巴先生's Profile

在山林道試做Spa，順便在附近食個晚餐。經過一間火鍋雞煲店，被他的香味吸引着，看看餐牌，雞煲竟然有得揀雞件的部位，雞胸雞髀愛好者的我，立刻入去試試。雞煲揀了雞俾脾和雞胸肉，分量很多而且雞件很惹味，帶點八角花椒味道，辣椒很香，仲有很多芫茜大蔥蒜頭，雞煲比起一般的店少了點油膩 真好！店員特別推介香蕉手打墨魚丸，墨魚丸很彈牙，大有粒粒墨魚，真材實料，一口咬下去竟然食到甜甜的香蕉，味道又幾match喎～蟹籽墨魚油炸鬼 正呀～ 油炸鬼都算新鮮仍然帶點脆 墨魚膠彈牙不用提 加上蟹籽 呢個食法幾好 脆卜卜。即炸響鈴要試 香酥不油膩 熱辣辣 沾上雞煲汁 很惹味。牛骨髓 入口很滑 帶點鮮甜。魚皮餃 皮夠煙韌 餡料幾juicy喎！呢兩樣配雞煲都好正 索曬d汁～安格斯牛肉 雪花分佈平均 牛肉味很濃 淥幾秒就夠啦～ 肉質都不錯 牛肉fans記得試！隨意行 隨心選 選了一家不錯的火鍋店😊…Read More

今日同朋友聚舊...差唔多兩年冇見面....我地揀左一間環境幾唔錯既餐廳可以好relax咁update下大家既生活一坐落就覺得燈光呀裝飾呀各樣都好舒適,坐既位置都好闊落而店員都好親切友善,,食物質素都好好,,令我地可以有一個好愉快既晚餐時光一黎到我地揀左個牛油果三文魚沙律由於我係好鍾意食沙律既朋友黎...所以食完呢個我就已經覺得好滿足份量亦都好足夠....望住上面個幾舊滿滿omega3既肥美三文魚就已經流晒口水,,,然後我地食左個咖哩吉列豬排...個舊吉列豬排咬落去脆卜卜咁....襯埋d又唔係好辣既咖哩汁..食到我停唔到口....咁為食既我食完碟飯梗係完全唔夠啦...黎多個叫做蝦三味....咩黎架呢?原來就係三隻唔同種類既超大隻蝦壽司超鮮甜!超鮮甜!超鮮甜!仲係勁肥美勁有口感....接住落黎既就係燒日本廣島蠔....佢係用炸蒜頭架蔥放響上面,,加多小小檸檬汁上去食落去個時係要慢慢咀嚼去感受個隻蠔既鮮味..加埋檸檬汁個小小酸味...如果我仲食得落既話真係仲想食多幾隻但係當然我冇食多幾隻啦....因為我仲要留返個肚食火焰海膽帆立貝卷...呢個堅料....除左海膽帆立貝之外入面仲有蟹柳青瓜玉子做配菜...咬落去個時有鮮甜又有清爽既感覺最後梗係要食埋個甜品先滿足架啦....我地叫左個宇治抺荼莓芭菲...上面有兩條脆脆之外原來個底都有脆脆栗米片....仲有d煙煙韌韌既好似和果子咁樣既野,,但係我唔知真實佢係叫咩名口感好特別,,,感友覺係有驚喜...加上香濃既抺茶味雪糕同紅豆,,,真係好完美既配搭可能心悄愉快所以覺得樣樣都好好食....…Read More

