Cykman's Profile

因為朋友話想搵間性價比高既餐廳食正宗泰菜，於是我就緊係介紹我嘅泰菜飯堂-金枕頭泰國餐廳。重點係星期一至五免加一，依家最抵食係佢既二人餐：$198就有三款小食、兩款主菜同一款甜品，份量同組合夠晒平衡，同埋飲品可以+$15追加，真係好抵。.講下二人餐既玩法：佢係分成a+b+c+d四項，a項可以揀3款小食，b、c、d每項各揀1樣，最後總共有6款野——有主食、有小食、又有甜品，樣樣都有，份量又夠兩個人share，飲品只係+ $15就有，對住想慳錢又想食齊既朋友黎講真係岩晒。.香芋春卷 + 蜜糖燒雞翼（加$6）香芋春卷用料吾手軟，外皮炸到金黃鬆脆，每咬一啖都會聽到碎裂聲同芋香慢慢散出。蜜糖燒雞翼加$6，但絕對值得——表面有焦糖化既黏亮蜜汁，燒得微焦帶香，外皮脆而帶黏滑，入面雞肉仲保持嫩汁，甜中帶鹹，好惹味。.泰式炒通菜（B項）呢道份量好大，通菜炒得保持爽脆，莖位仍有彈性，蒜香同少許魚露既鮮味撐起全碟，油份控制得好，入口有鑊氣但吾油膩，配飯或者同其他菜share都好夾.蒜蓉包（C項）：佢地用既係法包，外皮烤到微脆，牛油同蒜蓉滲入麵包中，咬落去有牛油既香同蒜蓉既嗆鼻香，邊位微脆既口感同中心既柔軟形成對比.椰汁西米糕（超推薦）呢個真係令我驚喜，椰汁味係我食過最濃郁既一個，西米粒煮到透明又有彈性，入口帶微微QQ既咬口，整體質感滑而吾爛，椰奶既香甜厚實但吾膩，食完好滿足。.泰式奶茶 +$15：係大大杯，奶香豐富同泰國街邊既奶茶味好接近，甜度偏中高但香味足，凍飲冰度夠，夏天飲特別醒神。.泰式珍多冰 +$15綠色果條帶有淡淡班蘭香，口感滑又帶少少彈性，配上椰奶同紅糖漿既厚甜，冰碎令整體好清爽，甜味係層次分明既天然糖香，係夏天解渴又有口感既選擇。.泰式肉碎炒飯（雞） $65最鐘意既係可以揀雞肉！雞肉碎份量足，混合左細碎豆角既爽脆，香葉撕碎散出清新柑橘香，蛋花均勻包裹每粒飯，鑊氣夠，米粒有微微焦邊既香脆感，整體吾油膩而且好惹味.椰皇三重奏 $45以真椰皇做造型，好上相，分三層既口感—上層係滑溜既椰奶凍，中間係較彈既椰汁凍，面層再有另一種口感同小碎脆點綴，椰香十足，入口香滑又有口感變化，當作ending好清新又滿足。…Read More

果晚老公帶我黎葵涌食晚餐～原來葵涌係佢細細個就住既地方，地頭蛇身份一出手就話要帶我去食好西！💑葵涌雖然平時吾係我會專登黎既地方，但既然有人帶路，當然要跟住去發掘心水餐廳～就係咁，我地就走左入去【楊記麻辣魚館】！.小炒牛肉飯 $80 🥩🌶️一上枱已經聞到好香既爆炒味～牛肉份量真係好多，炒得香口又嫩滑～加上青辣椒、紅辣椒、西芹、芫荽一齊爆炒，啖啖都充滿辣香同鑊氣！🌶️🥢 每口都好惹味，食到我額頭出左d小汗😆。配埋冰凍奶茶，正好中和下辣勁～完全係聚餐既完美組合。.麻辣手撕雞飯 $78 🐓❄️呢款手撕雞真係啖啖肉，仲好入味～配料超豐富，有洋蔥絲、芫荽、青瓜絲、白蘿蔔絲，爽脆清香～酸酸辣辣既涼拌汁好開胃！🥗辣得過癮但又吾會太霸道，食住涼菜又飲住凍檸檬茶，整個感覺舒服到爆～好岩夏天食。.雞翼麻辣香鍋 $80 🍗🔥呢道真係意外驚喜～用既係單骨雞翼，入口就感受到實在既麻辣勁！🌶️配料同樣吾馬虎：蓮藕、木耳、辣椒、薯仔片全部掛滿香料同辣油～每樣食材都有鑊氣同麻香，食到好過癮～最後再飲口冰凍奶茶，一邊辣一邊凍，好爽！💦…Read More

