SumkiuYeung's Profile

之前食過連鎖店嘅石磨腸粉印象唔係咁好，所以之後都係食布拉腸粉。直到見到呢間最近開嘅石磨腸粉專門店先敢大膽再試下，上次嚟好多人冇食到，今日專登避開人潮再嚟，揀咗最基本嘅齋腸（$18），覺得好好味，完全冇嗰啲漿糊口感，就咁加豉油，簡簡單單就已經好好味，原來咁先係石磨腸粉！跟腸粉加咗支薏米水（+＄8）都幾好飲～同埋老闆好貼心，佢有個電話可以嚟之前落定單（佢話至少預15分鐘），因為佢即叫即整都要啲時間，叫定就唔洗等咁耐。仲有原來呢間舖頭之前已經係附近，只不過係搬咗新舖位，多咗堂食。後悔冇早啲留意到佢！性價比極高！平靚正推介！會再幫襯！…Read More

第一次寫評論，但真係幾好味，同埋幾抵食，所以寫個評論支持下。週末嚟同朋友嚟食晏，等咗一陣好快就入得。叫咗個Brunch menu嘅set C：蝦油蟹肉忌廉糙米飯（＄88），食落唔會太膩，啱啱好。Brunch set仲有包飲品，可以揀鮮豆漿或香橙冰茶，我揀咗香橙冰茶，佢有片橙乾，幾好飲，飲豆漿嘅朋友都話豆漿好飲，下次會試下。到埋單先發現佢係免加1服務費嘅，突然覺得所有野都好抵，土瓜灣區少有，所以先有寫咗呢篇評論。…Read More