曲奇布丁's Profile

呢間餐廳冇得book位, 我們一行5人, 平日12:00已到餐廳, 當時餐廳內都好多位, 但安排我們5人要坐4人枱, 我們當中有幾位都係健碩男士, 冇可能咁迫住, 要求轉6人位。食物由落單到上菜, 足足等了25-30分鐘, 湯味道有濃厚磨菇味, 超夠熱~~不錯!手工意粉都夠彈牙, 白汁又唔會太creamy~最伏就係杯咖啡, 我要杯latte, 仲要另加$25, 我知佢唔係coffee shop, 唔會對佢好高要求, 但收得呢個價錢, 居然冇拉花,  一pat泡就咁上碟, 睇到都呆左!奶泡唔算好厚, 合格, 符合latte要求, 溫度夠熱,但味道真係好難飲, 連鎖咖啡店都好飲過佢好多, 我飲左半杯已經放棄左! D豆唔夠新鮮, 有一陣怪怪的味道, 又不是酸苦味...…Read More

家人正日生日, kkday購買後, 想問有冇生日蛋糕送上, 酒店答我冇呢個服務, 都算, 一件小cake都沒有。買完都覺得有點中伏, 但比左錢就照去啦...點知真係中大伏!一入去感覺就是90年代好舊的酒店, 除左坐得舒服之外, 食物同管理真係好差。間餐廳管理都好有問題, 我見到行政總廚居然會出來切魚生, 切出來的魚生仲要帶有魚鱗的, 好彩見到冇食, 否則老人家食左就好危險。另外，有一個切肉counter, 應該係有職員standby, 但冇晒人, 個客自己拎起把10幾寸長的切肉刀自己落手切, 有咩意外邊個負責?!開蠔的職員居然會用毛巾包住生蠔來開, 我見佢只得一對好薄膠手套, 好容易會比蠔殼刺傷, 間酒店好似完全唔夠人手, 又唔理員工安全!食物方面, 食完冇肚痛, 但我地都唔係高要求的人, 真心覺得食物好難吃, 海鮮唔夠新鮮, 蟹腳全部都係咸味, 唔知自己食緊咩, 一D鮮味都冇, 魚生都係唔新鮮, 熱盤種類都唔太多, 有咕嚕肉 (但大快X的都好食過佢)...沙律都冇咩款...去到13:30已經冇人再refill食物...未試過食buffet食唔飽, 因為真係好難食, 雪糕不是杯裝, 是一大桶仲要客人自己伸手"不", 好難處理, 疫情下要客人自己落手, 感覺好唔衛生!蛋糕同撻食得出全部都係外購返來, 個餅底淋晒大家真係唔好貪平, 一次都受夠, 真不明白kkday點解過去一個月咁多5星好評...…Read More

我地在入座一小時前, 在openrice見到呢間餐廳仲可以book位, 咁諗住book定入去試下啦...呢間餐廳仲話經openrice book位可以有85折 (聲稱),星期日lunch time一上到去,只得2張table 有客,  D職員好得閒吹緊水都唔出黎門口帶位, 黎遠見到我地係在門口都扮見唔到, 繼續吹水,我地等左2分鐘,  先有個女waiter帶我地入坐, 我話我地剛剛book左位, 問係咪有85折, 佢話我地即日book未收到通知...唔當我地book左, 仲要講lunch 唔計, 要夜晚先得, book左都係冇折 (-->到後來我睇返, 呢間餐廳冇講話lunch冇折, 要夜晚先有, 請openrice跟進)未有booking record咁我都明, 都諗住算啦照食...但佢D態度好無禮貌, 覺得我地找著數咁, 我心諗....你個網寫明book位有85折, 唔係我地找著數! 坐低照order, 我地叫左一份魚生角切丼, 一份豬軟骨定食魚生丼正正常常, 又唔係唔新鮮, 但冇驚喜, 豬軟骨定食一上菜, 我以為自己去左茶餐廳, 話明定食唔係托盤上, 就咁一碗白飯同一碟豬軟骨, 賣相好差食落口感適中, 但個汁唔夠濃, 令到D軟骨唔係好入味另外，我地見到廚房好多個員工都係無戴口罩, 仲要有個係負責切魚生的都係沒有戴,呢D疫情時勢都唔注意下衛生, 食得真係好不安總結一定唔會再來, 價錢唔平仲要受氣!…Read More

下雨天走到永光中心，剛好在大堂有一位waiter派傳單,見有set lunch食諗住不妨上去一試。上到去環境好有日式居酒屋的氣氛, 人流不算多, 傾計最岩。食物都係即叫即做, 上菜時熱辣辣。我地叫左一份雞扒丼定食, 一份壽喜鍋燒定食,再追加左三文魚壽司同埋餃子,鍋燒份量好充足, 仲有粉絲做底, 湯亦很觧甜,跟餐送的麵鼓湯不似一般用粉即沖, 加入了豬肉, 飲落沒有太多味精。雞扒丼的碗看似有點少, 不過份量一D都唔少, 雞扒煎得剛剛好, 唔會太硬。隔了4-5小時, 才突然發現放在桌上的日本手信忘記拿走, 原來要送給小朋友的,到了晚上再上去餐廳, 冇諗過侍應先生已放在收銀處再拿給我們, 真不好意思~雖然只是小事, 沒想過他們會先收好再等待客人回來領取,證明這是一間熱心有愛的餐廳, 支持!…Read More