好想食日本野，但我得同媽咪兩個人，想食多款又食不下太多份量，放題就最好喇。放題食得多，但呢間吉壽是第一次。這裡的環境很不錯，未行到去張枱，已經見到外面不同的冷熱盤及甜品。我們坐卡位，感覺比以往的放題店闊落得多。首先到外面取前菜，有得多款色，都夠涷夠新鮮。特別喜歡味付螺肉。不過都要留肚試其他食物。食物種類基本上其他放題店有嘅野呢度都有。必食的就是下下幾樣：刺身簡直就是必食。非常新鮮，好爽好好味，特別喜歡是牡丹大蝦，好黏好爽的感覺，是我最愛的質地。鰻魚唔可以唔叫呀！！！！食過無數間放題，真係無咩邊間有燒鰻魚，就算食過有間是有鰻魚，都好似好珍貴咁細舊到如絲一樣，所以見到有咁大舊嘅熱烘烘的燒鰻魚，真係十分驚喜，而且真心覺得值回票價。燒物來說我就最愛燒帶子，菠蘿及大翠肉瓜。這樣配撘起來又鮮味又不會太漏。甜品和一般放題一樣，都是有乳酪雪糕，而這裡另外有好多其他甜品雪條選擇，全部細細舊，咁樣終結我豐富的一餐,實在好滿足…Read More

第二次光臨 哈哈～ 之前食話一次lunch 炸雞飯 覺得好食 今晚約朋友食飯 決定一試招牌奶奶雞～ 奶奶雞小辣 嘩 半隻都好大碟！見到一個小山丘的蔥花最開心 好香～ 雞件好多 好入味帶點微辣 和紅蘿蔔青瓜薯仔一齊炆 正！最驚喜是配了薯粉 彈牙入味 果然是招牌菜～紫菜卷 珍珠米微暖 紫菜帶點脆 夾著火腿 蛋 青瓜 蟹柳 紅蘿蔔 雖則簡單 但奶奶雞咁惹味 配上簡單的飯團 剛剛好！豚王生菜包 五花腩 肥瘦分半 肉質嫩滑 有點辛辣 夾著生蒜片 薑蓉 甜辣醬 包著爽脆生菜 口感一流呢！見到旁邊的學生挑戰野蠻奶奶雞 萬分佩服 見到都覺得辣 火鍋形式 有配料可以追加 喜歡挑戰辣的朋友 記得要黎試下！…Read More

返工返得咁辛苦，緊係要同幾個同事放鬆下啦！我地就近近地簡左附近一間意大利餐廳到食晚飯談心！間餐廳我經常行過，好想食好耐，難得一班好戰友聚首一堂，終於都可以去試下啦！入到餐廳，可能仲早，比較少人，但係坐坐下就好多人，所以早去都有着數！睇返個餐牌，見到今日有生蠔食，我地就叫左半打法國生蠔（$238），生蠔好大隻，好creamy ，仲一d都唔腥！頭盤：帕爾瑪火腿沙律個醬汁比較酸甜，好開胃，沙律菜亦都好新鮮主食：黑松露野菌薄餅個薄餅未放低已經聞到勁香啦，薄餅上亦都好足料，加上皮薄，所以好有口感主食：黑松露野菌燒帶子意大利粉意粉好香黑松露味，帶子都好有鮮味，入口即溶，味道真係唔錯👍🏻一班同事傾計，就緊係要飲下酒啦！叫左幾杯手工啤，全部都好好飲，好重麥味同果香味，好難得餐廳有手工啤飲，由其係沙田區，同埋價錢都係五十幾蚊，餐廳黎講算平啦，淨係影相呃like都抵啦😂😂😂總括而言，我覺得意大利菜黎講已經算唔錯，員工服務都好好，食物質素亦都唔差，最緊要係有酒飲😂😂😂…Read More

去九龍城做節 因為就返老人家 九龍城比較方便 大家都想食雞煲小炒 所以選擇了這一家新開的小店 正正在爺爺屋企樓下。門口外面放有很多游水海鮮 還看到有新張優惠雞煲 竟然$38蚊！！唔洗諗 先點了雞煲 因為實在太優惠。雞煲大大窩 感覺有點似豉椒炒雞件 惹味香口 BB辣 但好特別既係有新鮮胡椒一齊煮 咬落口卜一聲 胡椒的辣慢慢浸出來 好刺激！雞件啖啖肉 雖然冇平時雞煲淥淥下咁過癮 但性價比實在高。試下招牌菜 古早醬油黑义燒 一個字 正！义燒係女生剋星～肥义。但確實肥得黎唔油膩 肥膏滑 肉質嫩。而且非常入味 香濃醬油味 送飯之選！避風塘茄子～睇佢顏色以為燶左 食落應該係炸醬撈左老抽。茄子特別之處是釀左鯪魚肉 幾有心思。炸蒜辣椒夠曬香口。金銀蛋菠菜 清清淡淡 菠菜翠綠唔會過熟 湯底幾清 咸蛋皮蛋份量毫不吝嗇。風味館小菜選擇都好多 而且有不同款的懷舊小菜 所以成為阿爺新寵。…Read More

