446622的個人專頁

好耐無食放題啦！可能疫情關係，我覺得樣樣事都放緩左😅打去訂檯，終於好清晰聽到服務員，講出時段收費值得讚！當日我係食早段，未夠5：30已經可以進場👍服務員帶到埋檯，正呀，係一張6人檯間開變4 人檯，太好啦，唔洗坐得咁近，好似搭檯咁！以往既遭遇,隔離台好嘈呀,好難受啊！落單方，已經改用手機落單，夠環保！講番食物,都算ok,魚生新鮮，我點既數量都比足😋特別介紹下奶油蝦好味喎，泰式風味😋其如飲品，自助區都前菜熱食選擇.順帶提一點，出去自助區取食物要帶口罩，服務員都好主動提客人要帶上，衛生做到足👍👍👍期望疫情過後，都可以有寛鬆既檯服務！😋😋😋…查看更多

呢間開左好耐啦，都無時間去幫襯，事關夜左行過大排長龍！今日醒啦，打去訂位，不過只可以訂六點半前，唔緊要啦，早啲食啦！入到去都有九成滿，安排坐近吧檯出餐位！都好呀，一定好快有得食！睇左menu款式大眾化，價錢ok,賣相都幾好！我地三個人食order：滑蛋吉列豬扒食(得個賣相唔夠汁，無味)三文魚壽司、帶子壽司、油金魚壽司(新鮮)，唔記得名好似蝦卷(唔得，有炸碎粒好硬)，餃子(好味)，鹽燒三文魚頭(燒得夠香)，蟹子沙律(勁大兜，好彩店員提示三人要個細都可以)，仲有用優惠價加飲品(鮮果汁)，我地叫左西瓜汁，石榴汁，呢個要讚啦，加$6好似鮮榨汁好好味唔會太甜好清新，好過飲汽水！下午去食車仔麵飲汽水要加$7，你話係咪讚下十勝！服務方面唔算太差，都有人加茶，而家飲食業好難做啦，又要捱貴租，伙計人工貴，仲要無人肯做，做食客有時真係要體諒！…查看更多

來到的是午餐時間，當然要等啦！元氣門口放左部派飛機，攞飛要輸入電話有檯就打比你！等左兩個字後，我電話響起係元氣打黎提提我十五分後會有檯，又幾好喎，有時行緊商場，真係唔知時間！好快安排到有檯，今次坐入面bar檯！都幾好喎，對正迴轉壽司帶，滿滿碟碟壽司、刺身、小食，睇到即該攞幾碟試下。三文魚刺身新鮮，辣味三文魚好味保持到，帶子壽司，蔥吞拿魚壽司，鮭壽司，……最後當然試下午餐，我叫左牛肉烏冬$35無其他前菜跟，一般牛肉烏冬，份量好似得半個！我朋友叫左個醬油刺身飯跟湯$58，只有三文魚粒及吞拿魚粒沒有其他，份量迷你！男士食一定唔夠飽！…查看更多

到達酒樓時間13：30，去到唔使等！由於肚餓，無理是否下午茶，照落order 午市都有優惠點心！山竹牛肉，叉燒腸，鯪魚球，豉汁蒸魚雲，濃湯油麥菜，分蹄粉！睇得出好用心做，味道ok!之後再叫必食蝦餃，燒賣，買相吸引，好味！蝦餃皮薄，饀靚！服務就一般，有代改善！ …查看更多

自從此店裝修後，都黎過幾次！通常下午茶黎！今次介紹個常餐B茄牛通跟炒蛋餐包！先講炒蛋有水準唔會太熟，本人鐘意食法將一半炒蛋放入餐包一齊食，一咬入去，正呀，仲有蛋汁，夠嫩滑！至於茄牛通，牛肉嫩滑，鮮茄唔會太酸，好夾！凍奶茶好耐無飲，覺得好有茶味！…查看更多

