嘉美美's Profile

好耐冇呢個呢度食嘢啦！得知呢度改左名，而家唔係淨係食扒燒即係石燒套餐， 而且仲改咗menu，轉左做散叫, 感覺抵左又多左選撰,  所以又嚟試下啦！今次叫咗半打生蠔, 四隻法國,一隻美國,一隻紐西蘭。再叫左一個辣肉腸pizza, 一個石燒肉眼牛扒, 帶子串燒, 仲有青口湯!!!!!  叫石燒好似係有個沙律跟餐, 唔記得左叫咩野食有個蒜蓉包!!首先就嚟咗個青口湯, 好濃好濃!! 中間仲有隻大生蠔真係唔錯!  之後就上埋個沙律同蒜蓉包!!! 蒜蓉包依然係咁好味, 又脆但係又軟淋淋超正呀!!! 之後就上咗個帶子串燒帶子表面 燒到微微嘅金黃色仲好juicy好多汁!! 讚!!食到咁上下, 職員又睇時間上菜 跟住就上左個生蠔仲有辣肉腸pizza!  Pizza好多芝士好正, 不過覺得個辣肉腸鹹咗少少, 如果可以轉另一隻辣肉腸冇咁鹹會更加好。再來就係個生蠔, 生蠔唔錯, 都幾新鮮!! 先食咗美國同紐西蘭嗰隻之後先食法國生蠔, 果然都係法國生蠔最鮮味最好味! 下次都係叫曬全部法國生蠔!!! 最後就係我哋嘅主菜, 就係食燒肉眼扒肉眼牛扒!!! 真係好大塊價錢都只係$198, 抵呀!! 職員有係耐心地教我哋一次點樣去燒, 燒幾耐, 跟住我哋就自己燒啦!!! 今次係我第二次食呢個石燒所以有經驗啦, 今次我哋將牛扒切開， 細細件慢慢燒咁就可以避免過熟但中間又未熟嘅情況啦~~ 所以今次燒得好成功好好味, 由於牛扒完全冇調味, 所以燒嘅途中係自己加胡椒粉, 鹽, 仲有牛油去調味!! 真係原汁原味!! 最後我哋仲order咗甜品 就係movenpick雪糕呢一餐實在太完滿 飽飽呀…Read More

都係見朋友去食過，就決定黎亲身試下！之前上網睇地圖，知道門口有咪標位，都適合揸車嘅朋友仔去喎！不過今晚10點幾去到，門口位都full哂！而門口亦有約4-6人等緊位了，即刻拎张飛先，二人枱第二张到！等位期间亦幸運地等到門口泊位了！入到去都爆满人了，坐位確係迫左小小！睇左餐牌好耐先決定到食咩！！！最终叫左個小矮人分子椰皇子同公主出巡！！！個椰皇子的確好過引，用椰青水整成一粒粒嘅啫喱，感觉好得意，我地今次要暖暖地嘅，連埋個布丁一齊食嘅感覺好滑好暖粒粒，味道勁夾呀！！另外個公主出巡都真係好正！個意大利奶凍好奶！好啱本小姐口味，連埋芒果肉同汁一齊食，爽！！仲要食極都唔完咁，食到底仲有好大個奶凍！！！抵食哦！…Read More

同朋友食完生日飯，諗住黎食個甜品啦！未黎過，所以個心有啲期望，點知竟然係失望。。。。。。侍應問我地坐出面定室内，我地都係選擇左室内，因為当时天气都係幾熱！都成10點幾，不過竟然都仲係好多吉位！叫左三樣嘢！楊枝涼粉，芒果涼粉同楊枝海藻雪泡。啲嘢都黎得幾快，不過有點失望，無我想像中咁好味啰！真係唔太特别好味，以為個楊枝海藻雪泡會好特别，都係得啲泡泡係面頭，撈埋一齊黎飲，都覺得許留山仲好飲過佢！冇特别都唔緊要，我地食得都幾快，可能3個字内都食完，一食完就即收，擺明赶人走啰！最终越来越多人黎，個侍應仲開口問，你地3個可唔可以坐bar 枱。。。。真係想問下坐bar枱全部人面壁點傾計呀。。。。。想坐多陣講下嘢都唔得，谷鬼气，所以走人！！唔黎啦！！…Read More

