william_skf527's Profile

食過幾次午餐，覺得質素正常，價錢合理。唯獨今日午餐再食完，我唔會再去。我一個人食，一張細枱，我入咗鋪開始計20分鐘內食完，叫咗紅咖喱雞飯加炸雞餅。食物質素一如以往正常。當時時間1330左右。呢區午餐繁忙時間已完。我一路飲埋杯野，一路睇電話。佢見我差唔多食完，已經靜雞雞放咗張單喺枱面。我睇電話唔為意，佢再特登拎張menu 問我要唔要甜品。你趕到咁，我即埋單。我叫咗個lunch set 加小食，八十零蚊，我知唔係多錢，但我都係客人有幫襯。你客多我明白，但當時佢都坐唔爆，亦唔見得之後會突然有一大堆客。所以成個經驗好唔尊重人，你野食咩質素都無意思，因為唔會令人想黎。…Read More

預計到多人所以11點30分已經去到門口等12點開門，去到已經見到幾十人等緊，我地未入去前已經FULL 哂，拎張籌叫我地1點鍾番去，因為同行朋友好想食所以照等。我地12點50分番到去，等多5分鍾左右真係到我地。入到去見到侍應講國語為主，有部份真係台灣人，當然亦有香港人。呢個模式令成間餐廳個台灣感覺強好多。我地坐近窗口，望到半開放廚房，有部泡冰機不斷泡冰，都幾嘈，講野都要大聲D先聽到。野飲要O左冰鮮果茶 – 都幾大杯，有個LIPTON茶包，有蘋果，橙，梅唔同生果，所以口感好豐富。其實個味似橙汁加茶，個味唔錯，但如果無O甘甜會更好。 食物牛角包 – 包O左煙肉，千島醬，煙肉，栗米同菜。個牛角包食落唔會好油同夠脆，食落好清新，千島醬又唔會太濃，所以野都好夾。咖哩牛腩 - 咖哩唔太辣，但有濃郁咖哩香味，用黎點配碟個法包好夾，令人想食完再食。牛腩夠入味同淋，但得4舊，太少。總匯三文治 – 即係公司三文治，亮點係包埋香草雞扒，夠厚同煎得香同JUICY，有蕃茄同菜，雖然有肉，但一齊食都有種健康感覺。另外，大部份菜式都有沙律伴碟，唔怕食得太肥膩，其實食物質素唔錯，價錢合理，但真係要預定排好耐。 …Read More

睇電視見到介紹8色小籠包咁特別就諗住試下，雖然唔係假期，因為6個人所以訂定位。七點一去到門口見到出面有起碼30人等緊，所以都係訂位穩陣。裝修無特別，但整體感覺都住得舒服，侍應數量都唔少同埋大部份做野都好有效率。食物方面出色菜式有:8色小籠包 – 有8隻味小籠包招牌菜，我食O左麻辣，鵝肝同蒜香。3種都食得出佢標明隻味，但又唔會過濃，食到本身小籠包應有O既味。小籠包本身做到皮簿，肉同入面個湯味道適中，食得出無咩肥豬肉同唔油。絕對推介!夫妻肺片 – 份量唔大但牛肚牛肉樣樣都食到，麻辣味香濃入味。賽螃蟹 – 蛋白好滑同有鮮味，入口即化。蘿蔔絲酥餅 – 夠脆又唔油，食到好香蘿蔔絲味同鬆化。唔太得菜式:蝦仁炒飯 – 似去婚宴臨尾道炒飯O既質素，可取係炒得夠干身。肉絲炒年糕 – 個汁太濃同太多，食落”張”住個口。辣子雞 – 非常唔得，好多食落去只食到炸粉，雞都食唔到，食到D油，辣得原全無層次。肉絲包餅 - 肉絲非常之咸，包住個餅食都仲覺得好咸。水煮魚 – 用無骨西式早餐隻魚柳整，個辣無水煮應有O既層次感，一味得個辣，一般。如果黎到只係食8色小籠包係OK，因為真係整得好特別同出色，但其他菜式就真係好一般。…Read More

