heleo4444's Profile

有同事話想試Fumi 好耐，應該係之前上網睇到人哋介紹。適逢呢個星期比較得閒，我哋成班同事星期六日去到Fumi 試下佢個A4宮崎和牛&松葉蟹腳放題（$588)。價錢方面，算係比較大路，附近嘅餐廳週末semi brunch buffet 都係收緊咁上下價錢。但係魔鬼在細節，原來A4和牛只係每人包一份，要加$188先變成任食🥲呢個套餐係包一款主食，其他就全部都係任食，主食坦白講就真係唔係太吸引，我就叫咗個迷你香蔥吞拿魚腩井。質素有啲驚喜，但係份量始終比較少，同埋今日嘅主角都唔係佢。等我同大家分析下任食部份松葉蟹腳（4.5/5)👏🏻鮮甜，新鮮，溶雪做得好，肉質爽口刺身（4/5)👍酒店級數，入口溫度適中壽司（3/5)冇咩特別，建議大家留肚食其他燒物（4/5)咸度適中，香口，幾款燒物水準都唔錯天婦羅（3.4/5)水準ok 的，但種類比較少，差唔多全部都係蔬菜甜品（4/5)哈根大師味道相信大家都熟悉，但佢展示手法用咗乾冰，咁就好岩大家係ig 打卡拍片😂總括而言，餐廳整體質素唔係差，但係呢個價錢嘅話就冇咩競爭力，因為無論係景觀，侍應服務態度都唔係特別出眾，咁樣又點可以令一種食客再回頭幫襯呢。…Read More

又到左中午食飯時間，有同事話想食海南雞，上網搵到呢一間。呢個套餐算有誠意，整體幾靚仔🌝仲可以優惠價加特飲。個飯睇落冇咩顏色，但係有味道，仲略略偏鹹。反而雞味唔算太濃，醬汁味道都唔算好好濃，個湯應該唔係味精湯，但係味道唔係太夠😂😂。$98 lunch 中環黎講雖然唔算好貴，但係呢間嘢可能太出名，出邊比較多人排隊，食完冇耐店員就過嚟急急腳收晒啲嘢，都唔係太好意思坐落去。整體來講，如果想食海南雞飯嘅話，可以試一試都冇壞，如果係對海南雞飯好有要求的粉絲，就可能會令你失望。🌝…Read More

石門宜家已經從工業區慢慢變成一個好有活力既新區。附近又有好多酒店落成，區內亦多左好多居民。變相唔少得周邊嘅配套亦會更加完善。從石門地鐵站一出就見到麵道！其實一直想試好耐，但係次次去親石門都已經諗好咗食咩，所以之前一直未有機會試。🥹麵道舖頭面積唔大，坐到盡都係20個人左右。門口有寫住每日限量拉麵供應，當日我哋點幾兩點去到問店員仲有冇，店員就話仲有，所以入咗去試。😁味玉伊勢海老豚骨拉麵（$93)，另外加多$25可以跟餐。非常建議大家跟餐叫，包一個小食同埋嘢飲，價錢十分相宜。😎呢款拉麵屬於比較濃味嘅拉麵，個湯真係冇得頂。👻你直頭feel到佢連蝦殼一齊落去淆湯，飲得出好濃嘅蝦味，唯一嘅問題係食到後期，會開始覺得鹹得滯，有少少苦苦地。醬油豚骨湯拉麵（$77)，聽講係呢度嘅招牌菜，個湯飲落唔算好濃，整體味道屬於中上水平。一開頭同上面蝦湯拉麵比較，確實係會遜色咗少少，但勝在食到最尾都好舒服，相對容易入口，感覺亦都冇咁邪惡。😂😂兩個簡單小食味道中規中矩，但係以$25嘅價錢來講冇得挑剔，仲包埋嘢飲。👍👍兩個人食到捧住個肚離開埋單$220 ，以呢個水準嘅拉麵來講絕對收貨。…Read More

之前一直bookmark 左呢間餐廳，知道佢有brunch buffet但係咁岩今日有同事萬歲，所以就揀咗呢間食set lunch。3 courses Set lunch價錢大概係$260至$500左右我揀咗個比較平嘅和牛芝士煙肉漢堡包（$268)，雖則我知道漢堡包入邊嘅burger好多時候都係撞手神，但係我今次食呢塊真係冇得頂，基本上係2020年食過最好味嘅漢堡包。any肥，先由starter 開始，我揀咗龍蝦湯，不過不失，反而側邊嘅多士就十分香脆終於做主角，基本上一嚟到已經覺得份量好多，用料同擺盤唔算好花削，薯條係偏脆身，粗幼適中，有口感。🟡漢堡包就真係一流，本身望到咁JUICE，已經好想用手拎起大啖大啖食，但最尾考慮儀態🥹，都係用返刀叉。一切落去果下已經知個burger好Juice，加上半熔嘅芝士，完全就係天然膠水嘅角色，令到漢堡同包皮唔會亂咁周圍郁。一咬落去果下啲肉汁爆曬出嚟，再加埋包皮已經送索左好多芝士同埋牛肉汁，成個感覺係非常滿足，食哂成個都唔夠喉🥹最尾跟餐有個tiramisu，反而呢個一般般，對比成餐飯係水準之下，不過唔緊要，因為已經食到好飽。成餐飯最可惜嘅就係唔跟餐飲，要額外加錢跟酒或者果汁，成個用餐感覺好似冇咁圓滿…Read More

本身諗住食台灣野，點知太遲起身，原本揀好嗰間餐廳落左場，唯有食附近嘅餐廳，就盲舂舂入咗去。入去之前都見到僱客人數算多，應該冇咩事，點知。。。一坐低冇耐就發現店員愛理不理，服務態度唔算差，但係好似做咩都慢半拍咁。我哋叫咗泡菜豚肉飯（$88)、低溫叉燒拉麵、明太子八爪魚球（$65)。點知店員轉頭過嚟話冇晒叉燒，要轉其仔，但係又比我哋見到佢有其他叉燒製品嘅菜式出場。any 肥，最尾轉咗雞肉白湯拉麵（$95)味道尚算可以，湯底杰身，但係偏鹹，食多兩啖之後好想飲水。泡菜豬肉飯味道唔錯，整體出品好過拉麵，溫泉蛋啱啱好，撈埋啲泡菜汁食飯一流。最離譜係呢個餐前小食，我哋嗌咗明太子八爪魚球，嚟到之後都覺得奇奇怪怪，食咗兩粒之後發現完全冇明太子味，原來佢係落漏咗明太子醬:(成餐飯味道唔算去到好差好差，但價錢同出邊正常拉麵店食嘅差唔多，咁就自然有比較…Read More

Al Dente意思即將食物煮得爽口彈牙、有嚼勁。點解餐廳會用呢個名呢？我就真係唔太知道因為睇lunch set menu，餐廳唔似係主打意粉類的食物。餐廳有上下兩層，我哋一行比較多人，所以被安排坐左上去，環境算係比較安靜，自成一國，有少少法國餐廳feel。Any肥，我最尾揀左Sirloin Steak，頭盤要左沙律，值得留意既係，沙律既份量係多得好誇張，味道黎講中規中矩。主菜都有睇頭，份量又係十足，用料非連鎖飲飲食快餐店，雖則食得出唔係咩貴材料，但絕對拍得住一田既冷凍牛扒質素。最尾可以揀餐飲/甜品，而我就揀咗brownie 配雪糕。係中環番工咁壓迫，Lunch可以食個甜品放鬆吓，何樂而不為呢。最後埋單成個set lunch 只係$129,性價比一流。…Read More