LIOLEUNG's Profile

是日晚餐和女朋友來了這家燒肉，她選了然後我負責食。先來前菜3品紅酒燴蕎頭正好清潔我嘅味蕾。鹽漬蕃茄予人清新嘅感覺。黑松露龍蝦豆腐 個人認為應該係最後一道食嘅前菜，為今日嘅大餐展開序幕。蟹籽蟹肉蓮藕沙律，每一個美味嘅親子沙律。鰻魚和牛他他，將兩大日本嘅鮮味配在一起，微辣惹味。A5宮崎牛三品三角腩，稀有部位，油脂分佈均勻。前腿肉 肉質纖維豐富，有肉味，點返鹽同埋Wasabi食較容易食到有肉味。和尚頭，稀有部位，油香同肉香發揮得淋漓盡致。野菜盛有青椒同洋蔥，絕對係鐵板燒嘅好拍檔。提前訂位送了蟹膏煎帆立貝，配上三文魚子同金箔，十分驚喜。梅子帆立貝刺身，酸酸地嘅梅子同海水清香嘅帆立貝異常匹配。網形牛舌芯配上蒜汁，青椒汁，果味燒汁，同一食材，三種不同的味覺享受。和牛多士，油脂濃郁嘅和牛同香脆多士為食客帶嚟不同的口感。松葉蟹味噌甲羅燒，蟹膏再溝埋新鮮嘅松葉蟹肉，美味嘅程度不用多說。日本黑七味雞頸肉，如果店員沒有說明，我還以為自己在吃雞腿肉呢。大蜆清湯鮮甜味美，清澈見底。A5宮崎牛三品肩口肉彈牙至極，內後腿肉油脂滿溢，壽喜燒油脂同肉嘅比例恰到均勻，好想新鮮日本蛋簡直一流。日式冷麵配上佢嘅最佳拍檔鰹魚汁同芥辣，永遠不會讓人失望。甜品有蜜瓜，芝士蛋糕，烤甘薯，好一頓豐富嘅大餐。全程有人負責燒，坐低只負責食，香港好少地方呢個價錢做到。…Read More

一行人又幾個月無聚，星期五晚黎到Popinjays食餐飯，食返餐意大利餐。因為有人會遲黎，點了Parma ham和一啲麵包食住先。蕃茄橄欖香草包，個包好軟熟，同意大利食到的一樣。朋友點了紅酒，而我則點了杯Jungle Bird。有造型之餘，果味濃郁，入口香甜。海鮮拼盤有：挪威海螯虾、紅蝦、帶子、吞拿魚、生蠔及魚子，好新鮮，食到陣陣海水味！烤八爪魚大大粒好彈牙，加上煙燻薯仔，義大利甜椒，簡簡單單但好味。慢煮牛肋肉自家製闊條麵配芝士黑椒汁的醬汁好濃，沾滿了麵條！蟹肉蟹肉三文魚餛飩的檸檬牛油汁creamy帶微酸，清新又開胃，綠絲蟹肉十分飽滿。烤雞腿配上了西西里的Caponata。其實Caponata由切碎的炸茄子和其他蔬菜組成，用橄欖油、番茄醬、芹菜、橄欖和刺山柑調味，並配以意式酸甜醬醬，食落好開胃，加上雞腿肉嫩，食落有陣陣炭香。原條烤鱸魚配意式青醬，魚已經起骨開邊。望落有啲醜樣，但食落好香魚味，意式青醬食落creamy又有檸檬香，而且成條鱸魚上枱食真係第一次～最後飲下酒食下甜品，嘻嘻哈哈，滿足而歸。…Read More

