上官傲雲's Profile

平日晏晝1:30進入餐廳，餐廳只係得五成滿，想坐二人枱，目測至少有6-8張二人枱係吉嘅，但係韓國中年女經理堅持要坐餐廳至入邊嗰啲自閉位。當然，你用英文問佢點解，佢用佢有限嘅英文話俾你知話出邊嗰啲二人枱係book咗， 1:30喎， book咗？香港好多餐廳就係咁，啲經理，可以惡過老闆。態度甚差，已經係熟客，去咗好多年，佢都可以如斯惡劣。爭啲以為個餐廳係佢嘅添幾好食都係假，更何況呢間餐廳係晏晝抵食，夜晚你試吓去你就知咩事…Read More

餐廳環境係好嘅，景觀也好，服務亦係唔錯，但你唔會覺得呢一度係好好食，抵食，好食，比較主觀啦，68分。B-由於我係赴晚餐嘅緣故，抵食就冇可能㗎啦，一嚿魚$289 , 唔知什麼意粉$170幾，好少份量, 講唔上係好好食，燒蝦同燒魚係OK。但貴。呢個大廈嘅餐廳，有個特色，高檔高價有餘，高值，我唔敢講，亦都講唔出。可能仲有啲未幫襯，未發掘嘅。同大廈嘅餐廳食過三間，功德林，圍爐，宮崎。再加埋今晚呢間餐廳，除咗功德林之外，其他嘅不用回頭。6樓嘅宮崎燒肉，三年前幫襯過，亦都有喺OpenRice寫食評，當時已經講過，絕對不會回頭，今日再去，宮崎已經人去樓空。唔抵呀嘛。咁啱，今日呢間餐廳，我都係覺得絕對不會再回頭。值得一提，如果想去一啲好小人嘅餐廳，冇人打擾嘅，呢間餐廳係唔錯，因為我由七點坐到九點幾，我諗應該得兩至三成嘅客。但係餐廳嘅服務員，服務係好嘅，經常斟水。可能係枱數比較少嘅關係。…Read More

假若閣下，曾經食過酒店級嘅日本放題，例如君悅鹿悅，半島今佐，即使係一般般嘅日航酒店嵯峨野，又或者曾經食過非酒店級嘅放題碗屋，那麼大喜屋，即使係最高級嘅殿大喜屋，對你嚟講應該都係好一般。地方係乾淨清潔，地方係好大，但唔代表你張枱好大，更加唔代表你同隔離張枱嘅距離係好闊。同行友人，覺得好似身處茶餐廳，其實係㗎。只不過係呢度乾淨啲。員工服務態度正常，有個別嘅員工都幾客氣同你執枱，清理，同埋擺平個張高低不平嘅枱。所有熱食，可以淺嘗一口，只係一口，因為真係唔太好食。羊鞍，鷄軟骨啦， 燒蠔等等…60分左右啦。最緊要嘅刺身魚生，冇比較冇傷害，如你見過碗屋嘅擺盤，同殿大喜屋嗰隻刺身船比較，你就會覺得呢度係小巫。好多壽司選擇，例如係軍艦海膽，以及係免治吞拿魚腩，我目擊，好多人只係 cream off the top . 唯一好處係魚生好多時係厚切，但係只限於魚生。帶子同赤貝，唔算係大件。當然你可以瘋狂叫。新鮮情況係合格嘅。特別留意個魚子醬，全枱嘅人，魚子醬大概食咗三份一，全部放低，原因係咩，你覺得呢？每次員工送上食物嘅時候，客人都要動一動腦筋，點樣馬上將枱上騰出空間接收新嘅食物，因為張枱實在唔太闊。重點係客人動腦筋，不是員工。有值得讚嘅，自助取食區嗰啲前菜，有啲係幾好味，有啲係麻辣味，有啲係冬陰功味。仲有，飲品嘅選擇，比便利店嘅飲品櫃，仲要誇張。選擇很多，包你攞到笑呵呵。雪糕都冇孤寒，都係一般MK 人覺得係貴嘅牌子。總結，有要求，追求質素嘅，可以唔使去。初出茅廬，初入社會後生仔，學生仔，一般家庭，唔知情遊客，一般人就會覺得大喜屋驚為天人。公平啲，碗屋放題，未加一之前已經係500中嘅價錢，殿大喜屋，只不過係$400價錢代表咗質素。說明咗期望，包含咗現實。…Read More

