Fish_Luk_Foodie's Profile

今日同老公試左呢間位於天后木系居酒屋風格嘅《澳洲和牛海鮮燒肉+榴槤燒肉放題》環境好有日式feel，木頭裝修暖笠笠，燈光柔和，坐低就覺得放鬆，放題包晒牛肉、豬肉、雞肉、海鮮同小食，唔少得梗係仲有佢哋嘅馬來西亞D24榴槤，我今日揀咗lunch去食，三小時任食任飲（除左冇酒精飲品外有啤酒、清酒同梅酒），佢哋仲有Häagen-Dazs雪糕都係任食，前菜仲可以無限添加，價錢都幾合理我特別推介呢幾樣🥢首先係荔枝牛肩胛串串，牛肩胛肉串起嚟烤，肉質嫩滑彈牙，滲透咗荔枝嘅清甜果香，咬落去先係牛肉汁爆出來，之後果味慢慢散開，甜中帶鮮，唔會太膩，超級創新，食完一串想再嚟十串！🥢澳洲和牛M7牛板腱，呢個係招牌！呢塊和牛油花分佈勻稱，烤到medium rare，切開嚟粉紅粉紅，入口即熔，油脂香濃但唔油膩，肉味濃郁得嚟帶住輕微堅果香，鍾意食牛嘅唔好放過！🥢醬汁特選美國牛五花，呢個五花肉用咗特製醬汁醃過，烤起嚟外脆內嫩，醬汁滲入肉層，肉汁非常豐富，牛肉嘅油香同醬汁完美融合，係燒肉控必試！🥢果味醬汁五花肉，豬五花有驚喜，豬肉烤到金黃，脂肪融化成汁，入口脆卜卜又juicy，果香中和咗肉嘅油膩，燒完又唔會覺得好膩🥢蒜蓉牛油烤帆立貝，海鮮區嘅亮點！新鮮帆立貝塗滿蒜蓉牛油，烤到邊位金黃，貝肉彈牙鮮甜，牛油增添咗creamy嘅滑順感🥢日式蒜蓉大虎蝦，老闆用大虎蝦，蝦肉厚實，塗上日式蒜蓉醬烤，蝦殼脆脆，剝開嚟肉質Q彈，蒜味濃郁但唔搶鏡，encore之選！🥢走地雞雞軟骨串，雞肉串燒嘅惊喜！地雞軟骨烤到脆脆地，咬落去喀嚕喀嚕聲，軟骨有嚼勁，雞肉嫩滑帶雞汁香，簡單調味就突出原味，即燒即食！🥢值回票價嘅D24榴槤係馬來西亞果肉金黃色澤，厚實飽滿，咬落去creamy得嚟帶住少少纖維質感，唔會太爛。味道超濃郁總括嚟講，佢哋嘅出差時間都快，肉類嘅配搭都有驚喜，一次過滿足晒肉類同榴槤控嘅我地，一班朋友飲飲食食下次聚會首選，記住早少少book位呀～…Read More

