Ydolemelo's Profile

牛柳丼飯，飯淋到似食糊仔 ，牛柳well done 加無味。要九十蚊，連三十蚊都覺得唔抵事後諗返星期日午餐時間，入面都唔使等位，隔離啲舖頭就排曬長龍就知道出事估唔到間餐廳喺度咁多年但係都係咁嘅水準，完全唔明白點解仲可以生存到。。。。。。。。。。。。難食到最後尾都食唔曬，寧願再去第二間餐廳再買。餐廳的確係比較乾淨。之後真係好肚餓唔想排隊嘅時候入願意比高出幾倍價錢嘅選擇。但係我應該唔會有第二次。希望餐廳可以轉另一間餐廳有更好嘅選擇。…Read More

見到岩岩開門就好多人食緊，滿心歡喜嗌個藥膳雞米，米線一黎到，黃酒味好勁，好似好正，望真啲上面啲雞係雞扒，唔係切雞！！！真係聞所未聞！！！仲要溶雪溶得好差，好大陣雪味，腥到爆，最後食曬啲米線，無食啲雞，真係好難食。。。。。。。分座位都係香港飲食業通病，好多張枱無人都叫你搭枱，都理解既。。但埋單出到去發現原來佢仲有另一個鋪位有超多吉枱，咁都逼人搭枱，接受唔到😭😭可能佢其他野會好食啲，但絕對唔會有下次。…Read More

千里迢迢黎到西貢，都係想嘆下休閒下，食個靚早餐，但呢間早餐真係好伏😭😭$68，我期望會食得飽，但個份量對女仔黎講都太細，漢堡排薄薄一片、口感怪怪 (唔係同雪藏比、同新鮮既比)，又勁孤寒菜都唔俾多條😭，多士唔知喺個爐到有無十秒，只有雙蛋同咖啡稍為正常可以接受。同埋我個碟同遲我十分鐘入黎既客人同一時間上，等左好耐，應該係想等埋一齊整。我食完要出去買多個菠蘿包頂肚，真係好失望同好sad😭😭😭 一定一定唔會再幫襯。。…Read More

星期日朝早8點45去到，我得一個人唔洗排隊，即刻就安排左去樓上，但見到九點到出面就開始要排隊。本身以為係間靜靜地既cafe，仲拎左書去睇，但唔知係樓底高定點，其實嘈過大排檔！有期望既就要留意下。堂食都可以嗌包，但就無menu，如果未食過就可以去take away到望下先落order，無額外加一。出面既蛋撻，果然好食，酥皮鬆化同厚實拿捏得好好，佢皮面有燒一燒，有少許葡撻既感覺。牛角包冋danish bar其實好似，都係酥皮，對比之下danish bar好食啲，有芝士味，牛角包唔算太鬆化，有啲失望，有少少牛油既腥味。latte正常發揮。…Read More

之前一直都係海南小廚既fans，覺得好抵食又好味，於是星期六19:00到就打去叫外賣，19:20到去到就有得拎今次叫左之前一直有食開既酸菜生魚同蒜泥白肉開個盒有啲嚇親，因為份量細好多好多好多，其實魚既份量差唔多，但配菜少左好多，唔知係咪店家發現其他人食淨好多酸菜之類，所以唔俾咁多算，但我地有啲失望。。。其實個味道係好架，個湯留返黎再煮面食都正，只係反差太大。（圖中有紙巾仔做比較)個汁唔係一般酸味既汁，好惹味，辣度岩岩好，如果腩片可以厚少少就仲好了。…Read More

平日放飯，同同事一行四人十二點鬆啲去到餐廳，當時八成坐滿，唔洗排隊，基本上成餐飯都見唔到出面有人龍。我叫左香茅豬扒湯檬，一黎到就覺得份量有少少細，湯檬個湯正正常常，唔會好油、唔會好重味，夠味而食完後唔會太口渴，但啲檬粉太碎啦，根本夾唔到，要好匙畢黎食。至於個豬扒，有三塊，份量正常，一塊入面有肥有瘦，瘦既部分都幾乾柴，做唔到人地瘦既部分都好腍滑既感覺，味道都足夠，略嫌油左少少。因為個粉份量有啲少，同事俾左啲飯我食，肉碎幾重味，但都幾辣，唔明點解貴咁多。跟餐叫左紅棗桂㘣茶，唔會超甜，只係偏甜，入面真係有紅棗同桂㘣，唔錯。另一位同事既牛尾飯，我無食就唔評論了。…Read More

當日星期五六點幾去到我地係第一枱客，叫左五樣野，水準都幾參差。超惹味，勁好食，唔會辣，牛肉都好夠腍，好食到成個汁打包拎走。應該係我食過最好食既蒜蓉包，質地好軟熟，牛油味好香，淡淡蒜蓉味，十級邪惡，同個咖哩係絕配。正正常常既通菜，可以嗌，但唔會驚豔。唔惹味，花甲唔會腥，但都唔會甜，可以試其他餸。比較油膩，味道偏淡，炒得唔夠散，甚至有一束有少少痴埋一餅，少許失望，可以試其他餸。雖然係咁，憑住佢既咖哩同蒜蓉包，我都會俾好評🤣🤣🤣其實兩個人黎講有少少叫得太多。…Read More