期待已久!! 終於都黎到可以同可愛點心見面啦~!!! 今日係父親節, 所以就帶左家人一齊黎啦, 爸爸, 媽媽, 細佬, 我同老公一行5人~~我地揸車黎, 一早問左酒店, 消費夠$500就可以免3個小時car park, 之後$50一個鐘~~~  早在兩星期前已訂位了~ 亦都訂晒7款卡通o既點心啦~~ 打電話黎o既時候已經講左要坐窗口位, 不過電話中職員話只會盡量安排, 黎到個陣職員帶位時, 就真係預備左窗口大卡位比我地, 實在太開心啦, 坐得非常舒服~ (唔好意思, 冇影到個坐位!!><”) 但我有影到坐位望出外面o既景, 望住個綠草迷宮, 對出就係個海啦~~職員o既服務;態度都好好呀, 一黎到就叫左壺菊潽, 好香菊花味呀, good!! Menu其實好多野揀, 花多眼亂, 樣樣都想試呢~~ 睇左一大輪就叫左下面o既野食啦~~~1) 米奇煎薄餅2) 米奇鴛鴦糕3) DUFFY 紅豆蓉包4) 雞丁蓮蓉包5) 大眼雞包仔6) 蠔汁叉燒豬仔包7) 綠色小人菜肉包8) 荔蓉天鵝酥9) 珍寶海鮮春卷10) 原隻鮑魚燒賣11) 舞茸蟹肉小籠包12) 菜苗餃13) XO醬雙菌蝦仁炒腸粉14) 晶荷軒炒飯個人認為好多野都好好味, 卡通點心真係可愛唔想食呀~~ 個煎薄餅好煙un好好味, 鴛鴦糕都要讚一下, 佢係用蘿蔔糕同芋頭糕底面夾埋一齊咁煎, 一口兩種糕食落去又真係幾好味, 兩個味道好夾!!卡通造型o既紅豆蓉包, 蓮蓉包, 雞包仔, 叉燒豬仔包同菜肉包就普通啦, 唔係話特別好食, 因為都係食個造型多d~!想講個海鮮春卷! 好味!! 而且真係好珍寶呀, 黎到個陣我先知原來係珍寶版!! 原隻鮑魚燒賣就係攞黎孝敬呀爸呀媽啦, 鮑魚都ok大隻架wor, 佢地都話幾好味~ 仲有個炒腸粉, 以為都係hea炒個隻啦, 點知黎到成碟餸咁大碟架, 而且仲好好味, 又有大大隻蝦同其他料一齊炒, 真係唔錯~最終我都係怕唔夠食, 所以先會叫左個晶荷軒炒飯, 以為會好有特色啦, 點知竟然係一個普通到不能再普通o既西炒飯…….呢下都幾失望架, 仲要成二百蚊一個tim……..…Read More

今日出黎原本決定左食一間我好想食嘅嘢，不過有啲意外，冇得食。。。。。 所以，見時間尚早4點幾5點，誤打誤撞就決定去agnes.b cafe食個下午茶先，晚飯再諗啦！一去到都好似幾full, 不過原来又有位喎，所以唔使等就入得啦！ 一坐底有兩個menu, 一個甜品，一個係主餐嘅！最終決定左叫一個chocolate mousse cake， 一杯碎朱古力沙冰加多一個芝士洋蔥煙肉奄列！！等左十分鐘到就有得食啦~~~ 期待左好耐o既金字塔mousse, 想食好耐啦!!! ^3^ 果然唔係得個樣, 真係好好味, 口感一流, 中間mousse 好滑, 又有朱古力, 而且底層仲有D朱古力脆脆架, 好正!!! 朱古力沙冰亦都冇得彈, 因為充滿左粒粒碎朱古力, 好味~~~~最後講下個芝士洋蔥煙肉奄列, 切開一睇, 雞蛋比想像中厚wor, 仲比我想像中多芝士, 洋蔥好香~~~ 熱辣辣, 加啲pepper, o岩晒~~…Read More

