祖記小寶's Profile

雖然好貴但我偶然諗起都會黎食下, 少少肉赤但真係食到lam lam 脷!!聽講以前無咁貴到咁誇張, 可能租金加左掛, 而家要成七十幾一個咖哩豬扒飯.不過價錢咁貴依然係好多人, 12點左右去到開始坐滿, 坐低再望下門口仲要排隊tim!黎到幾乎個個都叫個幾樣, 哈哈!服務方面個個都好醒目快手, 每個員工都會互相補位, 有默契, 快快手夠爽利唔會浪費客人時間, 輪台都多D~唔使等太耐.另外黎到呢到都會豪少少加錢要埋野飲, 因為配咖哩豬扒係絕配架!!杯檸茶好飲, 可樂係樽裝架! 特別好味!!佢地牛河同豬扒係最出名, 我最愛咖哩豬扒飯!豬扒炸得正, 又香口又脆, 保持到肉汁之餘仲熱辣辣!  最重要係份量超多, 食到你唔食, 爽!!!個汁辣得黎好香椰香, 分開碗上食幾多撈幾多唔會浸林D飯!, 加埋一舊大薯仔過下口癮真係好鬼邪惡, 就算貴到咁都會忍唔住隔一排又黎!!…Read More

一路聽過呢間車仔面個名, 但無機會去元朗一試, 開到黎TST 梗係要食下預左要等位但無諗過咁亂咁迫: 門口出面已經開始排, 係排Order+俾錢, 俾完錢如果兩個人食要分頭行事, 一個去周圍等位, 好似food court 咁, 店面周圍係有店員(好young 個D妹妹仔, 抹台都唔太識, 尷尷尬尬個種), 但佢地唔會幫到你任何野, 唔會安排座位唔會疏導人流, 只會負責有人食完抺一抺張台, 同時場地係好好好迫, 你等位又好, 坐低食野又好都會不停俾人撞背脊, 膊頭, 好辛苦, 店員都只可以縮係一角企講番排隊, 一個係度等位另一個去等拎面, 又唔知點解去得好慢...可能太多人或者煮得太慢, 總之俾左錢起碼再等10-15分鐘先有得食.萬一你拎左野食而又未有位, 真係唯有捧住盤面周圍俾人撞....食物方面, 其實都幾好, 個辣汁真係超辣, 豬腸夠香夠肥, 乾淨, 豬紅好味, 陳皮魚蛋夠實在唔會好浮 ,雞翼入味~面底夠彈 , 湯有少少過咸.…Read More

呢間小店開係咁隱蔽既地方，附近得Ｄ住廈，以為佢做街坊生意，上司成日話要黎食一碗麵，咁岩係附近做野就同佢黎食la 。以為係食一碗麵，原來真係叫[一碗麵]哈哈哈一望餐牌，個價錢同店入面個格局完全南轅北轍，格局以為係親民小店，價錢就係半島餐廳。份量就好大碗，面同料都好多，男人都未必食得哂，成個拉面碗咁大，湯底都好清，無咩味精，好夠熱，食到尾仲熱死人...其他小食都幾好味，可以一試。但真心唔明白點解咁貴....…Read More

朋友係附近放工，一於係附近搵野食，行到入黎棉登徑開左好多新餐廳，望落去都幾吸引。呢間門面幾高級，同埋可能近附近酒店，所以有幾台外國遊客。望望餐牌都幾吸引，決定食燒春雞釀蘑菇意大利飯同埋香煎吞拿魚扒配薄荷醬見呢度酒櫃好多酒, 請侍應幫我地選左支白酒, 幾好入口, 兩個人最後差不多飲哂。一直以為吞拿魚扒熟左會好鞋口，好在今次大膽試下，原來幾好食，唔乾幾有咬口，配埋個醬甜甜地幾開胃。烤春雞一路都好期待，黎到見到個皮焗得好靚，唔燶又有光澤，切開一睇，仲係濕潤而且超熱，證明岩岩出爐！入面釀左意大利飯，加埋伴碟隻蛋，色彩上好豐富可愛。焗既技巧剛剛好，保留肉汁之餘個皮仲好脆，配埋Ｄ飯其實都幾飽。甜品都有水準，雪糕應該係自家制，好香濃，擺盤都有心思，唔係用個碟仔俾你就算。總結：好耐無食過fine dining, 好開心用呢個價錢食到，環境舒服，服務好，真係加分不少。…Read More

