WongWini's Profile

琴晚旺角打完邊爐想食d甜野，番到屋企附近諗住是但搵間求其食下～點知誤打誤撞搵食到呢間～每樣甜品都有驚喜～第一個送來cream brulee係老闆推介，真心正！焦糖脆脆配埋滑滑綿綿既口感好難停口～蕃薯薑湯加芋丸一食落口就食到有芋粒，原來真係自家整！好難得唔用現成貨，難怪口感好食過其他店咁多～個窩夫就直頭係我呢個澱粉質愛好者既至愛～外脆內軟，牛油味重！食得出用靚面粉完全唔痴牙～我住咁耐都冇去過呢間店，估唔到咁好食～希望小店可以一直保持高質～…Read More

好好味既店鋪其實好多，但好味又有heart既舖頭就真係唔多！上一次來既時候老細好自信咁請我似左杯抺茶，你真係好味既～所以今次自己俾錢飲睇得出老問對自己食材既用心，我食豬頸肉加豬頭肉撈粉，撈汁少少酸好開胃！唔係死酸果隻～豬頭肉都老得好入味又唔死咸～個辣汁三寶個汁真係一絕～老闆話係用豬骨煲出來做汁底～我唔識分淨係知好好味～最重要係佢d寛粉！煮得剛好又彈牙！如果我都煮屯門我可以日日食！服務態度更加唔洗講！連d姐姐都超好笑容超有禮貌又親切～係一間我近期最中意既小店～…Read More

家住天后～近呢幾年d好食既舊店汁下又一間，汁下孜一間～成日開埋d幾個月貨仔既新店～見呢間新開好似幾有特色，決定試試～首先講服務，冇咩特別，係落單個侍應話送餅但食到一半問另外個侍應又話冇落單，之後又話冇得送餅既。唔送唔緊要但之前明明落左單，落單果個阿伯玩失憶？唔追究了～反正唔會再去食～再講衛生，個台又油又有飯粒，一餐食7舊水既飯，衛生好少少都可以掛～其實野食好一般～一個字，咸！巴東牛肉，暖既唔熱，同我隻狗狗食果d狗狗濕糧香味好似，我食左一舊，嘩！咸到嗱利架！我唔知正宗既係咪都咁咸，當我唔識野～反正唔岩我～重口味如我都話咸就真係唔係講笑～咖哩魚，又係好咸咩事呀～但係個炒河呢，冇味架wo~而且唔熱架wo~炒定既？點解唔熱既？定印尼野本身係咁？食到我一肚子問號～之後又嗌左串燒，今次除左咸之外係好老好老，d肉完全咬唔陏，只怪我牙力不夠成餐飯，竟然冇一樣好味～太神奇了～明明平時出去食咖哩都好好味，點解呢間咁架......番到屋企食左半個大西瓜去一去鹽分，如果唔係聽朝真係會腫到豬頭咁～…Read More

如題，稱不上好好味，但絕對101分誠意我媽係上海人，爸爸係天津人，從小到大都吃著姑奶奶自己親手整既大餅煎餅綠豆餅，作為一個北方人既口味，佢係完全唔正宗～但如果換個角度，當佢係一個自創形式既手法，講真，呢個餅，係唔錯的~D餸滿到不能再滿，d鴨肉同青瓜滿到一個我都唔知點形容既情度，醬亦落得好夠，係個皮唔夠面粉香，因為佢呢隻係台灣蛋餅既皮～但佢用台灣蛋餅既皮包北方既料其實又幾特別～而且包到咁滿，今日晏晝淋住雨，一大啖咬落去再飲啖咖啡個感覺其實真係超級滿足～講真，依加係大部分食店都偷工減料既情況底下，呢幾個年輕人真係好有heart!希望佢地頂得住香港地既恐怖租金～可以繼續做落去～等我地醫肚可以多個地方～…Read More

放假同媽媽去南丫島放鬆下～行左幾間餐廳媽咪都唔岩心水，見到呢間有景睇就立即入去～先講野食~食得出心機~蛋好滑，而且分量好大，大，可能有3隻蛋，薯餅亦夠熱夠脆～菇菇都炒得好味～不過如果可以多d就好喇～但有3塊好似煙肉又似普通豬肉既就唔多岩我胃口～太乾～班尼迪都好好味～最重要係一樣野，服務好～果日我帶埋狗狗去，佢地立即俾左狗兜裝水俾狗狗飲，見我媽咪出晒汗又默默地開左風扇，太陽晒又會落簾幫我地遮太陽～全部都唔需要客人出聲就會發自內心去做，真係好難得!…Read More

有點名大於實，唔係唔好味，但未至於~去食都係因為一個字，”近”~預祝父親節，同爸爸，媽咪同埋男友去左呢間平時排隊排到傻既試下~其實樣樣都好食，不過平時大排檔都係食呢d,樓下菜餐廳食飯又係食呢d,不過佢係好味既~凍魚皮，呢個出晒事，硬到咬唔陏~招牌炒魚腩，冇咩味，媽咪煮得好食過佢一千倍~招牌炒豬雜，普通，豬肝唔係想像中咁鮮嫩，係粉肝，本人唔中意~不過d蔥好惹味~魚香茄子煲，呢個得!好香唔咸，味道岩岩好!芥末炸蠔，呢個係我最愛，佢d蠔好大隻好新鮮，炸粉唔厚而且隻蠔會爆汁~大大隻乳鴿，好大隻既乳鴿，個汁好味但隻鴿好老~豬油撈飯，um....我記得細個d豬油係白色一舊舊，可能熱左變左油，都香既....總結來講都算好食，不過冇咩鑊氣~…Read More

