happygirl2015's Profile

Farewell晚飯同事last day，大家同佢farewell食晚飯，近近地揀左公司附近一間西餐廳。當晚大概6點半到達，餐廳唔算多人。這裏有十多款晚餐選擇，有餐湯、餐包、主菜、飲品及甜品，價錢實惠。今日是我最喜愛的煙肉薯仔忌廉湯，鍾意佢好似薯仔熔咁，仲有煙肉粒，配上暖笠笠的蒜泥餐包，正呀！烤德國腸拼盤有幾款肉腸，肉汁也很豐富，配啤酒岩晒。牛油白酒燴鮮大蜆蜆肉很肥味，白酒很香。個人很喜歡食巴馬火腿，這款巴馬火腿PIZZA薄薄的，很鬆脆，巴馬火腿像是新鮮放上去，整體配搭不錯，吃得很開心。…Read More

可encore 樓上cafe 大熱天時屋企唔可以成日開冷氣，就約咗朋友去Cafe傾計，貪佢可以坐幾個鐘，又可以涼冷氣，人生一大樂事我之前其實已經去過，因為我好鍾意兔仔，入邊有兩隻bunny 兔，毛茸茸的，好可愛而且而家有79折，抵過以前我叫咗蜜糖雞翼，有成10隻，好入味，甜甜地，外面脆脆的，正啊！另外加咗一杯士多啤梨沙冰，沙冰好大杯，唔係好甜，有少少益力多味，酸酸地，好解渴，如果有啲生果就更perfect …Read More

特色潮州菜有個朋友喺英國來港旅行，所以我哋今晚決定帶佢去試下香港嘅中菜，不過佢話來咗香港兩個禮拜，日日都食中菜，有少少厭，但係又唔想食西餐，於是我地上openrice睇咗好耐，最後我哋決定來尖沙咀美麗華呢間食潮州菜，特色D。英國朋友話佢未食過潮州菜，我哋一於就book位來呢度試下，一入到去裏面個裝修好靚、好特別，有幾張大大嘅圓枱，可以坐到十幾人，而且啲細枱都係梳化位，好舒適。一坐低待應就奉上兩碟小吃，啲小吃酸酸地，幾開胃，我哋因為好肚餓，都未叫嘢食已經食曬。我哋叫咗菊花嘅茶，啲菊花茶好香好香濃嘅菊花味。食潮州嘢當然唔少得鹵水鹅同凍烏頭啦！我哋各叫咗一碟，但係呢度除咗鹵水食物之外，仲有好多特色唔同嘅小菜。我最鍾意佢嘅鮑汁扣鳳爪，啲鮑汁味好濃，而且鳳爪煮得好林，入口即溶，仲有個脆盞菠蘿咕嚕肉，甜酸度適中，而且外面仲係有個香脆嘅雀巢，廚師做得相當出色。我哋叫咗好多嘢食，大家都好飽，但係甜品其實係有另一個胃，我哋仲一人叫咗一碗杏仁蛋白茶，估唔到呢度啲甜品先至係最出色嘅嘢，杏仁味香濃，而且唔會太甜啱曬我哋。…Read More

今日同屋企人嚟到元朗地標YOHO MALL一期行街街家人大家提議到這間日本餐廳食放題5點鐘已經要排隊取籌for 5:30才可入內內。安排入座後我們已急不及待點菜，點完菜後交給侍應，我們便大夥兒出去飲品吧度取飲品，勁多不同飲品並且有餐前小食，都有幾多款色㨂喎！取完飲品嘅餐前小食我們便返返去自己張枱，嘩！竟然發覺全場已經坐滿了！超級誇張!及後食物已相繼上枱，有比目魚啦、芝麻雞翼、有烏冬、有羊鞍、當然魚生船同埋壽司都是必點主打！特別有印象的當然是最好味的麻將凍烏冬、羊鞍、仲有燒比目魚、仲有燒菠蘿、天婦羅，其實樣樣都好好味喎！當然仲有榴槤炸彈啊食咗一粒成個口腔都充滿榴槤味每吐一啖氣，都有震震的榴槤芳香，但係都係太飽肚的啊！…Read More