放工和同事約好去牛之鍋大刷一餐，一早訂好位，所以唔使等太耐。自助區食物好多，主要係蔬菜及飲料。同事選了蟲草花松茸湯底，帶有香香的野生菇菌味道。我則是皮蛋芫荽湯清清地，下火一流。下單的食物黎得好快。美國見島和牛油脂分布均勻，色澤明亮，注意每一片輕灼5秒就好。雪花牛小排，肉味濃郁有咬口，唔使過熟。跟住係估你唔到系列嘅本地騸牯牛，新鮮至極，令人忍唔住一片接一片，食唔停口。火鍋配料除咗牛之外仲有新鮮海鮮，海蝦、蜆、帶子、魚片水魷應有盡有，仲有大大隻鮑魚同埋新鮮生蠔，簡直係挑戰我嘅食量。食咁多嘢就梗係要飲嘢，自家製嘅手打檸檬茶帶有香香嘅檸檬味，絕對係解油去膩之選。話到明係放題，就梗係少不了魚生，當然有三文魚、北寄貝、赤身、帶子，仲有特大虎蝦，唔單止大隻，仲要超新鮮，絕對推介。以為得咁多就完？仲有串燒啊，雞軟骨、帶子、牛脷、豬大腸、豬頸肉、海蝦、鰻魚、鮑魚和菠蘿，新鮮又大串，師傅對火候掌握得好，細細串密密食。咁樣都未夠，仲有估你唔到嘅蒜蓉生蠔，大大隻嘅生蠔任叫任食，到底一個人可以食到幾多嘢？到最後，就梗係要食吓啲甜品㗎啦，仲以為自己去咗甜品舖，竟然有宇治抹茶芭菲，榴槤芭菲，楊枝甘露，雪燕榴槤忘返，芒果綿綿冰，紅豆椰汁凍芋圓，木瓜燉雪耳，軟雪糕窩夫，法式焦糖燉蛋，又係任食，而且質素仲要同甜品舖一樣添，真係有啲選擇困難，唔使諗呀全部都食，最後就快飽到行唔到，要坐左半個鐘先離開。…Read More

今日放工，和朋友相聚一刻，來到了這間新開不久的明道。餐廳設計日式，放有figure公仔。應是老闆的珍藏。剛好老闆當日在場，問了他有什麼推介。牛腸鍋用嘅係九州牛腸，將肥膏剪走煮過再上枱，完全食唔到內臟嘅腥味，福岡牛腸鍋又肥又韌，相反呢度牛腸煙靭有咬口，去除咗肥膏之後一啲都唔肥膩，絕對係上佳之作。湯底係白麵豉調較的湯，配上自家製蒜辣椒調味醬，蒜味甚濃，但係一啲都唔辣。除咗牛腸，仲有日本高野豆腐，索汁一流。食晒啲牛腸之後，千祈唔好嘥咗個湯底，記得要叫山形牛A4西冷加烏冬，油脂均勻，入口即溶，啖啖肉香，令人忍唔住一片接一片。蟹膏龍蝦用上澳洲龍蝦，落咗order冇幾耐，廚師就喺我哋面前嘅魚缸撈龍蝦上嚟，喺我哋面前生劏，剝殼炒熟，再加上海膽醬同蟹膏，廚師精彩嘅表演，嫩滑彈牙嘅龍蝦肉，香氣四溢嘅海膽蟹膏香，令我對呢度菜一試難忘。自家製綠茶奶凍，香濃嘅綠茶配上自家製嘅奶凍，茶香撲鼻，奶凍嫩滑，份量再多點好嗎？日本海鹽雪糕甜味同鹽味恰到好處，絕對唔係坊間海鹽雪糕可比。享受美食嘅時光，總係過得特別快，高質素嘅食物，殷勤嘅服務，仲有熱情嘅老闆，絕對會再嚟呢間餐廳。…Read More

放工和同事黎大角咀食飯，去了越旺美食。點了幾個小菜都不錯。豉椒炒蟶子，新鮮大隻肉又香嫩嘅蟶子，配上豉椒，用高溫炒熟，口感彈牙，美味極了。馬來奶油蝦，大大隻海蝦，用馬來特色奶油醬炒香，個汁好濃厚，可以用黎撈飯食，平時比較少食到呢種味道。越式豬頸肉，半肥瘦豬頸肉，不乾不膩，送酒一流，可惜今天不能飲酒。馬拉盞炒通菜，店家用上了特色的馬拉盞醬來炒熟，菜嫩醬香，好好食。咖喱牛腩配薄餅，軟腍腍嘅牛腩，配上馬來咖喱薯仔，仲有香口薄餅，讓人忍不住一口接一口。喇沙海鮮河，很難想像海鮮比喇沙摻摻還要多，而且每一款海鮮都大隻又新鮮，實在係平靚正之選。珍多冰，椰汁珍多冰色彩繽紛，有椰奶香，又有啫喱咬口。椰汁綠豆冰，紅豆冰就飲得多，少有機會試到椰汁綠豆冰，感覺是幾特別，而且甜度剛好，啱晒追求健康嘅人士。…Read More