某日放工經過先知原來開左呢間店，岩岩上個月係上海返黎有D掛住生京煎包，見佢即煎就買黎試下。店內無坐位，係立食，地方算光猛乾淨。主打生煎，九成都係生煎包為主，有幾款係湯，湯面得一款。暫時生煎得三款，唔知遲Ｄ會唔會有新味道呢？想配杯豆漿都無，差少少完整度咁。對於我呢Ｄ大食之人，齋食生煎係唔夠架，起碼要加個豬扒面la~哈哈味道幾好，夠哂熱，唯一不足係除左生煎包無咩主食，難以當正餐，吸引唔到lunch 客源，驚佢維持唔到。其實上海仲有好多美食，　不如加埋湯面等等…Read More

同幾個朋友係銅鑼灣行完街, 係附近想食平靚正放題, 決定食呢間, 近近地係Sogo後面既食廈。入到黎裝修都幾有氣氛，好醒目，可惜門面好窄。食物方面都好多種類，要食幾轉先試哂。仲有原創菜式，幾有心思。餐牌好多有圖，夠哂清楚，吸引。加$18仲有清酒任飲，岩哂愛飲之人。放題分秒必爭所以上菜快絕對係一個優點！而且無咩漏單情況，要俾個讚！天婦羅夠熱辣辣！唔會炸漿過大。手卷唔會太大個想塞飽你個種，細細個幾正。海膽質素都幾好。$178 抵！！有機會會再來試真Ｄ！…Read More

跟友人來到這家深水步的餐廳, 未到前一直懷疑自己走錯路, 因為沿路都不似有西餐的地方, 而附近也不旺, 最矚目莫過於前面的火鍋大招牌!過了火鍋店不久就見到這家店別具一格的出現眼前店內裝潢是工業風配搭著電視上的韓系MTV, 不過奇怪是場內播的卻是外國歌曲, 可能是版權問題吧最令我驚喜是西式餐廳的side dish 有蘿白糕!! 而且味道很不錯,份量很大, 粗條吃得很滿足, 來到更是燙口的! 由於看價錢十分相宜(只是$18 oh my god), 不知道食物如此足料, 我叫了兩份side dish , 一份是蘿白糕(滿足好奇心), 另一份是薯條, 殊不知兩樣都很大份, 而且很可口, 差點便把我的胃塞爆無法食當日主角!值得一讚全部食物都是現做的, 燙口得很!慢煮羊膝外層裹上香料, 帶輕微焦香, 輕輕用叉一撥便看到內層粉紅粉紅的肉, 很嫩而有油脂肉汁光澤, 這麼大,厚肉的羊膝控制熟成度有難度, 這裡做得很好。以價錢$98來說是超高CP值吧!另一樣主菜是慢煮安格斯，份量也很足，厚薄適中，熟成度也是剛好，表面微焦，內裡帶點粉紅，旁邊少少我最愛的脂肪邊，很香。因名字吸引而點了的粟米花，原來是燒粟米包裝成一枝花，很可愛，表面塗滿芝士入面很甜，剛好中和一下飽膩感。號外！一大亮點是他家有很多特別口味的水工啤酒，試了拖肥蘋果，很甜像果汁汽水，十分適合不懂酒的我！…Read More

每次去銅鑼灣都會想食, 又平又好味又算乾淨, 全CWB都無得幾可有, 附近都陸續有開新既燒味, 粉面, 但我成日形住係俾遊客食的, 驚食左$80碗叉燒飯所以唔敢入去.呢間學生時期就食開, 味道態度都係咁上下無變, 哈哈鐘意食佢牛肺, 好入味! 大腸乾淨又肥美, 仲有豬紅又係招牌, 不過成日賣哂, 有得叫一定叫!今次同老公黎食, 就可以叫份魷魚, 真係好正, 又爽又入味仲好惹味!!個味調得好過癮!次次黎食都會飲清佢個湯架~~仲有D 菜底又係精粹, 又夠多又嫩!唔係是但俾你…Read More

