elsaWongYT's Profile

放工去買日用品, 又順便食埋晚飯先返啦湯麵類我都係鍾意坐低堂食,先至夠熱夠香同保持到口感今日點左 清湯牛坑腩幼麵+牛丸首先一定要飲啖湯先, 湯頭好清, 又夠味唔會得個咸字坑腩口感非常鬆軟, 牛味好出另外有一種係崩沙腩, 店員姐姐話係脂肪分布多啲雖然坑腩冇咩脂肪, 但完全唔韌, 一咬就咬得開夠晒淋牛丸夠爽又彈牙幼麵冇咩梘水味都好爽口咁樣雙拼都只係30幾蚊真係好良心, 出面求其牛腩麵都要40幾啦店係舊dd, 不過環境都好整齊乾淨, 會再返黎食…Read More

今日喺朗屏買野, 行經惠康附近, 決定順便食埋晚餐先返屋企咁啱又見到間裝修企理的, 我最愛的溫馨類小店, 一於試下坐位唔多, 裝潢幾有氣氛, 如果人不太多, 坐下傾下計咁都好舒服 首先點左小食 串燒青椒仔第一次食哩種 日本青椒仔, 竟然好驚艷, 口感軟糯, 同帶有少少回甘, 味道好特別我本身好鐘意食甘香野, 苦瓜果啲, 就覺得好好食泡菜炒豚肉 可加錢轉做定食 豚肉量都OK夠, 泡菜唔算話好辣, 爽口, 食到少少辣的可以試下, 好下飯麵豉湯入面都多料串燒火喉控制得幾好, 下次可以試埋其他…Read More

元朗食飯, 經常聽朋友講雞地附近好多好野食, 今日特登過黎哩邊試下我真係好鍾意小店, 好多時都比較有人情味, 服務好, 有驚喜今日哩間蒸氣海鮮鍋都冇令我失望一坐低, 揀緊餐, 店員已主動黎幫手用高溫消毒碗筷而成個過程店員都會幫手蒸海鮮, 唔洗自己煩^^揀左黃金套餐一黎食左個龍蝦同奄仔蟹先, 店員有畀齊工具拆肉想講真係勁新鮮, 當然時間控制得好都好重要龍蝦夠彈牙, 蟹肉都好鮮甜, 仲有少少膏到海蝦, 元貝, 鮑魚鮑魚爽口, 而且清潔得好乾淨, 個群邊白雪雪元貝我自己蒸時, 經常會過左火, 好韌, 今日就唔會, 係有店員幫手的好處^^青口, 象拔蚌仔, 貴妃蚌一樣都係咁鮮味當然個粥底就係精華所在, 米粒口感煙韌, 大滿足$300左右就有咁多貴價海鮮, 可以再回頭…Read More

哩間係其中一間我幾經常食的溫馨小店, 店不太大, 但坐位空間好夠, 坐得好舒服點左 梅子脆燒鴨晚餐 另加小食麻香海蜇首先上左個足料靚湯青紅蘿蔔煲豬骨, 唔係出面d得個咸字的味精湯, 好清甜, 夠大碗又多料梅子脆燒鴨, 個皮真係好脆, 同埋我最鍾意係本身d鴨肉好香出面食 有d會八角或其他調味料太重, 變左死咸或只有香料味哩個調味啱啱好, 夠味得黎又食到肉香而且勁大份, 點埋梅子醬好開胃麻香海蜇, 平均都大條, 唔會碎濕濕, 夠爽口喜歡辣可連辣椒絲一齊食氣氛寧靜溫馨, 放工想搵個地方好好地坐低食餐飯好選擇^^…Read More

住左新田幾年，都慣左屋企山卡拉地方只有普通茶餐廳有日上網竟然見到有FD喺附近打卡隱世美食先知原來隔離新田購物城黎左個小改革有好幾間風味餐廳今日就同愛人黎試下哩個粥底海鮮蒸鍋每樣海鮮要蒸幾耐有詳細指引， 店員仲好細心幫忙打點我個$198餐有以下首先個湯真係要畀十個讚！！！湯料我唔係好識分，類似係蓮藕花生西洋菜豬骨😂但真係完全飲到家母煲足一日嘅足料靚湯果個感覺唔係出面啲求其微溫例水今日天氣涼涼地，湯溫度夠熱，好有誠意溫泉蛋都好嫩滑， 唔係扮野海鮮 $200左右就有咁多種類真係好抵仲包括埋鮑魚好正而且係好新鮮，店內就有個大魚缸養住海蝦口感夠爽蟶子、鮑魚彈牙花甲、蜆 一D沙都冇蠔、大元貝好嫩滑有唔同嘅菜類提供任食，店員仲提醒菜可提供到水份畀粥底可適量蒸^^到最後個粥底，真係好正其實食完D海鮮已經好飽， 但都忍唔住食左2碗米粒好綿密，有海鮮的鮮甜，又加左D瓜增加口感成晚感覺非常之好，店員好有禮貌周圍環境又闊落，地區人唔多，直頭好似去左旅行咁 好舒服^^下次一定要再黎…Read More

