梳乎李's Profile

幾丁友喺旺角行完街，又唔想散住，想搵個地方hea吓咁～樓上cafe去得多，想飲吓酒朋友話出尖咀喎，攰攰哋又唔想特登搭車去，好在俾我search到附近就有間酒吧，haha～呢間酒吧都幾特別，喺地牢喎，估唔到喺正彌敦道都有地牢嘅酒吧？諗住落去望吓先啦，但有人見到有幾部掟飛鏢機即刻就話要坐低，ok fine～之前地牢酒吧俾我感覺焗促，但呢度ok喎，冇壓迫感，啱晒想hea吓嘅我哋～佢有佢掟鏢，我哋就叫嘢食嘢飲，想開心share食就叫咗個炸物大拼盤；蝦蝦蝦，有我最鍾意嘅炸蝦，其他仲有紫薯、雞翼、雞件、薯餅⋯全部熱辣辣即炸，唔係渣流灘食完就繼續hea陣，攞咗幾個骰盅玩game飲啤酒，本來攰攰哋變咗越玩越精神，全場最嘈係我哋，真係好Happy嘅一晚…Read More

小漁港不嬲都出名抵食嘅蒸氣海鮮，$298一位有次30款海鮮同埋蟲草花烏冬雞同埋海鮮粥底南瓜。刺身方面有象拔蚌同埋估唔到今日會有拖落拖羅入口即溶好香魚香味海鮮都有好多款最估唔到今日有未食過嘅海鮮賴尿蝦，賴尿蝦超大隻完全唔係細隻嗰啲成隻手臂，雖然肉質唔算實不過真係超鮮甜，講真一隻賴尿蝦出邊買$100走唔甩今餐先298又有咁多款海鮮抵到爛。除咗賴尿蝦之外令一樣好驚喜嘅嘢食就係凍蟹，凍蟹必須要新鮮先可以做得好食，估唔到都非常鮮甜仲要肉質都係實嘅，呢樣真係一定要比10萬個like佢另外仲有其他海鮮例如好似蒜蓉蒸蝦，粉絲帶子，兩種蜆，鮑魚等等，超過十種seafood only298最後最正嘅一定係佢哋嘅海鮮粥，啱先蒸嘅嘢全部流晒落黎，南瓜粥底非常之鮮甜食到非常回味…Read More

朋友極力推介之下，特登趁放假嚟到尖沙咀呢間醉胡爐，希望唔會醉左返去啦。湯底方面由於近排相簿一補所以叫咗非常之美顏嘅花膠冬瓜雞煲，呢個湯頭真係不得不讚，飲落去好濃嘅雞湯味。又有花膠呢啲美顏佳品，飲落去好似係酒樓嘅雞煲翅咁。淨係個湯底都值得嚟多一次。呢間嘅調料都有好多選擇，我就最鍾意佢哋嘅沙茶醬同埋XO醬。食物方面我哋揀咗係打邊爐比較少見嘅白鱔。呢個白線唔係急凍嗰啲非常新鮮，食落好香魚嘅味道。應該係即刻切俾我哋嘅。放落去冬瓜雞煲翅湯另一份美味。另外我都非常之推介佢哋嘅黑松露餃，經理提議話呢個一定要嚟食。食完之後終於明白點解佢咁講，食落去真係好香好香嘅黑松露味，佢哋嘅水餃皮都同平時嘅唔一樣比較q彈。呢個都真係非常之唔錯，不過記住唔使煮咁耐只要果皮熟咗就得啦。因為本身入邊嘅餡料已經熟㗎啦。…Read More

帶親戚到旺角購物，偶然遇上此居酒屋。很久沒有喝過的波子汽水了，配搭串燒也很不錯。 串燒外面烤得微焦，既漂亮又惹味！手打免治牛肉就吃得多，但免治羊肉卻非常特別，造成棒狀後，燒烤出來的效果很好，一點羶味乜沒有，味道也好！至於火炙壽司盛合，刺身經火炙後很香，吃下去滿口油脂，軟腍而不韌！還有那吉列千層豚肉，外皮炸得金黃香脆、內層由薄薄的豚肉片捲起而成，吃起來肉嫩多汁，好像吉列豬扒和火炙肉卷的混合體，很特別！…Read More