成日覺得尖沙咀既串燒店普遍價錢都吾平，但早排朋友介紹我去一間叫 Blibarla，話佢性價比極高，平到好誇張，最平$10就食到串燒。晚市環境都有心水位揀，有高枱亦有大梳化，坐得舒服之餘，仲有可以聽住輕鬆音樂，收工後去坐低食下串燒，chill一chill真係好正。.蒜蓉燒原條茄子 $38茄子燒到軟腍，入口即化，蒜蓉香味勁濃，仲保留到蔬菜既甜味，成條份量都幾足。.唐揚魷魚鬚 $38真係實實在在既魷魚鬚，炸到金黃香脆，咬落仲有彈性，忍唔住又encore左一次。.熔岩炸蝦球 $38外皮薄脆，一咬入面既汁即刻湧出黎，熱辣辣又鮮味，要小心吾好一次過咬太大口，否則真係會辣親。.鹽燒雞中翼 $20簡單既鹽燒突出雞肉原本既香味，皮微脆，肉質嫩滑，岩晒當小食慢慢送酒。.豬骨濃湯烏冬 $20湯底香濃吾膩，烏冬滑溜彈牙，$20黎講真係抵食到笑。.炭烤吐司 $10吐司燒到金黃香脆，表面微焦，入口酥化，好適合用黎配返d串燒汁一齊食。.夠茜汁燒牛肋肉 $28牛肋肉嫩中帶嚼勁，醬汁係芫荽汁，味道特別，中意”茜”既人一定會岩。.汁燒牛肋肉 $28帶甜味既燒汁同牛肋肉好夾，肉質juicy，食落幾滿足。.蒜蓉燒冬菇 $10冬菇吸滿左蒜蓉汁，入口多汁香濃，價錢仲只係$10，冇得輸。.孜然羊肉排 $38孜然香味同羊肉味結合得好好，孜然味濃但吾搶味，肉質吾韌，咬落夠口感。.香燒翠玉瓜 $10翠玉瓜爽口多汁，燒得岩岩好，仲保留到蔬菜既清甜。.烤日式番薯薯仔 $10外面帶微焦香，內芯粉糯香甜 .鹽燒雞腿肉 $15雞腿肉啖啖肉，鹽燒令外層香脆，肉保持嫩滑，性價比高。.汁燒大蝦 $10$10可以食到成隻大蝦真係勁抵，燒汁帶甜香，蝦肉厚實鮮味。.鴨屎香檸檬茶、鳳仙起舞 $38兩款飲品都好有特色，用啤酒杯盛住，份量大又襟飲。鴨屎香檸檬茶茶味香濃，檸檬令味道更清爽；「鳳仙起舞」係菠蘿梳打，酸酸甜甜，食完串燒飲一啖特別解膩。…Read More

最近成日都食中西餐，想轉轉口味食拉麵，就叫左朋友黎霸嗎拉麵食晚餐🍜。地點方便，氣氛放鬆，最重要係今晚想食返d重口味同暖胃既嘢，拉麵就最岩啦！.辛辣炙燒豚肉味玉 $98 拉麵一大碗上枱已經好有驚喜，湯底帶辣但吾嗆，香氣有少少炙燒香同層次既辛味；麵條彈牙夠爽；筍切得適中，吸湯又有清脆口感；炙燒豚肉肥瘦相間，炙過表面帶微焦香，油脂同瘦肉既比例好平衡，每啖都夾到肉既嫩同油香；味玉半熟溏心，醬香滲到蛋白入面，整體好滿足又有份量👍🔥.雞叉燒辛辣雞白湯拉麵 $95雞白湯濃郁滑潤，辛味溫和地提升層次但吾會蓋過雞味；雞叉燒係圓形既，幾厚身，切開有肉汁，口感厚實但嫩滑；湯入面仲有木耳，帶d爽脆，跟住吸d濃湯，好有口感對比，整碗食落去係溫暖又有驚喜既組合🍗🌶️.羽根餃子 $35 日式餃子底部煎到金黃酥脆，形成一層輕薄如羽毛既縷空薄餅，入口第一口係脆既聲音，跟住就係餃子內餡既多汁同香味，皮身同羽根既層次分明，口感好有特色，配埋少少醋同辣粉更提味🥟✨.沙拉唐揚雞 $38大大粒既唐揚雞球，外皮炸得脆身但吾油膩，一咬就爆汁，雞肉嫩滑有汁，調味吾會太重，配搭埋沙律醬，好creamy🍗.Zero 可樂 $15 無糖既可樂帶緊爽快既氣泡感，cola味夠，飲落去可以好好清走湯既油膩，特別係食完辛辣或者炸物之後，喉頭即刻清爽返黎🥤❄️…Read More

