hazuki1074's Profile

有日心血來潮想食Churros🤤，就搵到哩間開左一段時間既人氣店。當日去到都見到不斷有人排隊，我都即刻排埋一份。員工只有兩個👫🏻，不過等左一陣就拎到手。BANOFFEE 焦糖香蕉片配香蕉拖肥醬 $58見住店員吱雪糕🍦吱到一層一層，好平均，再淋上醬料，簡直成個藝術品咁靚。Churro炸到外脆內軟，微微暖唔算熱，外皮沾滿肉桂砂糖，裡面好香牛油味🧈，有9成似係外國食到既風味。順帶一提，店舖提供純素版Churro🌱，素食人士都有機會可以一嚐美食。至於雪糕係Vanilla味，質地好滑，香蕉拖肥醬好濃郁，奶醬味好重，仲食到粒粒香蕉肉🍌，但注意哩個組合適合嗜甜既螞蟻人，而我就覺得超滿足😚。…Read More

間最近好受歡迎既人氣麵包店🥐，除左緊貼潮流既PANCAKE包🥞，近來仲推出左唔少開心果味產品，今次就一次過買哂去試哂去。開心果醬蛋糕 $8.5佢係牛油蛋糕黎🍰，質地鬆軟唔乾但偏甜。開心果醬只係面頭，蛋糕本體開心果味就無咩，但牛油🧈蛋糕黎講都可以。開心果醬鬆餅 $8.5佢質地都濕潤但都係偏甜，中間會有一層開心果醬，係味道來源。開心果菠蘿包 $8.5佢個菠蘿皮都好鬆化，入面包住開心果醬做餡，但餡料唔多🥲。開心果撻 $10幾個產品入面最期待，佢用左傳統既曲奇皮🥧，個皮好酥唔錯，可以成個起出黎唔爛。佢表面個層開心果層其實就無咩開心果味，反而中間奶層夠滑🥛，最底係開心果醬。佢既開心果醬係結身，好濃開心果味，點綴哂成個撻，不足之處係分佈唔係好均衡偏向哂一邊🤣，同埋再多啲就好haha 不過$10黎講，我覺得性價比算高分，係唯一想encore既開心果產品。其實佢既出品🥖一啲都唔差，對得住價錢，但係如果抱好大期望係濃味，就應該會失望。假若下次經過無人排，我會再幫襯😆。…Read More

好多美式快餐店都出名奶昔🥤，就好似哩間過江龍咁。今次就唔介紹佢既漢堡啦，想介紹下佢期間限定既開心果奶昔。開心果奶昔 $64第一啖意外地驚喜，開心果味濃度係中級，有啲咸咸地既味應該就係佢提到既鹽味蜜糖🍯，本身佢雲尼拿雪糕🍨底已經好濃好甜，咁樣咸味調一調，其實反而中和左。不過我最鍾意係佢既薄脆片，唔單止係表面裝飾，飲品入面都可以飲到🥤，口感好豐富。不過如果唔鐘意又甜又咸既朋友，可能就未必鐘意。芝士煙肉薯條 $43粗波浪薯條🍟係我心頭好，睇顏色佢係比平時炸耐啲高溫啲，比平時金黃更深色，條條都好脆口。芝士醬🧀好濃郁，煙肉🥓放落去加重左個咸香感，但份量就略嫌細左啲。…Read More

曾經摸過三次門釘，難得撞見開舖，我即刻去左排隊🏃🏻‍♂️。佢既選擇太多，一個人花多眼亂。就湯底已經有咖哩叻沙、秘傳叻沙、三重同四重香蝦叻沙。根據同店員傾計，🥘咖哩叻沙就偏重口味同帶辣；秘傳叻沙就係元祖風味；三重同四重香蝦叻沙就著重蝦鮮味🦐，四重比三重再多一種蝦。最後鐘意食辣既我就揀左店員推介俾我既重口味之選🤤。原隻軟殻蟹蜆肉無味精馬來香濃咖哩叻沙摻摻 $132就咁聽個名已經好吸引，一上枱急不及待放啖湯入口，非常熱辣辣♨️，果然好濃郁同好鮮味，仲有椰香既襯托，平時唔鐘意飲湯底既我都忍唔住一啖接一啖🥄。辣味大概似小辣咁，食到香辣既味道，又唔會搶過其他味。至於軟殻蟹🦀雖然凍左，但仲相當脆口又啖啖肉，內臟都清理得乾淨，都好好食。意想唔到係蜆肉原來先係濃味之選，辣炒過後非常香🌶️，令成碗麵多左個層次。另外，仲唔少得有豆卜、白魚旦、芽菜，非常足料。食完覺得好滿足，已經諗定下次黎要食咩。想提一提店員好nice，食完之後都有問返我感想，又閒聊左一陣，覺得係一間好有人情味既小店💕。…Read More