早收工~ 又飛去荃灣搵食~ 好耐冇黎啦, 因為自上兩次黎過都覺得唔係咁好食就冇再黎, 突然又醒起佢, 比個機會佢啦~今日黎到, 發現餐牌都轉埋lu, 多左好多野食咁, 有啲驚佢唔知會唔會樣樣都唔精......???????冇啦, 入左黎坐都要食架啦, 最終我叫左個炸魚羅宋湯扭扭粉再加左好似$8蚊加個忌廉涼粉西米露。老公跟風law, 叫左個豬扒羅宋湯意粉, 加$8蚊要凍OT!~野飲甜品一落完單幾分鐘就到, 野食就等左都十幾分鐘竟然都係黎得個豬扒意!!!!! 我心諗我個炸魚係唔係真係即炸咁好死呢, 點知等多5分鐘就到左, 我即時試一試個炸魚............正! 真係剛剛炸起架, 配沙律醬好好味, 即時回復反小小信心!!  試埋個湯, 就比較淡左小小, 希望佢可以再濃D會好味好多囉!!!!可能我對凍檸茶o既要求高啦, 我覺得佢個檸茶好難飲......好澀呀.......>_<"另外個涼粉西米, 涼粉多過西米, 西米小得滯囉.....不過佢個椰子底真係依舊好香好正呀, 希望佢唔好咁慳, 比反多小小西米人地食啦!!!!…Read More

比食飯時間早了一點, 6點幾已到荃灣廣場, 好多野都未使等位, 加上平日, 好快就決定左黎lee度~~~今日黎想食佢啲麵, 所以同老公一人叫一碗食, 今日大家又唔太好胃口, 所以只係再叫多了一個炸銀絲卷~~落單後10分鐘到野食就到, 好快~ 我食牛肉三角麵, 老公食炸豬扒扁麵!!! 我個牛肉麵今次叫左唔辣o既, 上次食過辣好野味, 今次清清地都幾好, 牛肉都有成5~6片, 味道就普通滷水味, 都幾夠味!!! 個面都幾煙un架, 保持水準~!!老公個炸豬扒穴係麻麻地, 一食就知佢反炸囉, 硬晒咁, 一定唔係新鮮炸, 而且應該都擺左一段時間tim, 有點失望囉.......炸銀絲卷都算係咁啦, 個皮都仲熱同脆口o既, 入面就真係一絲絲, 正忠個隻, 正~!! …Read More

今日收工過左深水埗搵食, 去左之前都去過幾次o既日東餃子館!!~之前都食開佢o既招牌麻醬麵同雞絲伴麵, 今日決定食下之前冇食過o既先得!!我叫左一碗酸辣上海麵, 老公就叫左個炸醬撈麵同一碟腐乳通菜!!酸辣上海麵都好大碗下, 都幾多料, 又唔會話好"希"咁~ 佢o既酸辣同平時食上海野個種酸辣唔同, 呢個係比較淡口o既版本, 我就嫌佢唔夠辣, 辣啲應該會再正啲!!!! 個上海麵就一如以往的彈~~老公個個炸醬又係比想像中淡口好多, 我地兩個都覺得直頭係好似唔夠味咁......好似開"希"左個汁.....定係我地重口味得滯???!!!最後的通菜竟然有驚喜, 老公話 "新鮮、彈、爽口"!!!! …Read More