實在超值在佐敦恒豐商場後街，平常的確很少走進去，但這裏有一間西餐廳很美，這間吸引我的，就係佢既裝修。而且食物水準一流，服務友善。白酒牛油煮鮮大蜆意粉，蜆非常新鮮，煮得好嫩滑，無沙，待應說係天天鮮買的，所以推介的確無介紹錯，牛油味超香濃，最愛那幾片蒜片，吸收了牛油和蜆的精華，有蒜味而不辛辣，意粉吸盡蜆的鲜味，一口蜆一口意粉，完美嘅配合。卡邦尼煙肉意大利粉，朋友個個都讚，邦尼意粉的汁用料簡單但其實難煮，太大火會一舊舊，煮得唔夠又會好水。呢個卡邦尼汁就啱啱好，條條意粉都均勻地沾上了汁。但個碟底又唔會淨番好多汁 。味道當然係無得彈，濃淡適中。除主菜外，套餐有餐湯、蒜蓉飽、飲品及甜品。而且食個不停後，每人都不用二百元，實在超值，很合朋友聚會談天呀！…Read More

今日因為工作關係，所以去荃灣處理工作上的事。之前巳約朋友們在荃灣吃飯,真係有咁岩得咁橋!朋友推薦去眾安街以前的英皇大廈，而家變成另一座食肆大廈今日就去咗呢幢大廈嘅18樓，因為嗰度有間18樓雞煲，美其名18樓所以非常易記。到達18樓後有職員帶領坐近窗的位置，一坐低就見到周圍都有飲品櫃呀！有我最喜愛的OJ橙汁、有菊花綠茶再睇睇個點菜紙，好多我都想食嘅野喎！有蝦、花膠、鱔片、當然仲有肥牛啦啦服務員接我們的點菜紙後，便問我地要雞煲還是要其他湯底，我哋梗係叫雞煲啦！今次要小辣，職員話係咪即係微辣？咁就微辣啦！唔該曬首先到達嘅就係雞煲，香氣樸鼻嘅雞煲，好耐冇聞過啦！雞肉真係好嫩滑，是有少少微辣，連埋啲汁同埋芫荽一入口，冇得彈！就這樣飲呀飲、食呀食，咁就消磨左接近兩小時了！整體來說來這間雞煲所出來的餸....全部新鮮好味，當然在烹調過程中我們仲可以加入湯底作火鍋之用！全部食物都是非常新鮮，而且在這間雞煲的抽氣系統都應該非常強勁，因為我們身上都沒有半點燒烤或者係雞煲的味道我們約定下次再嚟呢間雞煲，試吓其他食物。因為今次真係點叫都叫唔曬餐單上的食物啊！…Read More

今日第一次來到大埔這條街道，通常我是頂多在火車站、地鐵站附近約朋友。因為陪老公幫朋友做點事情，完成事情之後朋友邀請我們到這間餐廳酒吧飲杯野聚下舊，於是我們欣然答應。這酒吧餐廳餐廳門面跟我們在中環或者尖沙咀的餐廳酒吧一樣設計，不像從前的重門深鎖看不透內裏的境況。我們的車可泊於餐廳門外較為方便看管我們叫了日式和風pizza仲有龍蝦汁海鮮天使麵仲有個西班牙海鮮risotto 龍蝦汁海鮮天使麵首先上枱，一隻大大的青口同埋數隻鳳尾蝦，配以炒過的意粉內裏有蘑菇蜆肉八爪魚賣相為吸引。餐廳所用嘅無論是大或者細嘅碟，都有自己品牌的logo另外西班牙海鮮risotto 半生熟的意大利飯合到好處,都是配以大嘅青口數隻鳳尾蝦配料跟天使面一樣食材，食後口感較淡卻被海鮮搶了味道最後上台的是日式海鮮pizza一個期待已久的Pizza熱辣辣的放上枱配以木魚絲在頂部一絲絲的 cheese 令人回味當我們吃到7788的時候見到顧客已明顯增多，我們也自動自覺埋單讓返張枱出嚟日式和風海鮮pizza是極之好味值得推介的食物必定返嚟再試…Read More

今日陪同家人來到這間叫風車的餐廳酒吧晚餐，這星期以來個兩間不同地區的餐廳酒吧，兩間餐廳酒吧都各具特色，但都是有同一個特點就係以直播足球及有洒精飲品為主。呢間酒吧有單叫及套餐形式可供選擇晚餐我們選了有Caesar 沙律、北海道帶子刺身配蜜桃沙沙、蕃茄蓉麵包配以薯仔餐湯，沙律新鮮味美，配合埋芝士碎味道提升不少,另外薯仔餐湯應該用攪拌機將薯仔打爛在煲湯，所以每一啖湯都有強濃郁的薯仔蓉味道主菜選了紐西蘭肉眼扒焦糖菠蘿另外仲有個法式燴羊膝兩款主菜賣相上枱視覺一流，唔知味道如何呢？切開兩碟不同肉類的進食後發覺羊膝下使用蘆筍同埋蕃茄、薯仔蓉伴碟，薯仔蓉跟薯仔餐湯一樣都係用新鮮薯仔搞爛製造而成肉眼扒我女兒說入口即溶配搭埋焦糖菠蘿都OK得喎！至於甜品有埋泡芙同埋cake，其實已經好飽了！勉強食埋個泡芙同埋半件cake已經over晒啦！餐後包埋杯飲品我叫你杯果茶，有些像台灣的果茶淡淡的茶香配以應該是水蜜桃的味道OK啦！總括而言這間餐廳所提供的食物有一定的水準，應該會再次光臨！唯一要彈的是廁所位置較為狹窄…Read More

