kkwormop's Profile

落咗深水埗，睇吓電腦配件，行到攰攰哋，又唔想返屋企煮飯食，決定外賣算。走去西九food court ，貪佢平靚正，乜嘢都有得食，選擇多，又可以順便幫襯超平雪糕檔。行到呢間阿佳拌麵，賣台灣夜市美食，好想食麵線添，既然冇得外遊，就食佢啦。點咗 好耐無食嘅台式「花枝丸麵線」幼細麵線加上少酸稠度適中，食食吓還會咬到花生同香菜，花枝丸食到魷魚粒，呢碗麵線同我係台灣夜市食嘅差不多，估佢唔到，正正！「招牌肉燥拌麵」味道唔錯，麵質軟硬適中彈牙，台灣食嘅肉燥比較多肥豬肉粒，呢度的肉燥唔肥又夠味，撈麵剛好，仲有三片挺入味的鹵水豆腐和醃蘿蔔絲，有台灣味道。「古早燙魷魚」很夠味，爽口彈牙，醬汁幾正，假如份量多返d 更好。「夜市魚蛋」幾彈牙，唔會有一舊舊粉嘅感覺，辣辣哋，同平時食嘅魚蛋有d 唔同。「貴妃雞卷」用雞皮包住嫩滑雞肉烤香，皮脆肉嫩又有肉汁，唔怕邪惡嘅，食埋雞皮更正，為食嘅我，現場襯熱食埋呀，正。「台南山煎包」十蚊三粒迷你生煎包，幾cute。size大概1.5個 $5蚊銀，唔怕熱可以一啖食一個，皮唔算薄，煎得脆口, 帶微微肉汁。…Read More

今日特意去 家x 超市，紅磡區呢間比較近，由尖東徒步過去一陣子就到，走走路，曬曬太陽，吸收吓維他命D，對身體也好吖！未到超市看到你妳台灣外賣食店，開到嚟紅磡區，想食添...去完超市買，定買完至去呢？ 買完先，因不會走回頭路，反正超市可以推車仔（唉...錯了，超市貨多，路窄，沒有手推車呀）。食店做外賣，所以店面地方不大，我們是被他的套餐吸引。今躺點（1號-夜市鹽酥便當套餐）送台式飲品或汽水，我咁為食，梗係加錢要特飲，以前飲過嘅（芋泥珍珠小芋圓），外賣杯好高身，甜度適中，小芋圓比珍珠腍，芋泥都幾多。（夜市鹽酥拼盤便當）嘅汁比較少，起初擔心，齋食白飯呀，魯肉汁少少，原來味道隱藏係肉中，撈混咗食，重幾夠添，台灣腸香甜味道足，甜不辣煙煙韌韌，連隻滷水蛋都鹹鹹哋，不過我唔識欣賞芋頭海鮮餅，唔試過點知合唔合自己口味呢，大人話ok，芋頭係咁嘅！（3號-皇牌吐司，仙草芋圓+飲品）揀咗酥炸大雞扒，紅豆仙草同特飲，都係$65，（大雞扒蜜糖芥末芝士）包裡面芝士溶溶哋，片番茄有汁，雞扒酥香，正常size，唔夠塊麵包大囉，麵包皮硬咗少少，其他都幾好味。（1號仙草）有黑白鮮草，彈牙水晶，夠腍紅豆同有咬口芋圓，甜度適中，還有（抹茶紅豆小芋圓）喜歡食紅豆，咩都要佢，抹茶香加滑滑奶味，細粒芋圓更易食。外賣質素唔錯，夠飽又有甜品，經開會再來。…Read More