最近放工之後，想同朋友搵個地方慢慢傾下計，就諗起荃灣廣場嘅 「ufufu cafe」。呢間係源自日本佐賀既咖啡品牌，主打西日式料理，裝潢係暖暖既日式木系風，仲有開放式廚房，食野同時都可以見到師傅煮野既情景🍳，店內到處擺滿日式盆景，感覺好療癒，好有日本小鎮既味道🌿。 .🍔 醬油燒雞腿漢堡 $88一上枱已經聞到陣陣香味🤤，漢堡包面頭鬆軟，咬開仲感覺到內面煎香左，帶少少脆口。夾住既醬油燒雞腿鹹香味岩岩好，雞肉嫩滑到不得了🥰，仲配埋清新既車瓜、生菜同蕃茄，口感層次好豐富，食落非常滿足。 .🍕 番茄羅勒薄餅 $118批底厚薄岩岩好，咬落去吾會太硬又有少少煙韌口感🫶。上面舖滿厚厚既芝士，仲有拉絲效果，芝士控一定會好開心🧀！番茄既酸香加埋羅勒既清香，啖啖都好清新又吾膩口。 .🍑 山梨県白桃芭菲 $148 （期間限定✨） 呢款一定要推！山梨縣既白桃向來出名，口感細緻又多汁😋，餐廳入面用高杯裝，一上枱已經感覺好精緻好想影相📸。頂層係原隻白桃切成一塊塊，仲配埋食用花做裝飾🌸。白桃下面係一層層滑滑既cream，四周圍仲有藍莓同啫喱，咬落去既白桃清甜多汁，帶少少輕脆感，真係每一啖都好幸福💗。 …Read More

最近成日都掛住九運米線王既世一雞翼🥹，所以二次回訪再去食返佢地既金湯酸辣湯底米線。對我黎講，呢間米線店真係幾特別，因為完全吾用味精同醋精，湯底全部用豬肉熬出黎，配料選擇又多又特別，令成碗米線好實在。 .今次照舊點左必食既 「招牌秘製珍寶雞翼米線 $66」。金湯酸辣湯底呈現金黃色澤，一入口就先有溫柔酸香，之後辣勁慢慢滲出黎，辣得黎吾會搶走湯既鮮香味。米線滑溜吸湯，配埋酸菜、豆卜、肉碎、芽菜、蔥、韭菜、芫荽，酸酸辣辣又層次好足。至於雞翼就係另上，四件都炸到外皮金脆，咬落即刻「咔」一聲，入面肉質軟熟多汁，沒有冰鮮味，味道帶少少甜又帶黑椒香，食到中途已經好想再追加一份🤣。另外仲可以加配日本爆汁脆皮腸（+$14），真係吾同一般雞肉腸，皮薄一咬即爆汁，肉味香濃，好岩愛食腸既人。 .之後仲叫左「自選九運小鍋米線 $38」，湯底都係揀番金湯酸辣，辣酸比例真係幾岩口味。加配既香菇貢丸（+$12）好有彈性，咬開時香菇既清香同肉香一齊散出黎；肥牛（+$12）切得薄又嫩，湯底滲透到每片牛肉，食落滑溜香口；再加多幾條日本爆汁脆皮腸（+$14），成鍋米線即刻由普通升級到滿足感爆棚😆。 .飲品方面，我揀左 無糖可樂 $6，配炸物真係冇死錯人，冰涼爽口又解膩；另一款係 支裝豆漿 $10，豆香濃郁得黎吾會過甜。.仲食埋一份 特色拼盤 $38，拼盤包括炸櫻花蝦餅同魚肉春卷。蝦餅外層薄脆，蝦香同油香好搶；魚肉春卷皮脆而薄，魚肉餡滑身帶微甜，兩款一齊食好似小食時間咁開心🤭。 …Read More