今日中午跟朋友到了大圍吃午餐，行了很多間食肆。最後選擇了一間西餐廳門面易認，步入內裏感覺裝修別緻，2/3枱已有客人。 由waitress引領下坐在較為舒服的角落裏, 看過了午餐牌，選了平時較少order的豬手，今天午餐餐湯是南瓜忌廉湯。南瓜湯味道濃郁， 飲完後口腔內充滿美味的忌廉南瓜味， 真係好味道！主菜方面在餐牌上已說明如果order豬手需要等15分鐘…… 看著鄰臺所叫的午餐食品都幾精美，時間很快便過去了…… 美味的豬手已放在我桌上 ，嘩！個樣都好得下， 在鋸齒刀的用力切割下 ，好不容易才將豬手切成數件。 第一個入口的純豬手肉 ，感覺肉地嫩滑 再試埋個豬手皮，脆皮到不得了！ 主菜 有埋沙律菜伴碟 及 較為煙韌的意粉。 意大利粉是較為硬身的，不是一般快餐店所用的厚身軟淋意粉…… 個人較喜歡 呢款幼身意粉， 伴碟的羅馬菜 都很新鮮配以較為肥膩的豬手簡直是絕配！好不容易食曬全隻豬手，當然除咗骨啦！但是意粉真的 吃不下，還剩了很多！ 餐飲跟埋杯熱咖啡 。因為今日已經吃了一個很邪惡的午餐了， 今天晚上又要跑多幾個圈了…Read More

今日在朋友推薦下去了雞地呢間裝飾別緻的西餐廳 ,約中午12點到。 喺呢間餐廳內 檯數不是很多， 西式嘅廚房 ，應該對西餐烹調有獨特的烹調技巧感覺。在入門口 經過服務員的帶領下坐低 。看著餐牌午餐有數款可以選擇 ，經服務員介紹今日的餐湯是蘑菇湯， 在餐牌內其實有好多款式好想叫，但最終我都係叫咗個香煎鯛魚柳配忌廉汁、 同埋叫咗個凍嘅芒果菠蘿茶。是日餐湯蘑菇湯先上枱， 配以餐包，而餐包不是出面的茶餐廳麵包是鬆軟……配湯食更好味， 餐湯是味道超濃郁 配以忌廉在餐湯上點綴。約過了十分鐘後， 主菜出場鯛魚肉質鮮嫩 配以薯角作底 ，味道一流。用膳途中廚房其實長期傳出淡淡的咖啡香味，下次來到一定要試下去杯咖啡。…Read More

會跳舞嘅鴨子好耐未去過海港城行街，今日幾個朋友一齊去尖沙咀食飯，順便喺海港城行一陣先至搵食，行下行下見海港城開咗幾間新嘢，其中一間係食片皮鴨嘅，佢寫話會跳舞嘅鴨子，我哋都覺得好神奇，所以就入去試下啦！隻片皮鴨係即場喺你面前片的，即場睇到大廚大顯身手，隻片皮鴨係有三款唔同嘅食法，三款都好好味，配埋唔同嘅醬汁各有特色，其中一款藍莓醬配爆炸糖，就從未試過，當然就更加特別啦！跟住仲陸續有驚喜，我哋叫咗個蝦乾冰草，即管試下，原來係一個類似蔬菜同沙律嘅嘢，啲菜好似被冰封咁，食落去甜甜酸酸咁，好開胃，而且啲菜個感官上好似被冰封咗，好特別。整體嚟講全餐飯都好有特色，味道更不在講啦！一流嘅服務，食物又非常好，下次一定會再光臨。…Read More