近排食左好多放題，平係夠平，但就唔夠高質素。 約左老朋友相聚，想環境好啲、服務好啲、食物質素好啲。 最後揀左嚟铁人旨花，因為曾經食過，所以知道有幾好。蟹迷嘅我哋一致決定食【 鱈場蟹鐵板燒(二人前)$2288】。沙拉酸酸的，清新開胃，為嚟緊嘅鐵板燒做好準備。清酒焗鱈場蟹蟹殼已經預先切開，輕輕打開就可以見到雪白嘅鱈場蟹肉。 蟹肉吸收左清酒，聞落有陣陣酒開，望落去已經見到水潤多汁。 先食原味，跟住可以配搭 wasabi醬汁、海澡同三文魚籽，味道層次更好。汁煮白鱈魚店員細心介紹呢款白鱈魚係犬牙白鱈魚，魚肉比較厚身，肉味亦都較濃。 先食魚皮，師傅將佢煎得好香脆，入口脆卜卜。 魚肉同埋炒香嘅洋蔥一齊烹煮，甜甜的，很好味。 碟邊放左三色溫室花伴碟，係食用花嚟，可以食埋架，都幾特別。特別菜品係法國奶油白露荀，特別清甜爽口，就算加左奶油煮，都唔會有半點油膩感。熊本縣產A5和王牛和牛用左熊本縣最頂級嘅和王牛，即時夾一舊入口，外脆內軟，即時咇出陣陣牛肉香味﹔ 之後可以配搭喜馬拉雅岩鹽再食一舊﹔跟住嘗試配搭埋wasabi、酸汁、濃味嘅獨子蒜片。 中間可以加插南瓜、千両茄子、大啡菇，大大減低油膩感。蟹膏炒飯用左日本米，蟹膏就係和應鱈場蟹主題，好夾！清酒雞湯清甜嘅雞湯加入左帶子，更顯鮮味。甜品奈良草莓，日本新鮮生果，真係無得輸。好豐富美味嘅晚餐，服務一流，可以同老友到此一聚，人生一大樂事！…Read More

年初三唔嗌交唔打架，一於打「邊爐」。新年帶屋企人食餐好，食飽飽冇嘮嘈。 全場滿座好熱鬧，眺望維港夜景，真係好靚！有幾款「香港原創五格鍋」一次可以試齊五款湯底，good！有屋企人想食辣，我就想試「酒鍋」中最出名嘅「酒鍋」 ，所以揀左走火入鍋！ 獨特木瓜鍋、蕃茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋，五鍋合一，夠特色。 店員先喺中間個木瓜鍋加酒，然後再點火，火光熊熊，飄來濃濃酒香，當然要手機食先，大家趕緊不停影呀影。 火就嚟熄之際，店員又加入乾冰，瞬間煙霧瀰漫，靚，又要狂影！ 先試湯底，有大而甜嘅木瓜同三隻蝦，酒味香濃，味道好！麻辣鍋睇顏色就知辣，試一口，嘩，麻味香濃但真係超辣，某屋企人大愛！打邊爐配肥牛，頂級安格斯牛小排油脂豐富，牛味出色，但片數唔多，有點貴。蔬菜拼盤有十種唔同嘅蔬菜，新鮮爽口顏色靚。開心小企鵝用黑白墨魚滑製成，肉質偏實。 杞子做嘴，紅蘿白做腳，可愛細緻。凸眼黑啤熊好神似，最特別，連肚上面個袋仔都有埋，好有心機！ 放湯前要狂影相，因為淥完之後會變左無臉熊，好攪笑。日本頂級黑毛豬豚腩肉個碟寫住招牌菜，真的嗎？ 夠大片，顏色鮮紅。新年假期冇加二加三收費，精緻嘅一餐，最緊要屋企人開心！…Read More