今日朋友黎屯門探我，行過青海圍發現呢間「南海美食」，細細間但好有台灣夜市feel！🇹🇼 價錢親民，仲有好多地道台式選擇，即刻入去試下～ .首先試左 鹽酥雞便當 $49，可以轉手工麵，鹽酥雞係另上既，勁貼心！🐔 鹽酥雞炸得外脆內嫩，咬落去仲有肉汁，飽肚又滿足。手工麵麵質彈牙，好有咬口。.跟住叫左紅燒牛肉手工麵 $53, 牛筋同牛腩炆得超淋，入口即化～🐮 手工麵係粗麵，掛湯能力一流，仲有清甜蘿蔔同爽脆生菜，湯底濃郁但吾會太鹹，整體好平衡！ .小食叫左 椒鹽花枝丸 $29，炸得金黃香脆，入面既花枝粒粒分明，彈牙有嚼勁，椒鹽調味岩岩好，送酒或者配主食都一流！🦑 .甜品方面，一定要試士多啤梨金芒芋圓燒 $49🥭 ，芒果沙冰上面鋪滿勁多芒果肉，仲有士多啤梨片點綴，芒果多到瀉出黎，旁邊碗仔裝住煙韌芋圓，口感豐富到爆！ .另外仲有 鮮榨芒果芋圓燒 $48，椰汁冰底配上鮮芒果汁，芒果味濃到爆，上面一樣鋪滿芒果肉，芋圓另上，可以自己調配口感，芒果控必試！💛 .…Read More

前排突然好想食酸菜魚，原本諗住搵間川菜館，點知行過荷里活冰室，見到佢menu竟然有酸菜魚！😲 一間茶記有咁特別既菜式，真係好吸引，於是我同朋友即刻入去試試，睇下呢間茶記點樣將酸菜魚整出新火花！🍲.招牌酸菜魚 $99招牌酸菜魚一上枱，已經聞到陣陣酸辣香氣，湯底呈金黃色，望落就知好有料！😍 湯頭酸度同辣度岩岩好，酸菜既酸香同辣椒既微辣交織，飲一口暖胃又開胃，味道濃郁但吾會過鹹，仲帶點清爽既回甘。魚肉超多，片片都厚實鮮嫩，入口滑溜，咬落去完全無腥味，仲有陣陣湯汁既鮮味滲出，超滿足！🥰 配料方面有芽菜、腐竹、木耳同蓮藕，芽菜爽脆、腐竹軟滑吸湯、木耳彈牙、蓮藕帶點粉糯，每款配料都吸晒湯底精華，層次好豐富。而米線Q彈有嚼勁，掛湯能力一流，每條米線都浸滿酸辣湯汁，食落每啖都係精華！份量仲好大碗，2-3人share都絕對夠！套餐仲包埋熱飲，轉左凍奶茶（+$3），奶茶香滑濃郁，茶味同奶味平衡得好好，飲落去同酸菜魚既刺激口感形成完美對比！🥤.薑粒菜圃炒飯 $58薑粒菜圃炒飯真是一個驚喜發現，吾係間間茶記都有呢款炒飯！😎 炒飯粒粒分明，乾爽吾油膩，入口即化又帶點鍋氣。薑粒既清香同微微辣味係靈魂，咬落去帶點脆口既質感，配上菜圃既鹹香同微脆，味道層次即刻提升！蛋花軟滑，菜心粒爽脆，兩者點綴炒飯，增加左口感既豐富度。整體炒飯好香口，比一般炒飯有性格得多，食完一啖即刻想再食下一啖！😋 加配左杯凍檸檬（+$6），酸甜清新，檸檬既清香同炒飯既濃香好match，解膩之餘仲令人胃口大開！🍋.炸雞中翼 $30炸雞中翼係茶記小食既經典之選！外皮炸得金黃香脆😍 雞翼皮薄而脆，帶點鹹香同微辣，味道惹味但吾會搶左雞肉本身既鮮味。.丹麥多士 $12外層金黃酥脆，內裏軟綿綿，帶點奶香同蛋香，簡單得黎好滿足！入口即化，奶香同酥皮完美融合，甜度岩岩好😍…Read More