菜色一流嘅小館過年嘅時候聽朋友講，美麗華呢間'百樂小館'啲菜式同味道好得，所以今日我哋就四人行一於嚟試下啦！ 一入到去呢間酒樓啲裝修好新穎，唔知啲嘢食得唔得呢？我哋就睇下餐牌，叫嘢食先。我哋叫咗麻醬手撕雞，啲手撕雞啲肉好香甜，芝麻醬好香加埋啲麻味，簡直係一絕，再加埋啲配菜配搭得好好。另外仲叫佐明火例湯，啲湯超甜，用料好充足， 啲湯渣啲蓮藕都好林，同埋啲豬骨都好好食，連湯渣都可以食買，好值得推介，下次嚟一定要再叫，仲好飲過阿媽煲嗰啲，呢間酒樓果然好不計成本，啲湯用足料，而且好夠火喉，我哋仲叫咗好多嘢食㖭！最後食到好飽至走，朋友果然冇介紹錯，呢間酒樓水準一流，價錢仲唔貴添！ 下次大時大節，屋企有飯局，一定要再约來試吓其他菜式，其實見到menu仲有好多嘢想食，不過今日人唔多，只可以叫有限幾款試吓，下次人多有好多款式一定要再叫嚟試吓！…Read More

宇治抹茶蛋捲今日帶小朋友嚟黃埔學嘢，黃埔新開咗有一個叫九號水產嘅地方，裏面全部都係食肆，咁我哋就去試下啦！去了一間叫做'宏'嘅食店，佢好似啲甜品好出名，特別係佢啲抹茶蛋捲，我哋未食晚飯，所以入咗去食，叫咗個鰻魚飯，啲鰻魚好新鮮，啲魚好鮮味，好林好新鮮，配埋啲秘製嘅鰻魚汁好好味，阿仔食到唔停口食咗好多飯，而且仲配有烏冬㖭！最後仲送埋個抹茶蛋捲，個蛋捲先至係佢最好嘅 最出色嘅地方，個蛋捲抹茶味好香，好香濃而且蛋糕好軟熟，裏面啲cream好creamy！我同仔仔都食得好開心，仲叫咗一杯宇治抹茶奶，同喺日本飲嘅一模一樣，抹茶味香濃，而且好creamy！今日都幾熱，我哋叫咗凍嘅，啲冰喺個杯度慢慢溶化，佢嘅甜味啱啱好，飲到最尾杯嘢都依然夠味。…Read More

佐敦西餐之選我跟姐姐都在佐敦上班，因為家中沒有飯吃，就約姐姐到附近晚飯才回家。恆豐中心後街有間西餐廳，裝修得不錯的西餐廳，我和姐姐常一起去食。怖置都好整潔，灰黃色的牆，加上裝了以比較懷舊的電燈膽，感覺比較懷舊又不失時尚感！也設有一間玻璃房間，大概是可以預訂用來作多人聚會/派對之用吧！餐牌除了可以散叫之外，還設有晚餐！晚餐分兩款，一款是價格比較高一點的扒類，而另一款是價格比較相宜的意粉類。法式蒜蓉包餐湯配蒜蓉包是極佳的組合，蒜蓉包好香脆及微暖的，一面飲湯一面沾上湯一拼食用口感更佳！酸忌廉煙肉薯條這個是另外點的，酸忌廉上面有煙肉脆脆！薯條是即叫即炸的，好香脆，酸忌廉是微酸的，混上惹味香口的煙肉脆脆不錯。卡邦尼煙肉意大利粉卡邦尼煙肉意大利粉是有香濃的芝士味，也是有一片片的煙肉片！上面灑上芝士碎，可以將意粉混和，芝士碎就會溶為一體了。意粉上沾滿芝士醬汁，意粉軟硬適中，芝士味濃而不膩，吃了一口接一口，份量也算多！黑松露忌廉野菌意大利飯黑松露是我的至愛，見到餐牌有當然要一試啦！上碟時已經閒到陣陣的黑松露香，口水都流埋，中間還混有粒粒的野菌，非常有口感及飽肚！最後點埋餐飲，整個晚餐就完結了！ …Read More

隱世泰國菜食親泰國菜都好自然諗起去九龍城食，今日朋友約咗我去食泰菜，但竟然係喺尖沙咀食，尖沙咀附近，原來係一間樓上舖嚟嘅，上到去裏面好泰國feel，而且應該係泰國人開嘅，大部分待應同廚師都係泰國人，我估應該好正宗下。成班朋友食泰菜都一貫梗係叫冬陰功湯、串燒、拼盤之類嘅食物，我哋今次除咗都叫了這些食物之外，我哋仲叫咗個海鮮燒烤拼盤。個拼盤超大個，裏面有大蝦，扇貝，燒白鱔同燒生蠔，當然唔少得我最愛嘅燒菠蘿啦！啲大蝦超級大隻，有成隻手咁大，啲肉都好鮮甜，好juicy，燒白鱔，啲白鱔好新鮮，好彈牙，仲有啲生蠔都好大隻 ，除咗海鮮夠新鮮夠大之外，佢哋嘅做法係用好多蒜蓉放埋落去一齊燒，啲蒜蓉好香口，配埋落啲海鮮簡直係一绝！…Read More