落單以自助排隊形式先買飛比錢 (需要加1的), 之後職員會送餐到枱上,
用餐時間限時50分鐘,
呢間餐廳為左令廚房快點出餐, 規定落單後15分鐘內一定要上到餐,
否則, 會送一張coupon比客, 可以下次亨用一份免費定食,
我今次就係用呢張coupon, 食左一份免費定食。
我地order 左兩份定食 (燒雞腿@1, 生薑豚肉@1) 加一份燒魷魚,
1
全部食物準時15分鐘內送上,
燒魷魚賣相吸引, 好大件, 兩人近乎食唔晒,
不過間中兩三件口感有DD硬, 好似未熟得透咁,
另外唔知係咪趕住上餐關係, 入口只是暖, 沒有熱辣辣的感覺。
定食方面就幾滿意, 雞扒好大塊, 豚肉塊亦都好多, 口感好新鮮夠晒熱,
仲有蒸蛋同綠茶布丁, 味道都好好食,
另外有自助區, 白飯, 茶&麵鼓湯可任裝, 真係可以平價食到超飽飽~
