，坦白講，我覺得一般，可能依加太多新拉麵，又可能其實拉麵都好個人口味。我覺得拉麵JO個湯底太濃太杰，令人好快就滯，而味道上佢都係偏咸，好快就會令人食唔落。好彩我身邊有個人同我share，我食半碗之後比晒佢：）…Read More

成日出街食飯但又唔想食咁多味精，見佢係以無味精為主打，我就入黎試下～我叫左花膠雞湯米線，見佢個樣都睇得出d雞幾靚，幾滑～不過當然唔好expect佢會用好靚既花膠啦，我覺得整睇OK la, 中上，又未去到好好食，個湯係好飲既，但如果有得比較我覺得長沙灣個間好食過佢。同埋佢份量都幾少，我一個女仔都覺得岩岩好飽ONLY, 我男朋友更加唔飽，以佢呢個價錢真係應該要大碗DD。…Read More