foodisallaroundus的个人专页

今日咁啱收工同朋友黎將軍澳覓食，搵到間環境同埋食物質素都唔錯嘅餐廳👍🏻👍🏻咁啱坐低咗喺張幾闊落嘅枱，手機落單好方便～呢個茄子好夠蒜味🍆 啱晒我啲重口味🤣 加上茄子好軟熟，食落口感好好！再嚟個清酒煮蜆，啖湯十分清甜，蜆肉完全唔腥又冇沙。🍶嗌咗兩杯嘢飲，一杯超大水果茶，食完重口味食物解膩一流😍 另外一支啤酒，又係串燒嘅好良伴🥃串燒方面，牛舌口感爽脆，調味剛剛好，牛肉串唔似其他串燒鋪，食落唔會很乾柴，中間有些半肥，令口感提升。🍢啲蠔好肥美，我個人比較鍾意蒜蓉焗生蠔，咬落爆汁加上蒜蓉，完全無可挑剔😍🦪重頭戲——羊肉！外脆內嫩，焗完出面塊皮超脆，但入邊超多水份，個人本身好鍾意羊肉嗰浸「蘇」味，中意「蘇」味既絕對要黎試呢間🫨整體黎講好欣賞舖頭悉心嘅準備😆 每樣串燒、熟食基本上都有準備手套，食成餐飯感覺好乾淨🙌🏻…查看更多

難得NUTTEA開咗喺鬧市之中 (記得之前有印象都係喺啲山旮旯嘅地方～)終於的起心肝要推介💛 (畢竟飲品店越開越多，競爭好大🥹)-鍾意餐牌會寫住夏季限定☀️ 不過今次就揀咗另外一啲試～同埋都特別推薦一大班人開party嗰時叫，試過一次WhatsApp落單呢間送，朝早12點出單俾錢，準時1:30送到😆 -講返今次先，同朋友share咗兩個水果口味😆1. 蘋果脆脆楓糖堅果奶蓋茶 (★★★★★)係不停encore嘅口味😆 特別鍾意呢個係因為面頭嗰啲蘋果片，好有咬口🍎 同埋呢杯係清甜唔膩，唔係嗰種一味得個甜字嘅糖水～ 我見好多人都係會將奶蓋同埋茶分開兩層飲，但係我自己覺得呢杯一次過攪勻飲特別啲，一嚟啲蘋果片可以落埋底，二嚟奶蓋鹹鹹地加底層嘅茶比較平均🤪2. 粉紅莓好堅果奶蓋茶 (★★★★☆)首先係打卡一流，因為有個好明顯好靚嘅漸層💗 味道方面飲落唔會太酸，同埋唔係嗰種好假會中伏嘅士多啤梨味🙈 雖然面頭冇果肉，但係啲nuts撈埋一齊飲又幾夾～兩款嚟講我哋都比較鍾意蘋果，絕對值得一試🍎😆-環境方面，始終開正喺旺中，人流真係好多，感覺係有少少迫嘅，但係都開心佢哋受歡迎到要排隊🥹 另外想讚下員工們都好nice，同埋幫我哋啲外賣pack得好靚🫶🏻見到佢哋嗰板特別有推介呢款，下次可能試吓先🙆🏻‍♀️題外話 竟然喺呢度都見到Jer😆😆✨繼續堅持做對的事 cheers💛…查看更多

