LillyWongHKfoodie 's Profile

父親節就到，原來諗住同老豆去食日本野，但老豆話唔鐘意食日本野，又話凍冰冰又話食唔飽... 所以我哋今次就去左尼間中餐廳，食啲暖胃又飽肚嘅野食...我哋果日係食晚餐，經餐廳職員介紹。我哋前後叫左6道菜... 前菜 - 炸物 炸豆腐好香口，炸粉唔會好厚，尼個set 比較岩鐘意食香口野啲嘅朋友...炒飯，啲飯炒到一粒粒，夠乾身...而且份量都幾多下，無飯不歡嘅老豆 一個人食左幾碗😂😂😂甜品- 桂花糕 一點點嘅桂花，唔會好甜配上好香嘅奶味，鐘意食傳統中式甜品嘅呀媽整體黎講，餐廳服務幾好幾舒服！ 燈光又夠光…Read More

星期日原本諗住同屋企人落街飲個靚茶，點知出面落到狗屎咁😵😵😵所以就係OpenRice 到外賣自取，一家五口就叫左8野點心，兩個小炒。但另外都叫左2隻糭，因為見到佢啲糭都有做優惠，所以想叫黎試試...鮑魚燒賣- 真係有成隻鮑魚，同隻燒賣一比一，性價比高。十幾蚊就食到鮑魚真係幾抵！小籠包- 不過不失，中規中矩。值得一推薦嘅係：龍皇西施泡飯尼啲天氣想食啲湯類嘅野，但老豆又唔鐘意食麵，所以就叫左個泡飯又岩老豆又岩我哋鐘意食湯嘅仔女...個湯底好濃，好夾個飯...食完唔會口渴😄😄裹蒸糭- 細佬一拎出嚟，就嚇親我，因為估唔到咁大隻😵😵 一隻糭可以夠3-4個人食。入面都好夠料，細佬仲話隻糭係香港製造。雖然落雨天，冇得出街飲茶。但係屋企食又不失為另一種家庭小享受！下個禮拜再同屋企人係鋪頭飲茶再試其他點心！…Read More

屋企人同我都鐘意食中菜，每逢節慶活動日子 我同屋企人都會試唔同餐廳嘅中菜。琴日同朋友上完堂之後，就去左尼間餐廳食飯傾吓偈...因為岩岩做完運動，所以都叫左好少野，廢時吸收得咁快 ，驚肥😂😂老火湯 - 個湯好濃雞湯味，而且飲完個嘴黏黏地，證明都幾重膠質..個湯唔係得啲水，仲有好多湯渣。之後就黎左個叉燒燒腩仔，個燒腩仔好香脆，而且又唔算好肥，所以罪惡感唔咁勁....因為之前都有幫襯佢其他分店，所以今次都會朋友再黎幫襯多次...:):):)…Read More

就黎到母親節，驚正日食飯會訂唔到枱食飯。所以成家人就提早同老媽子提早慶祝母親節💕💕💕尼間餐廳之前有同客黎食過，覺得啲野食唔錯。所以今次做乖乖女帶呀媽黎食。雖然係提早慶祝，但都擔心冇位，所以都早左三日訂枱。唔知係咪因為有訂枱嘅關係，餐廳職員好好俾左張望海嘅枱俾我哋。當日個天仲好清好有陽光☀️，成個維港一眼望晒屋企人都好開心望住靚景食飯，當日仲影左張全家福先黎左個燒腩仔，個燒腩仔個皮夠脆，而且唔會太鹹，夠味。唔洗點醬都食得之後就黎左莧菜正正常常，份量適中。成餐飯都食左2，3個鐘，職員都好好冇趕人走。岩晒同屋企人慢慢食，傾吓傾。…Read More

尼排天氣幾好，好似秋天天氣咁 🍃🍃日日都幾好太陽而且又乾爽。所以星期六朝頭早起身就拉埋呀哥，老豆同媽子去飲個午茶。雖然尼間餐廳同屋企距離都唔近，因為媽子成日去尼間餐廳食😄😄所以同餐廳員工幾fd，而且啲野食質素都幾好:)所以我哋都慣左係到飲早茶/午茶😊😊😊因為我同呀哥都超鍾意食尼到嘅腸粉，所以今次腸粉都係必點嘅點心。今次叫左尼個款腸粉，入面舊炸物 好脆，香口而且個粉皮夠薄，唔會整到入面嘅炸物淋晒今次特別叫左個叉燒燒腩仔，因為我地見到隔離枱都有叫而且個叉燒個樣幾靚，所以叫黎試下。叉燒，肥瘦均勻，而且個蜜糖幾香燒腩仔一如既往 一樣咁脆，但今次食好似鹽落重手左少少，鹹左啲最後黎埋個炒麵，一家四口食到飽一飽，同尼到啲員工打下牙骹又開開心心過一日…Read More