《蟹仙》我想試好耐架啦，今日興致起想食海鮮同老公一於去試吓，嚟到餐廳嘅時候店員首先會將食具用蒸氣蒸一次，落咗order之後上每一道海鮮店員都會幫你調校時間，然後再講解呢一款海鮮嘅來源地，但係店員每一款都有推介由於海鮮本身嘅鮮甜度較高，可以唔用豉油都好好味，咁佢哋推介得，我哋當然要試返原汁原味啦🥢菲律賓奄仔蟹呢款珍貴嘅野生菲律賓奄仔蟹，我都係第一次食，同平時嘅奄仔蟹好唔同，老闆同菲律賓供應商交情先有出邊真係食唔到，而且菲律賓奄仔蟹咬落去啖啖肉，腳仔仲好有肉，尤其係蟹膏，金黃飽滿，滑溜溜嘅質感，口感濃郁🥢太平洋饅頭蟹饅頭蟹size 比較細隻，但係佢嘅蟹肉落去有彈性，佢嘅特別之處係帶有一濃郁海水味，令到成隻饅頭蟹味道都提鮮，食落去就好似啱啱打撈上嚟嘅感覺，饅頭蟹生活喺深海中 ，唔怪得知佢嘅海水味咁濃郁，饅頭蟹係期間限定，因為佢會喺深水，唔係咁容易打撈都上嚟，所以唔係成日有架🥢澳洲青年龍蝦係靠龍蝦本身嘅鮮味同質感有驚喜，啖啖肉咬落去真係滿足感十足，啲肉爽口彈牙，帶住天然嘅海水味，龍蝦膏同樣非常香濃，仲有啲奶油嘅感覺🥢台灣九孔鮑魚鮑魚大大隻肉質非常彈牙，唔會過硬，咬落去係啱啱好嘅口感。🥢大西洋野生青口蒸氣鍋嘅做法將青口嘅鮮味鎖住，令到每一隻青口都充滿咗大海嘅味道🥢加拿大野生海虎蝦肉質彈牙得嚟又有豐富嘅海鮮味，蝦頭嘅部分亦都非常香濃，比一般嘅蝦頭更加鮮甜🥢韓國斧山珍珠蠔食落鮮甜，而且蠔肉肥美多汁🥢蟹皇大元貝首先，講下大元貝，佢嘅肉質非常鮮嫩，咬落去有彈性，完全唔會過老，保留住咗海鮮應有嘅鮮味，蟹皇豐富而濃郁，食落去有一陣淡淡嘅蟹香，唔會太膩，蟹皇嘅鹹香味滲入大元貝，兩者完美融合，提升咗層次🥢蟶子王蟶子王嘅肉質又長又厚，食落去啲口感好彈牙，蒸氣鍋嘅低溫慢蒸做法好好咁鎖住咗蟶子王嘅水分，完全冇腥味，反而係好自然嘅鮮味，而且餐廳仲清潔得好乾淨洗到白雪雪架最後當然唔少得充滿海鮮精華嘅粥底，粥底本身係用芋頭、粟米同豬肉呢啲簡單嘅材料，但經過多款海鮮嘅洗禮，味道完全升級！粥煮到好綿密，粥底充滿咗海鮮同材料嘅甘甜…Read More

旺角人氣放題之《極尚大瀛喜》，餐廳非常易搵，一出地鐵站就已經係餐廳嘅大廈，冷盤炸盤選擇都算多，3小時任飲任食，性價比高，款式多而且有質素，仲有回本之選嘅Häagen-Dazs雪糕任食，啤酒清酒都係任飲架🥢刺身特別推介鮮甜又大隻嘅赤蝦同埋好少見放題有嘅池魚🥢手卷有5款，個人口味魚子手卷係encore之選🤘🏻 🥢天婦羅粉漿唔會太厚，炸得鬆脆，嚟到嘅時候仲係熱辣辣架🥢餐廳嘅燒物比起過往嘅食過嘅放題出色，燒蠔有驚喜肥美得黎仲鮮甜，鰻魚嚟到嘅時候咬落外脆內嫩，翠玉瓜燒到啱啱好咬落唔乾仲好juicy，燒菠蘿好多汁仲成隻手掌咁大塊😋麻辣小龍蝦個汁好味之餘仲幾入味，蟲草花響螺湯，味道夠哂火喉，唔會過咸味道啱啱好encore之選有👍🏻 餐廳期間限定——香甜Creamy嘅精選榴槤🩵今次真係回哂本…Read More

