所以就係OpenRice 到外賣自取，一家五口就叫左8野點心，兩個小炒。但另外都叫左2隻糭，因為見到佢啲糭都有做優惠，所以想叫黎試試...
鮑魚燒賣- 真係有成隻鮑魚，同隻燒賣一比一，性價比高。十幾蚊就食到鮑魚真係幾抵！
小籠包- 不過不失，中規中矩。
值得一推薦嘅係：龍皇西施泡飯
尼啲天氣想食啲湯類嘅野，但老豆又唔鐘意食麵，所以就叫左個泡飯又岩老豆又岩我哋鐘意食湯嘅仔女...
個湯底好濃，好夾個飯...食完唔會口渴😄😄
裹蒸糭- 細佬一拎出嚟，就嚇親我，因為估唔到咁大隻😵😵 一隻糭可以夠3-4個人食。
入面都好夠料，細佬仲話隻糭係香港製造。
雖然落雨天，冇得出街飲茶。但係屋企食又不失為另一種家庭小享受！
下個禮拜再同屋企人係鋪頭飲茶再試其他點心！