希慎食飯的選擇好多，隨便選，今晚試左14樓的名館。應該算係新派中菜，環境光猛舒服，唔會好似酒樓咁嘈。糖心黑蒜燉響螺。裡面材料夠晒多，響螺煮得夠林，黑蒜好香，湯亦都好甜，肉就唔知，因為都唔鐘意食煲湯肉。厚切义燒皇。肥瘦相若，唔UN，邊邊有小小燶邊，肉冇燒到乾爭爭，都juicy，唔錯。鮮藍梅一口骨。士多啤梨骨就食得多，配藍梅係第一次試，肉炸得唔會油，加上甜甜酸酸既藍梅醬，好岩配白飯。覺得再落多啲芝麻會仲香。自製菌皇醬蒸淮山。一向都鐘意食淮山，鐘意佢健康有益，醬汁有好多菇粒，加上淮山一齊食都真係唔錯。…Read More

來到餐廳，感覺到優靜、舒適。看看餐牌及經待應解說招牌茶後。我點了火箭菜雜菌沙律 黑松露手製雲吞 慢煮牛柳拼芝士焗龍蝦 藍莓水果茶啦火箭菜雜菌沙律菇吃上去後爽滑，火前菜很爽脆新鮮。最突出就是酸醋的沙律汁，輕微酸度，沒有太酸的感覺，後來問一問，原來這碟菜的酸醋是廚師配出來，而不是純粹外購。自家制食品，LIKE!黑松露手製雲吞一入口十分煙銀！個汁唔係太濃黑松露味，但很creamy，汁的味道不會搶去雲呑的味道。切記配合面頭脆脆一起吃，一脆一韌，match到震。慢煮牛柳拼芝士焗龍蝦一次過想食牛及龍蝦嘅，呢個必叫！入口個牛味重，而且咬落唔會韌，肉汁又鮮甜，而且份量好足。龍蝦都是我最愛，這家的龍蝦已片開啲肉來煮，醬汁滲入龍蝦度但又不會遮掩其鮮味。最後來個藍莓水果茶，超有誠意！大大杯，還有生果肉在杯㡳，喜愛不太甜的朋友要叫它來試試。…Read More

星期日多謝朋友仔帶埋pabe同mama到中環逛逛，等我享受一下家庭樂。貴為為食一族嘅族人，今次試咗地獄廚神Gordon Ramsey 嘅餐廳。今次㸃咗：Bread street kitchen short rib burgerSeabass carpaccioTruffle scramble egg on toastYellow fin tuna cevicheShort rib burger 本人真是覺得一般，肉質同味道都不太獨特風格。Yellow fin tuna ceviche 也沒有太大驚喜。可能我係本身係亞洲人關係，食材算唔錯，但當用上east meet west 嘅fushion嘅調味方式，我倒是比較挑剔。Truffle scramble egg 是一般，蛋炒得恰到好處，black truffle 唔會太多搶咗蛋香。本人比較喜歡seabass carpaccio，魚肉爽口，配以西柚，牛油果醬，蕃茜，Oliver oil同lime juice，簡單嘅食材配合和調味，帶出一份清爽嘅口感。…Read More