最近因為好耐未食過燒肉，又聽講濟州燒肉食堂有新產品推出，於是同朋友一齊黎試下。一如既往，前菜有五款，包括泡菜、薯仔沙律、醃芽菜等等，雖然前菜要加錢先可以refill，但爐邊蛋同粟米芝士就無限任食，已經好吸引！.第一款係菠蘿和牛五花肉 ($188)，呢款真係好有創意，半隻菠蘿中間放滿和牛五花肉，肉味濃郁，旁邊仲有4塊菠蘿，可以當拌碟用，又可以放落爐燒，燒完菠蘿帶甜味同肉香一齊食，口感好特別。.跟住係牛五花芝士燒 ($98)，呢款真係好驚喜！牛五花包住一磚目測有5cm厚既芝士，燒熟後牛肉吸晒芝士既鹹香，食落口滿滿芝士味，濃郁得黎又吾會過膩，芝士控一定中意。.而煙肉大蝦 ($115)，呢款用煙肉包裹住珍寶大蝦，蝦肉新鮮又厚實，燒完煙肉香同蝦既鮮甜一齊爆發，咬落去好滿足，份量都幾足。.接住有西班牙熟成豬扒 ($258)，呢款豬扒厚切到不得了，燒完外層微脆，內裏仲keep到嫩滑，肉汁鎖得好正，食完真係回味無窮，岩晒中意豬扒既朋友。.另外點左韓式馬鈴薯煎餅 ($128)，表面鋪滿馬鈴薯絲，煎到薄脆，馬鈴薯香好濃，單食已經好正，仲可以沾埋沙律醬，口感多左一層變化，幾好味。.主食方面試左石頭鍋飯 ($98)，呢個石鍋飯用料好豐富，有芽菜、紫菜、紅蘿蔔絲、香菇片、菠菜、牛肉碎同生蛋黃，熱辣辣上枱，加入韓式辣醬一齊拌勻，香氣爆棚，仲食到好多鍋巴，脆口又香，超正！.飲品方面點左柑橘梳打，青檸梳打 ($32)，兩款都好清新，柑橘帶少少甜，青檸就酸酸地好醒神，岩晒解燒肉既油膩，飲完成個人都refresh哂…Read More

星期五下班本來諗住想搵個地方同朋友輕輕鬆鬆食餐好，吹下水打下氣，就諗起最近屯門市廣場開左大阪過黎既鳥貴族。呢間燒鳥店，係日本已經有39年歷史，主打新鮮多汁既雞肉串燒，一口串燒一口啤酒真係夾到爆。首店佔地2,000呎，有近百個座位，裝修用木樑間隔同紙球燈籠，好有日本本店feel，加上價錢實惠，好似去左居酒屋咁同friend慢慢傾下計。.貴族雞釜飯 $29.9基本上見到每張枱都必點，果個份量真係抵到爛。用特製雞湯煮既飯，每粒米都吸收左滿滿雞肉既鮮味，中間仲有赤板魚蛋、甘筍、雞肉、牛蒡等配料，等燃料膏熄左，再等多五分鐘就可以開蓋食。打開果下香味撲鼻，每一啖都好豐富，飯粒香口又入味。. 雞中翼鹽燒 $29.9呢個真係必食，鹽燒既簡單調味完全突顯出雞肉既鮮味，皮脆肉嫩，越食越想再encore.日式雞肉薯仔沙律 $29.9吾好以為係普通沙律，係有驚喜，粒粒薯仔沙律混埋吾少日式雞肉，口感豐富，香滑又有咬口。. 雞天婦羅配梅醬 $29.9炸粉超薄，食落完全吾會覺得厚重，雞肉保持到肉汁，好嫩滑，配上酸甜既梅醬，一啖接一啖。. 蒜味果香燒牛肉串 $29.9呢個真係好食到忍吾住encore左兩次，蒜香混埋果香冇搶味，反而好順口，牛肉juicy又香。. 炸法式芝士餅 $29.9芝士餅份量大，薄脆外皮一咬即開，中間既芝士溶漿即刻流出黎，香濃度滿分。. 雞胸貴族燒 香辣 $29.9招牌之一，份量真係豪華，雞胸肉清淡嫩滑，加上香辣調味，每一啖都係肉既滿足感。. 橙香梳打特飲 $29.9 ＋混合果汁 $19.9橙香梳打係mocktail，菠蘿汁、橙汁、石榴糖漿同梳打水混合，好清爽；混合果汁酸酸甜甜，充滿大阪果種家常風味。. 栗子醬配雲呢拿雪糕 $29.9秋祭menu限定，真係售完即止。雲呢拿雪糕上面有cream，cream上面係栗子醬，頂層仲有原粒栗子，甜而不膩，好有季節感。. 朱古力芭菲配西班牙油條 $29.9油條炸到外脆內軟，配上香濃朱古力芭菲，口感同味道都好match，甜品控一定開心。…Read More