都黎過呢間好幾次啦,遲左小寫食評;最初係睇到報紙介紹,行開北角咪試下咯!先黎點飲品,嘩....有日本beer,罐裝汽水,跟住梗係刺身,種類唔算多,有我鍾意食三文魚北寄貝,希靈魚,劍魚....壽司:三文魚,甜蝦,炙三文魚,鰻魚,包片,帶子....呢度填單可以每客15件,絕不古寒...仲好肥美....我都試過食好多任食啦,有時會簡貴精不貴多,我簡鍾意食既野,黎任食不是任嘥....我最欣賞佢地既天婦羅,炸出來熱辣辣,首選天婦羅蝦,南瓜,冬菇...串燒有好種類:串燒牛柳,雞軟骨,雞腎,串燒蝦,串燒豬利,雞翼,翠玉瓜幾特別...前菜:蟹子沙律(用青瓜絲做夠正宗)螺肉,中華沙律,八爪魚,枝豆...嘩,寫寫下原來都好有多野食架,仲有火鍋,蟹粥,日式炒烏冬,鐵板牛柳,鐵板焗薯皮...呢d我好小叫,因為食刺身已經回本,哈哈哈....大眾化價錢,值得一試~…查看更多

來到澳門,第一站行漁人碼頭,一個好有特色既但係人很小;一路行個肚都餓了,我地兩個不如去食壽司,哈哈哈~心想呢度環境咁清靜,應該唔使等啦,一入門口,同香港一樣好多人等緊,好彩地方大,我地都係等左廿五分鐘合理.:)四月份有8款推介,好抵食,我地都試左幾款,串燒拼盤,牛肉刺身他他,迷你芝士海鮮米比薩....串燒有6款燒得剛剛好唔會太乾,勁欣賞牛肉刺身,肉身夠凍,汁醬配搭得好好,帶起牛肉既鮮味.係香港都好想試米比薩,但係見到咁大件,會好漏食唔到其他,今次見到有個迷你版,一定要試下;薄薄米飯底,食落香脆,芝士唔太漏.我地都比較喜歡食三文魚壽司,呢到有三文魚六褔壽司,好有創意,6款壽司有5款壽司面都加左調味,好有特色.甜蝦刺身好大隻又新鮮,壽司方面唔會太大粒,招牌蝦天婦壽司,炸得香香熱辣辣,保持水準,值得一讚!…查看更多

係雜誌見到有conpon平日$138一位,終於打去訂位試試!一入到去已經都坐到七七八八啦,我地安排坐2人小檯,立即落order,首先當然叫刺身:鮭,章紅,甜蝦,帶子,劍魚腩....份量黎到每次都十足,新鮮,要加分,炸軟殼蟹卷,迷你吞拿魚腩蔥花手卷,鰻魚芝士卷....要介紹下個蘆薈沙律,好清新,有日本和風汁,好好味.燒物方面:鹽燒秋刀魚,鹽燒三文魚頭,燒羊胺,串燒和牛牛肉,焗廣島生蠔,正呀.蝦天婦羅有蘿蔔茸跟汁,正宗,炸雞軟骨太油,是次最唔好係滑蛋豬扒,個賣相好好完全比佢呃到,薄切豬厚粉炸,咬落去,其間有小小漏單,要追單佢地都有幫我地跟,眼見侍應都好忙,但算有求必應.總括黎講,樣樣都好,我覺得淨係食刺身都返本喇,哈哈哈~…查看更多

果日下午茶時份去食,人流一定少,不用等位!一行2人,叫左2客築地魚生飯定食,三文魚壽司,珍寶帶子壽司,甜蝦刺身....可能lunch過後啦,先黎前菜,燉蛋,湯;個燉蛋唔得呀,個賣相唔好仲係唔凍唔熱添.order好慢,當時相信不足2檯,有待改善!珍寶帶子預期好味,新鮮,魚生飯好足料!甜蝦刺身新鮮,三文魚壽司無黎到.最後可能師傅見我地面口唔好,送上蟹子沙律,作陪罪!好~有前途,努力啦!…查看更多

睇過雜誌介紹,再上黎睇過食評,覺得價錢啱心水,終於上來試試~食消夜時段,訂左位,去到呢,唔係咁多人,不過安排左近門口既,比較熱,我朋友太怕熱啦,向經理要求轉檯,經理都好禮貌地講:有檯埋單幫你轉.我心想有埋單都要十點幾啦....算吧!唔理咁多啦,點野食先;首先刺身,壽司,前菜串燒,鐵板燒....乜都點.刺身黎....嘩....掂呀,有睇頭,寫幾多出幾多,吞拿魚,三文魚,北寄貝,帶子,甜蝦(細隻),正呀...食左一陣,經理過來話有張檯埋單呀,可以轉入埋面啦.喜出望外呀,果然有得轉,平時其他都打發下,就算啦,真係有得轉,應該加分.坐得舒服,食得開心,yeah~講番食物:之前食評提及;帶子刺身,芥辣八爪魚,和牛,清酒煮蜆,冷豆腐.,燒蠔,大蝦天婦羅..保持水準,好好我就介紹下其他:鐵板漢堡扒(有汁有肉味),蟹肉棒壽司(好味),海鮮寄世鍋(鮮甜,有魚頭)...不過都有d就唔多得架;秋刀魚原條,不過細條燒太燶,手羽,好似蠔油雞翼,no good.炸薯仔餅太油....之前睇食評唔好d野,到上到去有改善,真係有誠意,值得讚!總括呢餐好滿意,食左咁多野,仲有其他未試,下次要再去啦!…查看更多