旺角好去處週未，我和家人、囡囡去旺角朗豪坊行街，商場8樓有一間 “Make In Hong Kong的餐廳，身為土生土長的香港人，加上餐廳外表和網評都很不錯，即刻試下。餐廳環境有d似港式茶餐廳，有吊風扇、牆上有2盞懷舊小燈，帶點親切的感覺。 從餐牌中可見食物選擇也有很多，有鐵板晚餐、Dinner set(有湯/沙律、飲品)、甜品、港式味道等，目不暇給。鐵板餐方面，其一「脆香鵝肝牛柳」。不得不讚那片鵝肝，外脆內軟，入口即溶，細滑感覺充斥在口內，令人再想吃一口。牛柳點了5成熟，不單沒血腥味，而且鬆軟有口感， 更有濃郁的牛肉味，讚!除了肉食之外，還有翠綠的蔬菜，軟硬適中，加上味道不錯、有口感的煙肉焗薯，整體來說推介之作!另外點了「 龍蝦肉眼扖」Dinner set。餐湯是忌廉蘑茹湯，味道一般，不過勝在送來時夠熱呼呼，夠暖胃。 肉眼扖點了7成熟，和牛柳一樣也是鬆軟有口感、吃進口裡有濃郁的牛肉味，讚! 龍蝦面上有一大片溶了的芝士，芝士迷應該會喜歡! 不過對芝士沒大興趣的便感覺普通，反而想真正品嚐龍蝦的鮮味多些。鐵板餐份量方面，對細食的朋友來說如果份量剛好而已，對胃口大些的朋友來說可能未必夠。整體來說，讚!Dinner set點了萄國雞飯，賣相和味道均屬高分系列。味道香而不辣，充滿椰香味道，而且有5、6件起骨雞肉，抵食兼細心，令人吃不停，讚! 最後，甜品點了火焰雪糕蛋糕。賣相精緻，送上桌上待應點火一刻，白雪雪外表即是被藍藍紅姐的火包圍，十分漂亮! 味道方面，上層是海綿蛋糕，鬆鬆軟軟，口感不錯! 下層是雪糕，味道是雲呢拿，香而不膩，口感有點硬，應該是自家制的，誠意滿分! …Read More

八幡屋，經常都full booking，一定要預先訂位，今次早兩日book左，準時入席!原來而家改左用app落單，方便簡單又環保，又可以減少漏單情況。飲品任飲唔洗多講，雪糕、醬料出面都有齊，可以自己調配。另外仲有丸類同蔬菜類任拎，半自助的。任食方面，有刺生、壽司、炸物、串燒、牛、豚肉、海鮮……食幾多點幾多!訂座優惠四揀一，我同朋友都揀左海膽。海膽入口味道幾甜，質感幾creamy，不過一人得一粒。第一round一定點刺生! 三文魚、北寄貝、帶子，款式都好多，而且味道都唔錯，冇雪味。串燒帆立貝、燒雞翼、菠蘿同海蝦，蝦好值得encore，質地彈牙味道甜，其他唔太特別。龍蝦湯底：最驚喜係有牛腩同生蠔可以點，牛腩預先調味煮好，只需要番熱就食得。 墨魚滑味道都好食，入面有粒粒墨魚。牛肉同豚肉都唔錯，肉色超靚，夠紅，煮起上黎又薄又嫩滑，可惜食得太多其他野，同朋友share左幾份已經食唔落了！…Read More

