yasmineee's Profile

Tapas的概念，說到底就是細碟+美酒+輕鬆+精緻；而位於上環的Sabor，食完真要講句「我找到了」。這間西班牙菜餐廳沒華麗的裝潢，掛畫和白牆反而予人寫意、小清新感覺，更適合吃著tapas飲酒談天。我們點了$530 per head的Chef Menu。 甫坐下店員便送上橄欖小食及蒜香蕃茄多士的welcoming bread，多士香脆得來不會太乾身，而且蕃茄味很鮮！ <Grilled cuttlefish with garlici foam>這道烤墨魚粒，配上用空氣打入橄欖油和蒜頭做成的忌廉，幼滑又輕身，入口即溶，多沾蒜味也不會蓋過墨魚鮮味。墨魚切得很厚身之外又是一口即吃，更覺肉質很彈牙爽口。<Clams in green sauce>這是非常傳統的Tapas，上桌時熱辣辣魚湯還在滋滋作響。魚湯一點都不腥，而且加入白酒更吊出蜆和魚湯鮮味；蜆肉仲好大隻tim! <Portabello Benidict>Egg Benedict就食得多，照樣是荷蘭汁、中間是半熟蛋，不同的是底層不是muffin，而是一隻大磨菇。香濃蛋黃汁夾埋洋葱、磨菇、紅莓醋、火箭菜等等，味道濃而不膩。3碟Tapas過後，廚師好細心準備了Mixed-fruit Sherbet讓我們清一清味蕾。這個雜果雪芭用士多啤梨、藍莓、香橙等做成，上面放了一粒魚子，非常清新開胃。 <Spanish Black Rice>墨汁飯配魷魚和帶子，除了墨汁外，廚師在煮飯時還額外加了蝦汁，難怪海鮮味比平常濃郁。白色的是蒜蓉醬，攪勻後更加惹味。魷魚圈很彈牙爽口，唯一不足是帶子煎得稍熟了一點。 <Catalonia Cream>Creme Brûlée的外表，Catalonia Cream是以吉士醬、檸檬汁、肉桂等做成，再加上焦糖脆片。雖然沒有烤焗過，但因此口感亦比Creme Brûlée更嫩滑。<Tiramisu Foam & Homemade Mix-berries Ice-cream>同一般Tiramisu不同，這個是打氣foam狀的，所以更加香滑creamy！但比平常的較淡酒味，個人覺得很不錯；雜莓雪糕口感幼滑而且加入雜莓果籽，好清新。 總括來說，餐廳菜式份量適中，甜點特為出色；服務亦很貼心，而且不收Corkage和加一。 …Read More

位於雲咸街Jordan旗艦店的稍上方，可能因為在LKF 29樓層內，加上平日的關係，即使是Bar Restaurant亦沒有想像中嘈雜，頗能享受寧靜。除了有舞台Setting讓Live Band演出，餐廳亦走型格風格，灰綱裝潢有Rock味，加上餐廳昏暗的燈光，更突顯大玻璃窗外的中環鬧市夜景。 drink list 上的mocktail 沒有寫明材料成份，要詢問waiter比較麻煩與朋友點了兩杯Cocktail，一杯帶橘香和Gin的Old Etonian，以及侍應推介適合女生清生酸甜的C all Star。頭盤點了個招牌之一的Freshly boiled clam hoegaarden beer ($138)，以hoegaarden啤酒烹煮，蜆肉飽滿結實，啤酒湯有淡淡啤酒香之餘亦不搶蜆的鮮甜味；屬今晚水準之作。由於當晚龍蝦賣完，轉戰三文魚扒拼虎蝦，食材新鮮但略嫌三文魚過熟，虎蝦肉質彈牙不俗。這個鮑魚細扁麵口感一絕，麵條彈牙而且材料豐富，毫不吝嗇切條的鮑魚片，而且在沒有加入sauce下有淡淡咸香，不油膩又好味。心太軟焗得外層香脆，流心朱古力香誘人，不過不失。這個紫薯雪皅頗令人驚喜，雖然坊間充斥紫薯甜品，但這個味道清甜有淡淡紫薯香，甜而不膩，很是一個perfect ending !雖然餐廳佈置有型有格調，服務亦算貼心，但以食物質素來說價格高了點。若只是點杯酒吃點小食聽下live band，則不失為一個好選擇。…Read More