第一次黎到時新,係舊式快餐店,今日下晝黎好肚餓呀,當唔算太多人,等左一仲有位添!叫左2個雙層芝士漢堡,炸脾,炸薯條要等一陣,因為係即叫即做.先黎炸脾,薯條,好肚餓關係即食薯條,薯條麻麻地,炸脾好好味,炸到得熟透,好熱添,跟住漢堡包才到,好味,好多汁,可能先黎食左其他先,又唔覺得個包,勁好食.不過我下次會再去,淨食包先,哈哈哈~…查看更多

朋友生日今次食法國菜!環境好浪漫~望到海景.一行四人,餐廳入面都幾靜,四個女人一齊都嘈架,有d唔慣咯!講番食物啦,頭盆係煙三文魚,湯我就是磨菇湯,幾好味,主菜係鴨胸,海鮮意粉,甜品:羌汁梳乎利及拿破倫cake,總算不過不失,可能我唔識欣賞法國菜啦!…查看更多

每次黎到呢間任食放題,都有驚喜!!上次朋友帶我黎食咁啱送松葉蟹~~~嘩...咁好既~~~任食一個價錢,仲有野送,我覺得好抵咯.睇佢地餐牌在限定日期送唔同既野,有時送壽司,有時送湯.嘻嘻~~~呢2次咁啱都送蟹,正~~都唔知係咪我朋友早有預謀架.上次食松葉蟹我覺得一般,送既就ok啦!但係今次唔同啦,鱈場蟹呀~嘩...勁好味呀,好新鮮呀,啖啖肉,有成4件呀,我都唔知點形容,我相信無乜邊間會咁送法咯!其他食物保持到水準,可能唔算太忙,送餐都好快,仲有多左個salad bar唔啱我,d前菜no good,無乜睇頭.…查看更多

:)好幾年前,朋友介紹黎一本食消夜,我覺得食物幾好,又好耐無食鐵板餐,就想去,去之前當然要上來睇下食評,一睇,講到差左好多,但我都堅持要去睇睇.當晚大約9:30去到,剛剛吧檯有,唔使等,但係檯係未執既,侍應示意我地坐底先,都好快幫我執檯.打開menu價錢依然係平呀,叫左10數件壽司,龍蝦鐵板餐,燒三文魚頭,薄燒牛肉,啤酒買一送一,由於我朋友唔飲酒,所以我叫先開一支飲先,其間都有加茶,侍應雖然唔係笑面近人,但算有交流,當我針完支beer,剛好有侍應過來話上埋第2支,oh~~好醒呀~值得一讚.食物方面都幾好,壽司飯就麻麻啦.…查看更多

第一次去板長係在過年前,即係佢地新開果日.當日下午去食又見唔使排隊,對板前有信心應該唔差.入到去食左好多壽司好新鮮,好味.不過埋單就貴好多,2人$5xx.最近一次去,今次叫左3lunch set,食物尚算新鮮.不過一路食一路聽到隔離檯係咁話d服務差,shit影響哂我既心情~順帶留意下啦~嘩~嘩~~~~小姐你d頭髮呀,~一名女侍應佢究竟知唔知衛生架!!!!佢雖然長有扎起,但係擺埋一大束係左前邊,懶靓咁,d頭髮長佢用托盤攞野時都掂到呀~~當時可能落場時間,無哂d管理層,無人理啦.在我坐張檯剛啱係佢地個櫃,唉.....我食緊野架,唔好係度拉黎拉去,果d外賣盒啦,有塵架,大哥....我好快就走啦.....咁既價錢應該做d啦,在門外等到發毛,咁有誠意既客人,都想有較好服務,唔想食到一肚氣~…查看更多