之前都係返工放飯時間黎食, 次次都好想試麻辣魚, 但又怕太辣食到成身汗終於今日放工約朋友喺附近食個簡單飯, 特登黎試下麻辣魚, 揀左配淮山麵, 微辣覺得好好嘅係, 湯底唔係滿碗嘅紅油, 比較清啲, 就咁飲都唔會覺得太油膩仲有少量酸菜, 味道豐富一樣都係大量魚塊, 鍾意食魚的朋友真係一定要試下, 非.常.嫩.滑. 量又夠多, 一啲骨都冇, 啖啖肉好正淮山麵我都好鍾意, 口感比米線會實在啲仲有一個唔知會唔會有其他人留意的好處^^ 就係唔會好似米線咁彈黎彈去, 唔會失晒儀態 哈哈辣度都可以接受, 不過麻辣的特性, 係會愈食愈覺得辣所以需然係微辣, 到後面都要食得慢少少總體係正嘅, 環境都算企理, 同場黎講係坐得比較舒服…Read More

因為朋友住哩頭附近，夏捌月都食過好幾次，今日第一次試羊架，所以特登分享下。格局有少少改左，坐位之間比之前再闊左啲，坐得再舒服啲。點左蘇烤焗羊架，蘇皮湯羊架4隻都係中至大size，唔係細細粒肉果種，面頭係一層滿滿嘅黃介辣，上面仲加左啲面包糠一齊焗，口感超香脆，加埋羊架本身嘅蘇香，口感超豐富。薯皇炸得夠時間好脆，而且份量超多。菜類翠玉瓜都好入味，唔係求其洽2粒西蘭花果種。份量多到其實食唔晒，超飽超滿足又係滿意嘅一餐。…Read More

朋友成十點先放工話食大排檔，我都驚熱辣辣，最後帶左黎哩間環境真係幾好，最重要係有冷氣又好企理乾淨，仲有卡位，慢慢傾計坐得好舒服。簡簡單單點左紅燒豆腐煲同金銀蛋莧菜。豆腐煲超有鑊氣，上枱仲滾緊豆腐有少少微焦好香口，蒜味適中唔會太濃，冬菇都夠淋。金銀蛋莧菜湯超正！夠味得黎又好清，直頭可以當湯飲。咸蛋都唔會太咸，我自己一個都可以食晒成碟。見到隔離食水煮牛肉同雞煲都好似好正！！希望下次再多啲朋友黎時可以試埋其他啦。…Read More

海霸街哩邊好少過嚟，原來都幾多嘢食，今日放工朋友帶我黎食哩間料理，環境好舒服，民間日本風格調點左個龍蝦湯海鮮什菜鍋，超豐富，第一次試龍蝦湯底嘅小火鍋睇以為會超濃，原來我誤會左，湯底係偏淡少少嘅，食起黎唔會太膩。海鮮有蝦，青口，三文魚，蜆，八爪魚都好新鮮個鍋入面本身仲有滿滿嘅唔同嘅蔬菜，仲有竹輪，冬菇，竽絲等要食左部分先開始煮到海鮮 哈仲可以加30幾蚊轉餐多個刺身，南瓜湯 同飯刺身超厚切，一啖食勁滿足南瓜湯夠香濃，同埋好滑身中途個火熄左我地自己都冇留意到店員好好主動幫我地開返^^…Read More

船長好耐之前食過印象幾好，價錢平，質素又幾好，經過見到而家變左做火鍋放題，今日就去試下除左火鍋，仲唔洗加錢同時可燒烤埋，感覺好良好。揀左豬骨湯底，美國肥牛套餐，包埋人數份量嘅海鮮。蜆數量較多，另外仲有鮑魚仔，青口，深海魚片，蠔，蝦 數量唔多但種類取勝。燒烤有串燒同雞翼一齊上，好鍾意個沙嗲汁好香花生味帶少少甜甜地。好欣賞我地肥牛食完一盤，店員都會問我地需唔需要再添配菜都好夠，仲有好多唔同嘅丸類同響鈴，都有keep住添嘅，唔會話食到最後冇野食，所以可食幾多攞幾多，唔洗趕住一次過攞。火鍋又得，燒烤又得。熟食方面都有成6種選擇，有菜有雞有魚。最後每人食埋2杯哈牌雪糕^^ 開心滿足…Read More