久仰JAMIE OLIVER 大名，明知開張無耐一定多人到爆都照排，4點45分去到，首先排20分鍾去登記，登記完個人資料再等多30分鐘終於有得入去。入到去見到裝修好特別，牆上有好大條龍，一部份BAR位排O左D好似金華火腿O既野，亦有D櫃放O左好多擺設，再有一Part Open Kitchen，所以野好似好九唔搭八但放埋一齊都幾夾，可能因為佢個色調好一致。坐底後有個專屬侍應負責，成餐飯想搵佢幫手都好容易搵到，同埋問佢菜式問題都解答得好詳細。野飲叫O左一杯LEMONADE同一杯酒，一般質素。食物方面牛扒 – 叫MEDIUM ，煎得稍硬，好在仲食到肉汁，同埋個肉味都足夠。牛上面O既磨蘑好入味，伴碟薯條又唔油又香，上面D蒜蓉夠脆。個人認為伴碟O既野好食過舊牛。Fish in a bag – 即係放舊魚連青口同蜆入錫紙燒，青口同蜆食得出鮮味，魚食到本身個味道但唔濃味，腥味唔重，個辣蕃茄汁可以加強本身味唔濃O既海鮮。個底係燕麥，個感似有咬口O既意大利飯，食落都幾開胃。檸檬蛋糕做甜品，我好鍾意，個餅底夠脆，中間檸檬濃得黎又俾到一個好醒神O既開胃感，上面有少少好似BBQ棉花糖味，令人好深刻。本身我對呢間餐廳無好大期望，食完都無失望。食物，環境，服務都好平均，同埋好多食物選擇，我會再去試埋其他菜式。…Read More

團購後想BOOK 位一波幾折，8月頭打去BOOK 8 月中星期6但同我講成個8個月星期6都FULL O左。之後聯絡團購公司話幫我CONFIRM 餐廳後仲有1，2個星期6有位，我再打去餐廳話O個D日子都唔一定有位，話最終決定權係餐廳，話幫我留WAITING LIST，食之前幾日回覆我，但到食之前一日都無人打俾我。我自己打去話無我記錄，之後嘈O左一大輪先話可以俾番星期6 1點30分到3點我。1點30分去到，排O左一大堆人，話安排我去樓上座，拎野食要落樓下。其實係CHECK IN RECEPTION 隔離，但都有D距離，所以都可以專心食。唯一問題係極少有侍應經過，想搵人加水都好有難度。自助食物款色都多，味道唔錯O既有 :用雞肉同中間夾O左好似午餐肉O甘O既餅 - 食到有咬口O既雞肉同淋D O既午餐肉2種味道同層次。MARCANOON: 有檸檬，綠茶，朱古力等等，入口鬆化又唔太甜奶凍 – 有奶香同夠滑，上面有芒果汁做點綴等個層次感加強味道中規中矩O既有 - 煙三文魚 鴨胸 茄子 各沙律火雞胸味道唔得O既有:一個鴨肝醬整O既餅 – 咬落去味道好怪，完全肝類醬香味，口感好似好爛一樣凍蛋 – 無味，咬落凍冰冰主菜要煎羊，份量唔大，剪到過火，都幾硬。返而碟上個玉米汁好濃好香玉米味，點個羊令個主菜加番D分數。伴碟好似黑木耳，陣味怪到食一啖已經唔想再食><整體食物質素同環境，以$148 一位係抵食，但如果團購安排做得更好會令人對間餐廳印象更好。…Read More