大陸親戚來港，佢哋尋晚就跟住旅遊書入咗長洲食海鮮，今日就喺我哋面前彈到一文不值。佢哋喺碼頭附近大排檔食咗個海鮮套餐，海鮮唔新鮮又唔好食，價錢亦唔平，仲話香港美食不過如此。今日我哋就帶佢哋再食多次海鮮，真正食到鮮味嘅話，食蒸海鮮就最啱，唔駛入到長洲、西貢咁遠，九龍城就有間【蟹仙】，性價比極高。餐廳供應4種唔同價錢嘅套餐，我哋見最平嗰個$298套餐，已經有九款，有龍蝦有蟹，就呢個啦。唔夠食可以再散點配料。一開始店員先將排骨、南瓜粒粥擺落個鍋，一路蒸海鮮一路煲粥。之後店員就幫手蒸海鮮，用竹罩蓋住，再計時。倒數完畢店員幫手開蓋分食物，唔駛自己落手。蟹可以揀軟膏或硬膏，我哋就揀咗creamy啲嘅軟羔，即係【越南頂角膏蟹】。上枱時隻蟹已經被斬開一半，但擺咗一陣隻鉗仍然仲郁緊，真係非常新鮮。蟹肉好厚，白滑蟹肉，肉質鮮美。更出色嘅係蟹膏極多，配合蟹肉使鮮蟹味更突出。親戚話喺大陸食左咁多年蟹都未食過咁正嘅。【澳洲青年龍蝦】雖然套餐唔係按重量計，但餐廳冇將貨就價，照俾大大隻龍蝦。蒸完出嚟鮮紅蝦殻配雪白蝦肉，好吸引。真正澳洲海洋野生捕獲嘅龍蝦，比起養殖嘅龍蝦肉質更爽彈。蝦膏亦都好豐富，絕對係靚龍蝦。【翡翠九孔鮑魚】蒸完冇乜縮水，極之彈牙，仲有啲回甘。【紐西蘭大蟶子/日本大元貝】【越南貴妃蚌】蒸完將殻入面嘅海鮮汁倒落個粥度，咁個粥就更鮮甜啦。蒸嘅時間啱啱好，肉質爽得嚟唔會韌。【深海龍躉片】魚肉好嫩滑，鮮魚味濃郁，再厚身啲就perfect。【泰國海中蝦】每人兩隻，一㩒個蝦頭已經唧咗啲蝦膏出嚟，好新鮮，蝦肉爽甜。【紐西蘭青口】青口亦新鮮，冇雪藏味。【有機蔬菜籃】有南瓜、娃娃菜、生菜、粟米。估唔到除咗海鮮，蔬菜都咁正。蒸出嚟嘅蔬菜同吸收咗盤上嘅海鮮汁，比平時食嘅蔬菜更加甘甜。最後就係吸收晒海鮮鮮味嘅南瓜排骨粥，食完又飽又暖。食完呢餐，親戚大讚：下次再嚐鮮，一定去蟹仙。…Read More