荔枝角區內其實好多好野食，好似哩一間正宗越南人開既越南🇻🇳餐廳，雖然地方唔大，但食物質素就值得你前來體驗😚。河內燒豬肉撈檬 $58 + 凍鹹柑桔 $7一上台份量都唔少，好怕豬肉🐷會好乾，但佢一啲都唔會，用左腩位部分，一層肉加一層脂肪咁，好香口又唔鞋。個汁好貼近越南食到既味，咸甜酸都好平均，加埋檬粉真係好好食😋。另外，佢仲有薄荷葉、芫茜、金不換🌿伴碟，可以按自己口味加落去。同埋佢係唔辣，唔食辣既朋友都可以試。至於飲品🍹，我覺得比較淡味，但當清清地解熱。…Read More

哩間餐廳開左一段時間，午餐時刻都要排下隊👭🏻，要預早少少黎拎號碼。今次試左兩個午餐set，意想不到又幾有誠意，想介紹俾大家。☺️法式白酒忌廉燴雞 $82 + 10%首先，佢個餐包🥖上枱熱辣辣，不過就唔提供牛油。佢個餐湯係蕃茄湯，比較少見，又係熱到辣口，我就好鐘意熱食。佢蕃茄🍅打到蓉，好香茄味，又唔會好酸，同餐包都好夾。講返主菜🥘，佢既汁偏稀，但好重白酒味，雞件煎過大大件，仲有西芹、紅蘿蔔同薯仔，非常足料。另外，一定要提既係佢既牛油飯🧈🍚，我第一次試牛油飯，聞落同食落都好香，唔會好油膩。餐飲方面，我揀左熱朱古力🍫，無諗過會有拉花，除左視覺好靚，鮮奶同朱古力味配合好好，飲品已經值回票價。燉牛臉頰肉配米粒意大利麵 $82 + 10%佢既牛肉🐮都燉到好淋，仲有雜菌係入面，蕃茄加牛肉煮成既汁底十分濃郁。米粒意大利麵保持住口感，又好吸汁🍝，口感有啲似珍珠米咁。餐飲揀左熱咖啡☕️，同樣有靚靚拉花，咖啡味偏nutty。整體黎講，我覺得好抵食👍🏻，可以見到每個細節位都做得唔錯，下次都會再光顧💕…Read More

同好耐無見既朋友見面👭🏻，佢揀左哩間位於海旁既Cafe，貪佢風景靚，一路望住海景傾計食飯，係平日夜晚都可以Chill下。餐廳既裝潢簡約得黎有少少工業風，寬敞既地方擺放住形形色色既咖啡機同工具☕️，仲有一架特色Gelato車仔🛻、賣咖啡豆既Corner同長型咖啡台，成個環境令人好放鬆💆🏻。本身見到咁多咖啡工具，咖啡應該係必試，可惜兩個咖啡因活躍分子，唯有留返下次朝早再品嚐，試住其他食物先😋。Sourdough Cinnamon Roll $37好有心思翻熱左，入面既肉桂糖🍬有焦化感，聞落好香，食落都好鬆脆。85% Belize Chocolate (Cold) $54濃度比較高既朱古力🍫，帶微微可可豆酸味，品嚐到苦甜朱古力既原汁原味。辣肉腸炒鮮魷魚 $88上台既時候牛油香撲鼻，原來係牛油汁🧈黎，食落唔會覺得好油好膩，仲有埋蒜片既香味。魷魚🦑一啲都唔韌，係爽軟既質地。慢煮豬肋漢堡配薯條 配ASAHI $168豬肋扒🐷份量十足，成個漢堡包好巨型🍔。餡料仲有椰菜蘿蔔絲沙律🥕、芝士🧀️、蕃茄🍅、生菜🥬，非常豐富。薯條🍟炸得好香脆，配上一啲都唔吝嗇既黑松露蛋黃醬，就算配角都出色。松葉蟹肉軟殻蟹飯 $148大大隻炸軟殻蟹🦀炸得脆之餘，入面仲有蟹黃，好有驚喜。粒粒分明既珍珠米🍚加上流心蛋🍳同蟹籽蟹肉拌埋一齊食，夠哂滿足。朱古力 Gelato $49作為朱古力狂熱者，我會俾一個高分數佢，入口超濃烈既朱古力味🍫，係會係口入面停留個種！而且質地有Gelato既拉絲感🍨，又唔係好甜，超推介。不得不提幾位店員除左高大噢巴感滿滿之外，仲十分細心💕，安排窗邊座位，又會介紹菜式🥗，點讚加分。…Read More

