fatkoeatalot's Profile

係訂座平台book main menu 有50% discount。最尾叫左個2人$698 set 可以加1蚊換蒜香黑松露牛舌。（set menu 係冇discount)主餐牌嗌左個海葡萄沙律， A4和牛西冷，係半價！因為套餐本身包沙律，所以職員俾咗個大份量既海葡萄沙律。同有三點前菜，泡菜、甜薯同海螺邊（？）牛肉質素唔錯，只係每塊切得有少少參差，但有厚度，份量都算唔錯。用石頭嚟燒，夠熱，同好多石上碟，切合店名石一燒！最令人覺得係感動既係餐茶以外，套餐上的普洱咖啡同綠茶雪糕！有茶同甜品 真係貼合餐廳慢活既主題！呷一口茶再傾下計。啤酒都係$49蚊 之後個杯只係加$1蚊，真係幾抵。最後每位$500，算是對得住食材同荷包…Read More

相隔4個月，二訪cultivate雖然冇第一次食既時候咁驚喜同感動，但大廚會定時轉menu ，有啲signature dishes 會留低 （對比autumn menu, 大約45%都保留住），亦會有新既帶番啲新鮮感。Tasting menu $1488 + 10% pp, 仲送左杯brut (brut free原價但收番原價既10%）。因為專心食既關係，冇影哂所有dishes。整體嚟講，有魚有蝦有牛肉，亦都有菜有花（金盞花, 蔥花）有葉，又有煙燻又有熟成魚子，都好富豐，每一碟餸都有唔同既concept同構圖，都幾完整。Starter - one bite 油甘魚配青蘋果同梭魚子,仲有cultivate signature flower~印象最深刻嘅竟然係油甘魚配青蘋果，之後既薯仔。薯仔用左西洋菜汁包住，帶有濃烈既煙燻同辣味，開頭覺得味道太過濃烈，因為大大蓋過之前個個油甘魚，對比之後較creamy 既白蘆筍同辣根，都算接住落個味蕾完整度。之後maitake 應該係signature dish, 燒香咗啲菇搭上鵝肝加埋似肉骨菜既湯。今次個菇比第一次食，少左香味，個湯都好似冇咁濃郁，因為第一次食既時候真係有驚豔到（定相隔4個月所以冇咁大驚喜（？））。仲有今日新出既白蝦dishes, concept 同hamachi 個dishes 好似，但配料唔同，都幾refreshing (forgot to take photo)。 定今季新春係走日本風？個魚有啲葉包住，而啲葉帶有甜味。但有啲菜似煮過左龍既芥蘭，但個魚都滑嫩。個主菜個牛都係用左日式做法，似平時啲吉列豬配椰菜絲再加豬扒汁。今次就係牛，有薰衣草汁（混左wasabi)。遺憾地，我見到隔離幾枱呢碟都係有青檸，但我個碟係無既。Banana cake 上面有魚子，有咸香同香蕉甜味都好好食。中間仲有個caramel雪糕同個caramel chocolate cake (vy yummy, forgot to take photo)。最後個farewell treat 就真farewell,個糖唔好食，同韓國士多啤梨撻都麻麻地。雖然今次冇第一次咁震撼，但食物水準係好味道！作為fine dine, 都算對得住個價錢！環境個vibe 就仍有大既改善空間。利申：自費，純粹分享…Read More

要搵屬於香港人嘅餐廳，今日就試咗呢間車仔麵。睇咗網上食評之後，叫咗蘿蔔牛腩同埋雞翼，加咗咖喱汁。蘿蔔好冧冇渣牛腩好冧入味同埋唔難咬，個人覺得比九記更加好食。雞翼都好冧、好入味、好易食同好好味。湯底唔錯，食完唔會好口乾！兩個人埋單$100有找，好抵食！👍🏻…Read More

因為Restaurant week 嘅關係，有特別嘅menu就同同事去試下新餐廳。係上網睇過Menu好吸引， 198有日本和牛又有雞同蝦嘅串燒，就諗住一定係正嘢啦。先由頭盤嘅酸菜講起又好，酸菜有係蓮藕，好特別不過我本身食開酸既都覺得太酸。跟住個沙律又真係幾難食。係薯仔同唔知咩。利申 本身我係一個劣食者！除非間野好好食 或超級難食之外，基本上我對d餐廳都係無乜評價。我諗我自己著重性價比。既然開左個戶口一直都做CD room, 就開始打下食評黎令到d人揀餐廳時多個選擇啦。Sidetracked一輪，講番個main course 先，係四款串燒 （和牛、蝦🦐、腸仔同雞）插係碗飯度。講真佢上菜嘅時候我個心真係離左你，大佬而家拜神咩，係碗飯度插四支香，真係撞鬼。碗飯好似加左d 香油，有d似海南雞飯。和牛串係好食既，牛脂夠厚係juicy既，蝦串就太乾，雞就同街邊既串燒店有分別不大（即係每串16蚊個d)，個腸就咸咸地送飯一流👍🏻👍🏻個湯就不知所謂，只見d到菇同金菇....同得個咸字。甜點係一個批。甜甜地幾好食。不過冇影相。買咗單之後，佢話有咖啡送，杯咖啡係雀巢嘅即磨咖啡☕️，味道都係一般般。Menu 包一杯fresh juice，我要左西柚汁，係好飲既，而且真係鮮榨🍹。總言之，如果唔係restaurant week，我應該係唔會食lunch/dinner。不過我曾經黎過似happy hour，佢既snack係好okay架。…Read More