Alison 1937's Profile

早兩日喺樂富茜廊食完個西餐，今日同拍檔落天水圍做嘢，又見到呢間分店,即刻同佢入去試試。估唔到天水圍呢間分店有咁多選擇，除咗食扒之外仲有雞煲。拍檔叫咗個兒時回憶：鐵板雜扒配薯條：有薄牛扒、香腸、豬扒、雞翼，上邊仲有隻靚雞蛋，無論賣相同口感都一流。加$38仲可以配餐湯同蒜蓉包。佢嘅蒜蓉包值得一讚；新鮮做起，夠晒脆口。我就叫咗個華都夫沙律；真材實料大大份；蘋果同啲沙律菜，西芹都非常新鮮；夠晒健康。跟住我跟套餐加$10要咗個雜錦賓治；靚仔兼好味。最後見到有雜果啫喱；細細杯唔飽肚夠,晒趣緻，埋單兩個人唔使$400。服務殷勤有禮，今時今日香港有質素的西餐廳買少見少。一定要多多支持。…Read More

今日中午我哋去咗樂富一間叫「茜廊」嘅西餐廳食晏，環境幾舒服，坐得又唔逼。餐牌選擇多，啱晒我哋食肉獸。我哋叫咗幾款招牌菜：有鐵板特級肉眼意粉，啖啖肉香，意粉掛汁一流；板燒紐西蘭肉眼扒配薯菜同羅宋湯，扒煎得啱啱好，外脆內嫩，薯菜又唔會太油；仲有鮮茄燴牛脷意粉，牛脷炆得夠腍，茄汁酸甜開胃，配埋忌廉湯，幾正。最後梗係唔少得甜品啦，我哋叫咗香蕉船，雪糕加香蕉再淋朱古力醬，開心share ,啱啱好。成餐飯食得好滿足，服務又好；性價比高；下次再嚟食過。…Read More

今日轉車經過美孚：見到對面馬路吉利俓有間叫鴻輝記嘅糖水舖，今晚上女友屋企晚飯；天氣凉買幾個糖水試下。我哋叫咗桑寄生蓮子蛋茶，藥材味香濃，蓮子煲得夠腍，蛋又滑又入味，飲完成個人都暖晒。芝麻糊就香滑濃郁，芝麻味夠晒突出，唔會太甜，啱晒老人家。海帶綠豆沙：海帶清新，綠豆煲到起沙，口感一流。仲有黃金蕃薯糖水，蕃薯甜到漏，煲得啱啱好，糖水香甜但唔膩。鴻輝記糖水真係有水準，傳統貨式；價錢平；用料足；大大碗都係2x蚊；超抵。…Read More

今日中午同女友去咗長沙灣搵食，揀咗間街坊至愛——興記豬什專門店。呢間舖頭喺區內好有名，平時好多人。今日見到啱啱有位，女友話要補補佢。我哋叫咗馳名胡椒豬肚湯飯，胡椒味夠晒惹味，啖啖都係精華。三餸就揀咗豬膶、牛丸同鮮肉片，全部都新鮮熱辣，配埋白飯一流。仲有清湯蘿蔔蝴蝶腩，湯清甜，蝴蝶腩滑溜唔膻，蘿蔔煮到入味，超好味；咁多牛腩好抵。最後嚟個白灼鮮豬什，豬心、豬肝、豬腸樣樣齊，灼得啱啱好，配埋辣豉油同薑蔥，真係食到停唔到口。呢餐真係食得開心又滿足，地道滋味小店，香港真係買少見少；抵食又有水準！真心推介！…Read More

今天中午，我哋食完lunch,經過樂富商場一間叫「豆乳狂人SoyMart」嘅食店，見到如吸引。一入到去，店內環境好舒服，如果趕時間要快食；真係啱曬。食左飯忍唔住；叫咗幾樣嘢。首先係牛油果吉列蝦青瓜絲粢飯，蝦炸得香脆，加埋牛油果，口感超正，青瓜絲又清新，真係唔錯！再嚟就係椰香紅豆，椰奶嘅香味好濃，紅豆又軟滑，食落去好滿足。最後，我哋仲叫咗多芒楊枝甘露，呢個甜品真係必試，芒果味濃郁，搭配椰奶，爽口又唔膩，食完令人心情大好！總括來講：豆乳狂人嘅食物質素高，價錢又合理，絕對值得再嚟！…Read More

今晚我哋去咗元朗教育路一間叫 Proton 嘅餐廳食晚飯。上次經過已經想試，不過撞啱佢哋5-6點落場。餐廳裝修走工業風，成間舖型格又有氣氛，啱晒打卡。坐低冇耐就開始點菜，前菜叫咗Parma Ham蜜瓜田園沙律，鹹鹹地嘅火腿配上甜蜜蜜嘅蜜瓜，清新開胃；仲有細心位，切開一份份；方便入口。至於煙三文魚忌廉芝士蕃茄沙律，食材就夠曬新鮮。主菜方面，我哋試咗牛油果煙三文魚流心蛋手工意粉，蛋黃一切開就流晒出嚟，撈埋佢似刀削麵嘅意粉；夠晒咬口冇得輸。另一道係意大利西西里烤魚海鮮拼盤，有魚柳、青口、虎蝦同烤茄，辣辣地配埋蕃茄辣椒夠晒惹味；啖啖意大利風味；啱晒鍾意食海鮮嘅我地。最後叫咗美式咖啡同凍焦糖咖啡，飲落香濃又唔會太甜，完美收尾。成晚氣氛好，食物又有水準，絕對係值得再去嘅地方！…Read More