岩岩1月1 同成班同事落灣仔飲嘢慶祝新一年，就嚟新一年 啲同事又話要聚聚又落灣仔飲。但我同其中幾個同事都唔想咁晏返屋企，所以就建議個搞手話係公司附近食晚餐，然後各自決定直落定散。咁個搞手最後簡左尼間餐廳，我同幾個同事都覺得幾奇怪，點解要尼間公司。原來尼間野有酒吧，而且仲係任飲Tim。但我同我同事都唔係好好酒，所以就放左工先去食晚飯。有啲好酒嘅同事已經一早已經落左去飲野😂😂仲話好抵飲Tim 之後，我哋就叫左幾道菜。以下是我覺得不錯，可以再食蘿白糕 - 雖然新年就嚟到，但見到隔離枱有人叫左，見到煎到金黃色。所以就叫左嚟食🤤🤤個面好脆，入面仲熱辣辣龍蝦泡飯- 個服務員話尼道菜係招牌菜，用嘅湯都係龍蝦濃湯。由於佢係即場煮，係幾有睇頭，但煮嘅過程都有兩三分鐘，成班同事已經等左一段時間，好肚餓。 玫瑰酒牛肉 - 好香玫瑰酒 🤤🤤總括而言，尼間餐廳用料係靚，但對於small potato 黎講，尼餐飯價錢係中上價錢🤣 但如果同一大班朋友同同事食 就抵食D, 可以試多啲野…Read More

今日同呀妹慶祝畢業嘅大日子🥳🥳 成家人拉大隊去荃灣食好西，唔經唔覺呀妹已經讀左成4年U , 仲要成功畢到業，唔洗retake 😆 真係可喜可賀 呀妹最鍾意食東南亞野，所以我訂左尼間餐廳食飯去慶祝下佢嘅大日子尼間餐廳未試過，但係睇某社交平台推介過，見到幾吸引🤔所以試一試係咪咁正我哋一共叫左5/6 樣菜，D味道都幾惹味，D香料好香下青檸魚- 看似奇怪配搭，但食左味道好香 好fresh ! 如果夏天食，應該會仲正柚子沙律- 本人最鍾意尼個菜本身都超鍾意食柚子，所以十分推介俾柚子Fans 😆😆最後，黎到甜品時間泰式拼盤- 可以一次過試晒咁多樣野🤩岩晒我尼D心大心細嘅人😂😂試晒全部，我比較鍾意食千層糕，好煙煙韌韌呀妹同屋企人都好鐘意尼間地道餐廳，大家都好滿意😆😆 個服務員都好好人，見到我地自拍緊，都會主動行過黎話洗唔洗佢幫手幫我地影相👍🏾👍🏾👍🏾…Read More

上個星期係萬聖節🎃，雖然公司係中資公司但我老細都話要慶祝萬聖節，所以就請成班同事食飯🤩🤩跟住秘書就book 左尼間餐廳，話今日大家記住要六點鐘準時去到🥳🥳 正！ 咁今日大家就可以準時收工因為尼間餐廳就係公司對面，所以都好就腳唔洗話要搭車過去。秘書話因為今朝先book 所以有D菜式冇得即叫即食😞果日我地就叫左6道菜，有幾道菜我好鐘意😋龍蝦肉糯米飯，好岩秋天食🤤🤤🤤 熱熱哋食落肚暖笠笠☺️☺️☺️蘿白絲酥 - 聽個服務員Uncle 話 聽道菜之前上過電視，我哋成班同事即刻 嘩一聲😂😂然後瘋打卡而係味道方面，係幾脆😋入面好多蘿白絲。⭐️⭐️不過大家要小心D食，因為入面好熱😂小心辣到條👅值得一叫嘅烏冬😋😋個湯好濃龍蝦🦞味雖然細細碗，但D面質同配料都好足！而餐廳嘅服務都好好，會有個服務員幫我地分菜同添茶👍🏾👍🏾食物水準好高，所以價錢都係中上價錢。對於我地聽D打工仔黎講，緊係要推介俾老細/管理層食啦😆😆😆（順便請埋俾我地就好了！）…Read More