早稻石磨腸粉

之前食過連鎖店嘅石磨腸粉印象唔係咁好，所以之後都係食布拉腸粉。直到見到呢間最近開嘅石磨腸粉專門店先敢大膽再試下，上次嚟好多人冇食到，今日專登避開人潮再嚟，揀咗最基本嘅齋腸（$18），覺得好好味，完全冇嗰啲漿糊口感，就咁加豉油，簡簡單單就已經好好味，原來咁先係石磨腸粉！跟腸粉加咗支薏米水（+＄8）都幾好飲～

同埋老闆好貼心，佢有個電話可以嚟之前落定單（佢話至少預15分鐘），因為佢即叫即整都要啲時間，叫定就唔洗等咁耐。

仲有原來呢間舖頭之前已經係附近，只不過係搬咗新舖位，多咗堂食。後悔冇早啲留意到佢！

性價比極高！平靚正推介！會再幫襯！

揀咗最基本嘅齋腸（$18），覺得好好味，完全冇嗰啲漿糊口感，就咁加豉油，簡簡單單就已經好好味，原來咁先係石磨腸粉！

$18

112

餐牌

24