已經是第三次幫襯，當然是食物質素不俗才會回頭。用餐的時間是星期日下午五時左右。餐廳竟然有開，非常值得讚賞。坐得舒服。純粹是當下午茶吃頓快的，所以未有叫太多，叫了兩碗擔擔麵以及一個馬蘭頭卷。（星期日的關係，沒有下午茶餐牌，這一點是明白的）擔擔麵做得好，湯底好，而且擔擔麵，捲得好靚，價錢不貴。既然是第三次回頭幫襯，食物自然是有質素，有保證最令我感到意外的，竟然是服務態度，我仲以為自己去咗深圳中高檔餐廳。樓面男經理，很殷勤，見到我枱面自己倒濕了茶，馬上抹枱，而且沒有嘴藐藐，沒有扮睇唔到，沒有阿崩叫狗。今時今日呢種服務態度，簡直令我感動。絕對會再幫襯。大家都是詠黎園，反而鑽石山總店，比我感覺，反而一般。迫迫夾夾，你話好好服務態度啊，唔覺。希望觀塘呢一間，一定要做落去，…Read More

這間麵店，之前曾經幫襯過，而且還幫襯過好幾次，並不是因為好食，而是因為夜晚附近選擇不多，而且有時想吃得清淡一點，所以焗住食。食物質素，不是太好，但尚算合格。不過之後每次幫襯，就發現質素每況愈下。例如，上來的蜆，可以是不新鮮的。湯底太鹹。食物質素，我會比60分左右服務態度，非常惡劣，非常差，店內的店員，對客人不是太友善，而且會黑口黑面。不只是一兩個店員，有一些是非常後生的，也黑口黑面。記得當年夜晚幫襯，兩人前行，餐廳其實是十座九空，店員竟然要求每人必須點食物，不可以淨坐。餐廳已經冇人坐㗎啦喎，咁嘅要求你都可以堅持，佩服。而且價錢並不是平，一碗麵，其實已經接近$100 以上。打電話叫外賣，店員會對你呼呼喝喝， cut你線。我以為自己行乞中。香港有很多餐廳都有一個通病，初時質素是不錯，例如這間店舖。不過過了一段日子之後，就會質素直插。所以最後結束營業，與人無尤。…Read More

路過，行過，錯過都唔好入錯。餐廳外貼了很多負責人和二三線藝員嘅合照，你以為係信心保證，你太天真了。這個時候，令我想起10多年前，很多餐廳貼了蘇施黃的照片，你滿心歡喜以為好好食，對，你以為啦。叫了一個淨鮮蝦雲吞 ，果然充滿驚喜，你沒有想到的，它給了你，你期望的，它反轉你期望。廣東雲吞，香港鮮蝦雲吞，竟有木耳。在下才疏學淺，孤陋寡聞，麥文記，麥明記，麥奀記，何洪記，都未曾見過鮮蝦雲吞有木耳。我還以為只會水餃先至會咁做。招牌是寫鮮蝦雲吞，上枱的時候簡直不敢相信，蝦的大小，猶如蝦米，一毫子左右大細，唔通蝦已經成為咗蝦膠，和豬肉完美結合？唔好以為紙包唔住火，其實雲吞皮都可以包唔住蝦㗎，今次我有幸見到。非常不爽，除咗可以形容隻蝦之外，亦都可以形容心情。味道乏善足陳，但係鹹，就非常突出。42元正啊大佬。咁呀，咁應該去嗰啲權記食雲吞好過，至少好多蝦，好大隻蝦。…Read More

