Gyusuke

作為一個資深嘅‘無飯’主婦，每晚放工後都要四出覓食。

近期最愛正是家附近的抵食日本餐廳牛助。有高級OMAKASE、性價比高shabu shabu,現在晚餐時段加推抵食定食。

海胆蝶魚泡飯

$88

呢個泡飯係超值推介，某高級日本餐廳賣三百幾四百蚊，呢度$88。大廚是來自高級日本餐廳，老闆娘話收得咁平係真心想將美食與人分享，不計成本。最正係個魚湯，鮮甜味美。成個飯用燒熱石煱上，上枱後才倒入魚湯，香噴噴，色香味俱全。

牛小排鳥冬

呢個牛肉鳥冬係我主動要求加錢轉特級牛小排，多謝老闆娘夠flexible ，以客為先。
牛小排好嫩滑，老公至愛。

溫泉蛋牛小排飯

$108

溫泉蛋特级牛小排飯$108，呢個都係我要求upgrade 牛肉，餐牌冇架。如果喜歡食牛肉嘅朋友，我相信會同我一樣希望食靚牛，記得加錢upgrade要牛小排。

老闆娘仲介紹咗我地試食菠蘿雪芭，由於太好食，完全唔記得比相機食先，下次再食一定會影番張靚相。

又抵食、又好食、老闆娘又人靚心靚，我一定會當佢係飯堂，試晒佢D好嘢。