今晚有人接放工，話要食辣，在網上找到這家在後面街的川菜。店的佈置簡樸，有卡位，挺舒適。因早來，故很快就能入座，而家重做緊免加一。「水煮魚」兩隻辣椒仔上菜時沒看到熱滕滕的煙，好似唔熱。但夾起魚片放入口....原來好熱㗎，因為有層油阻隔了。魚片好嫩滑，一d 碎骨都無，唔腥，重有必配的大豆芽，薯粉，雲耳，大蔥，芹菜，金菇，還加咗油麥菜，辣中有麻，麻中有辣，食到出汗，正呀，下次可以問吓有無大辣！「青椒麻雞」上菜時有兩串新鮮胡椒粒，重有挺多濃汁浸住。記得要蘸吓d 汁食，挺麻辣，雞肉非常嫩口，無雪味，雞皮滑到唔想食都食咗三，四塊，幾得！「孜然羊肉」配6 張麼麼皮上面食咗辣，呢個就揀唔辣啦！ 洋蔥炒肉片，少少羊羶味，柳肉夠薄身挺嫩，微微孜然粉香，就咁食或者包住食，各有特色，麼麼皮亦夠薄，口感唔錯。見到午市有單人套餐，可以叫埋A同事上嚟食晏晝，佢鐘意食辣嘢。…Read More

在香港明目張膽食大麻？但可以打開門做生意，應該沒問題吧？今晚和朋友試試什麼是CBD（大麻二酚）!星期二，樓上舖都居然都要等位，莫非真係咁好食，定消費券有discount？雖訂了位，但也只能坐近門口，能望街的靠窗的卡位滿座了，但有位總好過等位。餐廳稍暗，配上挺有格調的英文歌，感覺relax。手機掃QR code 自助落單，可選 有/冇/加錢添多 CBD！一場來到，當然唔蝕，不用加錢的就咩都 “加”😂。「威靈頓三文魚配秘魯青椒醬」因有選擇困難症，隔離飯香，見好多人點，跟！大件酥皮包著三文魚，六/七成熟，魚肉軟軟綿綿的，併酥脆皮吃，效果不錯，配上微辣的青椒醬，加分！😋「鐵板青咖哩安格拉雞卷」有機冇激素的雞肉，以脆皮包住，皮脆肉腍。略厭青咖哩汁太多，浸住D雞卷。因小弟喜好煎炸嘢，故第一條脆口好食，第二條就淋了點。而青咖哩汁真心好味😋「黑松露牛油雜菇炒洋薏米」牛油和雜菌一向都好夾味，加埋黑松露更香。洋薏米都可可以當飯食。。。起初未慣，感覺怪怪哋，但食落又幾盞鬼，飽肚又冇澱粉質👍，雖然橄欖油健康，但少D油就perfect！「Oreo雲呢拿沙冰」少甜的厚滑的沙冰，加甜甜的 oreo碎，正。😋「焦糖脆脆奶茶」爆谷黏在忌廉中，再加焦糖，奶茶的茶味合格，但略為奶多偏甜。餐後感：夜晚被投訴扯鼻鼾，莫非CBD真係咁relax，定係我工作太勞累?…Read More

食緊中藥，要食清淡，最好走味精雞粉又易消化食品，放工行了過來，食飽飲藥。用九鼎湯做湯頭，連鹽巴亦不下，只有材料本身的味道，配埋「瑤柱豬肉餃」新鮮豬肉中加了瑤柱絲香芹，清淡中有鮮肉味，外皮不會厚實，選擇正確。「淨麵」麵身柔軟，口感唔錯，加上蔥香粒香菜，淡中帶清新，湯頭是微酸不辣的，齋食都ok。👍「松素煎餃」皮薄煎香，菇味香濃，不食肉，對健康負擔都少d。這晚以少肉為主，只點了「蜜餞雞翼」，夠味的雞翼中帶濃甜味，一d 都無over，而且炆得好腍。「四川涼皮」掛了酸酸辣辣的柔軟粉皮，加咗花生碎，蔥粒，青瓜點綴，多咗幾分口感，如果青瓜份量多一點，清新感更好。「野味酸辣雲耳」爽脆微辣，微酸開胃。飲埋不覺甜的熱「蜂蜜檸檬薏米水」去濕消水腫，這餐就完成啦！記得食免費的醃白蘿蔔，青紅椒與薑片，甜酸又醒胃。…Read More