喺觀塘區要搵黃店都唔容易啊～💛雖然間舖個名叫喵盒子，但係其實入面係冇貓嘅😂 不過就有賣好多同貓有關嘅特色產品，例如明信片同夾等等🐱-食物方面，比較特別嘅係呢度有好多素食嘅選擇，啱晒我呢個鍾意食得清清地嘅人😆-我就叫咗5號餐，但店主已經係我嚟到嘅時候講定咗嗰日冇飯，會改做椰菜花蓉🥦嗰刻第一個諗法係「死啦咁咪唔飽？😂」但原來係錯嘅，一上碟份量都唔少😋 仲有一件多士附送，不過齋食就冇咩味，建議可以拎啲牛油/醬搽下～最特別嘅係加咗蒜頭🧄 所以撈埋係啲菇同菜花蓉入面係好有咬口同香嘅～ 仲有好多種菇係入面😆 食到最尾真係好飽下😂 無諗過原來食蔬菜都好飽肚😌 （反而相對上朋友嗌2號餐 份量就算細份～）-前菜方面，有是日餐湯忌廉蘑菇湯，開胃之餘又唔會太膩，同埋幾香滑👻-另外仲見咗凍朱古力，味道唔會好甜，啱啱好❤️-位置唔算大，數落得7-8張枱，而且睇落似家庭式嘅小本經營 (得3個staff即叫即整👻 店主都有提醒大家早啲落單 費時同時間要整好耐～) 夜晚7:30左右好多人想walk in都未必有位，所以建議可以先訂枱😆食物好味之餘又係黃店 (有位俾你貼memo整連儂牆) 真心推介～👻…查看更多

成日聽朋友講呢間，早排終於的起心肝試🤪-前菜點左一個白酒煮蜆配蒜蓉包，個汁除咗用白酒之外，仲有用忌廉去整，食落去有淡淡的白酒香味，配上焗到啱啱好嘅蒜蓉包，又脆又有蒜蓉味，仲可以點啲汁嚟食🍞之後仲有一個特價嘅頭盤係香煎鵝肝配焦糖蘋果，外脆內軟嘅鵝肝配上烤得啱啱好嘅法包，口感味道一流，另外更加要讚嘅就係焦糖蘋果，啱啱好可以將食鵝肝嘅肥膩感完全消去，配搭得啱啱好🍎-之後到主菜，分別嗌咗一個係紙酥皮野菌三文魚卷，另外一個係肉眼扒。首先要讚下個三文魚卷，外面烤到酥脆嘅紙酥皮，入面唔止係三文魚咁簡單，仲配有野菌同埋竹筍，每種食材都有自己獨特嘅口感，令到一啖咬落去超級滿足😍每種食材嘅味道都配合得啱啱好，另外在配埋個黑松露醬，令到成個卷嘅味道層次更加豐富，呢個值得推介👍🏻另外肉眼扒配焦糖蘋果就不過不失啦🤨，扒雖然唔係話好腍，但係勝在有肉味，配上炸薯角同埋焦糖菠蘿，焦糖菠蘿烤得好甜，咁啱可以去除肉同薯角嘅油膩感，整體都唔錯。🍍-飲品方面選擇都好多，見到有好多啤酒種類可以揀，可惜我同朋友都唔鍾意飲酒，所以我哋就叫咗個strawberry colada同埋apple mojito，前者甜甜地有啲椰子奶味🥥，好似士多啤梨奶昔咁，味道唔錯，後者就比較夾啲食物，清新得來帶少少涼快嘅感覺，十分清爽，配上西餐嘅感覺就啱啱好。😋-整體來講裝修環境都幾好，如果同成大班friend一齊飲酒吹水應該會係一個唔錯嘅地方🤩🍻…查看更多