放工來到牛之鍋打邊爐，估唔到新推出了鰻魚放題。當然要一試啦。新鮮鰻魚被大廚輕輕炸過，肉質爽滑彈牙，配上秘製醬汁，令人忍唔住一啖接一啖，彷彿置身東京的鰻魚名店，幸好今次是放題，我追加了三碟鰻魚呢。雪花牛小排油脂均勻，不要忘了最佳涮涮時間是5秒哦。澳洲牛肩胛肉眼新鮮肥美。澳洲手切牛肉肉質鮮嫩可口。M5和牛，入口即溶。刺身有多款選擇，當然有我最喜愛的三文魚，大大隻又彈牙的牡丹蝦，甜蝦北寄貝魷魚帶子等都係不能錯過。這家店的火鍋海鮮居然有大大隻的新鮮鮑魚，嫩滑新鮮花膠，連海蝦都有筷子那麼長，真令人驚喜萬分。不得不提這家店的甜品真令我感到意外，大大杯的抹茶巴菲杯和榴槤巴菲杯絕對是坊間甜品店的水準之上，在外面賣$70至$80一杯也是平常，在這裏竟然是放題的餐點，無限量供應。放題竟然有芒果棉花冰，清淡嘅芒果香為豐盛嘅一餐畫上完美嘅句號，想不到這個甜品亦有甜品店的水準，我真攪不清此刻身在放題店定甜品店。這間店無論係肉類，海鮮，定還是甜品都太給力，絕對可以回頭。…Read More

星期六過灣你探同事，見完面正好都到下午茶時間，見到品粵居有下午茶8折，入去食返個點心。金邊品粵蝦餃蝦肉爽口彈牙，皮薄，封口配以金箔做點綴，有外觀亦有內涵。黃金炸蝦餃香脆嘅炸蝦餃，內裏係爽滑彈牙嘅蝦肉，配上少量炸蒜，實在美味。西施蟹肉餃飽滿嘅蟹肉加上蟹籽作點綴，配上金黃色的外皮，實在讓人垂涎欲滴。黑椒金錢肚爽口彈牙嘅金錢肚，配上特製醬汁同鬆軟嘅蘿蔔，太美味了。原隻鮑魚燒賣大大隻的鮑魚放在香口的燒賣上，又怎可以令人錯過。品粤三色腸粉蝦腸，牛肉腸，叉燒腸共冶一爐，款款都係皮薄餡靚，滿足有選擇困難症的我。響鈴鮮蝦腸粉響鈴內裏竟然是由新鮮蝦肉打成的蝦膠，外皮是紅色腸粉，再以蝦子作為點綴，色香味俱全。楊枝甘露新鮮芒果甘柚所打成嘅楊枝甘露，不甜不膩，絕對是糖水的上品。黑金流沙飽熱辣辣嘅流沙包，黑漆漆嘅外皮配上金黃色的流沙奶黃，我唔客氣啦。奶黃兔仔餃奶黃餃配上可愛的兔仔造型，為呢一餐畫上完美的句號。…Read More

明太子玉子燒，熱熱的玉子燒，放上濃濃的明太子醬，為今天的晚飯揭開序幕。串燒配ASAHI更是一絕。免治雞肉棒採用日本德島縣阿波雞，外脆內軟，配以特色醬汁，令人齒頰留香。燒厚切牛舌煙靭可口，令人忍不住一串再一串。醬油燒白鱔皮脆肉嫩，爽滑彈牙，與人驚喜。狐狸炒野菌，新鮮嘅野菌配上甜甜的醬油，令我呢個蘑菇愛好者一啖接一啖。燒蘋果玉桂豬腩卷，濃濃的玉桂味，清香的蘋果，加上豬腩肉，簡直是絕配。燒煙肉蕃茄卷，微燻的煙肉，再加上新鮮的蕃茄，實在太好味。燒野菜豬腩卷，豬腩片包裹着新鮮的青菜，一點油膩的感覺都沒有。醬燒年糕豬腩卷，豬腩片包住煙靭嘅年糕，再加上特色醬油，有咬口。蒜蓉牛油燒虎蝦，用上新鮮大虎蝦，蝦肉爽滑彈牙，令人回味無窮。為今餐畫上完美的句號。…Read More