已經係尖東店的常客, 見最近旺角開左分店, 即刻黎試下~平日晚上七點, 已經開始full full地…不過二人枱唔洗等位~~座位較尖東狹窄, 環境都幾嘈吵…雖然坐sofa位, 但同格離枱其實係緊貼住~唔方便傾計~食物方面, 水準同尖東分店無異~都係好好食,我地叫左兩份定食, 一份台式豬軟骨, 一份係黃瓜蕃薯素菜定食,仲有3小碟前菜, 味道都OK。台式豬軟骨口感適中, 不太油膩, 但個汁好稀, 不夠香濃;黃瓜蕃薯好足料, 整體幾健康清淡, 適合素食者飲品order 左朱古力珍珠同埋薄荷朱古力, 明明要少冰點知都係冇少到><食完後, 店外已經好多人等位~~值得推薦!…Read More

7點幾最peak的dinner時間居然唔洗等位,見佢有set dinner, 加上之前在佐敦分店食過唔差, 諗住試下,成個menu同之前的轉晒, 選擇少左好多, 價錢亦貴左好多…今次叫左一個set dinner, 有忌廉薯仔湯, 檸檬特飲,個湯好creamy, 有薯仔粒, 都算幾入味,主食叫左意大利黑松露燉飯, 好大碟, 個汁又係好creamy,不過D飯食入口好明顯係未熟, 咬落去仲有D硬,個口感真係麻麻, 好漿口;成份餐係個小食最好味, 個薯格即焗, 外脆內軟,個source用牛油果+洋蔥攪拌而成, 好鮮味,另外, 散叫左個芝士焗通粉, 雖然細細碟, 但芝士味好香濃,個汁又係好creamy, 食左半碟已經覺得好飽…整體真係一般, 有D求其, 價錢仲要唔平,應該冇下次了~~對比之前試過佐敦店, 真係幾失望…Read More

難得星期天, 特意過來九龍城逛逛順便食晚餐,六點的時間已經一連幾間鋪位坐得有7成滿, 只好選坐近廚房的二人枱。食物種類很多，我們選了三款，唔知係咪廚房真係咁少人, 定係D人做野慢?!由落單起計足足等左45分鐘啲食物先黎~中間有催過但樓面D Staff好hea, 只叫我地等多陣, 完全冇幫我地跟過~D食物終於黎喇…好彩賣相味道都OK, 全部即炒熱辣辣,越式炒粉炒得好入味, 粉口感都QQ, 蝦都算新鮮越式蒸粉包一碟4件, 粉皮口感適中, 沒有淋痴痴的感覺,餡肉份量好充足, 一咬落去已經有好多肉碎流出黎,加埋蝦片墊底, 一脆一軟, 軟硬度剛剛好越南賓海蝦肉連香葉放在生菜上, 用生菜包住,再點越南魚露食, 個汁酸酸甜甜, D蝦好新鮮,不過連埋竹籤一齊整熟, 好難搣返D蝦出黎~~…Read More

路過又有點肚餓, 就入左去BEANS試下佢的甜品~賣相超吸引, 睇見都想食, 揀左士多啤梨吉士酥&鳳梨吉士朱古力酥聞到都覺得好香, 吉士甜度適中, 不太漏,同埋打得幾滑,士多啤梨同鳳梨都好新鮮好甜, 不過唔知係咪職員將D酥餅雪得太耐, 朱古力果件有D硬, 好難切開,放左入口都要慢慢咀嚼, 朱古力皮都好硬,個酥餅就一般般, 食到DD雪藏味。但係士多啤梨果件又正常, 軟硬度適中。整體來說還可以, 環境清靜, 唔洗等位,有文藝風。…Read More

一早11點多去到, 唔洗等位, 仲可以揀位坐,落單以自助排隊形式先買飛比錢 (需要加1的), 之後職員會送餐到枱上,用餐時間限時50分鐘,呢間餐廳為左令廚房快點出餐, 規定落單後15分鐘內一定要上到餐,否則, 會送一張coupon比客, 可以下次亨用一份免費定食,我今次就係用呢張coupon, 食左一份免費定食。我地order 左兩份定食 (燒雞腿@1, 生薑豚肉@1) 加一份燒魷魚,全部食物準時15分鐘內送上,燒魷魚賣相吸引, 好大件, 兩人近乎食唔晒,不過間中兩三件口感有DD硬, 好似未熟得透咁,另外唔知係咪趕住上餐關係, 入口只是暖, 沒有熱辣辣的感覺。定食方面就幾滿意, 雞扒好大塊, 豚肉塊亦都好多, 口感好新鮮夠晒熱,仲有蒸蛋同綠茶布丁, 味道都好好食,另外有自助區, 白飯, 茶&麵鼓湯可任裝, 真係可以平價食到超飽飽~…Read More

