cmangel922's Profile

差唔多一個月就會去Tonkichi 食一次炸蝦炸豬柳，所以一定會買佢啲現金卷，之後就可以大約83折嘅價錢埋單。今次因為買卷送$400現金卷試食日本空運到港食材嘅特別餐牌，所以一行4人就約好一齊去試。前菜有沙律，魚仔合桃（甜甜地），鮟康魚肝，剌身。第一次食鮟康魚肝，有啲擔心會腥，不過原來幾鮮甜。剌身帶子勁鮮甜、Toro入口即化，一試就知係靚野。令和生蠔，散叫要百幾蚊隻，大大隻，鮮甜飽滿，一試難忘。壽司八件，件件都好新鮮，最正係隻牡丹蝦連蝦頭都炸到好脆，可以食埋。最後個吞拿魚牛油果飯，酸酸甜甜，我食好鍾意，成杯食晒，同行友人就不太喜歡，只食了吞拿魚，口味嘅嘢，人人唔同。不過overall我哋4個人都食得開心滿足。雖然餐廳人手不足，由頭到尾得一位戴眼鏡嘅哥哥滿場飛，不過值得一讚，雖然佢好忙，但佢仍然笑容滿面有禮貌，服務亦殷勤到位👍。…Read More

以前去K11 Musea，除咗買牛角包之外，一定會去呢度買番個麵包，比起其他麵包舖，價錢係有啲貴，但只要試過一次之後，真係返唔到轉頭。最近發現佢哋竟然响我公司附近開分店，仲要有優惠，梗係唔可以錯過。推介藍莓忌廉芝士包（$71），麵包好軟身，但又唔會一陣風咁，裡面嘅blueberry cream cheese 好好味，坦白講，一袋麵包，我一個人要食三至四日先食完，唔使$20有個早餐，真心覺得好抵。如果自問比較大食就推介你買栗子忌廉芝士麵包，更加足料。佢今日仲有買二送一優惠，同埋同事㚒份買，每人$50唔使，抵到爛。…Read More

作為一個資深嘅‘無飯’主婦，每晚放工後都要四出覓食。近期最愛正是家附近的抵食日本餐廳牛助。有高級OMAKASE、性價比高shabu shabu,現在晚餐時段加推抵食定食。呢個泡飯係超值推介，某高級日本餐廳賣三百幾四百蚊，呢度$88。大廚是來自高級日本餐廳，老闆娘話收得咁平係真心想將美食與人分享，不計成本。最正係個魚湯，鮮甜味美。成個飯用燒熱石煱上，上枱後才倒入魚湯，香噴噴，色香味俱全。呢個牛肉鳥冬係我主動要求加錢轉特級牛小排，多謝老闆娘夠flexible ，以客為先。牛小排好嫩滑，老公至愛。溫泉蛋特级牛小排飯$108，呢個都係我要求upgrade 牛肉，餐牌冇架。如果喜歡食牛肉嘅朋友，我相信會同我一樣希望食靚牛，記得加錢upgrade要牛小排。老闆娘仲介紹咗我地試食菠蘿雪芭，由於太好食，完全唔記得比相機食先，下次再食一定會影番張靚相。又抵食、又好食、老闆娘又人靚心靚，我一定會當佢係飯堂，試晒佢D好嘢。…Read More

最怕情人節去食西餐，食物普通但收費驚人，便提議到屋企附近牛助食shabu shabu 。但老公又嫌普通，於是早兩日訂位果陣問人地情人節有冇啲特別安排，仲拋低句錢唔係問題。估唔到佢地咁認真，幫我諗曬成個餐，出事了。胡麻無花果沙律-味道清甜吞拿魚腩刺身 - 鵝肝多士 - 煎得面脆內軟海膽醬燒毛蟹 - 之前擔心海膽醬會搶咗蟹D鮮味，但原來好夾，好好味。鐡板和牛波士頓龍蝦湯 - 一見到時內心一沉，忌廉湯咋喎，原來裏面有半隻龍蝦肉，雖然同平時飲開嘅龍蝦湯唔同（老公話日式同平時西式唔需要一樣），個湯都幾好飲，最正係D龍蝦肉，爽甜北海道壽司 心形啫喱 - 係特別為我們做的總括而言，這晚無論食物質素及服務態度，都是一流水準。價錢盛惠二千（包加一），我就覺得好抵，出面食OMAKASE要食到呢D食材，仲要情人節，邊度有？最欣賞他們用心制作，願意因應客人需要而作配合，支持小店，支持有心食店。…Read More

已經第四次幫襯，發覺無論環境、食物種類及品質，以至訂位安排及服務質素，只能說句，沒有最好，只有更好，每一次都更進一步，有驚喜！刺身倂盆共有五款剌身，不是平價貨，有帶子及蝦，簡直鮮甜無比。侍應還推介$198象拔蚌剌身，咩話，$198？我冇聽錯嘛，抵到咁？冇理由唔試㗎，試過超，應該响街市都買唔到！每人有一隻鮑魚及蒸？蚌，唔太淸楚果隻係乜，總之好味！雞煲一如往常，加埋土魷，牛柏葉及豬皮，簡直黃金組合。我們一行七人，食咗兩個雞煲，無數次添加土魷等，坦白講，已經七成飽。終於火鍋出場，一大碟手切肥牛，仲要係雪花果隻，平時去打邊爐，散叫呢碟牛相信都要五、六百蚊，而家係全包宴，抵到無朋友。海鮮拼盆除蟶子及帶子外，全可再添，個人喜歡鱔片及大蜆。任食食品還有丸類、餃類、墨魚滑、蔬菜籃、魚皮及響鈴等。三百幾蚊任你飲，任你食，仲由你坐足一晩，去邊度搵呀！不過要提一提，真的要預早訂位，否則想食都冇得食。是晚十分盡興，特別要多謝經理及有位姐姐仔，唔嫌我地煩多要求，服務超貼心！…Read More