shan01091's Profile

區內少數真。悠閑西式餐廳。喺屋邨好少可搵到隱世文青小店格局，好似咁無造作嘅感覺，坐落幾舒服，可惜坐坐下人多，無得 hea 足一個晚上。除咗佈置之外，食物擺盤睇得出有心思。靚。舖頭係熱狗專門店，同邨街坊都讚好食。可以單點，而連套餐點，有薯條/薯角伴碟同飲品。熱狗本身足料，熱狗唔算高技巧食物，所以已經夠，反而用手拎嚟食，啲料流出嚟，有啲尷尬，唯有用刀叉。但麵包略嫌太軟熟。薯格都夠脆。飲品就 er... 其實都無乜特別。…Read More

唔洗返屋食飯，我都食咗個無味精住家飯。4x蚊，有湯、有飯餸、有飲品，仲要無味精（sorry , 重點要講三次）far beyond 不過不失，絕對係水準之上的超班馬。冬瓜薏米湯。大大嚿湯料話你知真材實料煲，所以湯水夠清，下火又夠味西蘭花炒牛柳配白飯。驚見隔離有一盤飯。呢個已經係少飯版本，一樣係食得飽有突。西蘭花份量絕對無呃秤，熱辣感受到鑊氣。加上茨汁墊底。隨餐跟自家製菊花茶。亦可以加錢轉其他飲品。一般呢類型餐廳嘅檸茶都會似餿水。但呢個真係唔似。都係一定正常嘅檸茶。最後，其實姐姐態度都幾好。有問有答，感覺幾開朗…Read More

一買即食係勁好食。尤其薯格，係比薯條好食。薯格香脆，很喜歡辣口熱氣嘅感覺，另外又炸得夠脆身。做過實驗，擺一段時間仍然硬身。薯條以淮鹽調味，但唔會太鹹。如果對小食有興趣，不妨再點炸雞翼。是雞翼皮外脆雞肉內嫩。至於漢堡方面，漢堡扒嘅牛食得出用咗靚肉，漢堡扒肉香濃郁。整體調味無落太多漿汁，主要靠牛肉自身嘅肉汁。包兩面有烘過，其他全塊芝士加上菜，就無乜特別。但整體都幾好食同抵食。即比起m記平餐貴少少，但有誠意同塊漢堡靚好多。…Read More

首先，好似欠咗班呀姐咁...服務出名差。次次都係並。第二！蝦餃同燒賣啲蝦完全無味！！！只不過係咬得爛嘅擦膠。所以真係唔好叫。第三！啲嘢鹹到一個點，由其係燒味。枱面上咁多嘢，得炸豆腐比較好咖咋。佢哋仲整咗個甜品，面頭上嘅爆珠係格硬塞咗啲紅豆入嘢度，質感好奇怪，難食到打冷陣，完全唔明創作動機係乜。雖則話甜品，但真正好食嘅，唔會死甜，而係有層次，呢個就好明顯做唔到，賣相又唔好睇。佢哋仲要喺點菜紙頒咗金銀銅醬畀自己。千祈唔好畀人呃，唔好嗌。…Read More

西餐廳面積細，大約得五張枱，所以人多嘅話就唔好諗喇。揀咗黑松露野菌忌廉意粉$68，餐前有西湯無得揀，當日係蕃茄忌廉湯，茄醬多所以偏酸，忌廉湯唔係麵粉質地，所以無咁滯。主菜幾好食，忌廉汁多 又creamy ，伴意粉比例剛剛好。中和咗黑松露陣腥味，易入口咗。（咁可能追求濃口味嘅朋友唔多滿足）見到有咖啡機先叫咖啡，如果點凍咖啡，一定要叫少甜，因為連少少甜都甜⋯⋯因為舖頭細，抽氣唔係幾好，出嚟之後週身一陣味　。同枱食鯖魚薯菜都好味喎…Read More

食物質素唔錯，大致好食。尤其一開始個湯可以淨飲。我覺得本地手切牛更加令人難以忘懷，結果再encore一碟。手切牛的亮點在於牛味濃郁，又唔會話一烚就嚡，竟然有追上外來貴野的氣勢。如果覺得唔爭在，不妨叫再貴一格嘅手切牛，兩碟都試過之後，覺得真心值。餐前刺身也啖啖新鮮，更難得的是，職員態度非常好。不好意思因為轉房，麻煩了他們許多，都沒有西口西面，超 helpful而且私人房數目多，可以book嚟私人聚會，傾得舒服…Read More