Restaurant week 留意到呢間餐廳，食Semi Buffet Lunch，12:30入到去見到餐廳唔太大，得3成入座率。裝修幾得意，牆上面有隻牛O吧圖案，寫住唔同部位O既名。侍應服務好主動同友善，見我朋友未到主動問要唔要個餐湯飲住先。湯係洋蔥湯味道，但D菜就係椰菜，飲落惹味，味道有D味精O既感覺。Buffet 區有6，7種唔同O既沙律，平味道都唔錯。印象較深O既有紅蘿蔔絲，芽菜，青爪沙律 – 好惹味，食落涼涼地，有D似四川菜O個D感覺。矮爪沙律 - 矮爪好大好多汁，伴碟O既紅蕃茄都好甜好多汁。鴨胸沙律 – 夠嫩同滑，淋O左個類似日式燒汁亦都好同鴨胸好夾。個人唔太鍾意青爪沙律，個沙律醬太酸同太多。另外凍燒牛肉都一般，我已經夾紅紅地唔太熟O個D都好硬。個餐仲一人包O左2隻生蠔，一隻味淡D，另一隻濃D。味道新鮮，但真係好多海水，可能會覺得鹹O左少少。主菜選O左牛扒，生熟我叫O左MEDIUM，塊牛本身質素絕好，有肉味多汁同少少好香O既肥膏。同埋煎得好平均，唔會中間好生。朋友叫O左三文魚扒，我食O左一舊，好滑同包住D三文魚扒油香，我覺得仲正過自己塊牛。restaurant week 價$248 加一埋單。但食哂時無意中俾我見到佢平時無O左2隻生蠔，其他野同我地一樣只係$168(如果我無睇錯) ，如果俾我再選擇我唔要生蠔平D好過。但呢間我都推介可以再去，成餐質素唔錯，大部份野都幾好食。 …Read More

有次經過見到裝修好似韓國D餐廳，所以好有興趣試下。星期日晚6點9去到，好在早O左少少去，我見遲我地幾分鐘D人已經要等位。呢間唔似我地去開D韓燒店O甘迫，通風已經較好，我地坐近門口空氣流通就再好少少，所以食完唔會超大陣味。侍應都唔少，但可能真係太多客，所以較難搵佢地幫手，但服務態度都OK。一入座已經會俾一大壺水我地自己加，已經減少O左好多叫佢地加水O既機會，值得一讚。一坐底俾O左D泡菜同醬我地，泡菜好食但好細碟，所以REFILL O左一次同埋唔駛錢。有一碟生菜用黎包肉食，其實得4，5塊菜。但碟菜如果REFILL 要50蚊，簡值係天價，加錢買正常，但呢個價就唔太合理。我地2個人叫O左3碟肉同一個水冷麵。五花腩 – 要燒耐少少先熟，睇落好肥，但食落唔會有好油O既感覺，同埋燒耐O左都唔會好難口。肉腍同好脆，味道較濃，唔點醬都夠味。但食落有少少軟骨，我無理照吞都吞到。蒜香護心肉 – 好快熟，但都幾易燶，所以要留意住。口感好爽口又滑，推介。牛肋肉 – 多肉汁同好滑，都易燶，要小心。食完肉難免覺得HEAVY，水冷麵以菜同蛋為主，所以食個肉食個水冷麵可以清一清個口同有好涼快O既感覺。爐邊O既蛋同芝士栗米無限REFILL，2樣都好食，尤其個蛋惹味得黎唔會好濃。餐廳食物質素高，2個人食到勁飽都係一人$260。仲有好多唔同O既肉未食，相信好快會忍唔住再去。 …Read More

聽朋友之前Restaurant Week 試過唔錯所以我黎呢間餐廳。一入到去見到無敵大海景，同埋佢每抬相隔好寬闊，等人坐得舒服享受食物。侍應每黎一樣野都會介紹下有咩特別，等人客食O個時可能多D留意。個set包頭盤，主菜，甜品，餐飲$248，碟碟份量都唔大，排得精繳為主。但唔駛怕唔飽，因為侍應會不停REFILL 一羅包，入面有4到5款包，好香麵粉味。另外仲有一隻杯裝住蕃薯乾同埋幾條食落口好似百力滋O既東西，呢隻杯亦都會不停REFILL，個蕃薯乾又脆又有淡淡蕃薯味，好似食緊蕃薯味薯片，推介。食物質素頭盤露筍湯 – O甘大個人第一次飲呢款湯，個湯煮得好結好厚，同埋D露筍味O岩O岩好。主菜爐魚 –爐魚點個泡同綠色底汁食，PAT 泡好快會縮，所以要快D點黎食，其實PAT 泡味道偏淡，我覺得似蔬菜味。綠色底汁個味同泡係相似，不過個味道就濃D。爐魚皮煎得好香，條魚亦都食都鮮味同唔腥。伴碟D菜有少少調味但唔會好強，食得出本身O既菜味。甜品雜果加梨雪芭 - 梨雪芭味道同一般食開雪芭差唔多，唔會覺得好出色。雜果絲浸住O左淡淡O既糖水，無令D生果變到好甜，夏天食落好涼快D，但令唔同生果個味因糖水變到有D似。最尾送O左碟甜品大雜繪，整到好細好精緻，令人唔捨得食，有蛋糕仔，朱古力，Macaroon等等，味道就一貫酒店甜品質素。…Read More