英籍華人打理〔1908bc British Chinese〕餐廳係英式既中餐fusion菜，職員安排座低後，會介紹menu同講解餐廳係由英籍既華人開，而1908係年份，係英國第一間開既中菜館，餐廳裝修時尚型格，檯與檯有一定距離，私隱度十足，餐廳有酒吧區，配合返中西合壁既主題，更設有酒吧區同露天區，Emperor Tasting Menu $680 / 每位頭盤有3樣，芝麻蝦多士 / 脆皮素春卷 / 田園沙律，前菜沙律算份量多，沙律汁酸酸甜甜，好開胃，芝麻蝦多士同脆皮素春卷都幾大件，入口唔會好油，2款都炸得好脆口。鮮蟹肉粟米羹：湯底蟹肉多，味道清清地，絕對唔係罐頭粟米湯。香酥鴨掛包：鴨肉拆到一絲絲，非常細心，味道香濃。脆皮燒牛肋骨配咖啡汁 + $98：外皮少脆，肉質超軟淋，味道有脂香，咖哩汁經過特別調制，配上牛肋骨食，令味道更提升。甜豆蘆筍炒三鮮 + $98：三鮮係蝦、帶子、魷魚，3樣都新鮮，配菜甜豆、蘆筍、三色椒炒得有獲氣。英式煙肉粟米粒炒蛋飯係主菜配埋，飯粒分明，唔會炒到好油，飯粒有蛋香。朱古力榛子蛋糕 / 檸檬慕絲蛋糕：朱古力榛子蛋糕面層果粒碎，慕絲做得幾滑身，中意食甜品既女士絕對不面錯過，而檸檬慕絲蛋糕味道就酸酸地，2款餅底都做得不錯。Cocktail：The One with the Strawberry (Gin、Amaretto、Vnilla、Strawberry)Mocktails：Blueberry Seltzer總結每道菜都有驚喜，如果牛肋骨份量多d就好啦！…Read More

二次到訪世一鰻魚飯《鰻一炭燒鰻魚飯》，上次試過之後總係對佢念念不忘，餐廳以日本和式木系裝修為主，好有日本小店feel，師傅即場用炭爐燒鰻魚同埋其他串燒，佢哋嘅鰻魚喺香港第二度真係食唔到🥢炭火白鰻魚定食白鰻魚燒完出嚟外皮真係脆皮，咬落去嘅時候，嗰種脆脆嘅口感真係好特別，內裡嘅肉質依然保持住嫩滑，非常鮮甜。炭火燒烤令到白鰻魚帶有一種獨特嘅煙熏味，味道唔會太重，但好清新，非常適合配埋白飯一齊食。🥢炭火蒲燒鰻魚定食至於蒲燒鰻魚，真係入口即化，肉質軟熟得嚟唔會散，啖啖滿足，佢哋蒲燒醬汁嘅味道濃郁，非常香甜，同鰻魚本身嘅鮮味融合得好好。炭火燒烤過程中，鰻魚吸收咗炭香🥢炸鰻魚骨炸鰻魚骨外觀金黃色，食落口感比較硬，咬落去有啲脆脆地嘅感覺，但同時又有啲嚼勁。可能對於啲唔慣食硬嘢嘅朋友嚟講，會覺得有啲難咬，但對於鍾意食有嚼口嘅人嚟講，呢個真係一個好好嘅小食，炸鰻魚骨本身味道比較淡，但炸完之後所有一陣陣香味，同時仲保留咗鰻魚骨本身嘅鮮味。配埋少少鹽同胡椒粉，味道會更加突出…Read More

度度都有放題，不過款式最多最回本首選就係《極尚大瀛喜》，今日黎到亞太中心5樓觀塘店，中午時段12點開始，餐廳場地都幾大，嚟到大家都已經排好隊餐廳都好快安排到位置，飲品、甜品、熟食、冷盤區都喺門口位置附近，佢哋嘅放題連鵝肝都有架熟食區🩵有大大盤麻辣小龍蝦🦞之外特別推介佢哋嘅🥢蟲草花響螺湯，味道夠哂火喉，唔會過咸味道啱啱好冷盤區🩵除左餐前小食螺肉、中華沙律、青瓜之外⋯⋯青口、螺肉、凍蝦夠凍夠新鮮飲品區🩵凍熱清酒、梅酒、啤酒、咖啡、汽水、冇氣飲品、自家製冷泡茶，種類講得出嘅都有甜品區🩵蛋糕、泡芙、布甸、杯裝雪糕、甚至乎連軟雪糕機都有，最喜嘅驚喜嘅有香港人熱愛嘅D24蘇丹王榴槤蓉，配埋軟雪糕自己鍾意加幾多球都得啦刺身🩵三文魚刺身肥美滑身而且仲係厚切，帶子刺身出邊嘅放題通常都係一開二，但係呢度係原粒size，大大粒勁滿足。除咗基本刺身之外佢哋仲有自家製特色刺身，雙色刺身花朵（紋甲墨魚拼白蝦）賣相已經好吸引，墨魚咬落去微微嘅嚼勁，但又唔會太硬配埋白蝦鮮甜嫩滑啖啖肉，口感好實在好有層次壽司 手卷🩵呢度有拖羅壽司，除咗拖羅之外，佢哋仲有海膽同埋三文魚子手卷，絕對係encore回本之選另外放題好少見到嘅🥢鵝肝多士，鵝肝入口即化，口感滑溜細膩，味道非常濃郁。呢度仲有🥢燒榴槤，燒榴槤嘅口感更加滑，味道更加甜更加濃郁，見到台台都有order果然香港人好多都係榴槤控…Read More