食厭左連鎖個啲火鍋店，所以就決定搞搞新意思試新野👻-中午黎到既時候，人流唔算多，唔使點等就有位，環境都幾舒服😆-有啲驚喜既係有好多款唔同鍋選擇，直情可以黎幾次試唔同既口味🤪 同行既朋友都掙扎左一輪先揀到，而我就揀左個清清地既芝士牛奶鍋🤤-個鍋望起上黎已經夠豐富，食落真係好足料又好新鮮，真係有足哂menu上面既材料🍲 個鍋滾起左之後溶左芝士，香噴噴仲起泡，未食都流哂口水🤤🧀 不過個火唔知係唔係唔夠強勁，啲芝士攪左一輪先溶到🤣-個鍋本身已經夠豐富，但係跟個鍋都會附送飯或者粉絲，我自己覺得粉絲份量啱啱好，而朋友升級叫咗滷肉飯，個size都幾大，又好多肉係上面，啱哂一啲大食啲既朋友😆-我哋落單嘅時候冇諗過個鍋咁大，已經急不及待嗌定多啲野食，結果真係飽到差啲食唔落🤣 推介好嫩滑既安格斯牛肉🥩-另外仲有叫到凍豆腐同麻吉燒🤪 幾特別係佢地原來都係熱食🤣 麻吉燒大大舊好煙韌，而豆腐係有啲口感，唔係稔既質感😋-仲有兩款小食都值得大家試下🤓 鹽酥雞同台灣腸雖然望落去好多油，但食落唔算鹹，反而幾開胃，大大份啱4個人share✨-飲品方面，叫左杯芒果冰沙涼一涼🍧 抵讚既係唔會甜到打冷震，而且大大杯，唔怕食食下無野飲👅-總括黎講，我覺得呢間打邊爐性價比好高！！ 因為每一樣食物份量都好多，對得住個價錢😆 地方都好舒服，上菜都好快，所以回頭率都高🤘🏻…查看更多

今日同朋友黎試下呢間好評甚多嘅餐廳😝-餐廳幾大，坐位幾闊落，有兩部電視，一部播無線，另一部播now，我嗰日仲有英超睇！！感覺係幾啱一大班人gathering嘅好地方🥳當日同行朋友遲咗二十分鐘，我就足足坐咗咁耐都冇嗌嘢食，都冇俾人催落單，食幾耐都唔洗怕俾人趕😂👍🏻-食物方面，晚餐選擇都唔少，價錢都幾抵，drink menu有兩版，應有盡有😋-我哋嗌咗安格斯牛肉漢堡+脆薯皇🍔🍟 個漢堡好大個，肉扒好厚，加埋芝士同醬汁好好味😍，而且麵包上面有好多芝麻，食落更香，不過個扒就有少少乾🧐 至於薯角都好夠脆，唔知係咪因為連埋皮炸，食落有更濃郁嘅薯仔香味🥔 點埋茄汁成個組合就真係無得輸🤤-另外都嗌咗個蒜香三文魚燒極黑豚珍珠飯🍚三文魚煎完有啲油香，再加埋蔥蒜香氣幾好食🥳 黑豚肉有少少乾，不過勝在豬肉味夠濃，用嚟送飯啱啱好🐖-仲加10蚊配左杯鮮奶綠茶，抹茶味好濃郁，甜度亦唔高，對想健康啲既女仔黎講係一個好選擇🍵-總括而言，呢間餐廳價錢唔算貴，食物味道又唔錯😋 如果撞正有足球賽事，約班朋友去食個飯，飲杯野都係一個唔錯嘅選擇🥳⚽️…查看更多

本身自己好鍾意食yogurt，難得旺角新開張咁就腳，決定要試下呢間咁出名既乳酪🥰-話說舖頭唔算大，有一張長bar枱對住玻璃窗，所以食既時候俾好多行人望住有少少尷尬😂😂-講返個yogurt，我同朋友企左係個menu面前企左好耐，心大心細之下終於揀左最愛既芒果味🥭 覺得佢地既menu整得好吸引又好仔細，講哂每一層有咩餡，俾自己揀鍾意既口味👍🏻-拎上手個時勁怕會倒瀉頭頂個粒芒果😂 呢個yogurt面頭有啲crumps同棉花糖，加埋yogurt黎食好有咬口～ 好鍾意呢度既乳酪，唔會話好甜或者過酸，食落真係啱啱好，而且食得出係真材實料，唔係出面個啲好多水份好快溶咁🤪 我自己覺得食乳酪topping都係其次，個foundation先係考功夫，所以係抵讚既😆但都有少少美中不足既，就係中間層芒果布甸唔算話好夾同好味🤨 同埋芒果份量略嫌少左啲😂 呢個味我未必會encore，但都無損我對佢地yogurt既熱愛🥳 價錢黎講都真係唔算平，但都算大大杯，又有好多唔同材料，都會繼續試下其他款🤓♥️ …查看更多