又放工搵野食，今日想食有鑊氣嘅但好多茶餐廳環境都好迫，行左2個圈見到哩間好企理，一於試下首先真係要讚下個環境，光猛，整齊。雖然都係茶餐廳格局，但係坐位都夠闊落，坐得好舒服點左魚香茄子煲有野飲，我加左個湯食落超滿足！上枱熱辣辣仲有少少滾緊，完全係我想要嘅鑊氣口感。茄子色澤金黃，入口軟滑，調味好夠味又唔會太咸，而且唔會太厚芡，仲有好驚喜係咸魚係炸過嘅，非常香口。湯都好有誠意，唔係味精水，真係有豬骨湯口感下次一定會再黎試其他。…Read More

今日想食啲刺激啲嘅嘢，搵下旺角有冇泰國菜食，見到哩間評價咁好就黎試下^^店內雖然有2層，但都坐滿晒，好多棒場客門口仲有幾個客等緊外賣串燒點左 泰式雞絲湯河 幾款串燒 同咸檸七泰式雞絲湯河42香料調味好適中，唔會太重香料味，仲加左少少檸檬草，個味道好豐富。湯底清爽得黎好夠味，唔會太咸，亦不太油可以就咁飲都得河粉夠煙韌，食到尾都仲夾得起，唔會話浸到淋晒斷晒。燒和牛串20個醬汁有輕輕微辣微酸好香口又開胃，平衡返牛肉粒個油脂啱啱好燒豬串12 燒雞串12沙嗲醬係唔辣偏少少甜果種，帶少少花生香豬串反而嫩啲，雞串係比較有咬口咸檸七22半粒咸檸檬，出面一整粒有時會覺得太咸，唔篤晒又浪費左，半粒啱啱好^^…Read More

今日喺慈雲山探朋友同bb，揀左哩間台灣麵食台南安平一直都好想去，次次都去唔成食住安平麵當頂住先啦個裝修都好舒服，好有台灣偏遠地區嘅古樸味道環境好適合傾計。2個大人點左台式三杯雞 同牛筋牛麵。牛筋牛麵$63湯底都幾清，唔會得個咸字，亦不太油牛筋牛好香軟，超淋，而且都好入味而麵係偏軟少少嘅，喜歡挺身啲可試下requests 台式三杯雞$128香味非常豐富，雞係比較有咬口的亦好入味，而且香料味好豐富酒香好夠，好下飯2個人食都係$200左右就食到台灣味道好滿足😊…Read More

難得在旺角可以找到價錢不貴，食物好味道，坐得又舒服的餐廳，真的一定要分享一下。坐位很有空間感，同大小的店面在旺角，最少會多擺一排坐位吧，但店家寧願選擇食客坐得舒服，真的很有心。點了濃厚豚骨沾麵和燒餃子餃子熱辣辣的，外皮很脆，很香口，包的是豬肉，不是省成本只有菜的那種，應該是即點即燒，上桌時還是燙口的。豚骨沾麵大推。我第一次吃沾麵，夾一口麵，先點了湯汁再送到口中。濃郁的豚骨濃湯夾上蔥跟麵一起吃非常滿足，麵的口感也很彈牙，選的是涼麵，單吃的感覺也很清爽。我想如果喜歡喝湯的可點湯麵。沾麵的湯單喝會濃一點，只吃麵不喝湯的會比較喜歡^^還可以看到開放式廚房，環境很乾淨。…Read More

又到了放工找晚餐吃^^大街上大部分餐廳都吃過了今晚在西菁街走著找到這間泰國湯麵。點了泰式玫瑰奶茶和冬蔭功金邊粉。冬蔭功辣度不錯，不會很嗆，能吃小辣的話可以試一下，應該可以應付^^ 湯汁帶一點椰子汁香和香葉的香味，層次豐富，質感也厚薄適中，不會太膩選了配金邊粉，口感是比較挺身的，我很喜歡，最怕軟到夾都夾不起來的那種。玫瑰奶茶也很滿意，從來沒喝過泰式奶茶，以前聽說是非常甜的，一直不敢試。今晚都吃泰式了，剛好有機會就試一下^^想不到完全可以接受，沒有想像中的甜膩，反而是茶香之中帶點玫瑰清香，下次也可以試了^^…Read More