荃灣區朋友一啲都唔使驚肚餓，行幾步就會見到餐廳😜。今次就揀咗呢間表面唔起眼嘅西式餐廳，點知原來食物質素係臥虎藏龍👍🏻。香煎蟹餅伴沙律油醋汁 $148外皮係包裹住麵包糠嘅半煎炸皮，一啲都唔使驚油膩😆，但又保持口感香脆。一咬開裏面超多蟹肉🦀非常足料，簡直啖啖都係肉。蜜汁烤豬手 $238店員會先為豬手🍖淋上榛子酒然後點火，等大家影完相再返廚房幫忙切件🍴，方便客人進食。不得不提係相當值得打卡嘅菜式，店員仲好貼心提醒準備好拍低📸先開始。豬手非常軟又入味，外皮表面燒過後脆卜卜，但咬落深層啲就好淋，充滿骨膠原嘅感覺😍。另外，榛子酒嘅香味佈滿外皮，好特別。配上酸菜同沙律🥗，相當解膩。小元貝西蘭花忌廉汁會意大利飯配加拿大海膽 $218呢個組合配搭新穎🥦，意大利飯比較適合香港人口味，淋得黎仲食到粒粒分明，仲索晒忌廉汁。至於海膽亦夠鮮甜，唔會好搶鏡☺️。Apple Crumble $78加咗肉桂煮嘅蘋果🍎唔算好甜，切到好似手指尾咁細，仲有少少爽口。比較特別嘅係佢嘅金寶唔同平時坊間咁碎濕濕，而係切到每粒都係正正方方，加埋蘋果同雪糕🍦一齊食味道啱啱好，食完好滿足😋。…Read More

唔知大家會唔會好似我咁成日都覺得喺太古呢個區好難搵到啲平靚正嘅嘢食🤨，今日路經呢間餐廳就俾佢嘅餐牌吸引，一睇價錢非常平易近人😇，一於就試吓佢。一人精選套餐 $88雞柳絲清雞湯🐓+鹽燒牛脷粒🐂溏心蛋飯套餐可以揀一個湯品🍲加主食，我就揀咗一個雞同牛嘅組合。雞湯食落幾濃味，但感覺唔係味精，似慢熬出黎。至於主食嘅牛脷粒👅，調味幾好，口感幾淋咬落唔會靭，整體不錯。一人秘製醬油撈麵套餐 $80牛腩羅宋湯+上海麵🍜+汁燒豬髀肉🍖(2塊）套餐可以揀簡單嘅湯品加麵食，又或者係再加多一個小食，我就梗係三款都試哂。羅宋湯超足料大大碗，酸酸甜甜蕃茄🍅加雜菜既味好清新，牛腩份量亦好多又夠軟。同埋飲完湯已經好飽！上海麵醬油味幾香，但略嫌佢淋咗啲，可能本身隻上海麵係咁🤣。另外，豬髀肉都好入味，質地唔會嚡烚烚，幾好食。迷你蝦多士🦐（四件）$40（加購價）外皮個炸粉炸得黃金香脆，厚薄適中，點埋沙律醬食好惹味😝。…Read More