韓式食物自己一向唔算話太大興趣，但難得朋友推介，就即管give a try🤔 -首先就叫左半隻鎮店之寶奶奶雞，因為怕太辣既關係，所以就揀左個唔辣～🍗-一上枱已經有濃濃既香味，仲有滿瀉既醬汁，份量比想像中多🤤味道方面，同一般韓式食物一樣味道都比較濃，不過抵讚既係濃得黎唔咸，唔會話食完太口渴～ 配埋一陣講既豬肉拌飯食就更加好🍚有驚喜既係啲雞下面有好多薯粉，煙韌得黎點埋醬汁就更加惹味😋-至於陸軍豬肉拌飯亦都係大大碗，賣相都好吸引🤪 呢碗飯有煙肉、蛋同泡菜，不過如果啲蛋可以整到流心就更好啦🥚 整體黎講不過不失，比較啱一啲口味淡既人食🤔-服務同環境方面，有啲特別既係餐廳門口有一塊鐵絲網，上面會俾人掛卡仔留言，有種去緊旅行既感覺😂😂 餐廳有兩層，坐得算闊落，而且上菜速度都好有效率，around 10分鐘就有得食👍🏻-食完之後的確令我對韓式食物有啲改觀🙈 水準比一般韓式餐廳高，就算平時麻麻地韓式野既人都不妨去試下😝…查看更多

放題真係有唔少選擇，今次初嚐樂天大喜屋，估唔到有驚喜😆-首先係一大盤既刺身🤤 同行朋友好鍾意食蝦，佢地都話啲蝦大大隻好新鮮🦐，蟹腳好juicy好有肉🦀，係必食之選😆-我自己就比較鍾意食壽司，因為飽肚啲🍣 咁多款壽司我就鍾意食玉子啦，雖然好似係好平凡嘅選擇，但加埋啲醬汁同配菜又好入味🤤 炙燒壽司都有水準，有好多芝士😍-仲有第一次試既波子壽司，個賣相細細粒好得意😆 有得食魚生之餘又唔怕會食到飽晒，啱晒想試多啲唔同食物但胃口唔大既人✋🏻-繼續就係細細舊嘅手卷，特別推介好鮮甜既海膽手卷，加埋啲飯一齊食就唔怕滯🤪-炸物就叫咗我最鍾意食嘅南瓜天婦羅，想讚嘅就係佢哋上菜速度好快，所以啲天婦羅上枱嘅時候都係熱辣辣同脆卜卜🥳-同其他放題一樣，都係有啲自助區俾人拎野食，下面就係我出去拎既小食😋 不過原來啲菜同埋薯角都有少少辣，所以唔好辣既朋友拎嘅時候可以留意下😆-黎到甜品環節，大推燒菠蘿🍍 雖然睇落去好似好大份咁，但係食完一輪鹹嘢，有返啲清甜嘅水果balance下，又可以繼續食啦🤪-仲有呢度最特別嘅係可以每人點一杯Haagen-Dazs / Movenpick雪糕🍨 揀左焦糖脆餅，甜度適中，係一個開心既結尾😋-總括來講，呢間放題嘅食物質素唔錯，最欣賞嘅係佢上菜速度真係好快，未食完一round已經上第二round😂 所以溫馨提示下大家可以唔使咁急落晒單先🤣…查看更多