電話訂位時，已經知道之前11月開始的海鮮主題已經沒有了，現在只是普通的國際美食自助晚餐有提供新鮮蒸龍蝦，味道是不錯，但7:30之前，每人每次只限取半隻， 7:45之後，明顯見到refill超慢7:15會有藍鯨金槍魚派發，派完即止，過程絕對少於20分鐘。其餘熱海鮮，例如蒸螺，花甲粉絲，水煮魚，長時期都是無人問津，有炒大頭蝦，兩次想取的時候，只剩返一兩隻，其餘四五次想取的時候，都是沒有了，當然你問職員，職員跟你說炒緊餐廳很照顧大家對飲湯的追求，一款燉湯，一款中湯，一款羹。其餘食物，款式，大致上跟其他酒店$400至$500價位的自助晚餐，差不多，例如灣仔Novotel酒店是日自助晚餐，平日每位800多元，即場免費download酒店Apps，有八五折，折扣後780多元一位。是晚最大的驚喜。自助餐6:30開始之前，門口已經有一條人龍在排隊，是晚進餐，比較多大媽媽，大叔叔，很緊張攻略食物。客源，質素，明顯不及麗晶酒店，萬豪及君悅酒店。用餐環境環境比較擠迫及嘈吵，隔鄰枱的女人，每每起身時，都會用力將椅子向後推，假若時運低，是會被它撞到的，但對她來說，是甚為自然的事，我看到他的丈夫，是穿短褲，及croc 洞洞鞋, 所以說明了這個餐廳主要吸引了什麼客。服務員效率很高，收碟收杯都很快，但盡量不要跟服務員說太過深奧的事情，例如， download什麼會有折扣，他們會代你問其他更清楚的人。總體來說，食物款式，及質素，不是差，但是不夠性價比高，我對上一次去香格里拉自助晚餐是七年前，七年之前，再對上一次去是10年前。反而萬豪酒店自助餐，每兩三年會去一次，由此可見一斑。金鐘三大酒店的自助晚餐，香格里拉，是亞軍。只要你不曾去過萬豪酒店，香格里拉在你心目中是好的。…Read More

Food is good , so as the service snd vibes Price is reasonable 朋友介紹呢間印度餐廳，喺電器度容易會錯過㗎，因為個門口搵唔到中文名，不過去得印度餐廳就用英文為準啦叫咗一個Tandoori Chicken，唔dry , 香料足夠叫咗一個菠菜羊肉，菠菜汁非常幼滑, 唔推介羊肉，叫返雞肉好啦叫咗一個烤芝士，口感似食緊豆腐 ，味道可以叫咗一個芒果乳酪，竟然驚喜地有香料叫咗印度薄餅，是吊起上枱，一般通常都是搵個碟裝起，有啲印度餐廳做得好求其，好似枱布咁俾你，呢一間唔會，而且係新鮮燒起朋友同我講，佢第二次去呢間餐廳嘅時候發覺佢哋服務招待不周，所以我今次去嘅時候，主動咁同佢哋微笑，（其實係傻笑）。我發覺你想人哋對你服務好，不妨試吓自己premtively 對佢哋態度好。佢哋果然招呼同埋服務都唔錯㗎，全晚笑笑口。印度餐廳入邊，有兩位印度女郎唱歌及拍鼓，非常有異國風情，咁樣嘅表演，試吓去到中環嗰啲印度餐廳， $500一位你先至好準備落樓啦。餐廳入邊嘅食客，都係比較後生， 30多歲，或者係20幾歲嘅。呢個價錢絕對唔算太貴，電氣道街市有另一間印度舖，價錢同呢間都係差唔多，但問題係街市喎，但呢間就係一間餐廳，好好多啦。會再去呢間餐廳…Read More

原本訂咗枱，復活節假期去食點心放題，訂位嘅時候，服務員好細心提醒，可以用餐之前，先上官網一次過付款，就可以有八五折，點知呢個動作原來係做唔到嘅，直至到用餐當日打電話去，發現原來假期係冇八五折優惠，勃然着火，幸好，負責處理嘅陳小姐，應該係君綽軒嘅接待員，服務態度好好，盡量幫我去處理，過程中冇晦氣，冇黑面，冇單打。食物方面，三個人比咗張好大嘅枱我哋，坐得舒服，方便放點心，值得欣賞嘅就係佢啲點心好多時都係好細件，所以絕不會浪費又可以試多啲款式，大部份嘅點心都做得唔錯，除咗甜品，椰汁糕冇乜椰汁味，杞子桂花糕，一般啦，但係其他點心，蝦餃，燒賣腸粉麻辣土豆絲，脆麻花，蘿蔔絲酥餅，韭菜盒，各樣各樣都唔錯，燒腩仔，好吸引，如果嗰個養生湯可以飲點咁就更加好。反而我好奇，點解油菜呢啲嘢冇得供應？君綽軒嘅服務員服務態度參差，前台嘅陳小姐，佢處理得好好，態度卓越。另外有一個女嘅服務員比較後生啲嘅都好，但係其他男性嗰啲，一般啦，你絕對唔會覺得佢哋係好殷勤，態度好好，但係亦都唔係態度差。值得一提，去食呢個點心放題，真係最好事先官網俾咗錢先，中式酒家，雖然放題係298一個人，但係仲有茶錢呢， 加一呢，同埋枱上邊嗰啲牛蒡啊花生，下欄數目都唔講得笑㗎。成哥嘅酒店，我一般都對佢哋感覺一般，尤其是係北角海逸酒店，即係近大酒店嗰度，北角警署嗰間，你去過你就更加知咩事，但係今次呢間君綽海逸，改變咗我，會再返轉頭。…Read More

