AAriess's Profile

Happy Friday ~ 又到星期五出去Happy 下先。搵食途中比店名 “媽打麵”吸引左去幫襯。店內裝修行簡約風格, 有越南傳純樸風味。燈光柔和環境舒適。生牛肉河粉+爽腩 $54爽腩烹調到好淋好入味、不痴牙、索曬D湯汁而且牛肉味很濃郁!有驚喜!生牛肉肥瘦均勻、厚薄適中。河粉食到尾都唔會發脹曬。越南炸春卷撈檬 $54 春卷三大條新鮮即炸,皮脆不油膩。 餡料超豐富﹐蔬菜及肉碎也是滿滿的。檬粉方面外表有D似米粉。 但食落口感就比一般的檬粉爽口而且更易吸到檬粉汁的味道。 因為同平時食的檬粉不太一樣﹐感覺很新鮮且獨有性。香濃魚露炸雞翼 $40又係新鮮即炸! 一上檯好香魚露味~外表金黃香脆而且裹面肉汁濃郁肉質滑不鞋口。調味剛好﹐咸淡適中。青檸梳打+薄荷葉 $28新鮮的薄荷葉及青檸係最佳的組合加埋原味梳打水解膩清新!特別想讚係擺盤好靚﹐唔講重以為自己落BRA 飲野~ 哈哈。整體黎講性價比都高! 店舖格局舒適，店員都幾NICE有禮貌。食物方面又水準。小店值得支持。小建議: 如果晚市有跟餐加錢飲品就好喇!…Read More

事源點心癮起好想食點心, 有打算食點心放題 但晚市食點心放題都唔平而且重要加一可能兩個人埋單都3百蚊 , 所以決定去散叫鋪頭算。兩個人叫左7碟野都飽到攬住個肚走。點心都算多選擇! 有新式野亦有懷舊點心。鋪頭坐位都幾寬闊。叫左幾樣點心紙有介紹的食物灌湯小龍包(三件)  $28皮算薄, 湯汁多, 味道濃淡適中。如果係四件就重抵食!懷舊燒賣王 (四件) $28體形比一般酒樓的燒賣細少少! 味道就OK , 燒賣扎實不鬆散。流沙包 (兩件) $28比較小巧。沒有竹炭味跟普通的奶黃包差唔多味。流沙餡味道OK一哥傳統蝦餃 (3件) - $35 皮薄餡靚韭王鮮蝦腸 $30尋有厚度的腸粉皮, 軟燸皮滑﹐大蝦新鮮彈牙。但唔夠熱千島醬脆皮蘿蔔糕 $34幾創新! 味道幾特別! 同名一樣係脆皮既! 但可惜係唔夠熱。原籠鳳爪排骨飯 $42個籠就大飯唔算多。用荷葉墊底但冇咩荷葉味。飯粒不會太乾身。鳳爪同排骨夠淋身易離骨。整體黎講味道唔錯, 同平時去酒樓飲茶果D差唔多! 可惜係唔夠熱!而且算係偏貴。可一試既。…Read More

起OPENRICE 買左2張COUPON , 廿蚊勁抵!鋪頭行簡約風。沒有太多多餘的裝飾。每日大約有5至6款口味。均一價的。我叫左原味同開心果味。鋪頭有張BAR 檯同坐位。 所以可以堂食。店員會幫你張布丁倒到紙碟上。整個燒布丁反轉，令糖漿滲透芝士蛋糕度。布丁口感幼滑、糖漿沒有苦澀味、蛋糕有淡淡的芝士香及鬆軟。原味跟開心果食落口感一樣。原味芝士蛋味重D;另外果隻有微微的開心果味。兩款布丁都屬於淡口味。整體成個布丁都唔會太甜太溜口。P.S. 店員好貼心比左兩杯水我地， 值得一讚！…Read More

同朋友行起荃灣行完街肚仔餓，見有職員派傳單好有禮貌笑容有好就去幫襯下原來呢間車仔麵係新開張。鋪頭細細但五臟俱全。老闆話主打做外賣。不過亦有位置做堂食。望望點餐紙麵底同餸最平$7 , 叫3個餸同麵加埋都唔洗$30蚊! 係窮人既恩物啊, 糧尾既飯堂。兩個人叫既野都唔一樣唸住試多啲唔同款。一碗叫左咖喱魚蛋、生菜、咖喱魷魚鬚同豬大腸。另一豌就叫左魚片頭、雞翼尖及南乳豬手。咖喱魚蛋屬於實身口感。即係唔係煮得耐會膨脹果款。有咬口同咖喱味好香。咖喱魷魚鬚用的係發水土魷，大大片份量足。豬大腸燉到好淋而且處理得好乾淨無異味。雞翼尖同樣好夠味。南乳豬手燉到好淋至離骨。總括黎講係性價比高的車仔麵。老闆重會同客人溝通問問食客意見改善食物的品質。睇得出係要有HEART 的老闆。小店係值得支持。行過會再幫襯。…Read More