今日中秋放早，約咗班friend 中環飲嘢chill chill 。同女友先去中環街市醫下肚。啱啱去完名古屋仲好懷念佢哋嘅壽司；見到呢間魚がし日本一，餐牌幾吸引，坐低試吓。我叫咗個廚師發辨特選壽司10貫加手卷；女友就叫咗個三味吞拿魚丼；另外附送兩個鯛魚茶漬湯。呢度啲刺身好新鮮；基本上同日本一樣。女友個三味吞拿魚：赤身、中拖羅、大拖羅，都算大塊；好鮮味；大大碗佢都食晒。我個廚師發辦有圖有真相；有鯛魚、魷魚、油甘魚、池魚、海膽、牡丹蝦同蟹肉蟹膏添；仲有個吞拿魚手卷，好鬼正。咁嘅價錢絕對抵食。個鯛魚茶漬湯好味過日本；大大嚿鯛魚非常入味，好鬼正。呢度酒類亦都多選擇；我叫咗個Sapporo；女友就叫咗個菠蘿梅酒；好飲。呢度食物質素高;服務專業細心；氣氛一流；夠relax夠Chill,無得輸。#魚がし日本一#香港中環皇后大道中93號中璟街市地下G12號舖…Read More

今晚我同拍擋去咗長沙灣搵食，揀咗le間好有老香港味嘅「太子海鮮菜館」打牙骹。入去就感覺到啲裝修好懷舊，啲伙記又夠晒親切，真係有返屋企食飯嘅感覺。我哋叫咗幾味招牌菜，味味都冇走雞。首先係蜜汁燒鱔，燒得香口又入味，啖啖都係膠質；豉油王海中蝦就夠晒鮮甜，啲蝦爽彈到不得了；果皮蒸鮑魚就係另一個驚喜，果皮香滲入鮑魚，味道層次好豐富。蒜蓉粉絲蒸蟶子就係海鮮控嘅至愛，蒜香撲鼻，蟶子又滑又鮮；孖寶叉燒係肥瘦均勻，蜜味十足；西芹炒龍躉球就清新爽口，啱晒平衡味蕾。配埋支冰凍朝日啤酒，真係一流！食完大家都話下次要再嚟，呢餐真係食得開心又滿足，港式海鮮魅力，冇得輸！…Read More

今日下晝，我同拍擋去咗屯門一間叫 Delifrance嘅法國餐廳歎下午茶。環境好chill，裝修有啲歐陸風，坐低就feel到有啲唔同。我哋叫咗兩個set。第一個下午茶係烤雞蘑菇惹菌汁意粉，啲意粉掛汁一流，雞肉又嫩又香，配埋法式龍蝦湯，鮮味爆燈，真係有驚喜。飲品就揀咗凍即磨咖啡，香濃得嚟唔會太苦，啱晒我口味。另一個係期間限定嘅韓國蠔泡菜卡邦尼意粉，辣辣地又唔會太刺激，泡菜同卡邦尼醬融合得幾好，幾有創意；超正，絕對值得推介。配菜係雜菜湯，清清地中和返個味，飲完都幾舒服。飲品就揀咗熱齋啡，簡單但夠暖胃。屯門呢間西餐廳真心正，價錢合理，服務又唔錯，下次可以再試吓佢哋其他菜式！…Read More

老友英國回港；我地六兜友去左金鐘力寶軒食晚飯；地鐵金鐘B出口直達。呢度環境高雅，坐得舒服。今次我哋叫咗個六人餐，菜式非常豐富，款款都好有心思。首先係滷水鵝拼盤，鵝肉香滑入味，配埋滷蛋同豆腐，開胃一流。紅燒花膠海皇羹就真係足料，花膠厚肉，海鮮鮮甜，啖啖都係膠原。之後嘅翡翠欖菜明蝦球，蝦球爽口彈牙，欖菜味道突出，好特別。清蒸東星斑係全場焦點，魚肉嫩滑，蒸得啱啱好。潮汕煙燻稻草鴨就好有驚喜，煙燻味濃郁，鴨肉唔乾，好香口。勝瓜肉碎煮墨魚角清新又惹味，好啱配飯。瑤柱蛋白炒飯粒粒分明，唔油膩。甜品方面，潮汕薑薯糕香甜軟糯，楊枝甘露就清新解膩，完美收尾。今餐坐得舒服，食得滿足，傾得快，性價比高，正！…Read More