從雜誌中知道東京有名嘅海老拉麵在香港開咗分店，所以約埋愛食蝦嘅朋友仔去試一試。踏進小店已俾湯底嘅香味吸引。如一般傳統拉麵店，餐牌選舉不多，只有小店拿手拉麵。㸃了有名嘅海老拉麵是不二之選。湯底有別於港人喜愛嘅豬骨濃湯，所有湯都用上大量蝦頭餚制，沒有那些膠口感覺，香濃度又不比豬骨湯遜色。大大隻海老賣相十分吸引。麵有粗幼可選擇，我不想湯汁太掛麵，所以捒咗幼麵。香濃蝦場配上適量嘅萬能蔥，實在美味。另外還㸃了小香腸和餃子兩個小食，食材選擇和味道相當不錯…Read More

早排朋友告訴我，有家湘菜館可以嚐正派湖南美食風味。所以決定拉埋朋友仔去試一試。小店裝飾精緻簡潔，灰色石牆夾木紋，重有紅磚牆身襯托木紋地板，餐桌和餐椅。色調帶著點點農村味又摩登。菜名也很有心思，都是周杰倫的歌名。是次㸃了＂愛在西元前＂，＂好久不見＂，＂斷了的弦＂和＂威廉古堡＂。哈哈，感覺有點像㸃唱😄＂愛在西元前＂係幹鍋手撕包菜（一道非常地道嘅湖南菜色）。包菜即係椰菜，用上乾椒，蒜頭和豬油渣爆炒。椰菜爽脆，沾上豬油香，十分惹味。＂好久不見＂係酸菜魚。大量嘅酸菜配合辣椒，新鮮花椒，鯇魚煮成白色的魚湯加上大量香蔥，拌飯一流。魚片煮得好滑～＂斷了的弦＂係涼伴海帶絲。海帶本身係好健康嘅食材，加入適量蒜蓉，辣椒粒和醬油，是十分美味亦有咬口嘅涼菜。＂威廉古堡＂係香辣花甲蝦。蝦用上海蝦經走油後，連㜌都炸得香脆可一齊食。師傅在蝦背𠝹過一刀，一來可清去蝦腸，二來可方便不喜歡連穀食嘅可輕易除出蝦肉，更令蝦肉本身可沾上酱汁。花蛤好鮮味，配合辣椒，葱花和青瓜一齊烹調，辣味適中，十分惹味。餐牌上還有很多吸引嘅菜色未試。下次一定要叫多幾個朋友一齊食，先可以試多幾款，加份量十足。睇嚟運動量又要加倍啦😋😋😋…Read More

帶爸媽去食飯，佢地都係比較實際，不太鐘意花巧，所以決定帶佢地食私房菜。有足料大白菜豬肺湯，老火湯夠晒甜，主婦媽媽都話幾滿意。有個冷盤手撕雞，賣相好吸引，特別之處係加左芒果，酸酸甜甜，夏天食佢岩晒，已要求爸媽番屋企去試整。蒸扇貝，粉絲吸咗扇貝嘅鮮味，正。跟住有蒸海星班，煮得岩岩好，魚肉嫩滑，重有好多蔥，好香，魚汁撈飯一流。之後上既係避風塘炒蟹，適量辣椒，蒜蓉炸得夠乾身，蟹夠晒大隻又多肉，海鮮最重要係新鮮，呢隻蟹肉都幾甜，唔錯。海蝦用豉油汁煮，好惹味，但爸媽認為可以再重味啲，我個人覺得已經好夠味。魚形芒果布甸，唔太甜，幾好，唔食花奶既要預早講定，爸爸今次有得睇冇得食。一家人食飽飽後，大家都覺得可以再encore。…Read More