前菜有三款，前菜水準一般燉薯仔: 燉得夠淋夠綿。泡菜: 夠辣夠爽口，但好似有少少苦味。脆肉瓜: 偏淋身，沒有落太多調味。紫菜卷 $32包得夠實淨。餡料有火腿、青瓜、紅蘿蔔、醃黃蘿蔔。食的係食材的原味。穩穩陣陣，如果係新鮮即包重好。韓式辣拌冷麵$55唔食得辣唔好叫! 麵質似淋身的薯粉。份量足。如果配菜多少少會好D。芝士蛋卷 $78超大條。得兩個人真係唔好叫蛋卷。好溜，一定食唔曬。因為新鮮即整比較等耐少少。芝士係拉絲。蛋唔會過熟鞋口。…Read More

叫左個自選二人前套餐，包三個炸物小食、兩個主食同兩杯野飲。都係$138, 超抵天婦羅炸蝦新鮮即炸。炸漿薄身。大大隻，不過唔夠味 要加天婦羅汁。七味分雞中翼夠味，夠脆。少少辣。表面乾身，內裹JUICY。脆香餃子無咩特別，同普通即食餃子一樣。外皮煎到乾身。餡料鎖住D肉汁。招牌烏冬有冷熱之分。我最鐘意食冷烏冬。天氣熱時食冷烏冬真係透心涼。冷麵汁加上新鮮香蔥薑蓉配上WASIBI，好正。清新得黎帶少少刺激。熱烏冬湯底應該係昆布清湯底。烏冬彈牙有口感。柑桔青檸超多柑桔青檸醬。好濃味。重味度我覺得要加返D水落去。整體又唔係話好好食，但又唔係好差。整體都叫合格。對得係個價錢。…Read More

三個人叫左個2人SET 另外散叫多杯野飲。如果叫SET 只有炸雞原味同芝士味之分。沒有中文MUNE。叫左個原味炸雞SET (Macho-King) ，包左個沙律、炸薯條同兩杯飲品。沙津賣相幾靚、蔬菜新鮮，略嫌醬汁唔夠多。炸薯條上面有好多芝士粉。但食到底就咩芝士粉。如果再撈渾會好味D。炸芝波冇咩芝士味。係夠脆身。炸雞有水準! 表面香口脆身內裹juicy。係啖啖肉唔係剩係得骨。個醬汁好好味。小小辣，酸酸甜甜。叫左兩款特飲”don’t know why” 同 “Merry me”don’t know why 味道好似飲緊王老吉咁，似涼茶仙草果D味。加埋珍珠，其實成件事幾唔夾。“Merry me” 好吸睛，顏色好靚。加左多好莓的同提子汁。最靚就係舊冰入面有鮮花。其實最出色係炸雞其他就好一般。我會為左個炸雞再幫襯。…Read More

附近行完山，所以黎食個TEA先。補充能量。蟹膏蕃茄湯檬同相片差唔多SIZE，分量足既。扎肉厚切彈牙。湯檬口感有D似米粉。豆卜新鮮無油益味。有半個蕃茄。類似豬紅的物體，因為我唔食呢D野所以比唔到評語。重黠係大大片蟹膏餅。好滿足，可以一大口咬落蟹膏餅度。至於小失望方面係個湯底無蟹味同無蕃茄味。剩係得醋酸味。我唔知係咪正宗越南湯河係咪咁既味啦。唔係難食既，只係同平時食果D唔一樣味。另外叫左個甜點斑蘭綠豆糕甜度剛好，兩層斑蘭糕中間係綠豆蓉餡。口感幾特別。我見好多客人外賣漢堡包，有機會會試下。…Read More

好耐無食拉麵啦~~起OPENRICE見拉面達人評價唔錯! 就黎幫襯下。我自己就叫左碗”黑蒜達人”湯底係係濃濃豬骨湯加黑蒜油。勁香黑蒜味。面底彈牙有口感。配菜有木耳絲粟米香蔥等。日式叉燒味道正常, 油脂比例剛好。糖心蛋好正，重要係一隻而唔係半隻蛋。橙橙黃黃的蛋黃好又少少黏牙~呢款糖心蛋最正!朋友就叫左”拉麵達人”, 原味的豚骨湯。大至上兩碗麵差唔多，只是湯底有冇加黑蒜既分別!最特別係檯面有原粒蒜頭比客人自製新鮮生蒜! 另外重有個MENU 係拉麵套餐 加$29-$38 有丼飯。好吸引，好想叫，但食完碗已經好飽~…Read More