.又係鍋時候！今次特登用佢地會員迎新同每月回贈，約埋friend黎chill食個豐富晚餐—CP值直逼爆燈💥.簡短INFO- 套餐：日本黑毛和牛A4+任食套餐 $338/位（任食肉類/海鮮/自助吧） - 升級湯底：自家麻辣鴨血豆腐鍋拼酸辣排骨湯 +$50（超推薦🌶️） - 會員優惠：黃卡每月9折、金卡8.5折、白金卡8折，仲有迎新、積分、現金券/折扣券/食物券/延長時間券 — 有優惠梗係要用盡！.重點亮點（必睇）- 肉類無限encore🔥：日本黑毛和牛A4+（油花幼滑、入口化），極尚安格斯牛小排（肉汁豐富），仲有澳洲M6和牛牛腹、伊比利亞黑毛豬、紐西蘭羊卷等，多款口感分明，想食幾多就encore幾多- 海鮮超新鮮🦐🐟：原隻帆立貝、鮮甜桶蠔、磯煮鮑魚、花雕醉鮑、白鱔片、墨魚鮮蝦滑、龍躉班頭腩等，涮幾秒即刻鮮甜爆發- 餃類必點🥟：手工水餃（木耳豬肉/鮮蝦雲吞/媽媽梅菜豬肉/韭菜餃）——每款都粒粒飽滿，雲吞放湯底幾秒最正- 自助吧超強🍢：多到眼都花！大埔振興貢丸系列、芝士腸、炙燒芝心包（爆流心芝士🧀）、自家製拉麵、即食麵、各式丸餃料應有盡有- 飲品+茶酒創意搭配🍹：自家製茶酒系列（洛神花/羅漢果菊花/鴨屎香檸檬/蜜桃柚子烏龍）超夾；仲有啤酒、Somerby、汽水等- 甜品區：雪糕款式多，辣鍋後食個雪糕最解膩。.必點清單（我的Top 6）1. 日本黑毛和牛A4+（首選） 2. 極尚安格斯牛小排（肉汁派） 3. 原隻帆立貝（嫩滑） 4. 大埔振興豬骨龍汁貢丸（爆汁驚喜） 5. 炙燒芝心包（芝士控必點） 6. 鮮蝦雲吞 & 木耳豬肉水餃（餃子控無得輸）.…Read More

作為一個屯門友，又有選擇困難症既我，屯門市中心既Food Court基本上就係我既飯堂！今次行過見到呢間「我媽的菜」，主打台灣菜，有鹽酥雞飯同台式飲品，完全擊中晒我既口味，決定即刻試下，感受一下台灣街頭小食既魅力啦！😋.台式控肉鹽酥雞飯 $67台式控肉鹽酥雞飯份量真係好足！入面有兩塊超厚身既控肉，肥瘦相間，入口軟糯，帶有濃郁既豬肉香同微微甜既醬油味，咬落去油脂同瘦肉既比例岩岩好，吾會太肥膩。仲有五粒大大粒既鹽酥雞，外皮炸得金黃酥脆，內裏雞肉嫩滑多汁，帶少少胡椒鹽既鹹香，咬落去真係香口到停吾到。配菜有酸菜，酸酸地，爽脆既口感解左控肉既膩，食完好滿足，台灣味十足！🍗.炸春卷 +$19加埋$19配左炸春卷，真係好抵食！一共有8條，咬落去外皮香脆得黎吾會好油，發出清脆既「卡滋」聲，入面主要係蔬菜餡，食完主菜再食幾條都吾會覺得膩。🥡.我媽肉燥乾麵 $55肉燥份量好多，仲有吾少香菇粒、韭菜同芽菜，用料真係好豐富。肉燥既味道濃郁，帶有豬肉既鹹香同微微既甜味，香菇粒增加左一份獨特既鮮香，韭菜同芽菜就比到少少清新既口感。醬汁夠多，容易拌勻，麵質比較粗，煙靭又有咬勁，咬落去麵條帶有小麥既香味，食落好有台灣街頭小店既感覺，簡單但好正！🍜.炸花枝丸 +$19一份有四粒，每粒入面都有大大粒既花枝肉，咬落去好彈牙，帶有鮮甜既海鮮味，外皮炸得酥脆，微微既鹹香同花枝既鮮味好搭，熱辣辣食真係好過癮，當小食或者配主菜都好岩！🦑.蜂蜜綠茶 +$6，黑糖珍珠奶茶 +$13飲品方面叫左蜂蜜綠茶同黑糖珍珠奶茶，蜂蜜綠茶加$6，茶味清香帶有綠茶既微微苦澀，混埋蜂蜜既淡淡甜味，飲落去好解渴又清新；黑糖珍珠奶茶加$13，黑糖味濃郁，帶有黑糖既香甜，奶茶順滑，珍珠Q彈有咬頭，甜度同奶味都岩岩好，食完鹹食飲呢兩款真係好match！🥤.楊枝甘露 $30，芒果西米露 $28 估吾到仲有甜品食🥰主食、小食、飲品同甜品一次過食晒，真係大滿足。楊枝甘露入面有好多芒果粒同柚子肉，芒果既甜味同柚子既酸爽交織，口感清新又多層次，奶味吾重但夠滑；芒果西米露，芒果粒一樣多，甜度自然，西米偏大粒少少，有咬頭，口感軟糯，帶有椰奶既淡淡香氣，兩款都好清新，食完正餐再食甜品真係完美ending！🥭…Read More