好味，又近屋企又美味既選擇~因為懶得行遠既關系，而且屋企附近都多野食，所以同屋企人自然中意係番呢區搵食~佢呢個鋪位轉左好多手，呢間叫最好~豬頸肉最好味，好大舊而且好淋~咖哩牛腩，牛腩都冇咩渣~其他都好好味~希望佢長做啦可以~…Read More

我記得我人生第一次食雲南米線就係食呢間~果時都冇依加咁流行食米線，但因為近屋企<銅鑼灣分店>，所以就成日食而愛上左呢種酸香辣~今日放假去左男友度，所以就試下Tuen Mun分店呢間。回憶中的味道，中辣，依舊好味~豬軟骨，好大舊，好入味腩肉，每次必點，因為太太太好味!大腸，好淋好入味~佢d薯粉都煮得岩岩好，煙煙韌韌~…Read More

唔錯~雞夠脆~甜甜的，而且雞肉有汁~唔乾硬~必加芝士~好味~街頭小食來講做得唔錯，即叫即炸~而且好多優惠，買中份既指一指個優惠牌可以變大份~睇落老細好似堅係韓國人~行街口痕必選!起碼唔再係燒買魚蛋雞蛋仔，有新鮮感~下之會試埋佢個炸雞翼，睇見有人買好似唔錯!…Read More

今晚同我男友個爸爸食父親節飯~近近地揀左呢間~原本突然想食蠔，但口多多問下職員d蠔大唔大，佢竟然好誠實咁答我”唔大架，金蠔仔來架咋!”呢個時勢真係好難得遇到咁老實既人，真心俾佢一個讚!至於野食方面，其實都唔錯~係隻雞太乾~魚香茄子，煲仔上，夠熱夠惹味，而且佢個煲有舊野圍住，唔驚辣親手~薑蔥魚雲煲，呢個唔得，太乾，而且魚雲太細~燒雞，呢個真係唔知講咩好，咁大個女未食過咁柴既雞......蒸沙巴龍躉，雖然係養魚，但$98蚊而且蒸得岩岩好，唔錯~爆蒸蒸元貝，呢個超超級好味!粉絲唔係用龍口，係用一隻煙煙韌韌既粉絲，勁好食，而且元貝超大隻!總結來講算唔錯，價錢平而且都好食~…Read More

我自己住天后，男友住tuen mun~平時係港島飲茶行2步就係，但去我男友度就下下都要搭車出市中心~想懶都唔得~不過自從發現呢間又平又好食既茶樓~想懶就可以懶了~樣樣都唔錯~蝦餃真係冇得彈~!~!$9.8,啖啖蝦牛肉球好彈牙~而且食到陳皮香~蒸飯d飯係一粒粒，料都算多~豬肚燒買，豬肚淋，肉新鮮~!小籠包，正常味，價錢超值~牛柏葉~呢個好正好多蔥同芹菜~蝦餃都有2籠，食左咁多，總共9碟野，埋單$144~平到恐怖~最緊要係好食!…Read More

呢間已經唔知食左幾多次，但真係水準穩定而且價錢平又好食~水煮魚，應該係大魚，但真係好滑好滑~好入味!個底d大白菜同大豆芽超正!大腸同蒜泥白肉都好好食~今次唔嗌小菜，試左佢個豬肘炸醬米線~一試便愛上~豬肘d既骨膠原令我一食完就覺得皮膚靚左好值得推介既小店!…Read More

遲來的食評~mother's day果日，媽咪中意食辣野，近近地，見屋企附近開左間新野就去試下啦~睇個價錢應該唔會差得去邊，點知中伏了~第一個伏，冇叫既送左來，叫左既唔來~媽咪話算啦~新開係亂d~好~照食~😂😂😂頭盤，好咸，但係都香既~幾有深圳食既風味~蒜泥白肉~唔知係咩肉，黑黑地，好硬，我咁大個女未食過咁古怪既野，重點，超咸!豬手~得d碎骨收我百二蚊，重點係，更咸。水煮魚正常，但加埋冇10舊.....會唔會少左d~回鍋肉~我無言了，咸到有d苦。反而担担面同大腸面叫吞得落肚，唔好食，但唔咸~最後講服務，完全冇人會理你，個2個侍應好似發晒夢咁，叫個野飲，人地幾台都來晒，我地都仲未有，差唔多埋單吹多次先來，仲要係唔記得加糖既凍0茶😂😂😂😂😂😂可能當日佢地掛住招呼自己台朋友，忽略左我地呢d客人~唔緊要，但d野咁難食我都就真係幫唔到佢了~…Read More