人氣任食火鍋《牛之鍋》一啲都唔陌生，上次食過銅鑼灣分店今次試吓荃灣分店先，平日一至四仲冇限時，今次我地揀左$348嘅本地新鮮騸牯牛餐，除咗可以試勻晒五款牛肉之外，騸牯牛都係好特別㗎，性價比高，騸牯牛唔會養到好大隻，所以佢嘅肉質特別嫩滑，除左擺盤靚之外而且每日有4款唔同部位一齊上，好滿足，除左騸牯牛仲有美國見島和牛同雪花牛小排都有驚喜喎，而海鮮類有鮑魚、蠔、扇貝係任食㗎🥢騸牯牛騸牯牛嘅肉質非常鮮嫩，切片夠薄，放入鍋裡煮一煮就即刻可以食。牛肉入口嫩滑，肉味濃郁，而且冇咩脂肪，食落去唔會覺得肥膩🥢美國見島和牛和牛嘅油脂分布非常均勻，帶有細緻嘅大理石花紋，而且相當大塊，性價比高，和牛嘅油脂融化喺口中，帶嚟一種濃郁嘅牛肉香味🥢雪花牛小排同樣油脂紋理相當靚，放入火鍋度輕輕燙幾秒鐘，肉質依然保持住嫩滑嘅口感，口感比和牛更軟熟…Read More

九龍城多出名泰國嘢食，但係今日比我遇到間喺九龍城嘅高質鐵板燒《入魂》，佢哋嘅海鮮每日都係新鮮送到，今日嚟呢度食咗佢哋嘅lunch，$680商務套餐二人前【商務套餐二人前】🥢鵝肝鵝肝煎到外脆內嫩，咬落去外層輕輕脆，內裡卻非常嫩滑，油脂豐富但唔會覺得油膩。鵝肝嘅味道濃郁而且非常香口，鵝肝配左蘋果，蘋果加咗黑醋，黑醋甜味同鵝肝嘅濃香令整個味道層次更加豐富 🥢大蝦師傅先幫大蝦剝咗殼，先輕輕煎一邊，再反過嚟煎另一邊，時間掌握得啱啱好。煎到蝦肉呈現出金黃嘅色澤，外面微微焦香，蝦肉口感爽彈🥢甘鯛將魚煎到外面金黃香脆，而內裡依然嫩滑，最特別嘅係魚皮，師傅將魚皮煎到卜卜脆，配埋羅勒忌廉汁，更加提升咗整道菜嘅味道，有啲似沙律汁，羅勒忌廉汁嘅味道好醒胃🥢日本廣島蠔日本廣島蠔大隻飽滿，而且味道鮮甜濃郁，師傅熟練咁掌握時間，將蠔煎到外面微微焦香，內裡仲保持住嫩滑嘅質感🥢清酒煮蜆首先放咗一張錫紙兜喺鐵板燒上面，再將清酒倒落去錫紙兜入面。佢一點火，清酒嘅酒精就開始揮發，望住錫紙兜入面嘅清酒慢慢滾起嚟，個效果真係好震撼，師傅放入沙白蜆喺清酒入面煮，睇住佢哋一隻隻脹卜卜咁出嚟，啱啱煮好嘅蜆肉，又彈又滑，清酒嘅香氣同蜆肉嘅鮮甜，加埋一齊，味道更加濃郁而且層次分明，鮮甜到忍唔住成碗飲晒🥢美國牛肉薄燒師傅將炸蒜同蔥放喺牛肉片上，然後靈巧地將牛肉片捲起嚟，動作俐落而且專業。好多鐵板燒都會炸定啲蒜片做薄燒牛肉，但係呢度唔同，師傅係即時喺你面前做炸蒜粒，牛肉我哋揀咗三成熟，燒到啱啱好入口有爆油脂入口即溶感覺🥢日本黑豚肉薄燒黑豚肉燒到外面微微焦黃，肉汁鎖住喺入面，黑豚肉嫩滑多汁，脂肪同瘦肉比例剛好，將新鮮嘅蘋果條捲入豚肉片入面，蘋果條帶出咗一種清甜嘅味道，令整個口感變得好輕盈【甜品】開心果雪糕配焦糖多士焦糖多士係鐵板燒即時燒製，啲焦糖係鐵板上煎得好香脆，有獨特嘅焦糖香，雪糕嘅質地超級滑順，啲開心果碎帶出濃郁嘅堅果香，將雪糕放喺焦糖多士上面食，有另一番豐富嘅口感…Read More