朋友聚會都就我食任食火鍋, 因為知我最鐘意食任食, 咩都可以試下 XDXD 初頭以為青衣好遠, 我仲一放工就趕去搭MTR, 點知原來轉下車好快就到, 出左MTR沿住屋村行十分鐘度就到. $318一位, 海鮮按人頭配好, 其他肉類配料全部任食! 好抵ar~~飲品都算多種類, 我D frd 最鐘意係任食既時候試D未飲過既飲品, 中伏都唔會蝕XD, 我自己就通常飲茶或水, 唔會俾D汽水降低我既戰鬥力ar ma~ wahaha 有冇人同我一樣,食任食打邊爐其中一件期待既事就係: 混醬XD, 呢度基本既醬都有齊, 但食完我發覺我,碟醬無咩用過, 因為D 海鮮好新鮮, 本身已經好好味, 唔需要再點醬 開爐第一件事係放D米,  新鮮淮山同瑤柱落去, 咁陣間一路煮蒸海鮮,肉既同時D 精華就會落哂D粥度, 最尾煲粥就…和味lor !! 姬崧茸燉螺肉等食物前先飲個餐包既燉湯, 好新奇打邊爐會包燉湯, 個湯仲要好足料!! 夠味到不得了,  而且唔係細細盅, 係真係成盅俾你, 出面飲起碼$100幾十.脆皮乳鴿 前菜係每人半邊乳鴿, 好正, 食到骨都啜埋, 夠味之餘肉嫩滑, 火候岩岩好啊好! 重點既海鮮而家開始逐碟黎啦~~首先係貝殼盛盤, 入面有三種不同既貝類, 好細心, 可以食到唔同種類既層次同味道, 有用心唔係是但俾一種塞俾你交貨充量就算。隻隻都好甜多汁，我連汁都飲埋唔放過XD 北韓鮮鮑魚鮑魚好鮮好彈牙又帶鮮甜，完全唔會提起要點醬。洗得好乾淨，特別地配上蟲草花更顯身價，又豐富口感，每隻鮑魚上面都有一小片薑，去腥，又有細心位。今日重中之重！！半隻厚肉龍蝦！！嘩，黎到大家都嘩一聲，畫面好震撼，滿滿塞爆成個爐，蒸熟後更加明顯係好厚肉！抱著珍惜既心情一啖咬落去，哇，鮮味到暈，而且一啖食唔哂，好滿足，配埋蒜香美味到呢，而家諗番都流口水。北韓大元貝 + 象拔蚌我最鐘意既做法，加粉絲蒜蓉一齊蒸，又係鮮甜到不得了，象拔蚌夠爽口，元貝新鮮，食完再清埋Ｄ索哂精華既粉絲，我好幸福arrrrr 再黎係串串海蝦！！都幾大隻，食之前仲好生猛, 打開仲有好多蝦膏，又鮮又甘香，正～ 食海鮮都食左咁多，真係好滿足，但係仲未完！ 食肉獸要注意，牛肉只有和牛片及和牛粒兩款，　開頭有少少以為唔夠喉，點知兩款又好鬼正，好香牛肉油脂香, 佢又蒸到岩岩-8成，夠哂Juicy !! 衰鬼 蟲草花清遠雞好滑好入味，令人想配白飯XD，用荷葉墊底蒸出淡淡荷香。 連Ｄ丸都係手打，無咁多粉漿，感覺實在D, 其中一個係蝦膠釀冬菇，蝦配埋冬菇爽既口感好清爽唔會膩。估唔到連粟米都咁出色，　由頭好到落尾，　粟米清甜, 剛好可以解下頭先食咁多同海鮮既飽滯感，釋放最後既肚皮空間 XDXD 喂～～好過份lor , 馬拉糕都玩埋，　仲要好食，唔知講咩好。 點解寫足咁多樣，其實打到手軟，真係每款都好好味，由燉湯>乳鴿＞海鮮＞牛肉＞粟米＞馬拉糕都咁好食，所以真係要share俾大家知!…Read More