去呢間餐廳，一定要計準時間，禮拜一至禮拜四非繁忙時間，非公眾假期，晏晝去食，就係最抵，同埋可以坐最耐，我記得我係一點入座，坐到四點先至走，員工冇黑面，冇係咁問我加唔加嘢，冇催。價錢唔係平，六百幾蚊，但係絕對對得住供應嘅牛肉質素，薩摩牛好靚，好多部位提供，你亂咁食，都一定會回本，唔信嘅，你食完之後走去崇光百貨超級市場或者係city‘super睇吓呢啲牛，兩三張信用卡咁大嘅份量，究竟幾多錢？你就知道，牛舞提供咁嘅薩摩牛肉，實在抵，味道亦都唔錯。員工態度OK，你叫佢換燒烤網，我換咗三次，佢話冇問題，塊面唔會燶過塊網。但唔知點解，餐廳唔係好多人，我諗只係得三成客人左右，可能係平日，但已經係午飯時間一點。可能六百幾蚊燒牛肉放題，並非人人負擔得起。有讚有彈，薩摩牛任食先至好食，即係最貴嗰隻，我之前同一店食過一次百多元低檔啲午餐定食，一般啦，所以去呢間，最好淨係揀薩摩牛，繼續有賺有彈，除咗薩摩牛之外，餐廳其實有前菜同埋其他小食熱食以放題形式供應，自己出去攞，我全部都有試，試完之後，大家可以專心啲都係食返薩摩牛任食算數，飲咗一碗麵豉湯，呢啲麵豉湯飲得多都唔會對個腎臟形成負荷，因為應該冇鹽嘅。有咖啡機，任飲，但係一定唔會飲上癮，因為根本唔好飲。熱食，仲有日式咖喱，炸物，一支其實你見到，但係應該唔會有興趣想攞嘅嘢。其他沙律蕃茄，嗰啲冇問題，總括而言，去呢間嘢，最好係食比較高檔啲嘅牛肉質素任食，最欣賞佢可以俾我食三個鐘，同埋，冇取巧，係真係薩摩牛任食，而唔係好似其他舖頭咁，比一碟靚嘅牛肉你，但係任食嘅係其他冇咁靚嘅牛肉埋單有九折，咁即係其實抵銷咗加一， 但呢間嘢如果夜晚去，禮拜五禮拜六禮拜日同埋公眾假期去，價錢就貴啲。之前我去糖街Sugar有一間食宮崎牛嘅，喺個門口佢已經開始同我計時，我都唔記得咗係90分鐘定120分鐘，總之就要趕住食，同埋嗰間宮崎牛所謂嘅任食，唔係任食宮崎，因為只會上一次，其他平啲嘅牛，先至係任食…Read More

知道碗屋就快結業，即刻飛撲去食放題，雖然對上一次去碗屋食放題，只不過係11月嘅事。我係由2003年開始就已經食碗屋嘅放題，嗰陣時已經係喺新世界中心嘅地庫，20年，去嘅次數，我諗超過60次 。人之將死，其言也善，店之將亡，則未必。12月31號星期日中午去食放題， 1200去到，竟然發覺有三成嘅吉枱，我已經覺得好唔妥，碗屋好少有咁嘅情況，坐低，叫咗一個刺身拼盤，一嚟到，個刺身拼盤同我嘅反應一樣，完全面目無光，啞色嘅。呢個刺身拼盤， 20年來我食過至少60次，估唔到第61次，係咁差，唔新鮮呀，三文魚同埋吞拿魚嘅顏色你一睇就知係唔新鮮，帶子赤背嗰啲都係唔新鮮，唔靚，刺身拼盤入邊有海膽，海膽唔靚嘅，半熔嘅狀態，茶碗煮入邊嗰啲蝦，霉嘅。燒多春魚，唔係燶，但係苦嘅。部分食物都斷崖式咁差咗好多，可能咁樣係令到啲顧客唔需要太過懷念同埋唔捨得嘅妙方？有讚有彈，服務員 Fion 記得我係舊客，送咗好多小食，飲品，其他服務員嘅態度，係出奇地咁好，我一直都覺得碗屋嘅服務員態度係好，可能就嚟結業，佢哋嘅服務態度竟然冇好似佢哋嘅食物咁變差，反而係變得更好。雪糕，依舊都係好食。親愛嘅碗屋，好多謝你，令到我減少咗對你嘅不捨，我原本計劃二月尾結束之前再去多兩次，而家可以完全慳返。但係從此我唔知道喺香港可以邊度搵到高質素嘅日式放題，半島酒店Imasu又唔做，君悅鹿悅酒店又唔做。絕對冇興趣什麼極尚大瀛喜。不想傷心多一次願拋開憾事。…Read More