武館今日返工返到成身都好累。 為了獎勵自己，就和好朋友去食Omakase，慰勞下自己 ，今次就去到久仰大名的武館。餐廳位於大角咀，實則近於奧運站B2出口。 由B2行去餐廳，真係只需5分鐘，十分便利。 餐廳門口滿滿日本風的，用木製的趟門再加上日本的掛幕。 外面更用電燈箱，突出小小的門牌，寫上武館，別有一番霸氣。入到餐廳，服務員和師傅均穿著正統日服，讓人感覺置身於日本當中。而餐具擺位亦看出十分講究，放得一毫不差，而筷子 亦是橫放的。（在問師傅下，其解釋日本人全是橫放，以示禮貌！）講返重頭戲：Omakase。Omakase很講究上菜的次序和進食方法，所以我會逐道介紹並講返師傅提醒我的食法。首先，佢先提醒我不要把芥未放落豉油中，因為會破壞了芥末的味道。第一道: 清酒煮淺蜊這道菜用了北海道的淺蜊，十分鮮甜。 雖然細細隻，但海鮮味幾濃。 再配上清酒煮，大大刺激味蕾。 同埋酒精成份不多，食左也不怕會醉。 最精華的部份當然係湯，包含了淺蜊的鮮味。第二道: 赤味噌此餐前湯用了日本正統的赤味噌來煮，再配上𩶘子魚來煲，令到味道鮮鮮的。作為餐前湯，最重要係令客人開胃。此湯能起此作用，令我好想繼續食下去 第三道:烏魚白子這是一道滿有特式的前菜。在外面甚少食到的烏魚白子。其實，即是烏魚的精囊，包含其精子。所以，有點濃濃，醬醬的。口感幾特別，味道也不錯 不過，我始終不大喜歡食精 第四道：甘目鯛魚肉質較稔身，滿口有種魚香。但不是那種和拖羅入口即溶和三文魚的肥美。而食落幾鮮味，沾上豉油更佳 第五道：深海池魚深海池魚的肉質較硬身，食落有口感和咬口。可能係在深海運動量較多 濃濃的魚香，令人食唔停口 第六道：蜜柑鯛魚這個鯛魚壽司 十分特別。聽師傅說鯛魚是由蜜柑餵食的，所以魚肉中有淡淡的蜜柑味。第一口時，覺得怪怪的。而第二口就感受到香香的蜜柑味。 第七道：北海道珍寶牡丹蝦這個牡丹蝦真係好大隻同好鮮甜。和外面的有點不同，就係d蝦膏都好多，好鮮 我簡直想要多幾隻。第八道：金線魚壽司 這個魚亦係甚少在外面餐廳食到。金線魚，魚如其名，表面有一條條金線。聽師傳講，佢用昆布醃過，所以夠晒味道，不用沾豉油食。魚肉食落是肥美的，而口感也有咬感。不過，個人對其感覺一般，那種味道不知道如何形容，怪怪的。第九道：赤身刺身（呑拿魚背位)終於到我最愛的呑拿魚，仲要係赤身，亦即係呑拿魚的背位。食落肥美的，又有鮮鮮的呑拿魚味。因為係厚切，食落大滿足 第十道：拖羅卷這個更加是我期待已久的拖羅卷。當中用脆脆的紫菜包著一大件拖羅，再配上大葉（一種日本 香料）。味道配搭的很好，拖羅的肥美和入口即溶，柴菜的脆香口感和大葉的獨有的濃香味。三為一體，大大提升食材的價值和味道 第十一道：北海道秋都魚師傅教落食法是第一口先沾上醬汁，第二口後沾肝醬，最後混合兩個醬的一起沾。秋都魚刺身，我都係第一次食。不過，我個人覺得味道有點腥，不大喜歡。朋友說，這已經不腥，看來我不能食秋都魚刺身 第十二道：日本 海鼠(海參)這個海鼠其實是香港人叫的海參。食落口，爽爽的，涷涷的。配上本身餣製的醋汁，酸酸的，蠻清新和開胃。第十三道：赤蕪這就係日本 配菜。當中包括了日本酸蘿白和木魚餣蒜頭個人不好酸蘿白，讓給朋友食。而木魚蒜頭很惹味開胃，濃濃的香辣醬，再加上蒜頭的香味和木魚的獨有味道 正丫！第十四道：北海道活帆立貝壽司這個壽司，我覺得係當天最好味的菜式之一。其用了江戶前的做法，用了特有的醋來做手握壽司飯團，所以飯團呈豉油色。而活帆立貝比外面食的鮮甜和大粒。最重要係食到其口感，食到一絲絲的，十分正斗 第十五道：鯖魚壽司 而鯖魚，師傅亦用醬汁餣過，所以不用豉油，已經夠晒味道。而鯖魚味道華而不膩，令人想一吃再吃 第十六道：北海道來慢煮胺康魚肝這個亦係當天最好食之⼀。與外間的冷盤𣎴一樣，師傅用了慢煮方法來料理胺康魚肝。令到魚肝更滑，味道更出，入口即溶 對身體亦都有好好的幫助 第十七道：黃金富貴杯這個可以講係當天的重頭戲。黃金富貴杯包含了各種名貴的食材，並把其配搭得天衣無縫。當中有新鮮甜美的北海道馬糞海膽，高級的香蔥呑拿魚腩，特色的沖繩海葡萄 ，和極為新鮮北海道筋子。每項食材單食，已經好好食，能獨當一面。到大集會時，混在一起食時，那種口感和味道有另有一番風味 第十八道：中呑拿魚腩壽司 師傅用醬油醃左呑拿魚腩一天，讓其吸收了其醬汁精華，再配上醋飯 不用點醬汁，都入哂味。不過，個人覺得失去了呑拿魚腩的鮮甜味和入口即溶的口感。第十九道：燒秋刀魚配大葉卷師傅用火炙燒秋刀魚，並用新鮮大葉捲住。味道非常好食 沒有了生食秋都魚的腥味，換來了燒的香味和獨有口感 一流  第二十道：北海道赤肉蜜瓜最後，送上北海道直送的赤肉蜜瓜。蜜瓜清甜，有淡淡的香味。令人期待不已 整體來說，武館的Omakase真的非一般的Omakase。十分推薦各位熱愛日本 美食的人士。…Read More