好耐無食拉麵, 黎左一風堂, 等左十五分鐘就有台, 好好彩.安排我地坐橫台, D椅好大張, 每人佔既空間都好多, 唔會有迫埋迫埋, 同其他人痴到實既感覺.BB椅係木製, 有坐墊的, 感覺好舒適, 而且好新,好乾淨叫左野食之後好快就拎左兒童餐具俾我地, 好貼心而且好乾淨又可愛, 本來自備既餐具都無拎出黎.叫左黑咖哩拉麵怕我地食面會彈污糟D 衫, 細心準備俾即棄圍肩俾我地, 真係好窩心…叫左一碗豚肉[博多飯]俾小朋友, 份量其實唔細, 一個細食女仔都夠飽, 飯上面仲擠左少少沙律醬, 更加開胃, 我無試過, 不過我估D豬肉唔鞋而且好好味, 因為我個女一啖接一啖好快自動清哂! 一粒都無剩.我地大人食左新推既[王者黑咖哩拉麵]  $78 同橫浜家系豚肉拉麵 $78黑咖哩拉麵 個湯底好濃好香帶少少墨魚汁,  又唔會杰得濟, 配上偏硬既面身好好味, 而且面唔會太粗, 可以依附更多湯汁, 加埋隻溫泉蛋,更完美, 而塊叉燒稍微有點過肥.橫浜家系豚肉拉麵湯底好好好濃, 店員特意提醒我地如果認為太濃可以加D醋中和, 我地無加, 濃味也不錯, 而呢款面另一特點係有全隻溫泉蛋架! 哈哈唯一個迷你餃子有D 怪, 個皮表面完全無水份無油脂的, 但咬落入面係熱的, 而上面D蔥同樣係乾乾又無香味的, 唔知點解呢, 不過味道就深得我個女心, 佢一人食左三隻, 大小剛剛岩哂佢 ;)總括黎講服務好好, 好到不得了, 每個店員都笑容可掬, 友善, 感覺係用心, 而家手腳好快, 又醒目, 而家好似好少一間店有咁好既店員, 好多快但黑面, 笑容夠但好…笨豬, 同時又醒又好人又快手, 仲要全店唔止一個, 好難得! …Read More

跟好友聚會好開心,又帶我食正野~今次間西餐廳, 格調有設計感, 周邊座椅都是精心購買的, 幾特別.餐牌好多選擇, 而且好多菜式,配搭都係獨有的, 幾吸引叫左個好吸晴既小食拼盤, 小食內容其實無咩特別, 都係一D 炸物, 但容器用左個麼天輪, 賣相就即時加分不少, 可惜, 現場燈光好暗, 咁特別既造型影出黎完全反映唔到事實…可惜前菜1: 蟹肉牛油果鮮茄生菜: $108呢款好吸引ar, 因為有鐘意食既蟹肉同牛油果, 果然兩樣加埋, 再配上蕃茄同生菜, 感覺好清新又有少少滑溜感(牛油果), 食左真係好開胃!前菜2:　西班牙風乾火腿茄多士 $98呢個好惹味!!有火腿既咸香，加上蕃茄酸甜，配上多士既香脆，忌唔住想食多幾舊！不過要留肚水牛芝士薄餅$168如果愛芝朋友一定要試, 超多超多芝士, 直程係塊餅拎起手會被芝士墜番落黎咁多, 好香濃好正, 啖啖芝士好滿足!主菜：香燒豬仔骨 $168一刀落去就知…我今餐夠飽la~~hahaha, 因為佢好厚肉! 肉唔會過老, 個汁夠哂濃味, 不過有少少不足係個醬既味唔夠入到肉本身, 所以有少少食肉點醬既感覺.食完呢個已經好飽~ 但我地仲有個好期待既主食蟹肉龍蝦汁墨魚面$188蟹肉好多, 好足料, 而且好大舊, 食得好滿足, 加埋香濃到不得了既龍蝦汁, 已經可以俾我撈幾碗飯!點解~~不知不覺我地叫左咁多野?? 好在都食得哂~~四個女子食咁多野~好可怕~~哈哈哈…Read More

以前家人每年都會續會,一家人聚會都在附近都在意粉屋,食物種類多,又常有新款,會員餐價錢又吸引,可惜隨著會費越來越貴,送的coupon價值越來越縮水,上兩年開始都沒有續會了。今日工作經過意粉屋，決定入去試試，最近都沒有好好食過西餐。發生了小時插曲，本來點了墨汁厚豬扒焗飯，下單後等了約十分鐘，侍應才跟我說這個餐售完，讓我再選，心裡有點納悶，因為我很餓，現在又要再點再等。面包是熱, 湯的味道也很好,不過只有蕃茄醬味, 有清甜蔬果甜, 而入面也有好多不同蔬菜, 不馬虎最後選了牛扒意粉，熱辣辣的食品吃下已經很高興，黑椒汁用彩椒和菇混煮己成，少少刺激，味濃而不過咸。牛扒當時是薄的，但也有好幾塊，份量不少，汁的份量剛剛好可以夠撈均整個意粉。檸檬茶夠大杯, 不會太淡, 非常夠凍!食完再把檸檬茶清光，好滿足！以前去到意粉屋服務生都很醒目快手，今天看到的，除了穿西裝的領班態度殷勤外，其他資深的，年輕的都感覺呆呆，心情不佳，現在要請人太難了，大家將就吧～餐具都是隨心放的..'…Read More