今晚決定dry一dry先！去左素食新一代！！！呢間嘢好過引，有個全餐$31蚊，全餐會有5樣餸比你揀，最小可以叫兩樣，最多又可以全部要晒喎！我就叫左芙蓉蛋，沙薑炒菜(唐生菜)同漢寶扒！全餐會包埋個湯同飯，唔要湯可轉豆漿，唔要飯又可以轉粥喎，白飯更可refill, 好貼心！男士一定食得飽啦！！啲餸菜真係幾清淡，我諗只係落左小小鹽去整！！芙蓉蛋有料！！有芽菜，青椒同素餐肉！正！漢寶扒就有啲黑椒味咁，幾嘢味！菜佢都比好多，多到食唔晒。。。抵食！！其實除左全餐，佢係有好多其他炒嘢食架，連雲呑面都有得食！下次啦！…Read More

今日揸車遊經日頂, 唔使講, 一定要係度搵食啦!!!! 今日假期, 我地成9點去到都仲有大把人係度!!!行左個圈睇下有咩好食, 最終決定入左呢間越南野試下!!好快咁就決定叫左個至basic o既越式雞肉湯河, 老公就叫撈檬 - 香茅碎牛肉凍檬(椰子汁底)! 我地都好想知佢點樣椰子汁底法!!!!黎到啦, 老公個個檬好大碗好多!!! 底部已有一d牛肉汁底比你撈, 面頭再加左小小椰汁, 確實好香, 不過覺得原來就係咁叫椰汁底??? 職員也同事另上一小碗平時用黎撈檬個隻酸汁, 不過就咁撈埋佢食落個味道真係好有趣wor, 有牛肉湯香更有椰汁味, 新奇!! 跟本不用加個碗酸汁了~~~~ 讚!!我個碗都正正常常啦, 初頭我覺得個湯冇咩味wor, 點知加番d青檸同紅椒落去夾埋又好野味wor! hoho!!呢間野都算係山頂平價之選, 可以一試o既~!!…Read More

今日放工早到旺角, 7點已在家樂坊都未有等位人潮, 諗緊食18GRAMS定係呢間, 最終決定呢度啦!!入到去都仲係不太多人, 卡位幾大幾好呀~~ 不過我地得兩個人冇得坐卡位!!!!我ORDER左個極上醬油湯底本格美國牛肉拉面加粟米, 老公叫左個豬骨湯叉燒拉面加糖心蛋, 冇見野飲口呀, 冇咩興趣~!黎到個碗真係超大, 顯得碗面好似好小咁!!~我個碗D牛肉黎個時真係半生熟咁, 試下個牛真係好有牛味WOR, 好似食緊扒咁, 不過都係UN左小小, 可以林D就更加好!! 試下個醬油湯, 真係好咸呀.......本人已經好愛重口味O既野食, 但都覺得好咸呀........仲覺得有小小食緊出前一丁O既感覺........失望!!老公個個豬骨湯就不過不失, 都OK啦, 又估佢唔到D叉燒咁軟林林幾好味WOR~ 而且個糖心蛋也不錯!! …Read More

其實想黎好耐架啦，因為有幾次經過都好似幾多人等位，最終都放棄左。今日的起心干，終於黎左！今日竟然唔太多人等喎！台湾美女店員比左拎張飛仔我，仲送左個綠豆冰棒比我地食，叫我地食住等囉！~~~有驚喜╭(╯ε╰)╮等左唔夠5分鐘就入得啦！坐底比左個餐牌我地自己畫底要食咩，就拎埋個餐牌出去排隊點餐啦，即時比晒錢，佢就再比個號碼牌你坐底等嘢食黎啦！~~~嘢食都係5至10分鐘内黎晒！我叫左個滷肉飯，一隻滷蛋同一杯酸梅汁！同事仔就叫左個炸醬面！我個飯都如果女仔食都ok, 男仔就可能唔夠食啦！ 啲肉嘅味道都幾好，幾夠味，滷蛋就硬左小小，不過味道都還好啦！想提下個酸梅汁，以為係成杯深啡色個種，點知一黎到成杯好似清水咁，入面有粒酸梅架，飲落酸酸甜甜幾正！下次黎要食便當，睇到人食好似幾好！！…Read More