圓方食野出名貴，今日平日午飯就黎試呢間greyhound，中午時間十二點到唔多人，唔洗等位可以直接入。今日同朋友都叫左個satisfying lunch，如果thai express lunch岩食既話好似抵食啲，湯同沙律都唔值$30 。沙律份量適中，菜有少少甜，但我下次會嗌少醬或走醬，係廉價沙律醬味。有個朋友點左冬陰功湯河，幾好食，酸酸地一啲都唔辣，夠熱，但份量比較細，過多兩三個鐘就肚餓要食個杯面。我叫左炒金邊粉，好惹味，應該落左唔少味精，但我都係重口味人士，不過落糖太重手，一食就覺得甜。金邊粉唔會油，雞肉份量適中，但無咩味。如果唔食得辣，千奇唔好掂到啲䉺色粉。朋友食既咖哩，好重奶味，都係重口味惹味，份量好大，女仔可見少飯！…Read More

因為未試過去食貴婦high tea，見到Tony Wong既價錢相對親民，所以同朋友仔一行四人去左試試。Tea set個名雖然叫全日茶點，但只限14:30後供應，我地14:15去到，店員話堂食限時90分鐘，入座起計，但tea set只可14:30後落單，於是我地喺門口等左陣。其實店內坐位唔多，但14:15都幾多空位，但大家陸續入座，店員14:25話俾我地入🥰我地叫左三層既tea set，芒果四重奏同榛子蛋糕。店舖限定每人最低消費$60，而且tea set份量都幾大，可以叫啲單點，唔洗夾硬食。tea set外貌好igable，加埋雲石背景，打卡一流，望落完全唔似平價。食物質素正常，但性價比已經好高。款款都差唔多味，正正常常，落糖輕手少少更好。同行友人好欣賞，但我覺得相當普通，一般榛子味，好感有層次。值得一提既係，茶唔係用茶壺，白咖啡既拉花便係完全失敗，但店員超勤力問杯茶要唔要加熱水，抵讚。另外，店面較細，打卡會幾引人注目，大家要厚臉皮少少🤣呢個質素，呢個價錢，已經好滿意。…Read More

西鐵站行三分鐘就到，唔洗特登行十幾分鐘都幾方便，比起其他村屋美食已經好好多，環境都好清幽，有郊遊感覺，無乜人幾舒服，有室內同室外㨂，宜家天氣涼涼地，坐出面吹下風都好唔錯。焦糖布甸牛奶冰，牛奶味唔濃，有啲稀，唔算特別滑，布甸正常無乜特別。mocha脆脆麻薯窩夫配oreo雪糕，窩夫唔脆，麻薯唔太Q，無咩咖啡味，雪糕正正常常，但好夠大份。總括黎講環境幾好，食物正常，用黎同朋友傾計唔錯，入到天水圍，就係要去下啲空曠既地方。…Read More

麻油雞麵線，見佢寫住請勿駕駛，本身以為好重酒味，其實還好。味道唔重，都幾淡口，但頗油，食落好唔平衡😂 雞都唔係話特別滑，不過不失。麵線同雞分開上，可能驚啲湯浸住麵會爛，都幾細心，至少麵無變到一patpat。湯頭有少少藥材味，唔會太重，新手友好。肉同筯既分量都足夠，都入味，但肉就有少少硬。中意佢個麵條煙煙韌韌，個湯略嫌少少油。大腸，夠味唔肥👍 食完都唔會太有罪惡感，份量大多少少就好。另外有叫冷泡四季春，有啲苦，茶葉落得好重手，搞到個茶既分量唔係好夠喉🤣…Read More

一坐底就有餐前法包食 ，口感外表正常咁硬硬地，但未會硬到咬唔到，入面就軟熟煙韌，但就係凍冰冰既，用紙袋上既好處係食唔曬可以拎走做第二日早餐😂餐廳亦好細心有口罩套，質地厚實，可以重用👍點左一個黑松露意粉，有黑松露味但唔會好濃，成個意粉比較岩唔太重口味既朋友仔，同行友人就覺得味道適中，但我就期待可以鹹多少少吊一吊味。另外口感可能因為係細條麵，唔係好食到手工麵既口感，$180黎講有啲失望。另一失望既意粉，口感一樣唔係好有手工既煙韌感，但有好過黑松露個個少少，下次可能叫啲粗少少既麵，另外無咩墨汁味，魷魚份量亦都得少少，有啲孤寒。奶味夠重，亦都滑身，底既蛋糕咖啡味都岩岩好，唔會好苦，如果整體甜度減多少少就好！整體黎講，好似無港島分店咁出色，環境都幾舒服，唔限時，傾計都幾合適。…Read More