去食嘅係松葉蟹宮崎和牛放題brunch 松葉蟹，冇問題，宮崎牛，以冷盤嘅形式出現， 和牛凍食，大概可以想像應該唔係太過吸或好味，只係叫咗一客，就冇再食。另外， 送上一個和牛壽喜燒，味道太甜，所以只係食咗一口就沒有再去。（可能我係大鄉里，咁呢個只係我食唔慣）魚生，是甜美的，新鮮。但係種類選擇少，應該唔會多個五款。其餘食物嘅選擇，非常少，當然睇吓你同邊個比較，但係同所有呢個價位放題比較，佢都係好少。餐廳嘅服務員，九成係好有禮貌。但係你睇得出，佢哋唔係高質，訓練亦都有問題。例子一，佢攞枝豆俾你嘅時候，另外會附上一個器皿，俾你盛截枝豆嘅皮。但係，會擺到兩個萬丈遠，而且幾次都係咁，可見得佢哋係有位置就放，唔會細心啲，將佢哋擺埋一齊例子二，上甜品嘅時候，由於甜品碟係非常之巨大，服務員，並無將枱上已經食完嘅食物及器皿收走，而係就咁硬攝一個位置放低甜品碟。最搞笑嘅係，甜品差唔多已經食完，仲有大概半個鐘就要關門嘅時候，店員先至會同你清理枱上面嘅器皿。例子三，有一個楊貴妃身形嘅女服務員，溫馨提示我就嚟截單，仲有冇嘢要叫，我見距離截單嘅時間仲有至少45分鐘，所以話遲啲先，佢反射性馬上反白眼。我特別記得佢㗎，因為佢嘅頭髮，絕對似啱啱瞓醒出嚟，都幾凌亂，我以為自己去咗茶餐廳，食車仔麵。其實蘭桂坊嘅餐廳，唔係應該比較注重員工嘅儀容咩，我意思係人均收費呢個級數嗰啲餐廳。例子三，松葉蟹係比較長，服務員攞嚟俾我哋嘅時候，就咁放低一碟松葉蟹，佢冇諗過放多隻碟，俾我放殼，後來開聲要嘅時候，佢比一個CD 咁大嘅碟，啲長腳蟹，松葉蟹，隻腳好長㗎嘛，咁咪會伸展晒出嚟囉， CD咁大嘅碟，如何盛？講返環境，係的確闊落，兩個人，但係坐四人枱，但唔會介紹俾朋友，自己亦都唔會再去，寧願去附近嘅碗屋，雖然地方係迫啲，嘈啲，但係食物質素多好多，都幾好食，啲店員雖然唔會對你笑，但其實有效率亦都deliver 到，我去咗碗屋，至少20年，好多店員都係同一批，證明餐廳嘅管理同老闆對佢哋應該唔錯。…Read More

晚餐叫了白鱔煲仔飯，田雞煲仔飯，煲仔飯的米飯水準是不俗，而且有脆飯焦，但白鱔及田雞的質素，就唔OK，兩者肉質比較削及「梅」，是「梅」不是「霉」， 如果想了解白鱔同田雞應該係咩上好質素，可以去坤記就會明， but 嗰條人龍，都係長過萬里長城。另外叫了兩款點心，沙律蝦角，炸得很脆，超級多蝦，好食，腐皮鮮蝦卷，不俗，咁嘅價錢，好對得住質素。見到OpenRice 食評，好多人都指出，嚐囍退步了很多，( 通常指小菜）甚至不明白為何會得到米芝蓮嘅光環，其實只要細心看一下食評，究竟幾時開始發現退步，原來係近一年，為何會這樣？此餐廳原來是港大學生經常光顧的食堂，因為堅尼地城本身就有香港大學宿舍，根據經常幫襯的學生指出，原來嚐囍一年前已經易手，怪不得食物質素亦都改變了。環顧餐廳，當眼處果然沒有再張貼港大學生幫襯有優惠的告示。餐廳還是誇張地多人，去的時候是黃昏5:30 ，其實餐廳已經坐滿左八成。可能冇叫到小菜，所以冇得評論小菜是否退步。但就咁以煲仔飯，同埋點心，又未去到真係咁差。極其量係煲仔飯嘅田雞同埋白鱔唔夠靚。…Read More