今日老公帶我嚟食世一煲仔飯《憶食尚》，佢哋嘅臘味真係世一，佢哋嘅煲仔飯無論由臘味至到用嘅大米，都係精心製作精心挑選，尤其臘腸，醬香茅臺酒與土豬鮮肉獨家秘製，適配香港風味調製，嗰種茅台嘅香係我從來未食過架，鍾意飲茅台嘅我哋非常欣賞呢個臘腸，佢哋有自家製工場，全部都係餐廳自家製品牌出品，餐廳入邊都好多買走返屋企自己整嘅臘味架，我自己都忍唔住買咗包臘腸返屋企🤣另外佢哋都可以外賣煲仔飯返去自己整，仲可以連煲一齊買返去整世一煲仔飯🥢廣式臘味煲仔飯呢度嘅煲仔飯真係世一，我試過最好食嘅！首先，佢嘅臘腸真係特別！用咗茅台釀製嘅臘腸，味道香濃，入口Q彈有咬口，臘鴨同臘肉都一流，滋味濃郁，再嚟講下啲飯焦，啲飯焦煮得啱啱好，香脆唔焦口，啲飯底又唔會太濕，啲飯粒都係啱啱好，原來佢哋嘅米都係精心挑選過，餐廳選用五常大米，五常市地處果龍江省南部，擁有肥沃黑土地🥢甜蜜咕嚕肉咕嚕肉炸得鬆脆但係咬落又唔會覺得好油膩，啲肉嘅質地彈牙，醬汁亦都調得好好酸甜平衡🥢瑤柱上湯田園時蔬瑤柱加湯底清甜仲滲透埋蔬菜嘅鮮甜，食落去唔會覺得膩，而且蔬菜煮完仲係翠綠而且咬落爽脆，煮嘅火候啱啱好🍹餐廳特飲特飲有菠蘿汁，帶嚟咗一陣濃郁嘅菠蘿香氣，清新爽口，再加入橙汁，帶嚟一抹酸酸嘅滋味，特飲嘅最後成份係雪碧，啲氣泡令飲品更加清爽，而啲檸檬酸味同甜味互相配合，而另一杯加咗金巴利汁呈淡紅色，金巴利汁嘅獨特味道帶嚟一陣甜香，同埋淡淡嘅果味，令整杯飲品有啲特別嘅層次感同質感，而且兩杯特飲都唔會太甜啱晒我餐廳另外有玄米、菊花、普洱、鐵觀音可以選擇，我哋選擇咗玄米茶，飲落有淡淡嘅焦香，入口滑順，帶出一種淡淡嘅甘甜，而且飲落真係有一粒粒嘅玄米喺度…Read More