今日喺灣仔收工，途經莊士敦道呢間麵店，因今晚沒有住家飯開，就同事食飽至返歸。㨂呢間店因為幾多客，冇為意到...要等位添，咩日子呀！？間舖唔係好大，裝修簡約光猛。見到隔離枱位街坊裝的嬸嬸食緊「啖啖酸菜魚套餐」好似幾好，跟住叫應該冇錯。套餐$68 包特飲，抵食。「酸菜魚BiangBiang 麵」，酸菜魚湯與麵分碗裝上枱👍。有很多鯇魚片，芽菜等；酸菜略酸，湯頭幾夠味，邊食邊將biang biang 浸入湯中，麵條柔軟又帶點煙韌，好味。😋「凍菠蘿青檸蜜」菠蘿味較突出，還有少少菠蘿渣在杯底中，少甜的蜜糖味，還可以。侍應姐姐指給我們看，如叫小食飲食可選擇午市套餐，所以點咗「油潑辣子魯肉Biang Biang 麵」，魯肉好似將台灣的魯肉粒放大了，豬肉肥少瘦多，加咗辣後，小辣味道幾正，幾惹味 😋。「手拍青瓜」雪到凍凍哋，清新爽口。「滑溜溜香芋鮮奶」見到好多枱都飲緊，加$14 都要試試！奶味濃，但係芋頭更濃，飲下感覺口中粉粉的香，甜甜哋，有厚度，真係幾好飲。😋「醉豬手」只有豬手中間易食的位置，皮爽肉腍，相當入味，酒香少甜，重有D杞子味，唔錯唔錯。😋為食鬼食埋「白菜餃子」至罷休！忘記了不是港式餃子，白菜是用大白菜，他竟帶清甜味道，而豬肉的肉質扎實，看似平平無奇，食落有內涵。👍…Read More

今天工作完畢，順便在這頭探店，Pizza 好像幾抵食，都幾多人食緊，無理由咁多一齊中伏嘅！簡單的點了三款食品，兩隻（原味炸雞），炸得皮脆肉嫩，雞肉還有不少肉汁，挺滑嫩，口感不錯。點咗個（心型pizza），造型出色！夏威夷款式，配料只有簡單的菠蘿和火腿，惹味，手做的厚餅底，的確脆得來鬆軟。今天最出色的是（肉醬意粉），味道調較適中，醬汁足夠,不會吃到一半便沒醬汁,要乾食意粉。加五蚊要檸底的百事可樂，一大杯冰加數片檸檬，相當冰凍，降溫解渴一流。加埋杯凍檸茶，無加一，埋單每人只是 $100，重想點😄…Read More

Staycation 第二天中午，途經這間常常隊長龍的小店，今日見到等位的人較少，就去隊排。小店雖然坐位有限，但食客好似自動波，食完便離開，等了一會就有位。我們先點咗兩份午餐，另加芋泥肉鬆吐司與我不是薯條， 飲品，真係包晒。午市套餐：（台灣牛肉麵滷水Q彈三層控肉併台南鮮蝦卷）加錢轉咗牛肉麵，麵條彈牙，牛腩容易咬開又入味，還有半隻流心蛋，湯頭有濃香牛肉味，三層控肉如五花腩肉，一件夾雜肥同瘦，微硬有咬口，蝦卷酥酥彈牙。M飲品轉了（芋泥珍珠小芋圓），飲落係食到芋茸，又有小芋圓同珍珠，好似食緊甜品，好味。（滷肉飯配鹽酥雞花枝丸）一個午餐，嚐到台灣幾款特色食品，滷肉飯肉粒細小甘香帶微甜，鹽酥雞脆身雞肉滑，花枝丸Q彈有咬口，這份自選組合無選錯，好味。飲品轉了（抹茶紅豆小芋圓）-半價，小芋圓加埋紅豆粒，好似食緊甜品，多點紅豆更滿足。我們還點了（台灣甜不辣-我不是薯條系列）本來點混合版，加埋地瓜條，可惜賣晒，齋食甜不辣都ok，因為佢係炸魚肉，未炸透的有魚肉味，炸透帶（冬瓜茶）消暑解熱。最後出場（芋泥肉鬆吐司）芋茸少甜，夾著鹹肉鬆，軟綿微暖，加埋多士，已經食飽晒。店舖雖小，今次食物味道同招呼都高分，下次再見。…Read More