食坤記分店煲仔飯，至少八年，每年至少四五次原來分店，已經結業，沒有感到難過，因為分店除咗煲仔飯比較出色之外，其他嘢其實非常一般，小菜如是，服務方面，對大部份人來說，你冇俾人鬧，冇俾阿姐呼喝，其實已經係萬幸，但我從來都冇中招。去了正店幫襯，是日星期六，下午六點開門， 5:15已經有四個人排隊，我就係其中一個， 5:30 ，人龍已經有24個，比已執笠的分店更加誇張。六點開始放行， 10分鐘之內，已經坐滿了人。叫咗白鱔煲仔飯，田雞煲仔飯，米粒，餸菜上隹，對得住$120嘅收費。白鱔同埋田雞嘅肉質，彈牙及大件。飯煮得好，亦都有飯焦。落單至到煲仔飯上枱，大概只係15分鐘。比分店快好多，以前喺分店嗰度食，最快半個鐘，試過45分鐘，但一樣都係6點入舖。椒鹽九肚魚，非常出色，炸槳均勻，香脆可口，唔會過分鹹，比分店做得更加好，分店嘅椒鹽九肚魚，做得幾差，賣相唔好，炸槳過厚，而且冇味，呢樣野比人垢病好多次。正店椒絲腐乳通菜，炒得相當唔錯，服務方面，冇俾阿姐鬧，阿姐亦都有多多關照，好多人都投訴坤記正店分店服務態度奇差，係真嘅，關鍵在於，你識唔識得同佢哋溝通，第一，你唔可以講嘢太蠢，問埋啲低B野，第二你唔可以做決定太慢，第三，你唔好太煩。否則佢哋一定躁底。總之，唔好犯到佢哋就得。去呢啲地方食嘢，唔好諗住畀得起錢，就要有上乘服務，離開嘅時候7:30都未夠，門口嘅人龍已經要轉角，有34個，請大家唔好稀罕或者期望，會有四星級餐廳嘅招呼。但我暫時搵唔到有邊一間嘅煲仔飯質素及穩定性，係可以 超越佢，堅尼地城嘅嚐囍，都唔得，煲仔飯啲餸唔得。…Read More

夜晚去幫襯，叫咗最貴嘅宮崎A五、櫻花牛極上燒肉120分鐘放題套餐，每位998。先放了一個牛肉拼盤，各款牛肉也是好味的，每一款牛肉，旁邊放了一個牌，上面刻着是屬於牛的那一個部份，看似很細心，但其實木牌上的刻字太淺，唔係太睇得清楚。其中有兩塊最大的西冷牛，店員會幫你燒，但最吊詭嘅地方，原來是冇得添加。燒肉部份，是沒有問題，質素好其他方面，就有斟酌嘅地方當你踏進餐廳，由店員開始同你安排座位那一刻，已經開始120分鐘倒數，從手機上的QR code，我看到原來當店員解釋完之後，已經過了6分鐘，而且我發現用QR code order食物，唔係咁快捷，每次起碼都要5秒先至可以load撈入去系統,每次只可以點五款食物，其實一來一回，用咗嘅時間唔係少，唔可以講得上係方便快捷。用餐期間，發現其他榻榻米區的客人，不時都會探頭出來，呼叫侍應，通常都是反映食物失蹤。服務員態度良好，有禮貌，但會偶爾忘記你的請求。餐廳油煙比較大，真係估唔到。餐枱闊落，唔會坐得好擠迫。除了燒牛肉外，亦都點了拉麵，泡飯，味道一般，冇叫，不會有可惜。甜品不錯，牛奶動，以及雪糕，都是不俗整體而言，燒牛肉的質素不錯，但自己本人不會推介給其他人，亦不會再幫襯…Read More