前排同朋友慶祝生日，諗住搵間特別d既餐廳食飯，於是上網搜search左一輪，見到「佬麻雀。鮮湘菜」係大眾點評入左必食榜，又係廣東餐飲品牌連鎖50強，仲連續三屆入選米芝蓮指南，覺得好有保證就book左位。去到果度真係驚喜，環境清幽，裝潢以湖藍色為主調，上下兩層設計好有層次，仲有雀鳥聲音既背景音樂，聽落好舒服。店員服務態度超好，有乜野需要都會即刻幫手，食完飯仲會主動問食物質素點，感受到佢地既用心，真係加分！💯.豆漿一鍋鮮 $168講到食物，首先要推招牌菜「豆漿一鍋鮮」，聽講已經賣出300萬份，絕對係人氣之選！呢個鍋既魚湯每日現熬5小時，用活魚鮮切，魚片嫩滑到不得了，仲加入左東北非轉基因大豆做既豆漿提鮮，味道好清甜。鍋入面除左有魚肉，仲有魚蛋、豆腐、竹笙同蕃茄，層次豐富。建議大家食之前先飲一碗魚湯，暖胃又開胃，飲完即刻覺得整個人舒服晒！🥄.蝦仁蒸土雞蛋 $78蒸蛋嫩滑到好似豆腐花咁，上面放左幾隻蝦仁，淋上豉油，入口好鮮甜，每啖都係享受。呢款菜簡單但好有驚喜，特別岩鍾意清淡口味既朋友，食完仲想encore！😍.黑松露臘味炒飯 $78主食方面，點左個「黑松露臘味炒飯」，$78既價錢真係值回票價！炒飯粒粒分明，入面有黑松露菌粒、臘味粒、香蔥同蛋花，咬落去每一啖都好香，層次感十足。佢炒得岩岩好，吾會太油膩，食完都吾覺得滯，仲好有心思，啱晒我口味！🍚.茉莉花茶 $8/位飲品方面，佢地有茶位，每位$8既茉莉花茶好清香，飲落去有淡淡花香，解膩一流…Read More

呢排工作加班，收工後攰到爆，係屯門區搵間又平又抵食既茶記真係可以救命！聽講「荷里活冰室」價錢親民又好食，於是同同事一齊過黎試下，果然係放工後既chill食點！😋.咖喱吉列魚柳飯 $64第一個食既係咖喱吉列魚柳飯，咖喱汁椰香濃郁，味道夠重，仲有好腍既薯仔，超滿足。吉列魚柳份量大到誇張，成個手掌咁大，魚厚肉厚外脆內嫩，咬落好juicy！套餐加$3仲有熱檸茶，抵呀！🐟☕.椒鹽肉排 $72肉排灑滿炸蒜，香到不得了，肉質嫩滑，咬落有d微脆口感。套餐仲送白飯、老火湯同熱飲，老火湯好足料，有青紅蘿蔔、粟米同豬展，飲落好暖胃！我揀左熱奶茶，香滑正宗，完美！🥄🥛,避風塘雞中翼 $29小食方面叫左避風塘雞中翼，$29就有4塊，香炸得外脆內嫩，表面灑上炸蒜同辣椒碎，咬落有d微辣同蒜香，岩晒同朋友share黎食，開胃一流！🍗.丹麥多士 $12茶記一定要試丹麥多士🙊表面搽左一層牛油，香氣四溢，咬落外層脆卜卜，內裏軟熟，牛油香同多士既蛋香好夾，簡單但好滿足，係我最愛既茶記經典！🥐…Read More