因為見到Restaurant Week 所以黎呢間餐廳，幾間分店都有得選擇，但因為貪呢度可以望番香港島個靚景所以去THE ONE 呢間。成個Restaurant Week set包頭盤，主菜，甜品，餐飲同酒或果汁，加上呢個環境$248係合理。餐廳分室外室內，室內最正當然係落地大玻璃維港景，望住食野真係心曠神怡。唔覺唔覺會坐O左幾個鍾，快樂不知時日過。通常D人食完就會行出露台影相，都係一個飯後好節目。服務方面，大部份侍應正常，除O左幫我地落單O個位。佢幫我朋友落單問佢要邊款餐酒，之後我就問佢唔要餐酒可唔可以要其他，佢答我可以要果汁，再加多句，大概意思係”而家我幫你朋友落緊單，你O甘樣突然問我野會令我好亂。”我聽完只係覺得O甘已經令佢好亂，佢能力真係有D問題，同埋佢表達得真係好無禮貌。食物質素磨菇湯 –夠”結”所以俾多好厚O既口感，但除O左芝士味就無咩其他味，菇味都唔夠。海鮮意粉 – 個汁係蟹肉碎，好有鮮味，但D蟹殼未刴得清，周不時要吐番D蟹殼出黎。仲有大粒帶子同青口，青口有鮮味，唔會好似有D地方O甘無味。帶子就非常鮮甜，同埋夠厚同大隻。意粉份量都多，軟硬適中。甜品紅蘿蔔蛋糕 – 係平時D件裝蛋糕1.5倍份量，一定食得飽。底層有淡淡紅蘿蔔味同唔甜，食哂都唔會”流” ，個面係椰汁糕，唔太甜又香濃椰汁味。陪碟有綠茶雪糕，真係好綠茶味，真材實料。整體黎講食物中上，唔係超好，但個環境係無敵，間唔中上黎飲下野都唔錯，吹水好地方。…Read More

之前電話問我訂唔訂招牌菜杏汁豬肺湯同企鵝雞，見有9個人食所以我訂O左。前菜收錢無得唔要，黎O左D好暗淡無光O既鴨胸，我地叫佢轉其他，轉O左wsabi青瓜反而幾Fresh 幾開胃。唔係計茶位，要叫野飲，但我地見佢叫茶先有得REFILL，所以個個叫茶，$12一位。企鵝雞 – 訂個時無講幾錢，我都無問，之後入座先知$488。覺得有D貴，隻雞成隻上，雞頭有D裝飾，影下相都幾得意。可以選擇手撕或軟件，我地要求手撕，分量都大，我地9個人先叫岩岩食得哂。雞皮脆同唔肥，雞肉有咬口，唔會太諗，相對我地去婚宴食O個款雞好食，但未至於好食到值$488。白汁豬肺湯 - $388 呢個都值，夠9個人飲，飲得出真材實料，見到有好多湯渣，杏汁味又唔會太濃，岩岩好。橙香骨 – 酸甜酸甜夠開胃，同埋整得夠淋。士多啤梨蝦 – 裝住蝦個底好脆口，隻蝦其實無咩鮮味，不過個士多啤梨汁夠入味。淑鹽豆腐 – 同平時酒樓叫O個D差唔多，食得出岩岩整起夠熱。蝦多士 – 呢個等O左好耐先上，但等得值，新鮮整起夠香口，又唔會覺好油。…Read More