荃灣酒店staycation，沒有包晚餐，要自己揾食。遊商場順便覓食。選了馬來西亞食品，懶人必點套餐，縮窄範圍容易揀。二人餐，細碗粉麵份量（咖哩叻沙蝦肉肉片檬粉）加底+$8，唔太濃又唔太淡嘅椰汁咖哩湯頭，檬粉輕輕掛到湯頭，豆卜就吸晒味道，還有開邊蝦肉與豬肉片，加咗底好似其他食物也加咗份量，好味。（辣味蝦湯蝦肉魷魚摻摻）單看名字感覺湯頭應該很辣，入口其實只是小小辣，配海鮮也頗夾味，加上鴛鴦麵，即油麵加米粉，有雙重口感。今餐我的首選係叻沙，次選就係佢。（五香滷肉配檳城醬菜）肉碎加咗醃料同香草醃製，包在腐皮中炸熟。腐皮脆卜卜，裡面豬肉鬆帶有蘿勒/九層塔香，頗好味又清香，配埋醃製蔬菜解熱氣，酸酸微微又爽脆，下次可以再點！馬拉雞拼盤（細） 雞中翼配雞肉串， 雞肶肉串上鋪滿沙爹醬，好多花生粒，。另將青檸汁加入原先用來點 “五香滷肉” 嘅甜蜜醬，用這自調醬汁點雞中翼，味道很夾又惹味，唔錯唔錯！（摩摩喳喳）- 甜品芋蓉加椰汁，還有香蕉片，番薯粒，芋頭粒，充滿香濃椰香味，少少甜。（蝦麵店特製亞參脆多士）多士香脆，亞參醬酸酸帶輕甜，不油膩，吃完也不會有罪惡感。油菜與飲品正常。…Read More

今晚路經九龍城，在獅子銀行提款後，見斜對面街有間台灣菜，就過去開餐。坐低後侍應姐姐推介我們吃麵線同甜品，揀揀吓，最後決定叫套餐，因唔用腦係放工之後嘅特權。（阿等麵線配大腸包小腸）加柯仔$8，D 柯仔幾肥美又有鮮味，麵線大碗上，連湯頭一齊食，。 以為大腸係膶腸（內臟），查實係糯米腸，上邊擺放台灣特產香腸，用刀叉去品嚐嘅小食，配上爽口青瓜同微帶辛辣味嘅蒜片，估唔到又幾好食。（老阿伯綜合焿+雞絲飯 超級套餐）香蔥油係呢個套嘅靈魂！蔥蒜也做成酥酥脆脆的香濃薄片，不論油菜與飯面也加了，增添口感，雞絲飯只有醬油及豬油，味道足夠，能大碗一點會加更好。 綜合焿湯羹，配上手做豬肉餡嘅魚丸，魚丸彈牙鮮味，還有白蘿蔔條，味道ok。配（熱黑糖薑母茶）濃濃的薑香味，微微薑辣味，黑糖少甜，ok。（冷泡白桃烏龍奶蓋）白桃烏龍茶唔係好濃，夜晚唔介意飲淡少少，茶上面加濃稠厚厚鮮奶，很大杯的解熱飲品。（椰奶芋圓仙草）仙草，冰粉，紅豆，椰汁 加 芋圓，侍應告知，芋圓的最佳食用時間不要超過三分鐘，遲了芋圓會變硬，柔軟度會下降。我們捉緊了時間，先食芋圓，三種味道（芋頭、紅心蕃薯，紫薯），果然係Q彈，煙韌中帶軟熟，難怪是一個爆紅品牌的獨家代理。侍應說過，不過我們忘記了商戶名稱，嘻嘻！…Read More