係英國返嚟冇幾耐，想去食Fish and Chips，同時又想食中式嘢，點算好呢？今日就去咗一間有英國特色嘅中餐館。聽講呢間餐館嘅Cocktail好有特色，夥計先嚟一杯普洱!!係Pu-Er old fashioned, 普洱茶配上波本酒，再加上特色威士忌，中西合璧。朋友點的是Suzie Wong, 除咗荔枝酒，還有陣陣嘅Rose 酒香呢。我們先點了香酥鴨跟薄餅，酥脆嘅烤鴨放上熱辣辣嘅薄餅，再佐以京蔥及傳統烤鴨醬汁，美味極了，讓人忍不住一件接上一件。接着是蝦多士配上酸辣醬，整件蝦多士都是蝦膠，多士的上面嘅是一隻鮮蝦，香脆可口，絕不嬉場，塗上酸辣醬味道更佳，可惜的是每人只有兩件，不緊要，接下來的更精彩呢。跟着是這間餐廳的首本名菜，也是今天我們來這裏的目標，招牌炸魚薯條跟咖喱汁，炸魚用上新鮮的鯖衣魚柳，配上獨特的粉漿，一點都不油膩，絕對是皮薄餡靚，此炸魚絕非一般的炸魚薯條店可比。炸魚薯條當然少不了粗大嘅薯條，配上有香港特色嘅咖喱汁，以及鮮檸他他汁，一是港式，一時西式，已經忘記此刻我在英國還是在香港。再來的是炒雜碎，簡單啲講就係炒雜菜，但係點解叫炒雜碎呢？Tommy 同我哋講係英國嘅中餐館炒雜碎就係炒雜菜嘅意思。Tommy喺呢度嘅老伙記，喺英國有30幾年餐館嘅經驗，由佢嘅分享，我可以體現到佢對飲食業嘅熱誠，今日好高興可以認識到Tommy呢位朋友。…Read More

晚飯到了和牛一郎燒肉，銅鑼灣分店環境簡潔，佈局分明，功能性甚強。今日我們選的是日本黑毛和牛6款放題套餐，頭盤有黒毛和牛4款, 分別有和牛肉眼，和牛里脊肉，和牛牛肋肉，和牛牛肉角切，油脂分布均勻，陣陣肉香，海鮮3款有深海大墨魚，虎蝦和青口，另外還有精選部位，與人驚喜。套餐包括黑毛和牛牛肋肉，黑毛和牛牛里脊，佐以鹽味醬，燒肉醬，辣味噌醬，入口即溶。澳洲M9薄交牛里券肉，牛肋肉，牛主頁里将肉，牛肉角切，佐鹽味醬肉味甚濃。美國牛肋肉，牛里脊肉 ， 薄安牛里脊肉，牛肉角切，層次分明。生牛肉壽司，香蔥牛腹肉碎壽司，肉味香濃，油脂滿溢。鹽味薄蔥花牛舌，2色蔥花牛舌，薄切上等牛舌芯，更加是絕對不可以錯過。吃太多肉嗎？可以在自助吧隨意挑選沙律。燒肉的最佳拍檔當然是汽水，汽水任飲，飽餐過後還有軟雪糕，日本雪條任食，實在是令人滿足的一餐。…Read More

女朋友生日話想食鐵板燒，所以我帶佢返去以前做嘢附近嘅鐵板燒店三日月，搵松永San 咁話。三日月由日藉主廚松永壽朗主理，松永San有多年法國菜和鐵板燒的經驗，對食材嘅處理同配搭，醬汁嘅調配都一定相當有要求。食物質素有保證之餘，性價比亦高。前菜三小點首先是汁煮茄子，清甜嘅茄子予人清爽嘅感覺，為豐盛嘅一餐揭開序幕。接着是味噌冷豆腐，用上自家製嘅味噌，淡淡嘅豆腐同香口嘅味噌形成強烈嘅對比。最後是煙燻雞肉刺身，雞肉顏色鮮明，帶一點油脂，鮮嫩而不膩。接着係沙律，日本直送嘅沙律菜，農家蛋，再配由日藉主廚自家調製法式柚子沙律汁，今天晚上的日本和法國之旅要開始了。來自岩手縣生蠔鮮嫩肥美，加上醋及辣蘿蔔，實在令人拍案叫絕，一而再再而三，可惜主菜已經在路途上呢。刺身拼盤有日本直送牡丹蝦，油脂滿溢吞拿魚呀魚，肥美的油甘魚，再配上新鮮嘅山葵，無論係味道同賣相都係上品。期間限定既鱚魚天婦羅 Kiss tempura, 天婦羅外脆內軟，一點都不油膩，盡顯師傅功架。鱚魚魚肉新鮮彈牙，無論係點自家調配天婦羅汁，新鮮生葵，檸檬汁，還是原味享用，就是好味道。魚骨爽脆，絕對係佐酒佳品。南非鮑魚大大隻夠肥美，肉質爽口彈牙，配上日籍主廚用鰹魚高湯加入海帶、鮑魚肝等煮成汁醬，帶出鮑魚嘅鮮味，鮑魚在金黃色的汁醬中就像寶藏一樣。一路品嚐這道菜，感覺就像置身在日本溫泉旅館吃高級會席料理一樣。茶碗蒸加上了高湯，蔥絲，三文魚子，視覺滿分了，更加了松露油，入口不但蛋滑而且有松露飄香，味覺也是滿分呢。香煎鵝肝新鮮嫩滑，外脆內軟，絕對係上品，黑醋照燒汁令香煎鵝肝一點都不肥膩，還有清新的感覺。主廚擺盤可是一大賣點，到底是藝術品還是食物呢？我唔客氣啦。鹿兒島和牛薄燒卷配上醋汁、味噌、芝麻醬，肥美嘅和牛，清淡嘅金菇，再加上唔同嘅日式醬汁，絕對令人想一吃再吃。晚宴到了尾聲，櫻花蝦白飯魚梅子醬炒飯，配料色彩繽紛，飯粒鮮明，先吃炒飯，再加湯吃泡飯，一飯兩吃，新鮮感滿分。甜品是菠蘿雪葩，清香甜蜜，食完滿口菠蘿香。女友十分滿意這頓飯，無論係食物質素，服務態度，餐廳環境都係上上之選，絕對會回頭。…Read More

