今日朋友黎屯門探我，行過青海圍發現呢間「南海美食」，細細間但好有台灣夜市feel！🇹🇼 價錢親民，仲有好多地道台式選擇，即刻入去試下～
.
首先試左 鹽酥雞便當 $49，可以轉手工麵，鹽酥雞係另上既，勁貼心！🐔 鹽酥雞炸得外脆內嫩，咬落去仲有肉汁，飽肚又滿足。手工麵麵質彈牙，好有咬口。
.
跟住叫左紅燒牛肉手工麵 $53, 牛筋同牛腩炆得超淋，入口即化～🐮 手工麵係粗麵，掛湯能力一流，仲有清甜蘿蔔同爽脆生菜，湯底濃郁但吾會太鹹，整體好平衡！
.
小食叫左 椒鹽花枝丸 $29，炸得金黃香脆，入面既花枝粒粒分明，彈牙有嚼勁，椒鹽調味岩岩好，送酒或者配主食都一流！🦑
.
甜品方面，一定要試士多啤梨金芒芋圓燒 $49🥭 ，芒果沙冰上面鋪滿勁多芒果肉，仲有士多啤梨片點綴，芒果多到瀉出黎，旁邊碗仔裝住煙韌芋圓，口感豐富到爆！
.
另外仲有 鮮榨芒果芋圓燒 $48，椰汁冰底配上鮮芒果汁，芒果味濃到爆，上面一樣鋪滿芒果肉，芋圓另上，可以自己調配口感，芒果控必試！💛
1
.