最近同朋友放工去左「山見台式火鍋」，今次寫多D細節比大家參考 — 氣氛、必食、口感、拍照位同小貼士一次過講哂😆.環境 & 打卡位- 裝潢以台灣老街＋十分車站為靈感，加上好多港式懷舊小物，走復古又有情懷既路線。入面燈光偏暖，超適合拍食物上枱既近鏡- 只要like 佢地既社交媒體會拎到山見熊仔鎖匙扣，食完仲送埋玩具幣，玩夾波波機，又令整個用餐過程有返d童年感 - 座位係卡位同多人枱都有，group chill 或者二三好友傾偈都岩，服務員落單同補充配料都幾快.套餐 & 價錢- 我地食 Level 4 特選澳洲和牛海鮮套餐 $388/位，104款選擇，120分鐘任食任飲。份量同選擇都好足，岩哂嗜肉又想食海鮮既朋友- 今期仲推出「港式情懷」主題，除左台式火鍋配料、小食、甜品，仲可以食到好多懷舊港式款式，好有feel.鴛鴦鍋湯底（重點推介）- 芫荽皮蛋豬肉鍋：用豬骨熬底、加入皮蛋同芫荽，香氣係偏清新帶微微鹹香，煮蔬菜同薄肉最岩，開胃但吾會蓋過食材原味- 上品蟲草木耳鍋：養生路線，湯底清甜帶天然海味，加入瑤柱、杞子同蟲草感覺好補，尤其煮海鮮好襯，會帶出鮮味.肉類 & 海鮮重點（必試）- 澳洲和牛肩胛肉眼：油花細緻，涮幾秒已經入口即化，牛香濃郁但吾膩- 牛扑肉（C.A.B牛頸脊）：肉質結實但嫩，口感較有嚼勁，咬落多汁- 月見封門柳：有個生蛋黃係上面，蛋黃同牛肉混埋一齊再輕涮，香滑層次即刻up- 原隻駅前海老: 超大隻，肉厚鮮甜- 原隻鮑魚: 爽口彈牙- 黑毛肚(港式懷舊款): 爽脆帶味- 響螺片(港式懷舊款): 厚切爽口，涮一涮就好鮮甜- 其他值得一試：嫩肩里肌肉、牛爽腩、卡樂beef、薄切牛舌心、美國穀飼黑毛豬、澳洲羊肩肉、梅花肉、花雕醉雞、台南烏雞肉卷、花膠、脆肉鯇魚片、白鱔片.配料 & 自助吧亮點- 松露墨魚滑：彈牙而且有淡淡松露香，成熟感好夾- 黃金鮮蝦球：超推！成粒蝦肉＋鹹蛋黃流心，咬開有流沙效果，口感creamy又鮮甜，好有驚喜感- 響鈴魚籽蝦滑卷: 香脆響鈴包住蝦滑同魚籽, 層次豐富，外脆內嫩- 竹笙蝦包：竹笙包住蝦肉果種口感好正- 自助區選擇極多：台灣特色配料 (紫菜馬鮫魚肉丸、台灣牛筋丸、鮮蠔魚丸、山見和牛蛋餃等), 蔬菜（水耕翡翠石斜苗、水耕人參葉等），睇個人喜好無限配搭.港式 x 台式小食（必order）- 金莎芋泥球：外脆內綿，鹹蛋黃流沙同芋泥甜香形成完美對比。 - 蚵仔煎：鮮蚵多、蛋漿香，外層微脆好台味 - 街頭格仔餅：超有童年感，格仔餅酥脆帶蛋香- 黑白煎堆仔: 煎堆仔黑芝麻流心，甜而不膩- 其他夜市小食選擇齊全：港式懷舊腕仔翅、羽衣甘藍菠菜粉果、懷舊牛肉丸、瑞士汁雞翼、咖喱汁深海魚蛋、鹽酥雞、惡魔雞排、府城蝦捲、台式蔥油餅等 .甜品（完美收口）- 九份仙草花生芋圓：用懷舊茶杯上枱，仙草滑溜、花生粒香脆、芋圓煙韌，口感層次豐富- 十分愛玉椰果芋圓：清爽解膩，夏天食特別清新。 - 懷舊紅豆冰、豆腐花、自家製茉莉花茶雪糕茉等選擇多，收口好滿足.總結（私心Top 4）1. 黃金鮮蝦球（必食） 2. 澳洲和牛肩胛肉眼（涮秒即化） 3. 九份仙草花生芋圓（懷舊位＋味道夠層次）4. 黑白煎堆仔（滿滿芝麻流心）…Read More