今晚在九龍灣見完客7點幾8點，同同事打算搵野食醫下肚，估唔到在九龍灣既工廠區竟然開左間新既粥底火鍋店，於是拿著張傳單優惠卷($20 Coupon)，膽粗粗入去試下，估唔到有驚喜！ 門口有好大個招牌（唔怕找不到），仲有個派緊優惠傳單既姐姐好熱情地帶我地入去！ 一入到去，發現原來裡面別有洞天，店很大很寬廣的，我們坐在電視下的卡位，坐得都幾舒服。 我們先去雪櫃拿野飲，是自助的，有汽水有涼茶, 我們選了一Jar 竹蔗茅根，清熱。 看看餐牌，有兩個餐選擇，1個係$258餐，1個係$198餐。和其他火鍋店不同，我們不需要選一樣的餐，可以因應自己喜好選自己喜歡的餐！正！ 但貪心的我們最後都是選了$258的，哈哈！有Fix既主食，和可以自由選8款配料！ 三文魚是送的，姐姐話是新張優惠，任何惠顧都會送，好抵！ 醬料的選擇都多的，自由混！ 值得一讚係份海鮮！非常足料！龍蝦好新鮮，好大舊肉！鮑魚新鮮到仲識動的！！ 聖子和螃都幾爽口！ 牛肉的肉質比想像中好！好林！鮮味！ 黑豚肉都唔錯！ 炸魚皮和響鈴都幾脆口！ 等吃到七七八八，店員就會把預先準備好的粥底配料送上。然後再把粥料放進鍋裡。 粥吸收了海鮮的鮮味，變了很鮮甜的湯底。 埋單時，我們才知道原來而家做緊優惠，每6位送1位，可惜我們今次得2個人，用不到優惠，又不能吃太多款，希望下次可以叫多d朋友來，試埋其他菜式！哈哈！…Read More