今朝起身味蕾已經話俾我知，好想念台灣味道。所以同朋友仔睇戲前，決定去食一個台式午餐。小店有着一份台灣小店嘅風情，我諗係一入店內已聞到好香嘅台灣滷水料理和牛肉麵湯香味。 餐牌好多選擇，樣樣都好想試。最後㨂咗麻辣綜合麪，大大碗，賣相好吸引，好香，分量十足。 麻辣綜合麪用咗台灣麻辣加上紅燒牛肉湯底。沒有四川麻辣着重在味覺上的刺激，飲落好香唔過辣，帶有少少麻，唔會遮掩咗牛肉湯的濃，又唔會太油膩。麪條軟硬適中，掛上湯汁後食，十分好味。配料有牛筋，軟骨和大腸，燜得好腍好入味。還有肉燥，醃菜同蔥花為味覺同口感加上唔同層次。另外還點了芝麻醬油麥菜。一般芝麻醬都用來涼拌，小店配上白灼恰當依然爽口的油麥菜上，好特別啊。 小店的料理誠意十足，絕對滿足了我在港對台灣地度美食嘅渴求，下次一定要試一試乾拌麵😋…Read More

今天放工後很累，雖然得自己一個食飯，但想食得好啲，所以搵一間有鹹食有甜品的食肆。我點了一個海鮮海藻面意粉餐。都幾經濟，有主菜及有飲品仲有甜品，唔過$100。 個意粉來到，發覺面裡面是一點點的。原來海藻是一粒粒混合在面中。我未喺出面食過咁整法的面。吃上去很彈牙好煙銀。帶子及蝦味道適中！ 沙津沒什麼驚喜，味道都可以，不過小小的前菜我不大要求以為繼續上的都是普通到極的茶，但上到枱我就被士多啤梨香吸引喇！味道淡淡的，剛好幫我消減炒意粉的一點油份 最後餐跟的蛋糕，簡單嚇一跳，以為餐送的實迷你到爆啦，點知嚟個原裝㗎，好抵，佢做的綠茶蛋糕有真幾好味喎，給多個like👍🏻佢。 本來唸住餐個蛋糕細所以叫多咗個甜品，香蕉窩夫，雪糕是少奶嗰種質地，但又未去到雪芭咁，幾清，但又不太甜，窩夫都鬆脆嘅！ 無唸過呢餐好食又大份，下次來真要約朋友，消減我食咁多野的罪惡感…Read More

今日在荃灣放工，順便約朋友去食晚飯。本人一向都喜好四川麻辣，朋友介紹下決定去試一試荃灣嘅辣味😁～今次光顧嘅小店交通好方便，鄰近荃新天地，離地鐵和西鐵站都只係8至10分鐘腳程，對唔太熟荃灣嘅我一樣無難度。 小店佈置簡潔，半開放式廚房在正門側，踏進店舖已聞到好香嘅四川香料味，令我流晒口水。坐底後，店員立即送上開胃前菜泡椒雲耳。一般食到嘅涼伴雲耳都係用蒜蓉，麻油，醬油或是加上陳醋涼伴。肥姐則用咗醃制過嘅小泡椒來涼伴，爽脆雲耳吸收了泡椒嘅辛辣，感覺好特別和開胃，為是次辣味晚餐帶來刺激嘅前奏。 四川菜唔可以少嘅重慶辣子炒雞，水煮桂花魚都點了，還㸃咗上湯時蔬和擔擔拉麵。肥姐精心炮制嘅辣子雞絶對唔講得少，分量十足，雞炸得恰到好處，唔會過乾；乾辣椒，姜，花椒和老干媽醬爆得好香脆好夠火喉，配以適量嘅蔥，蒜和芝麻，味道偏辣多於麻。本人覺得如麻味太多就唔可以品嚐到辣味。雖然㸃咗小辣，就已經食到出汗，滿足了我好辣嘅味蕾，十分美味！除咗味覺享受，食辣子雞嘅另一樂趣就係到尾聱時好似玩尋寶遊戲😆 水煮魚也很有水準，用上三種不同嘅辣椒：乾椒，紅辣椒和小泡椒，加上花椒，蒜頭，姜和其他香枓烹調出小店特有風味。原條桂花魚起肉煮得好滑，配料還有大豆芽同海帶，加埋湯汁送白飯一流。 用膳途中，肥姐都會抽時間同客人聊聊天，聽下他人意見。感覺很窩心很親切，值得一去再去嘅小店。餐牌上還有好多特色菜和麻辣火鍋，下次要約多D朋友一齊試試。…Read More