天氣凍，正正就係約朋友打邊爐嘅時候。朋友住大西北，今日就來到了一間名叫一鼎的台式火鍋，聽說他們剛開業不久，就一於試吓。朋友揀咗紅燒牛湯喎，雖然有啲乾辣椒，但唔係好辣。我就揀咗麻香蒜頭雞喎，一上枱有見到大大隻雞髀，雞肉鮮嫩，而且麻油味香，睇嚟今日揀啱地點，揀啱湯底，相信火鍋配料也定必出色。作為一位食肉獸，我揀左澳洲M8純和牛+西班牙伊比利亞豬梅花套餐。呢個套餐可以揀超高質嘅澳洲M8和牛，澳洲封門柳，西班牙伊比利亞梅花肉，冠軍草飼羊，仲有一鼎花雕雞。M8純和牛同伊比利亞梅花肉啲油脂分布靚到呢！鮮嫩嘅上肉令人吃過不停！一碟接一碟！花雕雞嘅酒香令人難忘，絕對值得一試。他們的台式小食同樣高質，巨大塊香蔥雞扒簡直是一絕，滷水牛肚入味有咬口，麻辣鴨血跟花枝丸也絕不可以錯過。這家店跟其他店就是不一樣的地方就是台式茶飲任飲。芝士綠硏可是我的最愛，清香綠茶配上濃厚嘅芝士，口感和味覺都滿分。朋友order了一鼎西柚，果肉爆多，黑糖珍珠牛乳奶味香濃，甜度適中！離開前，當然要試一試佢哋嘅雪糕，3.5牛乳雪糕有牛奶味香濃，白桃味Yogurt 既清新感覺為呢餐寫上完美嘅句號，既然選擇困難，我全部都要！…Read More

葵廣嘅台灣小食，阿佳拌麵都算係數一數二。今日過黎呢頭做野屋企人千叮萬囑要打包返去佢地食，可想而知有幾大魔力，哈哈。蚵仔麵線(沙茶口味)。麵線嘅湯水濃稠度啱啱好，味道咸鮮均勻。最緊要係蚵仔數量多而且又夠飽滿鮮味，食到尾都仲有。肉燥拌麵。呢個真係好夠份量，流心蛋／肉燥／腌籮白同埋滷豆皮，再加上彈牙麵條拌上滷汁攪拌一齊食，份量夠晒我地幾個食。原味現燙魷魚。魷魚煮得入味軟腍，咬落爽口唔韌，不過就嫌佢味道咁好，但份量唔多夠喎，哈哈。爆汁貴妃雞肉卷&烏來烤豬肉腸。門面就係呢個一邊轉一邊燒烤嘅貴妃雞肉卷同埋豬肉腸，排緊隊就俾佢地嘅焦香味吸引，無理由唔買黎食啦。雞肉卷雞皮香口而且肉質嫰滑多汁，醬汁咸甜咸甜咁十分惹味。豬肉腸就烤得相對結實，肥瘦均勻但油香豐富，咀嚼之下肉味好突出。雖然外賣無現場即食咁滋味，但疫情關係避開一下人流都好啲嘅。葵廣出晒名小食多籮籮，等疫情過後如果要食勻咁多間，真係食足一星期都未食得晒。哈哈。…Read More