一齊走進千與千尋性價比高嘅半放題，位置尖沙咀地舖至閣樓，入門口已經有打卡位，餐廳嘅佈置除咗千與千尋之外仲以傳統和風為主，木質嘅桌椅同柔和嘅燈光，營造出一種溫馨嘅用餐環境，而且餐廳內嘅小擺設見到店主都用心設計，餐廳仲安排咗我哋坐榻榻米半放題午市：$268/位，我哋就揀咗另一個星期一至日任何時段都會供應嘅套餐$388/位，因為$268嗰套餐壽喜燒只可以追加一次，二$388呢個套餐可以無限追加🥢和風沙律🥢時令刺身五款刺身肥美新鮮，而且仲係厚切架自選5款即做串燒/料理/天婦羅有成25款揀，每人可以叫5款，我哋揀咗🥢鹽燒和牛粒和牛粒燒到啱啱好，外脆內嫩，咬落Juicy🥢鹽燒雞翼呢個簡單但唔失風味，雞翼燒得外皮香脆，內裡多汁🥢明太子雞翼明太子雞翼係脹卜卜唔使多做份鹹香，雞翼入邊裝住全部都係明太子，同鹽燒雞翼好唔同🥢燒鮮冬菇冬菇厚實多汁，燒得啱啱好🥢明太子雞腿串雞腿肉比較嫩滑多汁，而且外皮燒到卜卜脆🥢甲羅燒蟹殼內裝滿咗蟹膏同埋蟹肉，蟹膏滑而香濃，味道豐富而且層次分明。鮮甜味滿滿，可以配搭埋多士一齊食🥢土佐豆腐外層炸到脆口而入邊係嫩滑嘅豆腐，配埋特製湯汁一齊食，唔會覺得油膩《〈除咗以上食物唔係任食之外以下嘅所有食物都係任食》〉壽喜燒任食🥢A4和牛A4和牛無論色澤同油花都上路吸引，油脂分布均勻，放入鍋裏便幾秒鐘就已經食得，有入口即化嘅感覺🥢北海道米豚呢款米豚有驚喜，肉質一啲都唔柴，反而有爽滑而彈嘅口感🥢廣島牡蠣呢款蠔出名肥嘟嘟，味道濃郁而鮮甜⭐️果然冇揀錯set，三款都會令你不停想追加，估唔到食放題都食到高質食材另外手握壽司都係師父即叫即做，同平時放題食嘅壽司好唔同，完全係日本風味，不過特別推介🥢火炙左口魚邊，粗口語本身口感特別油脂亦都好豐富，經過火炙後魚油味更加重，仲入口即溶其實仲有🥢溫泉蛋紫菜飯同🥢溫泉蛋稻庭烏冬都係無限追加，特別想推介溫泉蛋稻庭烏冬，係一款冷烏冬黎嘅，烏冬嘅口感實在太正，有咬口之餘仲帶點Q彈，連烏冬專門店都冇佢整得咁好食，encore咗幾碗…Read More

週年快樂之《喜多嬉牡蠣屋》 🩵今晚老公帶我黎左中環蠔食放題，呢度生蠔熟蠔都係任食架✨沿住中環長電梯一落就到，地點非常方便套餐有喜多嬉生蠔、焗蠔、時令串燒、炸物、小食都係任食架，有兩個價錢套餐選擇，餐廳有兩款生蠔放題套餐可以選擇，分別係$438同埋$538，$538套餐多左串燒任嗌，我地當然揀左$538套餐啦，套餐連嘢飲都係任飲，不過我地加左$58任飲生啤高興下首先餐廳上左個茶壺海鮮湯，顏色清澈呈金黃色，鮮甜味十足，味道唔會好咸飲落好舒服之後餐廳會上一個【前菜8品】，呢款物品就唔係任食嘅，不過擺盤相當吸睛打卡一流，而且幾好食【前菜8品】🥢梅子漬車厘茄🥢醋漬青瓜拌蟹肉🥢時令刺身🥢燒白鰻🥢大根煮手打雞肉棒🥢明太子芝士薯蓉🥢柚子羊羹配龍蝦肉🥢吞拿魚蓉配魚子嚟到生蠔呢part，生蠔有六款味道選擇，店員建議我哋頭 round 每款嗌兩隻試一試味道先，生蠔食落新鮮，我最怕食Creamy嘅蠔，而餐廳嘅蠔鮮甜而爽口帶有海水味，而味道我哋較為喜歡就係昆布漬味道，昆布微咸味道令到隻蠔更加鮮甜小食推介🥢牛肉他他，同一般他他唔同，佢唔係一個撻咁，而係一塊塊牛肉，而且牛味好濃口感仲好嫩串燒有14款可以揀，仲一啲都冇令我失望，即叫即燒，上到枱熱辣辣，而且冇over cook，餐廳提供多款調味比客人用，可以調校最啱自己嘅口味食到差唔多套餐仲有牡蠣茶漬飯/手廷烏冬食咗咁多蠔，到最後食返碗茶漬飯或者烏冬暖吓個胃真係好舒服最後甜品，芝士蛋糕同埋朱古力蛋糕，餐廳知道我哋係慶祝周年仲寫左字比我哋打卡🩵好貼心…Read More