今晚我同女友去咗北角一間叫「君子餐廳」嘅西餐廳食晚飯，環境幾靜，有靚海景，坐得舒服，啱晒傾計。落單嗰陣我哋叫咗兩個晚餐套餐。前菜有忌廉蘑菇湯，香濃滑口，啱晒香港人鍾意嘅口味；另一款係法式白酒煮青口，青口夠鮮，白酒味唔會太搶，啱啱好。主菜方面，我揀咗香烤羊架:medium rare;配埋新薯同蔬菜，羊架外脆內嫩，冇羶味，真係煮得好!女友就試咗是日精選——辣肉腸藏紅花鴨腿西班牙飯，味道層次好豐富，鴨腿煮得入味，飯粒吸晒精華，辣度啱啱好。我哋仲加錢叫咗兩杯House wine，一杯紅一杯白，配餐一流。食物水準唔錯，環境一流，價錢合理，服務高質。下次可以再嚟試吓其他菜式。…Read More

今日同女友去旺角食完buffet；諗住去奧海城睇爆旋陀螺。經過旺角街市穿過天橋下底見到塘尾道呢間純一拉麵，突然間想食。因為太飽同老細講可唔可以減麵底，老細好爽快，一口應承。我試咗個雜菜拉麵，老細話呢個湯底特制、食素人士最啱，除咗無味精仲唔會破戒。女友就叫左個味噌拉麵，叉燒好正，忍唔住我都加咗份叉燒同溏心蛋。估唔到小店拉麵咁有水準；好有咬口。老細話佢係喺北海道跟女性拉麵師傅學藝。女友個味噌拉麵就用雞、豬肉同魚八個鐘熬製而成。咁嘅價錢性價比非常高。我哋成日出街食嘢，都要注重健康。呢間拉麵店全無味精；做工仔細，都算係心機嘢。老細用心研習，仲話遲D會再加多一款湯底同多款串燒。好味抵食良心小店一定要多多支持。…Read More

今晚我同女友去左荃灣廣場一間名叫 Hà Nội 的越南菜餐廳食晚飯。餐廳環境好舒服，裝潢散發著濃濃的越南風情。我地叫咗二人套餐。首先上來嘅係生牛肉湯粉，湯底香濃，牛肉新鮮，配上香草和檸檬，真係一流！跟住係雞絲撈檬，涼爽可口，正好配合天氣熱嘅晚上。田園灼時菜色澤鮮艷，脆口又健康，當然少不了安南鮮蝦紫米卷，包住鮮蝦和新鮮蔬菜，口感一流。甜品方面，我哋叫咗椰汁珍多冰，椰香四溢，清涼解渴。再來杯凍越南滴漏咖啡，濃郁香滑，真係唔可以錯過。最後，仲加咗香茅沙嗲牛肉串燒同越式炸蝦餅，串燒味道濃厚，炸蝦餅外脆內嫩。今晚的晚餐真係令我大滿足，食得好開心！…Read More

今晚，女友一早約左我去荃新天地一間名叫「自己人」的食店。雖然我哋都吾係潮州人，但對個名（gaginang)就有好感。呢度佈置親切又有味道，讓人一進來就感到舒適。我們點了很多好味嘢，首先上的是「馬蹄爆珠椰子冰」，清涼可口，上邊有個放咗乾冰嘅小茶壺,非常精緻可愛。接著是「新鮮油柑汁」，清新得來又有點回甘；真的很開胃。最精彩的當然是「潮州滷水炸乳鴿」，外脆內嫩，肉質鮮美，令人回味無窮。還有「黑蒜蝦燒賣」，黑蒜味四溢，蝦肉鮮甜，好到不得了。再來的「抱抱蝦餃」和「雪茄春卷」有樣有內涵；吃得津津有味。「梅汁金不換沙白」的口感亦很特別，辣中帶酸，正合我地心意。最後，我們還試了「佛跳牆灌湯餃」和「黃皮燉鮑魚」，非常特別；每一口都是享受。吃完這麼多道菜，我們還點了「熊仔朱古力包」，甜得剛好，真是完美的收尾！今晚的晚餐非常滿足，下次要同未來外母嚟再試吓。…Read More

今日落置樂花園做嘢，經過街市見到有間車仔麵。我同拍檔係車仔麵王。嗱嗱聲攻入去試吓。花多眼亂呢間舖頭有好多組合，除左車仔麵；仲有好多特色嘢。經理介紹呢個二人超值套餐。真係超抵。兩個三餸車仔麵或者肉燥飯再加半隻烤雞或者口水雞。仲有油菜同兩杯飲品。抵到爛。呢度主打車仔麵；我覺得係全屯門最好味。我係食肉獸，豬腸牛筋牛肺，用料絕無馬虎份量亦足。尤其是牛肺超水準冇乜地方有得食。拍檔鵝腸有料到，魚蛋係細細粒陳皮魚蛋；牛丸有咬口。半隻烤雞即叫即整熱辣辣絕無欺場。飽到嘔都忍唔住叫多個頭抽生腸拼手撕雞腸粉。生腸同腸粉都夠滑嫩，拼手撕雞，夠曬特別。加埋啲邪惡花生醬、甜醬；正到脾。…Read More