黎食LUNCH SEMI BUFFET座O係餐廳外面，雖然係商場入面，但有D焗。首先講BUFFET 類，唔係太多種，整體質素都OK，有4,5種唔同沙律，鴨胸沙律最好食。湯係洋蔥湯，好味，飲O左2碗。另外有凍蝦，青口同蜆，3樣都幾新鮮，青口夠大隻，凍蝦都幾甜，蜆細隻O左少少。野飲有利賓納同果汁先生橙汁任飲，利賓納超甜，飲O左少少放棄，橙汁正常。甜品有奶凍，奶味夠濃，細細個易食，唔會好飽。除O左BUFFET外仲可以叫個主菜，有差唔多10款，牛都有幾款，例如西冷同肉眼，叫O左大蝦意粉同西冷牛扒。大蝦意粉夠大碟，配料都好呎夠，個蝦汁濃淡恰到好處。西冷牛扒食得出靚牛，叫O左6成熟真係差唔多，唔會過老或太生。配菜個炸薯角好脆好食。一人大約$200食到飽一飽，食物質素中上，可以再去，但下次會要求番坐餐廳入面。…Read More

之前食過一次LUNCH覺得唔錯，今次第2次幫襯試晚飯，BOOK 位時分幾輪時間，訂O左8點30分，8點去到話已經可以入座。餐廳地方寬闊，唔好有好迫O既感覺，吹水好地方。叫O左2個Set Dinner同散叫O左個牛肉他他。蕃茄湯 – 好濃好RICH蕃茄味，同埋個湯好厚好”結” ，正。蜆肉意粉 - 蜆好大隻同有鮮味，同埋份量好足，但酒味重O左少少。煙鴨胸加鴨肉飯 - 煙鴨胸煎得好香同入味，側邊個飯一般，淡O左少少。牛肉他他 – 食得出好新鮮，同埋邊個綠茶汁好強綠茶味，連埋一齊食中和番D肉味，更清新。最後叫O左個拿破倫蛋糕，好脆同有有好多呍呢拿子，食得過。呢間餐廳雖然唔平，但性價比高，值得一去再去。…Read More

星期日晚餐時間7點去Hysan，見到入座率5成左右，唔駛等位就入去食下。雖然食西餐多，但裝修用好多日式木材，感覺舒服。侍應好有禮貌，勁幫我地加水。叫O左2個餐，一個安格斯牛，另一個爐魚蜆，包湯或沙律，再有野飲，另外散叫O左一個招牌burger。我地叫O左周打蜆湯同菜湯，2個湯都好足料，味道岩岩好。安格斯牛 – 有牛味同幾淋，但唔知點解唔太熱，只係暖暖地，同埋個汁好茶餐廳食扒O個隻汁FEEL，味精感強。爐魚蜆 –爐魚個皮煎的好香，不過有少少腥味 。個蜆都幾大隻，有口感，但個蜆本身就無咩味。呢2個餐配個薯蓉好香味味。招牌burger – 3樣野最好食呢樣，個包好特別，似牛角包，好鬆軟。包入面O既牛同配菜都好新鮮。野飲好多都要加錢，叫O左唔駛加錢O既蘋果汁，正常果汁先生味道。整體而言，如果假期搵唔到位，呢間都可以再去，如果唔係相信有更多好選擇。…Read More

呢間餐廳係附近做野O既朋友介紹，之前睇過晚餐MENU 成800蚊一位，所以食個LUNCH睇下質素如何。入到餐廳裝修好有日本感覺O既小店味道，因為地方唔大就算侍應唔多都好易叫到人。我坐正司父前睇住佢整，感覺都幾企理。 LUNCH SET由最平$128到$258 不等，全部一個set包前菜甜品，我叫o左個$188北海道魚生飯，有海膽，帶子，蝦等，食得出味道好新鮮，份量都好足。個湯有d 蜆，所以味道夠濃同鮮甜。唔太好係個甜品紅豆膏俾一張綠色膠葉包住，好難撕開，同埋salad d 菜有d苦。…Read More