聽講以前無咁貴到咁誇張, 可能租金加左掛, 而家要成七十幾一個咖哩豬扒飯.
不過價錢咁貴依然係好多人, 12點左右去到開始坐滿, 坐低再望下門口仲要排隊tim!
黎到幾乎個個都叫個幾樣, 哈哈!
服務方面個個都好醒目快手, 每個員工都會互相補位, 有默契, 快快手夠爽利唔會浪費客人時間, 輪台都多D~唔使等太耐.
另外黎到呢到都會豪少少加錢要埋野飲, 因為配咖哩豬扒係絕配架!!
杯檸茶好飲, 可樂係樽裝架! 特別好味!!
佢地牛河同豬扒係最出名, 我最愛咖哩豬扒飯!
豬扒炸得正, 又香口又脆, 保持到肉汁之餘仲熱辣辣! 最重要係份量超多, 食到你唔食, 爽!!!
個汁辣得黎好香椰香, 分開碗上食幾多撈幾多唔會浸林D飯!, 加埋一舊大薯仔過下口癮真係好鬼邪惡, 就算貴到咁都會忍唔住隔一排又黎!!