老公又帶我食好野，銅鑼灣渣甸街《申子居酒屋》，餐廳黑色格調為主，座位好闊落，坐得好舒服亦設有房可以包廂，食物有質素之餘Lunch 仲好抵，依家優惠期間午市套餐買一送一，點選午市套餐，即可免費獲贈一項丼飯，而且丼飯係一個full set 份量冇減少到架【前菜】🥢漬物牛舌漬物牛舌嘅口感有啲似牛腩，細嫩又有嚼勁，食落去唔會覺得硬，味道上，佢經過醃製，帶有少少鹹香🥢蟹肉沙律食落去有種海鮮嘅鮮甜味，完全冇腥味，而且整份都係蟹肉，夾落去唔會散開哂【刺身定食】刺身定食係配烏冬，新鮮食材每日都唔同，由廚師 omakase ，我今日就食左深池、赤身、鯛魚、牡丹蝦、帶子、三文魚深池嘅味道非常鮮甜，肉質嫩滑，有啲微微嘅海水味，口感特別。赤身刺身嘅油脂適中，肉質結實，食落去有咬口，鯛魚刺身切得好薄，口感柔嫩，味道清爽，帶子刺身新鮮爽口，帶甜肉質軟糯，三文魚刺身油脂豐富，肉質肥美，食落去有種絲滑嘅口感，牡丹蝦就唔使多講，肉質彈滑，鮮甜味濃郁🥢鰻魚玉子丼呢份丼飯上面鋪滿咗香噴噴嘅鰻魚同厚實嘅玉子，鰻魚肉質厚而鮮嫩，入口即溶，味道濃郁，仲帶有陣陣嘅燒香味，醬汁滲透到鰻魚入面，好入味，但又唔會太過鹹，真係掌握得非常好，玉子亦都非常出色，厚實鬆軟，帶有淡淡嘅甜味，同鰻魚嘅鹹香形成一個好好嘅對比🥢燒牛舌牛舌燒得金黃微焦，入口之後，肉質鮮嫩juicy ，咬落去帶有微微嘅彈性，質感好好…Read More

《泰尚泰國菜館》位於堅尼地城電車路附近地舖，位置都幾方便🥢柚子蝦沙律啲蝦非常新鮮，鮮甜得嚟又有啲清爽嘅口感，柚子肉酸甜清新，啲肉質爽脆，食落去非常清爽，入邊配有芒果，同柚子嘅酸味形成咗對比，令整道沙律更加有層次感🥢泰式炒雜菜菜嘅質感炒得啱啱好，保持住爽脆嘅口感，唔會太腍或者太硬，蔬菜非常新鮮，同平時食嘅完全唔同，調味方面，佢哋用咗泰國特有嘅香料同醬汁，令炒雜菜嘅味道更加豐富。泰式魚露、蒜蓉、辣椒同埋少少糖嘅組合，帶出咗蔬菜嘅天然甜味，而且雜菜嘅油唔太多，唔會覺得油膩🥢香茅爆雞雞肉切得啱啱好，唔會太大塊，佢哋用咗香茅同埋其他香料醃過，令雞肉嘅味道非常豐富，用咗泰國特有嘅香茅、蒜蓉同辣椒爆炒，帶出咗一種獨特嘅香氣同辛辣味。呢個辣味係恰到好處，唔會太辣得嚟又非常開胃🥢粉絲蝦煲先講下呢個粉絲蝦煲嘅主角——大蝦。啲蝦真係非常新鮮，蝦肉彈牙、鮮甜，至於粉絲，佢哋選用咗泰國嘅優質粉絲，質地滑溜又彈牙煮得啱啱好，吸收哂所有湯汁嘅精華，口感非常好…Read More

