Che's Kitchen

朋友成十點先放工
話食大排檔，我都驚熱辣辣，
最後帶左黎哩間
環境真係幾好，最重要係有冷氣又好企理乾淨，
仲有卡位，慢慢傾計坐得好舒服。

簡簡單單點左紅燒豆腐煲同金銀蛋莧菜。

豆腐煲超有鑊氣，上枱仲滾緊
豆腐有少少微焦好香口，
蒜味適中唔會太濃，冬菇都夠淋。

金銀蛋莧菜湯超正！
夠味得黎又好清，直頭可以當湯飲。
咸蛋都唔會太咸，
我自己一個都可以食晒成碟。

見到隔離食水煮牛肉同雞煲都好似好正！！
希望下次再多啲朋友黎時可以試埋其他啦。