閒日午餐時段去食， 喺門口撳鐘等帶位， 侍應明明見到我哋， 但就係不瞅不睬， 不徐不疾， 好似冇諗過要理我哋咁。由於經過上次等極都未有爐嘅經驗， 所以難得經理幫我哋落單， 先向佢查詢一下會唔會好耐都未有， 得到佢嘅confirm先叫， 結果轉個頭就上。個賣相就係非常之唔錯， 但真係差緊啲嘢， 就係冇咗個煲蓋， 所以啲湯等極都未滾起。 食物方面， 每一樣嘢都係差唔多囉， 牛肉好過火鍋cheap cheap肥牛少少 ， 但係又唔會令人太過驚艷， 同埋一啲唔係太貴嘅菇，菜，豆腐咁， 加多一個烏冬質飽你。 之不過個湯， 超級鹹， 超級多味精。 其實佢98蚊再要加一， 都未必及得上吉野家。牛舌飯係圖文不符嘅一個範例， 佢係菜單上面個樣唔係咁㗎， 係最厚切一啲， 然後鋪滿成個飯。 呢個有零星嘅感覺， 不過佢好在邊有少少焦濃。…Read More

根據推介， 點左一個養生老雞雜菌麵。 我必須要話， 碗麵都真心係大碗， 每一啖湯都有藥材嘅味道， 見到蟲草花舖面， 飲完湯可以暖身。 麵質都係特別而且唔錯， 唔係一般食酸辣麵嘅嗰種米線，來得滑身一啲， 但食完都仲係非常頸渴， 有種食完味精嘅感覺。雖然跟餐係可以加錢嗌嘢飲， 但凍飲個樣又望落似糖水溝， 熱飲又好細杯，唔抵。手撕雞算係抵食， 都有幾多可以夾下， 最難得係鋪底啲青瓜好清新， 剛好可以平衡太過濃味嘅湯底至於蒜泥白肉， 呢一個已經係相機先食，未開動前嘅樣， 鋪面嘅醬覆蓋晒四塊肉， 覺得唔多抵食。…Read More

祥景再開返，唔係淨係得一個名借屍還魂， 佢真係請返曬以前嘅伙記， 著返以前嘅制服， 但無論佢裝修點變， 始終最印象深刻以前嘅門口嘅金魚。菜甫豬肉炒飯， 上枱嘅時候仲係熱辣辣， 每口炒飯都滿是蛋香， 本身已經好好食 ，菜甫又唔會太重口味， 加入吊味嘅香蔥再炒香，好味。西蘭花炒牛肉，西蘭花夠爽， 牛肉都住得淋， 是能夠咀嚼的那一種。 並且唔會因為雪藏冇曬啲肉味 ，而且食唔出雪藏味。本身叫咗 薑蔥霸王雞， 最後出現咗沙薑雞， 自身都冇為意， 直至侍應發現上錯咗， 先驚覺，係喎，錯咗。 但因為已經食咗幾嚿， 就同佢講冇所謂啦， 阿叔都同我哋講唔好意思。 但沙薑都唔錯呀， 隻雞都幾滑吖。最後用一杯熱飲作結， 佢就係唂咕喇。 香港行兩步就一間茶餐廳， 但已經唔係咁多餐廳有唂咕飲， 雖然有啲似熱朱古力， 但因為用水沖可可粉， 有一種苦苦哋嘅味道， 咁樣先係正宗。 有得再飲唂咕， 有種見番老朋友嘅感覺。 或者侍應叔叔都有呢種感覺， 用一種好有共鳴嘅態度， 再送上呢杯熱飲。 熱飲套餐小菜加九蚊， 但真係真心抵飲， 非常之大杯。最後當然唔能夠錯過門口嘅點心酥餅， 但叔叔話佢自己唔記得啲酥餅幾多錢個， 叫我自己睇自己計， 佢信得過我， 喺商業化增加嘅良景商場入面， 繼續屋村特有嘅人情味。…Read More

醬料齊。但係雞煲唔好食， 食食下都放棄咗隻雞。 其他嘢都非常之大份， 當中以響玲最大條， 長度大概有面咁長。感覺好多食物都加咗黑松露， 所以想話其實會唔會太過龍呢。 有黑松露牛丸啦， 啲菇有黑松露啦， 不過啲嘢都爽彈嘅牛肉都係靚嘅， 非常之有肉味。 望上去已經知， 一定唔係普通火鍋放題嗰隻雪花肥牛， 亦唔會係街市幾十蚊嗰啲。海鮮就麻麻哋囉， 蜆肉有砂。 蠔肉會甜啲嘅， 不過基於蜆肉唔夠好， 都跟住打咗啲折扣。估唔到特色飲品可以任點， 好似飲多幾杯會抵返。 但係退後一步諗， 飲品嘅成本其實唔高， 飲飽咗個肚， 反而食嘢會少咗， 其實都唔會因此而抵咗。…Read More

