justeatandenjoy's Profile

黎到冬天又係食雪糕嘅時候，哈哈～ 今日去中環見完工嘅時候，好想食甜野安慰下小心靈，但一個人又食唔晒個朱古力火鍋，算啦，咁咪食返一球囉。點知食完勝香園又比我搵到間Haagendazs 喺附近，唔使諗，重投Haagendazs嘅懷抱。但係竟然冇花生！！期間限定嚟㗎咋 T T個大力staff見我勁沮喪咁，介紹咗隻新味-朱古力蛋糕咖啡俾我，真心唔錯喎大佬，咖啡味仲濃遛普通咖啡味，仲有啲Brownies 係中間，勁正！私心推介！不過佢又係期間限定，要食趁快喇！P.s. 好唔捨得啲火鍋，唔知獨毒幾時可以搵到個人陪我一齊食火鍋 ；）啲火鍋爐真係好靚！仲要係玻璃，少女心都爆曬出嚟 haha…Read More

食生日飯，揀返間高質啲先～講真，畀幾百蚊食一份定食真係好貴， 得幾片肉，但係一分錢一分貨， 試咗兩份定食之後，價錢高啲真係好食啲。佢哋和牛嘅品質比較高，牛味好重，油香味都好足， 但唔識燒就搵人幫手，唔好自己毀咗塊肉haha。 雖然佢未去到話極頂級，但係以呢個價錢食到喺日本嘅幾分滋味，真係唔錯。十分之喜歡佢哋嘅配菜，金平牛蒡絲真係好正好入味，甜甜地， 又有少少芝麻，好香。推～如果同一班朋友去就嗌多啲唔同款嘅定食，追加靚牛，一齊share仲抵！…Read More

同2個好耐冇聚嘅朋友搵到呢間山卡拉咁遠嘅餐廳見卡面，真係好遠， 隔離就係好熱鬧嘅鵝頸橋， 但在行上啲，行前啲，又再行入啲就會去咗完全一個了無人煙嘅地方， 嗰度就有一間好熱鬧的餐廳， 特別嘅地理位置十分之合襯佢地特別嘅名。啤酒有優惠， 於是我哋揀咗三個唔同嘅啤酒 really nice， 佢仲有啲好特別嘅嘢飲，個名好得意，不過冇嗌到，haha😂小食同埋主菜都好大份， 雞肉沙律啲雞超好食， 好滑～配埋啲牛油果好鬼正， 最印象深刻係個德國咸豬手， 我朋友recall第3次喇， 唔好睇佢好似好多肥膏咁， 食落唔油膩， 外皮香脆，入面好軟， 多層次嘅口感配埋芥末醬真係一流！ 必食之選！…Read More

去親旺角食嚟食去都係通菜街兩邊嘅餐廳， 平時食開意廚房，走嘅時候都會經過呢間印度餐廳但每次都唔敢入去， 唔止靜仲冇人都唔知佢有冇做生意😂。今日鼓起勇氣行入去坐低 order， 只有我一個客人，包場咁， 啱曬我呢個摺友。另外，店內得老闆同佢個朋友，兩個人都好友善。 最後我揀咗我最鍾意嘅羊肉， 然後慢慢等餐。 呢間餐廳冇一般印度餐廳咁油淋淋或者唔乾淨， 環境舒適之餘仲有印度音樂聽， 都幾有當地小餐館嘅感覺。唔駛幾分鐘個羊肉咖哩已經送到嚟， 陣陣香氣同新鮮出爐熱辣辣嘅薄餅令人食指大動。 拎起個薄餅，一撕～外脆內軟， 沾一沾咖哩，哇！好香好濃都嘅味道帶少少微辣， 味道嘅豐富同醬汁嘅厚薄都好正，係正宗嘅Mutton Masala味道。 食曬大半嘅醬汁之後先食羊肉同薯仔，好入味，羊肉仲帶點油香，真係好正🤤 食完之後好大陣咖哩味留喺口腔， 果然係重口味嘅印度餐。😂一啖接一啖，好快就食曬， 驟眼望落去可能覺得比一般午餐份量小，但其實啱啱好， 但男仔食嘅話可能要加多個薄餅或者係兩個餐先夠， 但佢嘅味道絕對值呢個價。…Read More

琴晚想獎勵下自己食杯Haggen-Dazs，9點幾去到好多人排隊，所以都等左一陣，店員態度有禮ok又俾我試勁多雪糕都唔黑臉勁好。平時食開焦糖脆脆，今次買左隻新嘅花生味🥜，味道真係好濃好正，在此召集花生友😍🤘📢📢📢，但重頭戲都唔係係個味道，而係隻雪糕比起其他口味嘅雪糕好似硬好多，啲店員舀幾次舀到手震先舀到個球，佩服啲店員強而有力嘅臂彎可以舀足成日，個個都食左大力菠菜？哈哈。終於拎到我份邪惡嘅宵夜後，坐低開餐，但窗外係的士站，間鋪仲整咁大個落地玻璃，究竟有咩好睇？不過好就好在唔洗同其他人"面對面" ，啱哂。呢間店話收10點，店員就提我話可以坐到10點，但食雪糕又唔似食包咁可以幾啖吞落肚走人，不過啲店員都無趕過人走，坐多陣食完個雪糕就回家去。走嗰時仲見到店員忙緊，真係辛苦哂依家啲打工仔，一諗起聽日又要對住份 project，唉，共勉之。…Read More