鮮茄蓉大蝦意大利燴飯$98多蕃茄蓉、有菇起入面、意大利飯煙韌有口感。味道不錯，略但只有一隻蝦。溫泉蛋卡邦尼意粉$82溫泉蛋生熟熟度掌控得好，意粉彈牙有口感，不會熟到過淋。水蜜桃果粒茶(水蜜桃、菠蘿、洋甘菊、太陽花瓣及香桃木) $48藍莓果粒茶(藍莓、蘋果、洋甘菊及太陽花瓣) $48兩款果茶都要泡長一點時間先會出味。自己加蜜糖控制甜味。前者較清新，後者似果汁。Oreo 朱古力 $48朱古力就好難整得難飲，CREAM都滑身。個賣相都OK香辣芝士牛肉漢堡包配薯條 $118夠香唔夠辣，牛肉漢堡咸左少少。包就夠鬆軟。薯條金黃香脆可口。芥末蜜糖雞肉PIZZE芥末醬另成個PIZZE甜甜酸酸。食指大動! 雞肉不嚡口。PIZZE 皮夠薄身夠脆。不過個邊有少少蕉，但大致上食落口感無影響。DINNER 有得跟餐同散叫。整體黎講Coffee Break 都唔錯。呢個水準同呢個價位應該可以起呢條食街生存。…Read More

半年前去過~第2次去食家嫂啦~好滿足。KEEP 到水準!家嫂的食法係一樣一樣有次序咁食冇得返轉頭食頭盤係黑松露蝦多士(可Refill)重有炸三文魚骨同冬陰公煮青口魚生拼盤有海膽啊, 重有大大隻的牡丹蝦。其他魚生都好新鮮(不可Refill)花膠雞煲叫左中辣, 夠香味濃! 想再入味D可煮耐少少。但平時唔係好食得辣的我都覺得中辣都唔係好辣。食得辣既要叫大辣。花膠係爽身果重。啖啖雞肉唔係剩係得骨。重頭戲當然係海鮮邊爐。湯底選擇了椰子湯。先呷一口椰子湯鮮甜青新。所有食材都好新鮮。蝦都係生猛扎扎跳。聖子鮑魚馬刀貝北寄貝墨魚滑蟹etc. 大部分海鮮可以refill佢D手打丸都好好味! 肥牛就無得Refill,好香牛味! 正最後甜品係芝士蛋糕! 正!佢D飲品除左一般的罐裝飲品外, 重有D係佢地自己煲既糖水,例如竹庶茅根同柚子茶等等。真心呢間野值得推!!! 好高汁!!!…Read More

上openrice 見幾多LIKE 所以就黎幫襯下。四個人無叫SET全陪散叫食到好飽。越式燒魚:燒魚表皮燒到好甘香但內裹魚肉重係好Juicy,本身好都夠味，配上特制酸汁有另一番風味。牛油果軟殼蟹米紙卷:米紙卷好韌，口感好似爽身的腸粉，牛油果creamy加上新鮮炸的軟殼蟹~好味河內蒸粉包: 口感同味道有D似中式粉果，粉皮晶瑩剔透，餡料有木耳絲沙葛等，爽脆有咬口。越味皇炸春卷:新鮮即炸，金黃香脆可口，怕太熱氣可包生菜食。特式生菜包: 分量唔算多，不過三十幾蚊黎講可以接受。新鮮生菜包住香辣惹味的肉碎一起食，好滋味。越式炸蝦餅: 炸到甘香，夠彈牙不死實。越式柚子鮮蝦沙律: 青瓜紅蘿蔔絲切到到幼細，柚子甘甜不苦澀加上新鮮沙拉菜好味道。蝦亦好大隻新鮮彈牙。開胃前菜。越式串燒:兩款表面都燒都好亁身但鎖住D肉汁起入面，雞肉嫩口牛肉粒無渣。越味皇蕃茄蟹頭糕湯:湯底濃濃的蕃茄及蟹湯的味道。好鮮甜。墨魚丸唔係食落食口麵粉，扎肉味道正常。濛粉軟硬剛好~ …Read More