係中菜得嚟又有少少茶餐廳嘅感覺， 但係抵食又好 食喎。 一個鹹蛋金沙骨， 啱啱炸起拎上枱， 燙熱嘅鹹蛋喺外邊， 豬肉都好爽彈， 而且份量都唔細， 所以一定要趁熱食， 唔好等， 如果唔係真係會食唔曬。一樣都係熱氣嘢， 但係都值得叫， 抵食在佢都真係好大份。 佢係跟芥末醬上嘅， 芥末係一邊嘅白色，好似沙律醬咁嘅物體。 畢竟因為太大碟， 要食好多塊， 如果食到有啲悶， 點一點醬， 感覺又好似有啲新嘅味道衝極下。 最後一個賽螃蟹伊麵， 同之前兩個比起上嚟， 口味會比較淡。…Read More

前菜各揀一個, 沙律有洋蔥, 餐牌冇講㗎, 所以唔鍾意食洋蔥嘅朋友要注意啦。 我覺得個餃子細隻， 而且好乾， 入面啲肉餡都唔多。兩個意粉嚟講， 黑松露意粉比較好食， 本身黑松露嘅味道係比較搶， 加埋芝士味， 唔會覺得單調； 其實他邦尼都唔差， 佢個芝士味出奇會比較低調， 唔會太鹹， 適合口味比較淡嘅朋友。同埋我覺得佢啲餐具都值得欣賞一下， 日系簡潔清新， 最少望落去都舒服。綠茶都值得飲， 可能因為佢係綠茶起街㗎啦。 知道佢係用綠茶粉沖出嚟嘅， 落得多茶粉， 味道會濃…Read More

附近高檔同埋好食嘅選擇， 而且唔使點等位， 午市時段多數都冇乜人。 不過上菜就有啲慢， 當日一枱全部點西湯都還好， 其中一個點沙律， 結果有排都未到， 侍應都好似冇乜經驗， 唔識點handle。 結果據同事所講， 一直等嘅沙律都吃不下嚥。西湯唔錯， 野菌磨菇先攪拌好， 所以菇味濃郁， 質地比較杰， 頂得住，夠飽肚，但唔會太油膩石頭鍋飯熱辣上， 牛肉拼鵝肝， 鵝肝算有油脂味， 返咁多種濃味嘅食物配搭埋一齊， 重口味搭重口味， 感覺有啲浪費。 旁邊嘅辣醬， 都冇用過。但幾鍾意上面有啲一粒粒嘅脆脆。冷熱檸檬茶size 差唔多另外餐單有一個叫做男人嘅浪漫女人嘅風姿， 其實指 一個茶餐廳常見嘅飯再加一個中湯， 每日都唔同。 當日同事點嘅係蘿蔔牛腩飯， 同樣等咗非常之內， 但結果就非常之出色。 蘿蔔牛腩用一個瓦煲仔上， 兩種食材都炆得非常之淋， 雖則百零蚊， 好似貴過茶餐廳好多， 但佢又算係高質， 結果又幾抵食所以， 呢一度適合閒情逸致嚟食飯囉…Read More

一碗細滷肉飯一碟魚餅， 一杯無糖豆漿。 滷肉飯的滷汁只鋪一半，另一半嘅綠色植物，荷蘭豆物體？ 冇錯， 滷肉飯係有啲油膩， 一啖滷肉汁飯， 一啖荷蘭豆飯， 感覺會清新一點。 但滷肉汁真的略嫌太少， 去到後期有啲dry。燒魚餅就係照燒汁淋上一片片嘅丸類物體囉，無乜特別。唔好味嚟講， 朋友拼嘅台灣腸會比較好食。 不過話晒係外購食物，又點會容易出事呢。飲品叫咗一個無糖豆漿， 分唔清楚到底佢唔好飲在無糖， 定係豆味唔夠香， 有啲勉強。 如果對健康冇乜追求， 是但飲番檸茶檸水算不過工作嘅侍應哥哥姐姐非常好。…Read More

lunch 行唔遠， 但係選擇都有好幾個， 選擇紅螞蟻係因為佢嘅是日午餐， 必然都會有一個素食選擇， 但好幾次撞口撞面， 都係呢個依雲士素雞意粉。其實唔知道依雲士汁係乜嘢， 不過應該係花生醬做底， 味道再加少少酸味， 而素雞應該係麵筋做嘅， 反而感覺有啲滯。 所以如果素食選擇嘅話， 寧願係多啲雜菌呀多啲菜， 感覺再 fresh 一啲，清淡啲。另外， 相比起依雲士汁， 芝士汁會在香啲惹味啲。茶底唔算話太好飲， 冇足夠嘅回甘味以及層次。…Read More