今次同朋友嚟到呢一間酒吧形式🍺嘅泰國餐廳，室內幽暗嘅燈光加上泰式風情嘅裝潢🪷，令人有一種好chill好舒服嘅感覺，同三五知己嚟食嘢飲酒🍻傾偈絕對係唔錯嘅環境。講返食物先，除咗有傳統嘅泰國菜🌶️，仲有啲新派嘅fusion泰菜同特調飲品🍹，選擇多到令人眼花撩亂。招牌火焰燒雞 $168 + 10%呢隻燒雞🐔上枱夠晒架勢，店員會用燒酒再燒一燒🔥，非常適合打卡。店員提醒等佢降溫之後就可以用手套撕嚟食，雞皮燒到非常香脆，香料味由雞皮到雞肉都非常入味😋，好似食緊手撕版炸子雞一樣。而我最欣賞嘅係佢雞下面墊咗好多沙律菜🥗，忍唔住口食咗咁多雞皮嘅我可以中和一下，無咁罪惡。炸蝦球 $88 + 10%大家通常見蝦餅🦐就多，哩間餐廳除咗傳統蝦餅，仲提供左蝦球嘅選擇，我同朋友貪新鮮就梗係睇吓蝦球有咩特別啦。蝦球圓轆轆一粒波，兩啖可以食晒🥢，非常適合女士享用。外皮炸得金黃香脆，蝦肉彈牙，配埋泰式辣醬🌶️，非常惹味。豬頸肉沙律 $108 + 10%一上枱嘅時候，真係俾佢嚇親，平時嘅沙律都係得少少肉放喺面，但佢嘅豬頸肉🐷仲多過菜，佈滿晒成個沙律🥗，非常抵食。不過值得一提唔鍾意食芫荽嘅朋友，記得要預先講低，因為沙律有唔少嘅芫荽，但完全啱晒我口味💕。沙律已經用香料同埋少量醬汁拌好，味道酸酸辣辣好清新🥬，亦額外附上一個醬汁，啱晒鍾意重口味嘅朋友。泰式炒飯 $118 + 10%又係大堆頭嘅一個炒飯，材料非常充足，平時啲炒飯既雞蛋🍳都係碎濕濕，但佢嘅雞蛋簡直係炒蛋咁大塊，另外仲有菜、蕃茄🍅、雞肉、洋蔥粒🧅，加埋泰式調味炒，簡單得黎又好惹味。而份量多到最後兩個人都食唔晒。士多啤梨特飲 $35 + 10% 菠蘿特飲 $35 + 10%平時飲生果既特飲都好怕陣味好假😣，特別係士多啤梨最易中伏，但呢度嘅特飲🍹令我喜出望外。佢嘅士多啤梨味🍓酸酸甜甜，一啲都唔係藥水味，比較似係士多啤梨果醬嘅味道，入口幾舒服。另外佢嘅菠蘿味🍍都好唔錯，仲見到有啲果蓉碎喺飲品入面，唔會死甜，配上有氣梳打十分解暑🥵。…Read More

上一次喺葵芳試咗開心果醬雪糕班戟🥞，得到好大驚喜（無打食評）。所以今次經過旺角分店，一於黎個二刷✌🏻，無諗過今次變成好失望😭。首先講吓佢哋結構已經好唔同，葵芳分店既係面頭有開心果醬，再到雪糕🍦，然後下面就係忌廉，再下層又到返爆多既開心果醬，好似甜筒咁食到底都仲有勁多開心果醬🤤，非常滿足。至於旺角分店，就好似圖片顯示咁剩係得雪糕🍦上面有開心果醬。而佢嘅忌廉就圍咗喺雪糕球嘅周圍，雖然外貌上感覺會比較靚📸，但係食起上嚟非常唔方便，因為忌廉隨時會跌落嚟😓。講到底，都係想食佢嘅開心果醬，除咗有濃濃嘅開心果味，仲有開心果碎粒粒，增添左唔少口感👍🏻。但旺角店嘅出品非常之失望，應該冇下次。如果大家想食嘅話，記得去返葵芳分店💯，雖然等候時間會比較長，但係食落既滿足感係冇得比😥。…Read More

COVID之後好多餐廳都改左營業時間🕰️，想同朋友一班食宵夜聚下👭🏻，都要慢慢搵下心水。今次就揀左哩間食串燒🍖既餐廳，邊飲邊食邊吹水，估唔到都有驚喜。原條蒜蓉燒茄子 $38茄子🍆有啲未熟透未淋得哂，但勝在蒜蓉🧄夠哂大堆頭，整體普普通通。燒汁鮮冬菇 $22哩個係我成晚最鐘意既一串🍄，燒得好香，一咬落去啲汁爆出黎💦，燒汁唔多唔少，夠哂調味，超級推介。汁燒雞脾菇 $18哩個都燒得好好味，一片片都好JUICY💦，比冬菇更濕潤，但我仍然比較鐘意冬菇多啲❤️。燒菠蘿 $22雖然佢好甜但無咩🍍菠蘿味同菠蘿既香味。燒豆卜 $18外脆內軟，加少少辣粉🌶️都唔錯。紐西蘭羊肉串 $30 (左) • 串燒豬頸肉 $30 (中) • 鹽燒厚牛舌 $36 (右)羊肉本身醃料有微微辣🌶️同孜然味，夠香又有羊騷味🐑。豬頸肉🐷夠爽，簡單調味唔太膩。汁燒鵪鶉蛋 $26整體不過不失🥚。腩肉生菜卷 $38好有驚喜既一道，燒到腩肉🐷既油香出哂黎，而生菜🥬中和左腩肉既膩，食落好夾。脆脆串燒雞皮 $26第一次見成片咁薄既雞皮🐥，多數卷住黎串，食落好脆好似薯片咁。鮮嫩雞肉串 $26又真係幾嫩😋，鐘意食辣既朋友記得加辣粉，後勁十足。椒鹽雞軟骨 $38 (左) • 椒鹽黃金墨魚咀 $38 (右)炸雞軟骨都唔錯，脆口熱辣辣♨️，岩哂送酒。孤陋寡聞既我真係少見咁大粒炸墨魚咀🦑，而且唔係炸皮，真係墨魚咀肉，好彈牙爽口，同薄薄炸皮好夾👍🏻。炸水牛芝士 $38@3芝士拉絲拉到長一長，咸香芝士味🧀，外皮炸得脆卜卜。煙肉荔枝卷 $34煙肉🥓本身都比較咸，荔枝甜甜地又中和到，幾新鮮既組合😗。…Read More