上網見到呢間餐廳設計同食物都好特別，決定同朋友趁sem中黎放鬆一下🥳-好幸運地我地既位側邊有兩隻好可愛既貓貓🐱 可以係等食既時候同佢地玩下影下相😍 （不過佢地多數都係訓著左😂）（捕捉到眼訓既一面😂）-食物方面，都有唔少小食同主食可以揀🤓 -我就揀咗黑松露鮮菇意大利飯🍲 份量上睇起嚟唔係話好大，但係食落就好飽肚😛 口味上適合一啲鍾意淡口味既朋友仔🤓-小食嗌左明太子泡菜釀雞翼🍗 齋聽個名都已經覺得好吸引，估唔到上枱嘅時候都有驚喜😆 咬開有濃濃既明太子，配埋醬汁有微辣，係好開胃既前菜，推介！🤪-見到有咁多肉扒既選擇，忍唔住叫左兩份，分別係醬燒豬仔骨同埋厚燒美國安格斯肉眼扒🥩🤩 兩份肉扒嫩滑多汁，肉味濃郁，仲可以配埋脆卜卜既薯角食🤤 最特別係兩隻碟都印左啲用糖霜整既卡通人物上去，打咭一流🤓-呢杯榛子朱古力大推😆 甜度適中又不失榛子既香，大大杯好抵飲🍫🥛-最後唔少得叫呢度最出名既怪獸雪糕🍧 一上枱大家都嘩嘩聲，因為真係好大杯好曯目😍 入面有唔同口味既雪糕、威化餅同棉花糖，仲有唔同既水果，好豐富，好啱4-5個人share🤤仲有每人兩粒糖做小禮物清清口氣，幾貼心🍬-總括黎講，食物味道同環境都係唔錯，好啱一大班人聚會，但係如果價錢再平少少就更加好啦🤪…查看更多

同朋友行完旺中食晚飯，就決定去cafe hea下傾下計，一搵就搵到呢間好多正評既Station 3!-因為我地揀set既關係，有沙律做前菜開一開胃，份量岩岩好之餘又好fresh🥗主菜我就揀左法式忌廉煙肉雜菌燴長通粉試一試，個粉除左煙肉之外，仲有好多唔同清清地既配料，例如青豆、紅蘿蔔同粟米，其實都幾健康😂 芝士做到拉絲既感覺，但又唔會好膩，不過如果芝士味再出啲就更出色～～🧀-個set仲配埋飲品，我就揀左好穩陣既香蕉朱古力🍌🍫 甜度適中又不失香蕉味，可以一試！-朋友就嗌左黑松露帶子鮮菌燴意大利飯，一上枱就聞到幾香，特別在於個飯底用左珍珠米，加埋粒粒帶子有咬口😋-至於小食方面就更加吸引！我地叫左松露薯條同蒜香雞翼😆 松露薯條個份量真係好大，2-3個人share會比較好，熱辣辣又炸得幾香脆，啲松露醬唔會話太濃搞到喧賓奪主🍟 而雞翼好入味又超多汁，啲肉又嫩口，食到停唔到，大推介！🤤-食晚飯無理由唔食埋甜品既😝 跟set配左個藍莓芝士蛋糕同朱古力芝士蛋糕🍰 前者隻碟上面加左啲蜜糖做點綴，食起上黎又意外地夾😆 後者有d酒香好正🍾-食完甜品，朋友又突然心血來潮想飲番杯茶，所以就揀咗兩款茶一齊解下滯😬 我哋嗌咗戴安娜同埋紅莓果茶試吓，我哋就覺得戴安娜嘅味好清新，仲有少少似香水添🤣 紅莓果茶就酸酸甜甜咁，我自己就比較鍾意清新口味😝-總括黎講，質素同價錢都成正比，晚餐既話我覺得價錢同同區比差唔多，但可以多啲dinner set選擇就好啦😛服務方面可以加分！🤗 因為我地坐係轉角位比較隱蔽，本來都擔心會被無視，但原來餐廳有整到個鐘仔俾呢個位既客人，幾貼心😝 而且食完野又唔會催你走，可以慢慢傾計，聚會一流🤩…查看更多

