好耐冇食pizza，就選這家pizza pan，因二人套餐$158好抵食。
包一客四隻雞中翼，自選一個9吋pizza，意粉，同兩杯飲品。
(懷舊烤雞翼) 烤得剛好唔燶，醃得幾入味，微甜，最鍾意係有啲蔥粒，對於鍾意食蔥嘅我嚟講，相當加分。
(意大利經典薄餅) Pizza 真係意大利式，餅底唔薄唔厚，鬆軟微脆，意式茄醬鋪底，菠菜，辣肉腸同香草，再鋪滿溶化嘅芝士，幾惹味。
(焗肉醬千層麵) 好多肉醬，表面溶化的芝士，又唔太膩，麵層有點厚度，但幾柔軟，又幾夠食，味道唔錯。
加十蚊點咗兩片蒜蓉包，麵包中間好軟熟，外邊如果脆一d 更好，蒜味同牛油都足夠。
各加$8元升級Latte與Mocha咖啡，兩杯味道都幾好，另一半喜歡Mocha，唔落糖都夠味。我就鍾意Latte，啡奶很平衡，香濃滑溜。重有佢哋係大杯庄，呢8蚊比得好抵。
悠悠閒閒食個Early Dinner，感覺良好。