今次有幸試到呢間蛋糕店, 都係因為老公買比我做生日蛋糕law~~ =3=愛死了我至愛的玫瑰花同鑽石呀~~~~老公一共買左5件比我!! 講真, 玫瑰花係好睇唔好食, 一來一切就成個散晒.......完全唔知點入手去食law!! 二來中間個夾心真係麻麻地, 味道普通的朱古力蛋糕!!另外個鑽石就又靚又好味啦, 表面一層閃閃發光o既脆皮, 入面係榛子mousse加蛋糕黎架, 好味~~~ 不過食唔好太甜o既人就唔好食啦, 真係幾甜架!!另外個3件野, 其中綠茶個件都幾出色, 有幾重口感, 唔係出面個d普通綠茶蛋糕, 堅得!!有幾會想試下另外d款式呢~~~…Read More

今日銀卡日, 所以同老公入黎打個轉食下野!!~~呢間大冒險家餐廳算叫新開, 要黎試試!!!今次叫左一個小食韓國年糕同一個印尼炒飯set!! 以為啲年糕唔好食得去邊之際, 一食就發現好鬼正, 仲要辣辣地, 我鐘意!!另外個炒飯都幾有誠意wor, 真係好正忠o既感覺~~個沙爹汁雞串好正, 本人覺得個味道比起某啲泰國菜o既店舖更好味!! 仲有大大塊蝦片食, 好脆呢~~野飲叫左可樂同檸檬茶各一杯, 汽水真係溝晒水咁唔知想點, 檸檬茶就小小甜幾好飲!!!…Read More

朋友仔介紹黎食~~ 位已訂唔使等位黎到即入得。平日晚黎都幾好, 夠寧靜呀, 唔太多人!我地兩個人, 一人揀一樣, 我食石春鍋(牛,豬,羊,德國腸), 老公食石燒龍蝦尾+肉眼扒, 1個set包3杯野飲, 一黎就飲杯橙汁先~~ order完就去自助沙律bar搵食, 估你唔到都幾多野食wor, 生果, 各種沙律, 菜, 蝦同青口, 甜品, 湯, 蛋糕面包都有!!!! 青口又估唔到幾好味wor! 個set仲包個蒜蓉包配黑松露醬.......超好味, 一定好味過pizza hxt 十倍, 好有驚喜呀!!!! 準備上主菜前, 就叫左杯一人一杯餐前白/紅酒, 其實仲有好多其他酒選擇, 不過我地都係一杯紅一杯白~食完冷盤到主菜出場啦, 好過引!! 我個石春鍋啲煙好勁, 因為將d湯倒入石春鍋, 用蒸氣整熟啲食物~~~ 老公個個石燒龍蝦尾+肉眼扒好快熟好快食得, 個舊石好夠熱, 經理都好細心講解點樣整同叫我地小心唔好掂到舊石整親, 加分!! 不過最終都係經理幫我地整埋比我地食呀~~ 太好了~~龍蝦肉好彈牙, 又一驚喜~! 我個石燒鍋原來放左啲香料香草, 啲肉吸晒d香味, 好正呀~~~ 職員仲提我地可以出去再拎啲熟食薯菜做配菜tim, 勁細心~~食晒主菜好飽呀!!!! 之後再戰甜品, 再order埋last一杯飲品!! 甜品就一般般啦, 都係一啲比較大路嘅甜品, 不過有個叫 “濃味朱古力餅” 又幾好味wor!~整體上都幾滿意, 因為可以食到好飽好滿足!!!! 下次再黎就想試過海鮮石春鍋!!!…Read More