呢間店一直係打卡熱點 ，一見到係太子開咗就決定去試下，飲返杯飲品之餘影靚相🤤✨-值得一讚既係呢度smoothie嘅生果全部都係新鮮榨出嚟，無添加其他人造色素😼 啱哂鍾意飲得清清地同埋想健康啲嘅人👍🏻呢度smoothie啲名都好有趣😹 同朋友叫咗兩杯share，分別係「糊塗飛鴿」，同「野孩子的天空」，一上枱就已經俾佢地既賣相吸引住，而且重點係真係幾好飲😻第一杯其實係水蜜桃配士多啤梨Smoothie🍑🍓，士多啤梨味比較突出，而且仲有好多果肉粒可以食到，加上乳酪酸酸甜甜嘅味道，整體感覺好新鮮🌱而第二杯就係藍莓配香蕉青檸Smoothie🍌🍋，呢個水果配搭幾新奇，因為有香蕉同檸檬嘅關係，所以適合一啲鍾意酸少少口味嘅人🤭 但我個人就比較鍾意傳統既甜smoothie多啲😆-黑糖珍珠既風吹得咁勁，見呢度有所以都唔執輸叫埋黎試🤪 分別係 芝士奶蓋椰糖珍珠鮮奶 同 芝士奶蓋黑糖珍珠鮮奶🥛 兩杯鮮奶味好濃郁好滑，珍珠又好煙韌，但我最欣賞既係佢整體味道唔會太甜😆-飲左咁多野之後，都想食多個芋圓埋個靚尾🍧 值得留意既係芋圓入面有一個好大嘅「水果星球」，好似火龍果嘅水晶球，食落就發現原來係大菜糕質地嘅啫喱，入口清清地，食哂成粒都唔覺得滯🤤 而芋圓質地相對硬身，加埋煙韌既椰糖珍珠，成碗都勁有口感😋 -間店設計係bar枱形式，好有一種悠閒既感覺，同朋友經過想飲杯野同傾計既話一流，而且飲品都有質素，推介🤪…查看更多

聞說呢度既芝士麵好出名，所以就慕名試試～ 😋餐牌上的確有好多芝士麵既配搭，對於選擇困難症既人黎講的確好頭痕🤯-掙扎一輪決定黎一個Double芝士：芝心丸芝士撈公仔麵🤤🧀 一上枱既時候其實有少少意外，因為就咁睇感覺上好似係自己係屋企都整到既麵～🤭 自己本身比較鍾意濃啲既芝士汁，但奈何呢個餐既芝士汁比較稠同少，食落有啲乾，同啲公仔麵唔係好撈得埋🤔 有比較下就覺得葵廣既芝士撈麵反而更合我口味🤨至於芝心丸都有可取既地方，炸咗既外皮食落有咬口，而食落確實有好多芝士，做到拉絲既效果～😛 份量方面唔算話好多，但芝士既威力就係食完滯足大半日😂 食完隊咗半枝水，因為都有啲鹹🤧-總括黎講，個人覺得呢度既芝士麵性價比唔太高，味道中規中矩唔算特別，價錢上都唔平，如果要加野飲就更唔抵～ 行過試下無妨～🤨…查看更多