低調高手，使咩過海搵咁遠，馬鞍山街市都有一個。唔單止雞蛋仔要追求外脆內軟，格仔餅都係！最怕拎上手「軟lai lai」、口感「林bei bei」嘅格仔餅。雖然只係街市舖，但絕對係臥虎藏龍；未見過咁厚身嘅格仔餅，係平日街舖厚度成倍，同厚多士有得揮。而且毫不吝嗇花生醬，又有濃濃雞蛋香，$16好抵食！同場加映原味雞蛋仔，一睇都知外脆內軟，而且粒粒都有「肉」唔會空心，仲好香蛋味！P.S.老闆好好人好有禮貌，大家一齊支持街市小店！…Read More

近期lobster roll當道，龍蝦包入侵港島，同朋友揀左大坑Pop It! 試龍蝦熱狗。點了一個full size "Lobster Attack"，其實包就統一一個size，"full"只係指全隻龍蝦份量。order一到已賣相已經好吸引，麵包都包唔晒龍蝦肉。雖然麵包唔算好大，但一人絕對足夠，亦可以同朋友叫多個熱狗開心share，試多個口味。龍蝦肉mix埋creamy清新既沙律醬，加上有烘過既buttered roll，外脆內軟既麵包口感加分不少！仲有隨lobster roll上既薯條 (extra $10轉黑松露薯條），份量十足，炸得乾身唔會好油膩，很不錯 餐廳裝潢好chill，好岩幾個朋友食完邊飲野邊傾計。…Read More

數個月前轉工到九龍灣，作為九龍灣新鮮人，今日lunch趁Office人少少同事帶我去食好野，終於唔使來來去去都係飯堂同四喜。準時12:30pm離開Office，由企二行去國際交易中心嘅茶室，去到已經有條20多人嘅人龍，不過等左10分鐘左右就有位喇，算幾快。午餐有10款菜式揀，有辣有唔辣，同事揀左食過讚口不絕嘅肉骨茶配白飯油條，而我就重口味D，點了豬手撈麵。同事個肉骨茶一上枱已經聞到好香濃藥材味，有三數舊排骨同冬菇，同事讚排骨煮得夠稔，冬菇在湯中煮得入味，送飯「完食」咁濟。至於本人個豬手撈麵，滷水豬手配薑蔥汁撈麵，豬手份量頗多，不過略嫌有DDDD油（雖然我都知食得豬手學咩人話油膩…），可能個附餐嘅檳城魚蛋湯就係清清地俾你解下膩。總括來講，九龍灣新鮮人表示滿意。食完lunch仲有時間去行下對面間阿信屋tim!…Read More

一直都是銅鑼灣另一冰室、樂心冰室的擁躉，貪其凍啡好飲和常餐的香脆厚多士。但因為近半年水準有點下滑，便帶朋友轉移到喜喜食個tea好了。到這間港式冰室除了食下懷舊裝修，水準亦不致令人失望。因為平日在九龍灣上班已經狂點常餐，今次就試試它的漢堡包吧！雖然是下午茶時段，但點了茶餐以下的炒蛋x牛肉漢堡，都幾新奇配搭。朋友就點了炸雞脾，雖然略貴（$55），但睇個樣都知香脆啦，聽說肉質仲幾嫩滑tim。而本人對於個漢堡呢，都幾滿意！首先個包用左烘過既芝麻包，食落有口感而且畸帶芝麻香。不過重點當然係個炒蛋同牛肉漢堡，炒蛋熟度適中，未至於滑蛋太軟滑，夾包食唔會太濕影響口感剛剛好。牛肉漢堡亦頗juicy，冰室來說都算係超水準。…Read More

周六下午, 與好友預約了在西環碼頭海邊的Bistronomique,在堅尼地城站下車, 向海旁直行很快就找到了餐廳。到埗即被內外裝潢雅致的餐廳吸引,不過最搶眼的都是店內的"ONE DAY" 電影海報, 為老闆的品味加分!點了兩個Set Lunch,前菜選了魷魚仔配西班牙辣肉腸和香草三文魚, 三文魚厚薄剛好, 加上帶酸甜的sause和蘋果粒, 清新開胃。　Daily Special的豬仔骨,肉質軟熟; 旁邊的薯蓉很香滑, 帶牛油香魷魚仔配西班牙辣肉腸很香口有蒜味Daily Special的豬仔骨, 肉質軟熟; 旁邊的薯蓉很香滑, 帶牛油香而且份量很足沒有想到set lunch的iced coffee質素很高,咖啡香濃, 有點似越南咖啡!　甜品是pear tart,甜度剛好來個happy ending,餅底再硬一點就perfect喇!:)法式優閒, 與海邊很配建議坐露天, 現在有點秋意很舒服"one day" 電影海報, good pick!…Read More