Blue Monday又要OT，放左工落去酒吧放鬆吓。 揀左呢門旺角區但又有啲隱閉Mini Club。入到嚟環境好relax，播放住輕快音樂。 星期一應該一般較少客，估唔到又幾旺場喎。餐牌係用平板電腦睇，翻到一頁見到好有特色嘅甜品⋯噢，原來係cocktail嚟。朋友見到即刻雙眼發光，又可以影相放上IG呃like啦！ 朋友叫咗【Honey Bee (Grand Marnier, Advocaat, Baileys, Pineapple juice)】小木盤上擺咗一個蜜糖瓷罌，入面裝住沙冰狀態嘅雞尾酒。 旁邊嘅細樽仔入面有蜜糖，上面有兩塊甜餅乾同兩隻可愛小蜜蜂(朱古力嚟架)。 可以搽蜜糖食餅乾又得，放入雞尾酒調味又得。 雞尾酒味道都香甜，易入口；咁鬼打耳，好啱女仔飲。我自己就揀咗杯Mocktail【Nights Cape (Mango Syrup, Apple juice, Butterfly pea, Lemon Juice)】，用修長嘅酒杯裝住紫色嘅果汁，好似一位著住晚裝嘅淑女咁，好高雅。最底黃色嘅係芒果糖漿，撈埋先飲，味道適中唔會過甜。飲咗一陣就叫嘢食啦。【海鮮拼盤】六款海款用冰鎮住，每款食落都夠新鮮。 半隻龍蝦有好多膏，高質。【狂野摩天輪】 五款炸物，每款都係即炸，夠晒熱辣辣。【韓式醬燒安格斯牛柳粒】食落份量都幾多吓，牛柳粒有啲都幾多脂肪，味道OK，點咗韓式醬會更惹味。【火焰西班牙黑毛豬鞍扒(沖繩塩麹)】店員先喺酒上面點火再倒落塊豬鞍扒度，當然唔止係為咗俾我哋拍片呃like啦。酒香加燒出嚟嘅焦香味，加上上面嘅沖繩塩麹同百里香令豬鞍肉更香口。 肉質軟腍，不過我覺得稍為鹹咗少少，但蘸一蘸配搭左嘅兩款醬嚟食，減低鹹味之餘味道又幾夾。雖然呢度係酒吧，但食物水準都相當唔錯。 而且走清吧路線，唔會有大大聲嘅跳舞音樂，好多後生仔女嚟幫襯，就算唔飲酒嚟食嘢都係一個好好嘅選擇。…Read More

秋意漸涼，同朋友食飯都開始多左去打邊爐，今日同朋友經過麥花臣，嚟左汀汀烤活魚!地方唔算大，但坐落唔會逼。而今日都算幾多人，好彩walk in仲有位，入坐起計90分鐘!凍凍地，食下辣最暖胃，原本諗住要雞煲，但好似都係魚惹味d，點左麻辣嘅烤魽魚鍋。10分鐘左右魽魚鍋就嚟到，條魚都好大條，佔左差不多三份二個鍋，旁邊仲要唔少配料，洋蔥、芫茜，加埋麻辣味，聞落非常香!再等佢滾就食得! 食落魚肉幾有魚香味，可能烤完再煮，肉質唔算太滑，但都幾入味幾嫩。要左小麻辣，味道唔係好辣，勝在夠香，仲有小小麻，夠惹味。食食下魚覺得唔夠喉，點左d餃子丸類同牛肉。手切安格斯牛(小)，切雙飛，牛肉厚身，煮出嚟有咬口，食落幾嫩，牛味頗濃。丸類三拼，唔係手打丸，只係一般丸，唔係最平嘅廉價貨，不過不失。自家三拼，點左雲吞、水餃，同韭菜餃，食得出係自家製，因為大小有別於量產貨。尺寸偏細，一口一隻，快煮易熟。而且味道唔錯。 用料十足之餘皮亦夠靚，唔會煮得熟而爛開。…Read More