今晚約了好友，反正明天唔使返工，去邊處任由佢決定😄！九龍灣展貿中心一點都不陌生，由銅鑼灣收工，可在九龍灣地鐵轉免費接駁車過來。但我今次選擇徒步，因整天坐在Office，需要運動一陣，地圖說需行11分鐘，我不用8分鐘就到，都幾方便噃。餐廳頗Relex and cozy，工作緊張了一天，現終可慢慢享受自己嘅時間。我點咗（芥末籽蜜糖燒豬仔脾意大利飯）意大利米吸收足夠水份，米飯軟硬度適中，汁剛剛好全掛在飯粒上，飯裡面加咗少量磨菇和雞肶菇片，貢菜同紅色帶微酸嘅香料，應該用嚟引起食慾，每啖都食到芥末籽，豬仔脾肉腍有咬口又多肉，醃製過嘅肉有點臘腸味，碟飯整體挺好味。配餐湯飲品加 $38，也可半價叫特飲。今晚有（洋蔥湯），湯內有件東西在飄浮，起初以為是洋蔥，原來是麵包上貼了芝士，芝士溶係麵包上，所以不會分離，飲用時連同芝士麵包，做咗個特別口感效果，口中同時散發濃郁香草與洋蔥味，好豐富的味道。餐飲點咗梳打水，因今日早午餐已經飲過奶茶同咖啡，今晚飲清清哋嘅梳打水，加片檸檬，簡單就可以好ok。朋友點咗（茭白筍香草檸檬焗原條鮮魚）詢問過，今晚供應的是鱸魚，因是即叫即焗的關係，所以等了大約20分鐘才上菜。魚肚中鋪了百厘香與檸檬，魚表面亦鋪滿檸檬片，還有番紅花，魚底鋪了一片片的茭白筍，厚切的略有咬口，薄片的很快就食清，因為他熱量低，維生素高呀，鱸魚鮮嫩滑溜，完全沒有魚腥味，雖有少許魚骨，整條魚被我哋食到淨返棚骨，皆因湯裡邊嘅香草與牛油味好出，用匙羹滔湯跟魚肉一齊吃，極美味，起初我們看錯菜單，以為烤魚是乾身那種，錯有錯著，食到條特別製作的佳作。看到蠻多一對對的客人，其實這裡也很適合拍拖，絕對是Gathering 嘅聚腳點。…Read More

今天到長沙灣朋友家家訪，後在附近找食，被帶到地鐵站對面的餐廳。點主食加12元有餐湯同沙律，非常經濟。 （忌廉雜菌湯）湯熱味道適中，有雞髀菇與蘑菇，口感同味道不錯，沙律放咗芝麻醬，多少少醬更好味，青菜新鮮，份量ok。主菜（日式豚肉漢堡包）上菜時看見漢堡包是綠色的，一問之下至知道係綠茶味，挺有趣。豚肉嫩口腍軟，雖帶少少筋，輕微薄了點，但都幾大件，再加埋厚切蕃茄，醬汁滿滿，很啱豪邁嘅我，食到一手醬汁先夠滋味！另一個主菜（蒜蓉牛油虎蝦配豬鞍），這件西班牙豬鞍肉質腍軟，煎香後再半焗，有效保留肉汁與鮮嫩，雖然有些肥膏，但挺甘香脆口，我忍不住也切了些吃。其實煮時加鹽與黑胡椒已經好味，跟蒜蓉汁係比我哋多一款口味選擇，虎蝦肉實有蝦味，伴菜的薯條也有心思，除了薯條外，也加入蕃薯條，味道香甜。色彩更豐富美觀，而熟的青菜份量也足夠。優惠價加18蚊選咗碟(白汁芝士焗四蔬) ，就呢個價錢係無咩麼期望，結果挺出人意表，芝士味香口，白汁濃郁，出乎意外的好，在外邊很多收六七十蚊碟的也沒有這個味道。最驚喜係28蚊嘅(香草牛油焗翡翠螺) 肉腍又有牛油香，再加牛油味十足嘅薯蓉，好味又抵食！飲品半價，因今天已飲咗兩杯咖啡，所以晚上轉轉口味飲朱古力，原來都有幾款選擇，叫咗杯海鹽焦糖朱古力，朱古力同焦糖味道很夾，真心不錯，如果少甜一些會更加好。我哋傾到食店差不多打洋差，最後還送了件芒果蛋糕比我吔食，無加一之餘重送甜品，地點方便，會再來食呀。…Read More