午餐間唔時諗到食咩就會黎呢度食個快餐，十五分鐘搞掂之後可以周圍行下充分利用lunchtime。今晚OT又黎呢度拿拿臨食飽歸家單併$20，　雙併都係$25, 我叫牛丸併牛肚，牛丸有成四粒，以$25價錢黎講係好抵！牛丸唔太實, 幾彈, 唔錯, 牛肚都入味架 如果唔夠飽可以加底，佢地既加底係俾多一碗面你，好震撼，有一次唔知叫左加底，留左大半碗做下午茶。另外佢地既辣椒油真係好辣~唔係得樣, 建議大家唔好一下落成匙, 落少少試下先.環境算衛生, 地下無濕立立, 桌面都好乾淨, 餐具都係乾爽既, 所以都好多OL 黎食。…Read More

第二次黎食, 上次帶我黎食既朋友已經[提醒]我, 如果一人叫一個main course 會超飽, 果然上次飽到行唔郁咁濟, 今次我地四人share 兩個main course, 份量就岩岩好!$108 有Semi buffet +餐湯+ 餐茶 +甜品$118-$158 就另外多份主菜, 即係最平加$10就有一份主菜, 咁諗可以話超抵!Semi buffet食物種類好平均, 有冷盤, 沙律菜, 熱食, 面包和水果。最驚喜係居然有燒豬肋骨和炸雞塊, 岩哂我呢d食肉獸~哈哈而面包外表［硬朗］咬落原來好鬆軟。肋骨味道唔錯, 夠濃味而且好好肉地, 細食既人唔好拎太多,否則好快就飽了~炸雞都幾好, 炸漿有少少厚但肉唔乾而且温度夠熱~炸雞一定要夠熱先正!兩次Main Course 都有叫牛扒, 水準依然保持到, 夠Juicy唔會過熟, 好嫩滑, 好濃牛肉香~今次試埋黑松露煎(烤?)春雞, 愛吃雞的朋友讚話無雪藏味, 我就無咩特別感覺~只聞到好香黑松露~甜品是自家製的火龍果香蕉Oreo 雪芭, 朋友愛食而我就唔太鐘意食火龍果而放棄了, 專心飲我個杯大咖啡~真係好大杯~~哈哈總括黎講雖然係Semi Buffet型式, 但由自助食物，到主菜到甜品到用心烹調，唔會話個甜品係送既就是但俾杯Jelly你，好多餐廳都係咁，有時我會諗不如唔好送，更環保，好過我迫住食你又迫住送。埋單醒起有四個人可以free一個餐, 幾抵wo~…Read More

上場決戰伊呂波,　個肚已經九成半飽了,但一場黎到TST,　而VaiTokyo 又在同一街上,還是要辛苦一下肚皮, 滿足一下味蕾印象中這家店都常常滿座, 隨時要排大隊, 心想如果很多人就放棄吧, 竟然剛好有一張大桌離開, 天意啊哈哈看看餐牌,圍繞都是抺茶雪糕配搭不同配料, 看似單調但要決定時都思量半天….決定困難症又發作 =.=最後選了:白玉紅豆抹茶雪糕 $49蕨餅抺茶雪糕$50白玉抹茶牛奶雪糕 $44抹茶真係好香好濃帶少少茶澀, 好正, 白玉煙煙靭靭再吃一口香濃雪糕, 感覺好幸福, 蕨餅煙靭感覺與白玉不同, 帶點清甜, 因為份量不少, 點牛奶和抺茶兩款雪糕會更豐富味蕾初時認為$40-50一份有點貴, 事實雪糕份量好多好多~~~如果,如果回到未嫁時,和知己在這裡吃著雪糕傾心事,講八掛, 和男友品嚐甜蜜眼冒心心, 真是一件簡單幸福事.…Read More