近排又喺尖沙咀呢頭返工，聽同事講附近有間食CBD嘅餐廳環境唔錯，就趁今日早收工一齊去會一會佢。去前之上網查過，CBD即係大麻二酚(Cannabidiol)屬於大麻經提煉後嘅副產品。係一種無成癮性的植物天然成分，對於改善睡眠質素同埋減低身體炎症都非常有效。見佢講到咁吸引就試一試個效果係點。呢度採用QR CODE形式落單，點餐時可以揀唔要CBD，但一場黎到梗係點到食下啦。帶子蟹肉牛油果他他配薑油黑醋汁：作為前菜份量都幾多，牛油果唔會打到全爛仲有粒粒果肉口感。入面伴咗帶子粒同蟹肉碎令到味道更豐富，些許嘅薑油味僻腥之餘又提香。三文魚子為整個醬帶出咸香味，配上法包片食口感同味道都十分討好。芒果莎莎吉列虎蝦墨西哥薄餅：虎蝦炸得啱啱好食落彈牙，莎莎醬酸甜可以低油炸嘅感覺，但芒果味唔出。而墨西哥餅較軟身，可以一次過將虎蝦，沙律菜同醬汁包住再送入口，食落夠滿足。日式芥末忌廉香煎廣島蠔闊條麵：初初入口唔會覺好重芥末味但後勁會一下子沖返上黎。廣島蠔煎得表面香口內裡仲飽滿新鮮。而闊條麵煮得較為軟身可以容易嘅掛汁，雖然芥末忌廉汁較為杰身，但味道清爽食落唔覺油膩。幾好食。手打流心菲達芝士撻：最後嘅甜品等到食完先上枱，所以流心效果無得頂。菲達芝士咸中帶甜，配上鬆化撻底，混合埋士多啤梨醬嘅果酸同開心果嘅果仁味，整個味道都唔錯。質素以咁嘅價錢黎講係幾抵食。CBD Cocktail - Ginger Bady：入口偏淡，辛辣／苦澀同甜味都幾平衡，感覺上酒精度唔高，配少少酒對食物黎講係唔錯嘅配搭，可以中和食物嘅油膩感。呢杯COCKTAIL恰到好處。 整體味道都唔錯(其實食落唔覺有OR直頭無咩特殊味道)，或者係心理作用但嗰晚瞓覺又真係好似放鬆咗，好快就瞓着。哈哈。不過就算唔點CBD食物，環境都幾適合放工過黎RELAX下。門口位置仲有啲ＣＢＤ產品，下次等屋企啲香油用晒試下佢，睇下係咪真係咁WORK。…Read More

朝早同朋友游完水返到荃灣，啱啱好到下午茶時間。就黎咗路德圍呢邊醫肚。呢頭小食／輕食店林立，真係幾花多眼亂。偏偏就俾呢度嘅爆餡吐司吸引眼球，一於打個卡醫醫肚。我不是薯條- Supper Mix (地瓜條+甜不辣)。甜不辣揀咗5分脆度，配上原味椒鹽香口又惹味。顧名思義用咗地瓜代替薯仔，酥脆口感食落更香甜。雖然係油炸食物但蕃薯本身高纖又高營養，食多啲都無咁大罪惡感。肉鬆芋泥吐司。呢度嘅打卡名物，勁多芋泥餡同肉鬆。芋泥口感滑順軟綿，味道微甜所以食落唔會覺得太漏，香口肉鬆令到層次更豐富。如果方包可以再烤乾身啲會仲好。爆餡芋泥同肉鬆由頭食到尾都KEEP住有，真係好滿足。下次一定再ENCORE。午餐A+B+C揀咗乾伴麵，配一口鹽酥雞併澎湖花枝丸及古早冬瓜茶。乾伴麵份量都幾多，粗麵質地軟硬適中。肉燥味道偏甜啱晒夏天熱到口淡淡，食返啲濃味嘢提下神。鹽酥雞同花枝丸剛剛炸起熱辣辣，香脆雞粒夠晒乾身，腌得唔會過咸。而花枝丸就夠彈牙，兩款小食質素都唔錯。兩杯冬瓜茶及桂圓紅棗茶夠晒冰凍消暑。玩完水再食個地道台式輕食，簡簡單單就當去咗個台灣短TRIP，回味一下地道台灣味道。…Read More