早排睇某傳媒介紹番茄師兄~所以慕名而來一探虛實。店來環境光鮮，坐位舒適。店員都好NICE , 重介紹有咩食。番茄師兄當然主打蕃茄湯底，以牛骨加入大量蕃茄熬成濃湯。湯底蕃茄鮮甜且帶有牛骨清湯味。不似茄膏的味道, 而是新鮮蕃茄的味。而且每一啖都飲到有蕃茄蓉。叫左主打犇犇有禮(讀音:奔) $78 牛牛牛即係有三款不同部位的牛: 包括牛面頰、牛坑腩及崩沙腩。三款牛肉都煮到好淋身，好易咬開，軟滑無渣重牛味。採用新鮮牛肉，所以無雪水味。牛肉深透入蕃茄湯。牛肉同蕃茄湯的味比列剛好!正有四款麵選擇, 上海麵、米線、日式拉麵及鳥冬。另外叫左豚豚圓圓 $58 即係豬腩肉及豬頸肉。豬肉都係採用新鮮豬沒有騷味。油脂比列恰當。介紹話係以慢主調配以成再用高溫煎香表面。呢個煮發可以煮到D豬肉好入面好淋，表面就好香好可口。而且可以鎖全D肉汁起入面。叫左兩個小食 78度慢煮麻香瑞士汁豬腩肉$28 及炸腐皮墨魚蝦條$24慢煮的好處係可以比豬腩肉營養和原味保留，令肉質保持嫩滑。豬腩肉食落不油膩，麻油香同瑞士汁好入味。而且重要係厚切! 正。 墨魚蝦條即點即炸至金黃色，香脆可口，配上泰式辣醬酸酸甜甜好開胃。飲品叫左檸檬雪梨露$18 & 亞答子柚子茶$18亞答子係果肉半透明帶香甜的植物，又稱水椰，起東南亞地區係消暑聖品。估唔到同柚子茶咁夾! 檸檬雪梨露就無伏，正路野~ 甜度剛好。入面有D梨蓉。總結黎講番茄師兄係行天然健康路線。好多食物都用慢煮烹調而且用料新鮮，份量女仔黎講OK , 大食既話可能要加底。係市面上少有天然沒味精的蕃茄湯，可一試。…Read More

之前聽朋友講話相馬的觀塘店好正，叫我去幫襯下。咁岩今日起荃灣放工見都有相馬分店就去試下。開業唔係好耐，所有野都好新淨。地芳寬敞、坐位闊落、燈光柔和。環境唔錯!我地兩個人叫左$228 美國特選牛肉 2小時放題任食SET 重包埋豚肉及雞肉。湯底方面叫左鴛鴦鍋(蕃茄及甜豉油) ，亦可選擇一人一小鍋。蕃茄不酸味道剛好、有好多蕃茄粒起湯底入面。甜豉油超配新鮮蔬菜! 係意想不到的結果。原來重有得加錢叫特別湯底- 伊勢海老湯底&黑松露牛乳湯底，睇相同聽個名都口水流，下次會試下!任品方面有十多樣選擇，汽水、茶及果汁等等。雪得夠凍既!! 想飲酒可加錢叫啤酒OR SAKE 日本清酒。一入門口就見到自助吧~ 有好多款丸類。好多款都有內餡料。連腸仔都有餡真係估佢唔到。食既時侯要小心燙咀。蔬菜全部都好新鮮洗得乾淨。而且REFILL得好快~ 特別要提有市面上超少見的花生豆芽 ~ 花生豆芽係100%由香港生產 ，超配甜豉油湯底，真心好味一定要食。另外重有營養豐富的羽衣甘藍，打邊爐熱食又OK 喎~比較少見有原條小甘筍、秋葵、蒿筍、蒜花及椰菜苗。肉類肉質鮮嫩,有肉香。雞肉就算燙得耐都唔會鞋澀澀重好滑身。牛肉都豚肉都無雪水味及肉羶味。薄薄一片放落湯底好快熟。牛肉脂肪比列不錯，不會食到成口油又唔會太乾。食完一片又一片~最重要係全食!有個薄荷醬沾肉食一流，酸酸甜甜又帶少少薄荷味同D肉類好夾!甜品又有另一個胃~ 哈哈 有朱古力噴存配生鮮生果~ 雪糕有幾個味道，朱古力、綠茶、芝麻等等推介食楊枝甘露味雪糕!!…Read More

一行五人叫5個午餐單碟套餐+自助區放題，平均一人$88 好抵!!!分別叫左雞肉、極上黑毛和牛、加拿大自然豬、牛舌及海鮮盛合所有食材都好新鮮。牛及豬很超薄片，放落火鍋幾秒就熟曬~豬牛雞都唔韌，相當不錯。至於海鮮盛合都幾豐富，有蝦、帶子、青口、蠔及墨魚仔。自選區有幾樣比較特別少少就係紅心蘿蔔、芋頭魚蛋及綠荼麵。同場亦有乳酪雪糕機有原味及草莓味。味道屬正常。重有爆谷機，無去食比唔到COMMENT飲品都係都係汽水沖下荼果D正常野。呢個價錢食到咁多野係抵既! …Read More