好難得同朋友心有靈犀想試同一間，所以就算遠少少都照去😋 間店唔算好係中心點 所以都要行一段路先去到～去到既時候大概7點，唔算好多人，但食食下發現之後愈黎愈多人，環境開始變到有啲嘈，所以都係建議大家先訂位早啲去🤪-主餐叫左好穩陣既黑松露忌廉蘑菇飯，份量係比想像中大😝 呢個意大利飯真心好推介！！ 本來以為食落都好滯，但就算鋪滿芝士都唔油膩，白汁滲落個飯度好香濃，暫時係我食過最好味既意大利飯🤤-另外飲品就要左鮮製什果沙冰，本來都有啲擔心會好多種水果溝埋一齊，但呢個有啲驚喜😆🌟 外型上本身都搶fo，飲落係甜味為主，但又唔會話甜過頭，仲有士多啤梨做點綴有啲咬口，份量同味道配埋主餐係啱啱好，推介推介！～ 😋題外話，呢款飲品有啲勾起左我細個飲過一種飲品既回憶，覺得個味道好熟悉，但最後都係記唔起😂-黎到就緊係食埋甜品先完美🤤 叫左女皇麻糬窩夫，其實係荔枝味既麻糬窩夫～ 成個甜品既擺盤都好精緻，側邊有好多水果，完全滿足相機食先既標準😂 麻糬好黏好煙韌，但略嫌waffle有啲硬同厚，變左好多時候都未必好試到麻糬既味道😕 不過甜度適中，撈埋蜜糖都唔會覺得太甜🤪-比較失望既係另一個甜品芒果曲奇芝士班戟，本來睇個名覺得好難會中伏，但食落認真麻麻😕Pancake皮無咩蛋香味，同埋太乾身同硬，至於入面既餡 (芝士) 又太膩，撈埋黎食都覺得唔係好夾🙊 比較可取既應該只係啲芒果粒～ 建議可以試其他甜品～-值得一提既係，係度食完飯填埋問卷就會有一個法式焦糖燉蛋送🍮😋 味道其實同平時食開既差唔多，不過唔會話太甜，而且係好香濃既蛋味，唔錯😝到埋完單之後，原來仲會送一份小小既禮物，就係tictac糖🍬 食完有啲小食過下口好清新，呢個意外既驚喜都令人幾開心～😂-總括黎講，主食食物味道相當唔錯，價錢係銅鑼灣區黎講應該都係咁上下，但甜品既質素就未追得上個價錢啦，埋單兩個人都要成七百～🤔 服務方面都唔錯既，會好快睇到你既需要，但我就未習慣太多人望住我食野～😂🙌🏻 …查看更多

係香港搵素食既選擇真係唔多，見到menu難得地有素食烏冬，所以就決定去試下～😋本身睇個店名以為係連鎖店，但原來係小店，而且今餐好有驚喜🤤-本身都係抱住要食素食烏冬既心態，所以就算午餐Menu係冇呢個option 都決定要散嗌～值得一讚嘅係，呢度嘅素食烏冬都有好幾個唔同嘅選擇，適合唔同口味嘅素食者👍🏻-而我就叫咗一個味道比較濃既鮮什菌松露芝士烏冬🍜 叫之前其實都有掙扎過，因為會覺得西式同日式mix埋一齊好似怪怪地咁🙈 但一試真心好鍾意！😍 -烏冬既質地好軟稔稔，係軟到唔使咬既程度😂 的而且確啲芝士汁真係好濃郁，可能對於食慣淡口味嘅人會覺得有少少鹹，食完都覺得極邪惡😂 廚師好有心思咁樣加咗幾片沙律菜同埋一隻溏心蛋係烏冬上面，令到食起上嚟唔會好寡～😆-雖然個烏冬嘅芝士味好濃，但係飲埋間餐廳自家製嘅熱飲就會覺得中和到，啱啱好～ 嗰日去嘅時候係菊蜜做主題🥃🌼 飲落口好清甜，但又唔會覺得係飲左好多啖糖落肚咁😆唯一希望嘅就係菊蜜可以大杯啲啦～😝-另一個推介嘅地方係因為服務極好，而且上菜速度好快😆 老闆係落單之前有同我推介唔同口味既素食烏冬，例如淡口味既人可以試竹生秋葵烏冬～ 而我呢個素食烏冬本身唔係午餐Menu入面，唔包自家製嘅熱飲，但老闆好好人咁免費送咗俾我～😝😝 -機緣巧合下入咗呢一間烏冬店，但有好多意想不到既好味道，午市價錢雖然有少少貴，但係份量都算幾大，下次都會去試埋其他素食烏冬，真心推介😋👍🏻…查看更多