來到已兩點幾, 特意等到3點入場食下午茶,Tea menu好抵食, 每份都係大約$60, 冇用餐時間限制,我地只係兩人但waiter居然安排一張家庭size的sofa位比我地,坐得好舒服, 又可以遠望窗景, 好relax…我地叫左兩份下午茶, 淨係睇賣相都好吸引, 一上菜已經聞到好香,煙燻火腿芝士脆餅個餅即焗好脆, 芝士味濃, 好好食,蕃茄雞肉偏意粉意粉軟硬度剛剛好, 好夠熱, 蕃茄醬酸酸甜甜, 好開胃,雞肉新鮮, 冇雪藏味,餐飲仲可以無限refill, 真係幾抵,整體來說都very good…Read More

放工趕到銅鑼灣, 未夠七點, 一心諗住試下呢間~樓下等LIFT要等左十分鐘先上到餐廳,門口已經開始有人等緊位, 不過我地人齊可以即刻入, 用餐時間限90分鐘,我地叫左兩樣食物,- 雜錦PIZZA (黑松露蘑菇+意式肉腸)- 鮮茄海鮮意粉上餐很快, 不用5分鐘已經齊了,Pizza夠薄夠脆夠熱, 芝士夠滑不黏口, 用料充足,意粉份量就相對比較少…每人捲兩小撮已經食完了,不過味道都唔錯, 茄醬食得出有茄蓉, 應該係加左茄膏自家再製,海鮮有蝦, 魷魚, 帶子, 都幾足料…雖然出面好多人等位, 但入場果時講明話90分鐘用餐…不過D waiter好似有D趕人走咁…我地不用一個鐘就已經食完兩碟食物..諗住坐多陣傾下計,D waiter 不斷咁走埋黎問仲有冇其他野加…之後已經收晒我地台面所有碟…D行為好似完全想你快D走咁…加上每張台同台之間好迫…整個環境勁嘈, 坐對面傾計好似嗌交咁~最後未夠90分鐘我地已經埋單走人喇~~…Read More

行完銅鑼灣, 諗緊食咩好的時侯,就冇意中上左去羅麥記~~見唔洗等位價錢又OK就入左去試下~~因只有2人關係, 不能點太多...所以就揀左佢餐廳推介的[磚頭鮮茄焗豬扒飯],呢個豬扒飯個樣真係幾靚...用厚麵包吐司做磚頭...入面裝住晒D飯...上面再加豬扒~~不過個茄汁食落去有D似大快活焗豬扒飯既口感~~有D失望...但個麵包皮就焗得OK...有D脆脆地~~再加個[三絲炒銀針粉]上菜時賣相真係幾OK....不過一食個銀針粉炒得有點淋...不夠獲氣~~但好彩唔係太多油...總結來說只可話OK, 試下冇妨, 特意去食就免了~~~…Read More

第一次黎食~~呢間窩夫咁出名~~黎到就一定要試下啦~果然沒有失望, 我叫左份SET LUNCH,包主菜+飲品+窩夫~~首先上場既係意大利鮮茄汁雜菌雲吞成碟都有成20幾隻雲吞,都好大碟, 加上仲有芝士汁0係入面, 好入味~~不過食到大半已經開始飽飽地喇~~之後主角黎喇~熱熱的窩夫配上朱古力醬~~好正呀!本人沒有落糖漿,但由於本身已有朱古力醬,咬落去脆脆地~~外脆內軟~~仲有CREAM同埋糖霜~真係好好食~~今次沒有失望~~會再黎~…Read More

今天難得放假, 自己去食左個下午茶~~因為係平日, 人流較少~入到去可以坐靠窗位~好抵食~主菜+湯+飲品+法包~~我叫左個葡汁雞長通粉~一睇就知好食~個汁同平時食開果D唔同,唔係太油膩, 但係又食到佢個味道~另外法包配黑醋檻欖油,酸酸甜甜~~好好味~~食完成分餐,真係勁飽, 可以當埋午餐~是日$43, 唔洗加一就走得~^^…Read More

呢間CAFE開左冇幾耐...諗住同同事試下~4人行等位都等左10-15分鐘~~個間格都尚算高檔,不過仲要客人自己出去COUNTER先買飛..真係有點兒.......=.=最後安排左我地去上層坐位....上層有點迫....好埋樓底好低.....勁嘈~~我試左個帶子配大蝦意粉,幾好味~包餐飲~不過本人覺得唔算太抵食, 一份SET $70幾蚊~仲要自己出去買飛先~…Read More