十一黃金周，大陸同事來了渡假，又要應酬佢行街shopping掃貨。今次途經旺角，佢問點解無以前咁旺咁嘈? 原來佢唔知早輪旺角已殺街。我哋來到呢間餐廳，原來是新開張的，見店長咁熱情推介，我哋就入咗去。餐廳唔算大，當然啦，呢度租唔平，小店經營，要努力喔! 就是因為餐廳不太大，所以要善用空間，餐椅下面放咗存物籃，此舉窩心又實用。店長向我哋推介生蠔是唔錯的。晚餐可以單點，亦可選套餐。我哋兩種都點咗:自家蔥油汁@香煎雞扒套餐$168:自家蔥油汁@香煎雞扒配炸薯條例湯精選生蠔2隻鮮海膽撈冷烏冬菠蘿汁跟餐加$5單點:骷髏骨 (豬肋骨配魔鬼辣椒醬) 配雜菌 (冬菇、雞髀菇、白菌) $198甜酸胡麻醬冷蕃茄$58芝士焗蠔2隻$68熱檸茶$13【菠蘿汁】跟餐只需加$5，仲係凍飲，抵啦。【精選生蠔】店長話生蠔來自法國叫做 Fine De Claire，平時賣$30一隻，呢個套餐包咗兩隻，都值$60了。生蠔好新鮮，好肥美，仲充滿海水味。【鮮海膽撈冷烏冬】烏冬爽口，海膽新鮮。【甜酸胡麻醬冷蕃茄】呢個幾特別。大蕃茄雪凍，去皮、去椗。原本個椗嘅位置就放咗一小片焦糖，然後就係淋咗好多胡麻醬。胡麻醬香，冷蕃茄唔酸，反而幾甜，兩者味道都幾夾。不過，由於蕃茄會出水，所以會好快整稀咗啲胡麻醬，餐廳可以諗諗點樣去改進一下。一係建議客人盡快食，又或者用更杰的胡麻醬。【蕃茄濃湯 (例湯)】個湯好濃蓄茄，還加了很多薯仔。【芝士焗蠔】焗得好香，蠔肉沒有老到，依然juicy。【自家蔥油汁@香煎雞扒】、【骷髏骨 (豬肋骨配魔鬼辣椒醬)】用熱石板一起上，賣相既好，又可保持溫度。兩條豬肋骨下面配咗炒雜菌，都幾香。豬肋骨好大，碟子差點放不下。肉質幾腍，用手食更過癮，辣味果然出眾，好彩只是叫了小辣。雞扒超大，外皮煎得香，蔥油汁香味亦突出，不過又真係油膩咗少少。啖啖肉。配了炸薯條，非常香脆。埋單五百幾，咁多嘢食，價錢合理。付賬時，留意到原來午市套餐好抵食，經過可以試下。…Read More

之前同朋友食過旺角嗰間越男仔，今日喺大埔見到有分店，望望餐牌，原來同旺角分店完全唔同。旺角分店主打越南河粉檬粉沙律，呢度就更多選擇，而且同旺角店一樣，部份菜式嘅食材配搭新穎，一於試吓。【新鮮椰青$39】食越南菜飲椰青，風味加倍。椰青都幾大個，味道清甜。【串燒拼盤$98】一盤有六串串燒-豬肉、牛肉、雞肉各兩串。每串都好巨型，一串差不多等於其他餐廳嘅兩串。醬汁係帶少少辣嘅花生甜醬，幾惹味。除咗肉仲有燒菠蘿，一啲都唔酸，又甜又juicy。必點抵食之選。【越男仔芝心蔗蝦$78】又厚又彈牙嘅蝦膠入面係滑溜溜嘅半溶芝士，口感、味道都不錯。啱晒鍾意食蝦同芝士嘅我。【牛骨湯生菜$10】叫Deviet Special menu入面嘅主菜，加$10就有碗湯。都幾多生菜，牛骨味濃郁。【燒扎肉馬卡龍$10】又係Special Menu加$10就有得食。第一次聽越南餐廳有馬卡龍食。其實唔係甜品嚟，只因形狀係一塊圓型小夾餅似馬卡龍啫。底面係燒到好香嘅扎肉，中間係半熟係三文魚肉碎，兩種食材味道又幾夾，扎肉配三文魚，真係好有創意。【燒芝士有機珍寶大蘑菇釀生蠔$88】另一創新菜式，軟滑半溶芝士下面係生蠔同大蘑菇。生蠔同大蘑菇都超級juicy，一切落去已經標晒汁。一齊食口感都幾特別，生蠔同蘑菇係唔同味道嘅鮮甜，食落冇違和感。【招牌原隻魷魚釀咖哩炒飯$138】原隻魷魚釀滿咖哩炒飯，再薄薄地切成一片片，方便進食。咖哩炒飯就唔夠咖哩香味，同甜甜地嘅魷魚亦唔係好夾，還好魷魚都燒得幾香幾入味。…Read More