在佐敦開完會已經7點幾，見肚餓，就跟同事一齊食埋個晚飯。請教客戶附近有咩好介紹，佢推薦對面文匯文英街一些食店，而唔係佐敦道附近的，從提議中揀選咗煲仔飯，因好耐很無食過了。舖頭入口擺放大量自家產品，舖內裝修企理骨子，每張台用靚靚高身屏風隔開，個後生侍應服務快手到位，又夠禮貌，唔錯！平時飲茶飲得多，所以今晚揀咗少飲嘅（玄米茶），真材實料，d米係晒茶壺底，唔係用茶包！嚟到梗係點想食嘅煲仔飯，揀咗有3款餸😍嘅（特式臘味煲仔飯 ），上枱時煲仔無咩香味，心想唔係中伏呀話 😅？！打開個蓋就放心晒，香味散發出來，D餸排得整齊，年青侍應快手落 “自家製” 醬油撈混飯餸，醬油少甜微鹹，臘腸煙韌唔硬，肉軟有好香酒味，超正! 臘肉睇上去好似肥多過瘦，其實肥瘦適中，食落無肥膩感；臘鴨皮少肥，可以唔食，肉夠瘦，夠鹹；米飯煙韌又帶有飯焦，飯焦唔燶又脆香，好好味，下次都要點返嚟個。😋 4.5⭐海寶獻鳳皇（鮑魚雞煲）約有六，七隻一吋大小的鮑魚，一隻一啖，每人食到三幾隻；雞件走過油，肉質香，有饞勁，有雞味，兩者都很入味。（油菜）好青嫩嘅菜心，葉淋莖微爽，醮點少鹹的頭抽蠔油，味道確係唔同d。如果價錢平宜一點就更好。唔使等天氣凍，都會再去食嘅煲仔飯。…Read More

今日去牛頭角行街買廚房用具，見有點肚餓，諗住食個早的晚飯。發現工廠區居然有個叫愛琴坊的food court，都有幾多選擇。好耐冇食pizza，就選這家pizza pan，因二人套餐$158好抵食。包一客四隻雞中翼，自選一個9吋pizza，意粉，同兩杯飲品。(懷舊烤雞翼) 烤得剛好唔燶，醃得幾入味，微甜，最鍾意係有啲蔥粒，對於鍾意食蔥嘅我嚟講，相當加分。(意大利經典薄餅) Pizza 真係意大利式，餅底唔薄唔厚，鬆軟微脆，意式茄醬鋪底，菠菜，辣肉腸同香草，再鋪滿溶化嘅芝士，幾惹味。(焗肉醬千層麵) 好多肉醬，表面溶化的芝士，又唔太膩，麵層有點厚度，但幾柔軟，又幾夠食，味道唔錯。加十蚊點咗兩片蒜蓉包，麵包中間好軟熟，外邊如果脆一d 更好，蒜味同牛油都足夠。各加$8元升級Latte與Mocha咖啡，兩杯味道都幾好，另一半喜歡Mocha，唔落糖都夠味。我就鍾意Latte，啡奶很平衡，香濃滑溜。重有佢哋係大杯庄，呢8蚊比得好抵。悠悠閒閒食個Early Dinner，感覺良好。…Read More

在城南道遊走泰國日常食品，九龍城以這條最多。行到肚餓，一於食埋泰國菜先離開，事頭話曾經去過一間有特價餸嘅菜館，可以走過後面街睇下重有無。星期一至五，每晚一款，都係$1，嘩...真係咁抵⁉今日星期一，$1 明爐魚..（泰式明爐烏頭魚）原價要百幾銀㗎， 邊煮邊熱食，魚肉扎實，湯頭酸得嚟開胃，又唔會過龍，魚下面還墊咗椰菜，秀珍菇，好食又超級抵食。(泰皇咖喱炒大蝦) $169淡淡咖喱香的醬汁佈滿整個碟，濃稠點會更好，大蝦足有手板咁長，肉實，雖用粉漿炸過，有些部份脆到仍然可以連殼食，沒想過有咁大碟，因為事頭點咗椰青飯，否則可配 薄餅或白飯食就更滋味。（椰漿海鮮飯）$104足4碗，上層蓋著一碗香濃多汁嘅飯，有蝦，青口，魷魚，魚塊，葡萄乾，椰肉，濃郁椰漿汁味，在椰青裡面嘅飯椰漿略少，所以撈混食就剛剛好。(椰青) $42清甜嫩肉，有點熱氣，所以今晚食多d 椰青清熱。（椰汁三色冰）$28 事頭的三色冰，椰汁濃厚一點會更喜愛。 今晚選咗椰子系列食物， 事頭揀得幾好。而且價錢唔貴，三款食品+ 2種飲品，大約每個兩嚿水，唔飲嘢就百零蚊。…Read More