去完日本冇耐就有啲思鄉，老公搵左間喺太子嘅壽喜燒《八不•壽喜燒》比我解吓思鄉之情🤣餐廳每一台都有一個壽喜燒鍋，客人可以自家煮壽喜燒，自己煮仲可以控制煮嘅時間，保持住食材嘅鮮同口感，感覺有趣又享受，係一個好嘅體驗首先，店員會講解點樣煮壽喜燒之後就將鍋燒熱，加咗啲特製嘅甜醬油湯底加入洋蔥同埋大蔥，令到個鍋更加香，之後就可以整屬於自己嘅壽喜燒啦。另外枱面上面有兩壺湯，一個係壽喜燒另一個係清湯，清湯係留返俾煮蔬菜嘅時候用🥢【經典】日本A5黑毛和牛（佐賀西冷）呢個set除咗有和牛之外仲有一份野菜拼盤，最令我期待嘅食材就係日本A5黑毛和牛，特別係佐賀西冷。呢款和牛真係肉質油花分佈得非常均勻，將和牛片放入鍋中，幾秒鐘啲油脂就開始溶化，肉質變得柔嫩多汁，味道濃郁，最後我哋仲追加咗份烏冬，最後吸收晒湯裏面嘅精華，滿足嘅完結🥢網燒裙邊帶子裙邊帶子新鮮肥美，而且仲有八粒咁多，裙邊帶子燒得啱啱好，冇過火，保留住帶子嘅原汁原味，內裡保持住鮮嫩嘅口感，咬落一啲都唔柴，帶子入口有鮮甜味，肉質緊實，仲有啲海水嘅鹹香，上面嘅醬汁甜甜地同帶子嘅味道好夾…Read More

《ASOK THAI GARDEN 》以特色木系裝修為主，餐廳內有各種植物，坐喺度食嘢感覺好舒服好chill🥢大蝦海鮮配冬陰功湯麵冬陰功湯底嘅味道唔算太辣，反而香茅檸檬葉味道，飲完之後口腔仲有一陣清新嘅感覺。金邊粉唔會煮到太腍或者太硬，海鮮配料方面，餐廳用嘅大蝦新鮮彈牙，除咗大蝦之外仲有咬落爽口嘅墨魚仔、魚片、豆卜⋯⋯🥢黑松露XO醬雜菌蟹肉炒飯有驚喜嘅炒飯，首先有啲炒咗嘅蝦米粒，咬落煙煙韌韌又香口，佢哋用嘅係泰國香米，粒粒分明炒得乾身，每一啖都好有口感，而且入邊唔係蟹肉碎嚟真係有大大舊嘅蟹肉㗎，黑松露同XO醬原來都幾好食，食落唔係辣，但係鹹香味十足🤤🥢大蝦柚子沙律先講下個沙律嘅主角——大蝦，啲大蝦新鮮彈牙，每一啖都感受到蝦肉嘅鮮甜，而柚子方面，柚子肉酸甜清新，咬落仲爆汁，最驚喜係調配左蜜糖做底嘅沙律嘅汁，酸甜味道好平衡🥢生蝦刺身蝦肉透明、彈牙，生蝦刺身嘅靈魂就係佢嘅泰式醬汁。醬汁酸酸辣辣，非常開胃，帶有檸檬汁嘅清香，仲有少少魚露嘅鹹香，再加埋香茅同蒜蓉，味道層次豐富🥢椰子雪糕椰子雪糕嘅質感好滑，啖啖都係奶滑嘅口感，椰香味濃郁，但唔會過甜，呢點非常加分…Read More