億利工業大廈出左名多野食，而今次就揀左哩間裝潢典雅，非常適合一班朋友打卡傾計既西式Café👭🏻。入面主要採用白色主調，仲有水晶燈同植物💐既襯托，形做出一種高貴既感覺，食飯時侯格外舒服。除左環境，當然食物都好緊要，講返食物方面先😋。美國保濕豬鞍架配蜜桃芥末籽醬 $188 + 10%擺盤好靚🌺，靚到簡直唔捨得食，不過始終忍唔住放入口。豬鞍🐷煮得岩岩好，少少調味都足夠。不得不讚佢既配菜都好有誠意，薯蓉有黑松露味，🥔薯角相當焦脆，🍑蜜桃沙律解膩，所有都配搭得好好。火箭菜巴馬火腿牛肝菌意大利飯 $138 + 10%本身好怕意大利飯，因為軟硬同味道都好易唔岩口味😣，但朋友好想試就點左。結果喜出望外，佢個飯軟硬岩岩好🍚，保留左意大利飯個口感，又唔會好似未熟咁。而且吸收哂牛肝菌🍄既香味，食落好濃郁，好推介俾鐘意食菇菇既朋友。藍莓紅豆抹茶忌廉班戟 $78 + 10%Café比較少見既甜品，賣相已經好吸引。班戟皮滿滿抹茶味🍵，唔係低質個隻，又唔會過甜。加埋紅豆、藍莓🫐同忌廉，口味同口感都夠哂豐富。Avocado smoothie $48 + 10%奶味香濃，牛油果味🥑隨後一湧而出，而且口感好滑，唔會起沙同太甜🥛。…Read More

見佢餐牌啲魚柳圖原條又盛好吸引咁，黎到上碟大吃一驚！仲細過我隻手掌，而且食落成碟都好無誠意。先不論個魚既size，味道有雪味都係普通貨色。仲有佢個沙律醬好稀，好似溝左水咁。同埋個沙律係普通罐頭雜錦水果加醬撈埋一齊，你話咁樣值唔值$49？我覺得就直頭係貴！而且環境，佢做左輸送帶斟水，但令到成間舖頭都好熱，越坐越焗，係咪想令客人快啲走？加$3轉左凍奶茶，不過不失，茶味欠缺。整體黎講，唔會再幫襯，好失望！😡😡😡😡…Read More

同屋企人假日食個晏仔，揀左哩一間日本菜🇯🇵。佢既午市套餐都好抵食，包埋前菜、沙律🥗、麵豉湯同熱飲，仲可以用$6超抵價加購刺身三片，而且免加一。而家雖然無晚市，但可以用午市價錢叫外賣🍱，都好抵阿。三色丼定食 $82有四片三文魚、三片帶子同兩隻甜蝦🦐。帶子都算厚片，唔會好似其他餐廳咁切到薄薄咁。整體上都不過不失，唔預佢超新鮮鮮甜，合乎性價比得黎味道正常又抵食👍🏻。不過略嫌佢既飯比較黏，一舊舊咁🍚，唔夠粒粒分明。加購既刺身都係三文魚🐟黎，同樣都好足料。和風牛肉飯定食 $65佢既牛肉唔係用肥牛🐮，而係真係一片片牛肉。牛肉煎得好香，軟硬適中，配菜除左有洋蔥絲🧅，仲有紅蘿蔔絲🥕，加上燒汁煮到焦化左，非常送飯。…Read More